南大門

營業中

休息中

相約朋友再次相聚鯉魚門南大門烹調海鮮酒家,預先訂了18號海景房,隔着玻璃望着維多利亞港吃海鮮另有番風味!我們也是在海鮮街點了幾款喜歡吃的海鮮,龍蝦,牡丹蝦做刺身,肉鮮味爽脆,鮮甜,好味到無法形容,龍蝦刺身師傅刀工很好,相信喜歡吃刺身的人都會感受到那種好吃的滋味.還有重點推介幾款海鮮煮得不錯的,椒鹽賴尿蝦,蒜香味特濃,蝦肉炸得爽脆,肉質鮮味非常之美味!還有油鹽焗蟹,蟹肉鮮甜,蟹膏有很香的味道.飯後,還有水果盤,南瓜薏米糖水送,服務也很好,下次還會再相約朋友相鯉魚門南大門

同屋企人食海鮮，四大兩小，要自己出面簡完海鮮叫佢送泥餐廳加工的，叫咗好幾樣，其中最推介下面呢幾樣！👍🏻芝士焗龍蝦伊麵，泥食海鮮基本上都會叫，難自己整丫嘛，加埋小朋友都啱食，佢呢度芝士同伊麵份量好足，龍蝦熱辣辣又好味，十分推介！👍🏻另外我自己好鐘意食嘅象拔蚌，叫咗刺身整法，同呀爸兩個人食晒一大碟😋👍🏻蒜蓉蒸蟶子，都係好好味，完全唔會過火侯，爽口鮮甜另外仲叫左蒸元貝、咕嚕肉、椒鹽瀨尿蝦等，都有一定水準，不過不失🙌🏻嗰晚掛住照顧小朋友無影到相，我食過幾間鯉魚門酒家，呢間整體最正！💕 會再幫襯！

透過openrice訂食過三次，佢雖然有講明坐窗邊位每位收貴$20，但係！！！我每次都有同佢講咗唔要窗邊位，坐中間位普通收費就可以。因為我係一家人去，最少都七八個人，最多就10幾人去，三次佢都話我坐窗邊，夾硬每人收貴$20。同經理公道講道理，即刻黑晒後面唔想服侍，想趕人哋走咁嘅樣。喺你哋度食幾千蚊野，好似好趕時間咁，又晦氣，下次都唔想黎食。啲下欄餐前小吃都百幾蚊，兩枱。表面就好似透明收費咁，其實陰啲陰啲收多啲錢。第一次食飯係好驚豔，之後越嚟越退步，仲開始偏鹹。不過提議，龍蝦煎米粉底幾好食，椒鹽鮑魚，辣酒煮東風螺都唔錯。不過態度真係令人非常失望。

去食海鮮好多時都好驚比人劏呢間南大門主打海鮮來料加工 唔會推薦海鮮店比你 自己出去揀 揀好就來加工 坐底左，出番去出面d海鮮鋪，揀左鮑魚、蟶子、本地青龍，比左紙仔d海鮮鋪，佢就會幫你拎來南大門。侍應會根據你叫左d咩，同你傾點煮好。今次侍應姐姐仲好好人，送左個海鮮湯同水果比我地。今次叫左枝白酒，價錢味道合理。本身來料好新鮮，加工豉味好夠，又唔會太咸。炒得真係好好。椒鹽鮑魚，炸得好脆，但味道偏淡，不過都好好食，係我重口味姐。呢個上湯龍蝦火粉底真係好好食。上湯味道唔咸又夠味。唔係酒樓果種好水又冇味既味精汁。送既水果～

訂左間房，海景一流！海鮮加工高質素自己買定海鮮去餐廳，餐廳會幫手加工。七時入座，上菜夠快，早啲到仲可以睇埋維港景色！姐姐服務好！食九道菜，有上湯龍蝦，薑蔥桶蠔，避風塘炒蟹，椒鹽鮮魷，白灼蝦，蒜蒸北寄貝，炒蜆等等… 會二刷！

之前同屋企人都係係流浮山食開，今次就埋姑姑一家係鯉魚門食於是網上搵book了南大門當日係29號房英姐serve我地，佢幾好招呼，幾funny，老人家係佢推薦下點左八道餸，食到全家飽到行唔郁哩間d海鮮幾新鮮，火候啱啱好唔會過老。炸蠔同豉椒炒野算有水準，味道正宗啱曬我地班後生食。老豆就嘴刁d專門食魚，好在條斑佢話夠曬魚味，見佢魚汁送飯都扒左兩碗，做仔算交到功課我自己就比較喜歡焗龍蝦加米粉底， 味道夠曬濃郁，d米粉索曬龍蝦湯汁十分好食，強烈推介哩道菜，英姐佢冇介紹錯要pin埋出黎先得。最後埋單人頭500，我發覺周圍食海鮮都係差唔多哩個價，但哩度有靚海景，英姐又好招呼，下次會再來

疫情過後，終於可以帶家人一齊去食海鮮了。一提起去鯉魚門，即刻book定南大門，以前經常去，環境不但好舒適，望看海景，廚房更是開放大玻璃透明化，可以見到廚師大展身手，侍應服務好周到，而且煮得又好食。今晚高朋滿座，呢餐好豐富，有紅燒鮑魚、椒鹽瀨尿蝦、芝士龍蝦焗伊麵、豉椒炒聖子、油焗奄仔蟹、一味兩吃石斑、椒鹽墨魚仔、蒜蓉炒通菜⋯還送了生果盤和南瓜薏米糖水。我地一家人都食得好滿足好開心，提議下次會再黎食過。

來香港就是要食海鮮，第一時間想到鯉魚門，朋友推介南大門，點咗熱門海鮮，印象深刻的大大隻阿拉斯加蟹 ，椒鹽賴尿蝦，豉椒炒蟶子.食物味道新鮮之余，環境仲好正，服務態度好好，特別霞姐同林小姐，下次再約埋三五知己再嚟過，品嚐其他食物

大概嚟咗5次左右，價錢雖然小貴，但質素絕對成正比。員工服務態度好，會主動上前同你傾計，嚟多幾次，甚至會認得你，送漁湯，甜品…..坐窗邊有大海景，今次嚟到落咗大雨，有啲可惜，但係適合一家大細過節嚟食最推介阿拉斯加皇帝蟹，一隻大到可以拆成三道送，蟹腳超淨，味道鮮甜多汁以往有叫龍蝦，不過今次冇，但係都幾推介椒鹽鮮魷超好食，好大份蟶子每次我哋都必叫，又大又甜東星班同蟹殼蒸蛋都唔錯，不過唔太推總體來講，四星，推

尼間餐廳由疫情期期幫襯到宜家 都食咗3，4次 睇住佢嘅質素真係直線下跌!!! 服務質素差 特別係啲打軚嘅經理 句句都凶住人咁! 我book咗枱8個人食飯 黎到叫我坐張4人枱 話最多加大少少俾你 我當下都唔知講咩好😅個經理就走埋黎話 “好宜家準定啦” 要我勉強坐落去咁俾幾千蚊黎食個海鮮 只係唔想食到好似快餐廳 所有野一次過上曬姐 叫佢2樣2樣咁上 都話唔得 一係又凶我話”你要預啲野要好慢先上到 到時要等唔好嘈” 真心俾錢黎食飯都想開心姐 但尼啲經理態度真係令成餐飯嘅質素大打折扣!! 黎食飯好似受氣咁食物質素就好一般 未去到難食 不過比起第一次黎食真係差得遠 淨係以上湯龍蝦煎米底就已經好大分別 以前食嘅煎米底係係真。煎米粉 今次嘅煎米底係變成炸米粉 (可能成本效益要快煮好？) 但其實個米粉底都要加錢囉🙃 汁又唔太夠咁🤷🏻‍♀️ 可能真係好似佢地啲經理話齋 佢地太好生意唔休做 多你一單生意唔多 少你一單又唔少 總之唔會再黎 太差勁

同屋企人去鯉魚門食飯, 由於自己去觀塘買海鮮帶去加工, 爬文後因為評分唔錯, 明碼實價及服務好, 所以選擇了南大門, 我枱範圍的服務員工作細心, 特別是翠英姐十分親切, 今次對鯉魚門食海鮮改觀了！至於來料加工海鮮入幾多出幾多, 有水準唔會overcook味道好滿意, 飯後的南瓜薏米糖水好好味。豉椒炒蟶子皇開邊上湯龍蝦米粉底酥炸生蠔油鹽水蜆清蒸海斑陳皮蒸鮑魚咕嚕肉南瓜薏米糖水自己帶酒加開瓶費買料連加工=人均500日落海景無價

今晚好開心阿哥生日, 朋友介紹我哋嚟鯉魚門南大門食海鮮, 由三家村牌坊開始一路行 都行左10幾分鐘 嚟到呢度近海邊真係好有特色 地方寬敞近海邊 可以望到對面海嘅西灣河 感覺好舒服 知來料加工味道10分出色 好食到唔停得口啊

全晚services 都非常好，突然9:15 左右男經理來單聲10 點鐘要關門，氣氛已經變了. 之後9:30 在門口眼神有點殺氣…. 之後9:47 叫全世界離埸！我最後也問了1 句！ 9 點幾就叫客走…. 他跟伙記叫仲要收什一個多少時.. 現今社會還是會發生… 生意太好了嗎…太差勁！ 永遠沒有下次！上帝都留不住！😬

龍蝦芝士伊麵🍜龍蝦味濃郁不膩，龍蝦新鮮有彈性。Yummy Yummy Yummy😍😍😍椒鹽瀨尿蝦，肉多，新鮮，有點小辣.喜歡吃辣的應該會喜歡😍也很不錯nice

這天我們一家book 了28 號房慶祝家人生日，所有服務員態度非常好，特別係袁翠英服務員招呼周到，非常親切。加工食品也有水準，好有鮮味。我們一家都非常滿意。期待會再次剛顧🥳👍🏻