協奏坊西餐廳

營業中

休息中

依家好多酒店既餐廳都會推出一啲午市自助或半自助餐比酒店客人或walk in 享用☺️今次經過珀麗酒店既協奏坊西餐廳 有超高性價比既半自助午餐 平日只需$168 加一就可以享受到一款主菜再加 自助沙律吧 中式泰式湯 熱食 甜品 飲品 等等美食今次叫左兩款主食 分別係：香煎藍鱈魚柳配香橙莎莎份量都幾多 魚味好出同新鮮 配上 香橙莎莎 有種清新既開胃感🥰煎封油鴨腿伴紅酒汁油鴨腿味道突出 表面看似比較乾身 但廚師用左煎封方式烹調 鴨肉鬆軟而且 肉汁豐富 配上香草🌿薯蓉令口感再升一個層次😍自助餐區 食物種類都幾多 就禁睇都有8款唔同既食物 有 扒類 菌菇類 炸物 等等 味道都唔錯😋另外重有甜品吧 朱古力噴泉 同 雪糕 岩曬小朋友同屋企人食

朋友帶我位於銅鑼灣珀麗酒店協奏坊SEMI BUFET，餐廳最近做緊泰式風味推廣，就帶我泥試下！自助部份沙律、中泰式湯、熱盤、甜品供應！沙律都幾多選擇有雜果、生菜、紅菜頭沙律等等，泰式湯係椰子雞湯幾有驚喜，椰子香味十足，入口帶酸酸甜甜好醒胃！主菜部份有泰式煎獅魚、燒豬鞍扒配露絲瑪莉同香葉肉碎飯，另外都可以加錢升級至牛扒簡單地先焗後煎，再配合些少調味已經好好味，豬鞍肉質juicy嫩滑，一入口充滿啖啖肉汁！另外香葉肉碎飯平凡但炒得惹味香口， 香噴噴熱辣辣，十分夠鑊氣， 濃郁的香葉味道帶些辣勁， 加上流黃的荷包蛋，賣相一流， 拌飯一流另外甜品都有蛋糕🍰、雪糕、朱古力噴泉等等

今日帶媽咪食半自助buffet～～～今期係泰式風味菜餚🇹🇭🇹🇭🇹🇭兩個人主菜就係三選二一個係豬鞍扒加薯蓉平時食開牛扒，冇諗過豬扒都可以咁鮮嫩多汁，表皮煎到好香脆，鎖住肉汁嘅水份，值得一試👍🏻👍🏻👍🏻第二個係拣咗肉碎煎蛋飯呢個就中規中矩啦～都好食嘅👍🏻👍🏻沙律中式泰式湯熱盤甜品咖啡和茶呢啲全部可以任食～～～😝因為係酒店內嘅西餐廳所以環境都幾好～不過就細咗啲職員服務友善～會主動收碟最重要係兩個人食飽飽買單都係300+呢個價錢呢個環境冇得輸！

喺港島區以百多元就可以食到酒店半自助既午餐都幾happy架😛😛呢度環境空間感充裕，職員都幾有禮貌～最近酒店既午市半自助餐做緊泰式主題我同朋友分別要左鱈魚柳同油鴨脾做主菜，前菜沙律、湯品熱葷同飲品甜品就以自助形式供應😚😚我既鱈魚柳配以酸酸甜甜既莎莎醬，味道醒胃朋友亦話佢嘅鴨脾都唔差😆😆特別推薦呢度既椰汁雞湯，香濃得嚟又順喉，仲好有泰式風味添！！！熱葷方面必食黃咖喱豬頸肉黃咖喱香而不辣，豬頸肉食落爽嫩，正👍👍👍甜品既選擇都幾多樣化～既有泰式糕點、小蛋糕同奶凍布甸又有朱古力噴泉同新鮮生果💕仲有四款不同口味既雪糕添🤤🤤🤤自助飲品就有熱茶同熱咖啡，當然有埋檸檬同奶啦最估唔到仲有涼茶，感覺即刻養生咗🤣🤣

香煎藍鱈魚柳配香橙莎莎$168 (星期一至五，包半自助餐)$188 (星期六日及公眾假期，包半自助餐)味道幾好，魚柳煎得啱啱好，外面酥脆，入面啲魚肉好鮮嫩，加埋薯蓉同香橙莎莎，食落清新味美。燒肉眼牛扒配燒汁 (主菜價+$78 升級)牛扒比較大件，底下有薯蓉，西式牛的肉感比日牛硬身但牛味會比較濃，所以可以唔點燒汁就咁食。半自助餐午餐係連半自助餐。自助餐有好多選擇，有肉丸、中泰式熱湯、沙律吧、串燒、麥樂雞薯條、雪糕甜品等等。特別一提係肉丸同麥樂雞，肉丸鬆軟多汁，熱辣辣麥樂雞配搭泰式辣醬😋薯條就略嫌凍左啲。自助餐菜式以午餐黎講都夠哂選擇，呢個價錢黎講算係抵食，啱哂鍾意食多啲野嘅人。菜式午餐黎選擇多，環境優雅寧靜，餐枱與餐枱之間空間大，同幾個朋友人傾計幾好。如果你想係一個優雅嘅環境食飯傾吓偈，呢間餐廳都係一個唔錯嘅選擇。

性價比超高嘅半自助午餐😛位於銅鑼灣嘅香港珀麗酒店2樓，協奏坊西餐廳最近有個泰式semi lunch buffet ，平日黎食，$168 加一，可自選主菜，餐廳設有自助沙律吧任食任添。主菜揀左香煎鮟魚柳配牛至汁，魚柳可惜煮得太耐，如果可以嫩滑少少就完美了。另一道主菜揀左黃咖喱海鮮飯，呢個反而有驚喜，辣度適中，幾惹味。泰式椰子雞湯好足料，呢個不錯。這個價錢，人均200左右，可以吃到飽，有主菜、沙律、甜品、雪糕，真的性價比很高！附近上班的朋友絕對可以來吃個午餐～很滿足的一餐。

在大坑一角的 sonataLunch buffet超級實惠大概正午就看到似是附近居民來吃brunch 大部份都是長輩級別看來識食的前輩長者多的是到大概十二半左右便開始見白領們進場午餐能這樣吃也是種放鬆的方法百貨應百客這邊來串門的客路相對較廣遊客、OL上班族與居民都有所以Semibuffet 的餐牌雖然簡單但也算是多元化雞、魚或牛，也有意粉、飯與串燒燒雞脾啖啖肉，正常發揮份量不算多但有自助區的小吃點綴要求不高的話其實經已夠吃飽這邊大概比較遠離市區所以想慢慢坐著吃也不錯整個用餐步調很慢條斯理還可以等消化過後才到甜品section吃雪糕與mini cakes還有朱古力噴泉這小綽頭

餐廳隨著翻新工程完成,全身嘅協奏坊西餐廳氣氛充滿熱鬧,提供豐富新鮮食材,融入廚師創意嘅佳餚菜式,餐廳翻新後約朋友上去再食過,餐廳環境面積都算大,地下黑白色格仔階磚配黑色有啡紋的大理石餐枱,天花掛上大大的吊燈,枱與枱之間寬敞,座位坐得舒適。湯有中式涼茶和泰式椰子雞湯, 雞湯材料十足，有超級多椰子，好濃郁嘅椰子味, 好鮮甜唔肥膩，必飲！沙律吧放款不少美食,有青瓜圓肉車厘茄,釀鮮菇,溫室蔬菜,薯仔沙律,配有沙律醬和芝麻醬選擇。熱食有咖哩豬扒,排骨粉絲,薯條,雞寶,麵包。午市餐廳提供半自助午餐,主菜有香煎鮟鱇魚柳配牛至汁,魚柳經廚師烤煎過後,肉質嫰滑好香口,配有蔬果和薯蓉。慢煮雞全髀配香草醬,雞髀經過慢煮後,肉汁十分嫩滑,再配香草醬非常入味。另一邊廂有蛋糕甜品,班蘭蛋糕,朱古力蛋糕, tiramisu蛋糕,仲有好滑嘅綠茶奶凍朱古力噴泉,生果有菠蘿,哈密瓜和西瓜,再隔離有咖啡,奶茶,熱奶,凍奶和檸檬任君選擇。

今日一嘗 semi lunch buffet 同朋友去左銅鑼灣珀麗酒店價錢合理 食足兩個半鐘 可以慢慢坐慢慢傾計😌 環境非常舒適Main course 我就揀左香煎鮟潮魚柳配牛至汁✨煎得岩岩好 唔會太乾 配合埋個汁 非常夾個底仲有薯容 望落細細碟但都好飽肚👍🏻而朋友揀左慢煮雞全脾配香草醬✨個雞皮煎到好脆口唔油膩 配合香草醬亦都非常香 底下亦有薯容搭配😋每日既main course 都會有唔同 可以打去問左先 👍🏻湯亦都會每日唔同 Salad 🥗 水果 🍉🍍甜品 雪糕🍦雪糕都有4種口味選擇都可以任食🤭

📍Sonata Western Restaurant 📍💡銅鑼灣今日去咗銅鑼灣行街，見到珀麗酒店有做semi buffet lunch ,價錢又幾抵，即刻捉埋朋友入去試吓😍 12:00-14: 30慢慢嚟吹吓水都係$168/ppl主菜方面，我揀咗香煎鮟鰊魚柳配牛至汁 同 慢煮雞全脾配香草醬.鮟鰊魚柳表面煎香，但肉質keep住鮮嫩，配上牛至汁，感覺上似淡淡忌廉汁都幾夾而雞脾用左慢煮方法，雞肉充滿肉汁鮮嫩，唔會鞋口，啖啖肉啖啖香草香😆好食仲有沙律區，健康人士真係岩曬，小麵包、前菜沙律、龍眼、蕃茄仔熱湯方面有是日中湯，粟米湯同泰式椰汁雞湯熱食區有炒飯、薯條、麥樂雞甜品區種類都幾多，雪糕有維記四隻口味，最愛都係朱古力有碎碎。仲有個朱古力🍫噴泉可以俾你點棉花糖或者蛋糕仔，好滿意。蛋糕都有幾款簡，因為而家做緊泰式風味，仲有啲千層糕、班蘭蛋糕🍰都幾特別隔離有個飲品區，有茶、水、檸檬、奶等俾你哋自己沖👀呢個價錢食到咁多嘢，又坐到咁耐真係好抵😆

當食普通質素的cafe洗費也要百多元，今日竟然發現銅鑼灣的酒店有二百元有找的半自助餐😍酒店坐落維園對面，交通亦算方便，餐廳位於酒店2樓，一出升降機門，黑白階磚地面映入眼簾，加上墨綠色的卡座和椅子，營造出古典懷舊風💚🤍🖤半自助餐包括自選主菜、沙律吧🥗、中式泰式湯、熱盤、甜品、咖啡/茶（供應時間：12:00-14:30）星期一至五 $168星期六、日及公眾假期 $188💚🖤🤍💚🖤🤍💚🖤🤍💚🖤🐟香煎鮟鱇魚柳配牛至汁鮟鱇魚柳平日較少機會於西餐廳食到，多數於居酒屋才看到鮟鱇魚刺身或鮟鱇魚肝，想不到魚柳部分煎香都很好吃，魚肉跟一般煎魚柳質地不同，口感較結實不鬆散，而且膠質重，充滿彈性，膠原蛋白豐富😆自助區麻雀雖小但五臟俱全，冷盤方面沙律吧有齊2款生菜🥬、雜果沙律🥗、椰菜花沙律🥦、車厘茄和cold cut，以上種種都十分新鮮，refill速度也很快👍🏻熱盤方面有中或和泰式湯選擇，今日精選的泰式椰子雞湯十分有驚喜，椰漿香味濃郁，而且十分足料，整煲湯都充滿香茅、檸檬葉、椰子和雞肉🐤小食區有炸雞件和炸薯條，薯條上的調味粉帶少許微辣，十分香口惹味，應該會深得小朋友喜愛😆熱葷有炒飯和雲耳魚柳，如果食量大既朋友

有時同朋友high tea坐低慢慢食傾吓計都幾開心，今日同朋友去咗柏麗酒店食下午茶set，都幾精緻，價錢都可以接受嘅180一位。🍴Afternoon Tea Set甜食有馬卡龍、百香果芝士蛋糕、朱古力慕絲、士多啤梨奶凍、英式鬆餅同埋泡芙，每一款都唔錯，個人就鍾意朱古力慕絲，甜度適中，朱古力味好濃！鹹食有水牛城雞翼、鵝肝慕絲多士、煙三文魚cream cheese、芝士條、巴馬臣火腿配蜜瓜，如果芝士條可以再熱啲就好啦！巴馬臣火腿配蜜瓜都唔錯，蜜瓜夠甜！飲品方面我哋就叫咗熱咖啡同埋英式早餐茶，咖啡值得一讚！

AFTERNOON TEA SET $180/位Smoke Salmon withcucumber Cream Cheese Roulade煙三文魚卷青瓜忌廉芝士Baked Scone WithClotted Cream英式鬆餅配奶油忌廉Parma Ham Melon意大利風乾火腿蜜瓜Passion Fruit Cheese Cake熱情果芝士蛋糕🍰Foie Gras Mousse with Cucumber鵝肝慕絲配青瓜Cream Puff忌廉泡芙Spicy buffalo wings水牛香辣雞翼Chocolate Mousse Cake特濃朱古力慕絲蛋糕🎂Deep Fried Cheese炸芝士條Panna Cotta withstraw berry sauce意式奶凍配士多啤梨汁即磨咖啡 + 伯爵茶呢個afternoon tea set每逢星期六日及公眾假期15:00-17:00提供！味道：😋😋😋😋 4/5環境：😋😋😋😋😋 5/5服務：😋😋😋😋 4/5價錢：😋😋😋😋 4/5翻食：😋😋😋😋 4/5

週末放假約朋友去食野、見呢間酒店有semi buffet lunch，價錢非常合理之餘有成2個鐘食+飲，絕對係邊食邊傾好地方😆【salad、水果任食！】任食種類主要係salad菜、水果、甜品、炸物等。個人推介沙律菜，因為都幾爽香同fresh，而且都refill得快！另外仲有甜甜的蕃茄仔任食。最有驚喜嘅係菠蘿，甜甜地幾refreshing！仲有外面有牛肉、ham攞，水準都唔錯的。【調味唔錯嘅main】主食方面，師傅都幾用心去做好調味，份量亦適中，唔會太多或太少，絕對可以去食多d semi buffet 食物！🐟香煎辣吞拿魚柳配青口 $188- 吞拿魚厚厚的，下面配上少辣濃蕃茄味嘅雜菜如南瓜、蘿蔔、菜等，味道幾特別。🎃 南瓜蟹肉意大利飯 $188- risotto比較淋texture，上面真係粒粒蟹肉加上滿滿南瓜香、再撈上甜甜地嘅紅椒粒，幾好食。 以呢個價錢來說，有semi buffet的確幾抵食了，值得一去～

好耐無約閨蜜聊聊天👭早早就約定星期六去銅鑼灣珀麗酒店二樓既「Sonata Western 協奏坊西餐廳」, 佢地逢星期六日同公眾假期才有既Afternoon Tea Set 🫖☕️，每位$180 另收加一（15:00-17:00），喺銅鑼灣既星期六可以無限時咁坐慢慢食慢慢傾，依個真係不二之選！同平時既Afternoon Tea Set 一樣，分三層由咸至甜咁食落去，頂層咸點分別有鵝肝慕士配青瓜、意大利風乾火腿青瓜、煙三文魚卷青瓜忌廉芝士、炸芝士條同水牛香辣雞翼🙂最喜歡係鵝肝慕士配青瓜，完全無油膩既感覺！！我覺得甜點相對有驚喜，熱情果芝士蛋糕微甜帶酸味道啱啱好，特濃朱古力🍫慕絲蛋糕真係好夠香濃又好滑，奶凍夠香夠凍配士多啤梨汁夠醒神💖底層有忌廉泡芙、馬卡龍同英式鬆餅配奶油忌廉，三款我比較喜歡鬆餅，牛油味不會過重！！套餐包括二杯飲品，我地選咗左伯爵茶同甘菊茶🫖☕️我幾喜歡依到個環鏡💕樓底夠高感覺舒服😌，如果大家想靜靜傾計食下野，Sonata 的確係一個好選擇！