千海水產海鮮火鍋放題

營業中

休息中

呢一間前排熱度好高嘅任食新鮮海鮮放題，開張之後幾個月再到訪，熱度仍然未減，我8:30入座依然係全場爆滿，可見呢度嘅性價比滿滿，個個客人都黎番兜！兩小時任食各種新鮮海鮮🦐、靚牛肉🐮、火鍋配菜🥬、飲品甜品🍨，成人每位價錢都只係$348！大家嚟到嘅焦點一定係餐廳嘅自助撈海鮮區域，裏面嘅所有海鮮都非常生猛，而且仲會不停補貨無限量任撈任煮！咁多款海鮮入面我最推介嘅就係大頭蝦 同埋 鮑魚，大頭蝦隻隻都爆膏，肉質非常結實啖啖肉，勁推介大家攞多幾隻🤣🤣回本完全冇難度啊！！另外一定要講吓佢哋嘅甜品區，除咗有多款蛋糕、糖水之外，今日我仲見到有四款口味嘅Häagen-Dazs都係任食，食咗三杯先肯走，肯定回本！😌😌

今次到訪香港最近好Hit嘅火鍋放題，見到個自助海鮮區就知係邊間啦！三點蟹、白蟹、藍蟹、花蟹、基圍蝦、大頭蝦、九節蝦、鮑魚、沙白、白蜆、花甲、花螺，即撈即食，有專人幫忙清洗，蟹肉啖啖肉，鮑魚爽彈鮮甜，蜆大粒飽滿，大頭蝦勁多蝦膏，建議叫埋個龍蝦頭湯，香氣四溢，煮海鮮無得輸。熟食選擇多元化，QR code落單有鵝肝厚多士、燒鮮蠔、燒乳鴿、羊架、鮮奶卷、醬爆糍粑、芝麻雞翼、鰻魚、比目魚、海燕窩椰汁燉木瓜等，全部新鮮熱辣辣，炸物外脆內嫩，燒物煮得啱啱好。記得要留肚食自助區嘅食物呀，尤其是係燒榴槤同自家製牛奶雪糕，前者外微焦內軟綿，後者牛奶味出，凍冰冰好解膩，好飽好滿足。

屋企人之前去淘大食完千海水產就一直話好正，想帶我去，結果佢成日周圍飛，夾唔啱佢時間，唯有自己去試吓😆呢間餐廳真心唔錯，食物款式好多，有普通邊爐、放題，仲有自助新鮮即撈海鮮，數過有六款蜆、三款蝦、一款蟹，仲有鮑魚添。而且就算夜晚七點後比較多人，啲人都裝滿一羅羅嘅海鮮，因為keep住有職員補貨，所以海鮮區一直有滿滿嘅貨源，唔怕行慢啲俾人搶晒🤣估唔到竟然仲有依家時令嘅榴槤😱我至少食咗五嚿🤣由於係燒榴槤，所以軟軟糯糯，好甜，好好食食食吓正餐我又去咗食甜品😗呢度竟然有Häagen-Dazs，仲有我最近好鍾意食嘅焦糖脆餅同夏威夷果仁味道❤️開心～而且呢度有勁多款飲品，有罐裝、紙包、支裝飲品、台式飲品、啤酒、生啤、清酒，應有盡有，任供選擇🍸By the way佢哋嘅木瓜雪燕都好好食，上枱時仲係暖笠笠架而且呢度嘅職員真心好好服務，而且好幽默，我哋熄咗個爐，想再開返，開極都開唔到，所以搵人幫手。佢睇一睇，輕輕打一打個爐，同我哋講個爐係男仔，要打一打先着；如果係女嘅，就要呵一呵🤣🤣🤣後續都有關心我哋睇吓我哋啱唔啱食，個爐仲有冇唔聽話😆而且就算夜晚人流開始多，收盤速度都算快，又有人情味，真心幾欣賞呢度嘅員工，

講到新鮮又點及自己撈，入到去已經比魚缸所吸引，裏面有唔同款式但係同樣生猛嘅海鮮！推薦大家要試一試大頭蝦、花甲。放咗入個筒之後交俾職員，佢就會幫你清洗乾淨。咁就食得更加乾淨同放心(・ω・)ノ湯底方面有九款，雖然小編本身都係重口味人士，但為咗品嚐海鮮嘅鮮甜，就揀咗：椰子雞以及蟹黃海鮮湯，兩個湯底各有千秋，椰子雞相對清甜少少；蟹黃海鮮湯真係滿滿嘅蟹黃肉喺湯底裏面，相當鮮甜，而且小編仲覺得好襯肉類、海鮮以及蔬菜🥬就算唔鍾意食海鮮嘅朋友都唔需要過分擔心，因為佢都有一系列嘅熟食以及肉類🥩熟食方面更加有鵝肝多士、乳鴿、燒蠔，以上三款都係誠意推薦，特別係個乳鴿，真係熱辣辣皮脆內嫩，最重要係落單2分鐘內都已經送上枱，可以話非常快手添～而出邊嘅自助區都有一系列嘅蔬菜、丸餃類，整體偏向台式，例如會有蛋餃、燕餃、王子麵、珍寶蟹棒以及難得一見嘅冰菜！再加上榴槤呢排係時令嘅水果，餐廳更加提供焗榴槤，見到其他食客都食得津津有味。飲品同甜品亦都款式多多，連酒精飲品亦都包含喺放題之中！！！

終於都第一次幫襯呢間人氣海鮮放題啦。一直都好想去試吓呢間有生蝦活蟹嘅放題。生嘅有活蟹，生蝦，蜆，大蠔，澳洲M5和牛，牛肩肉，豬梅片。菜類都有羽衣甘藍同花生苗。熟嘅有羊扒，燒蠔，焗榴槤，鵝肝多士，燒比目魚，蒲燒鰻魚，燒牛舌，乳鴿。生果有西瓜，哈蜜瓜，柑，紅毛丹。甜品有軟雪榚，乳酪雪條，蛋撻。好抵食無投訴，會再幫襯！實在有太多野食，我只列出我地有食過嘅野。呢間野補充嘅速度都ok, 野飲選擇都多。掛住傾掛住食，食蝦蟹時隻手唔方便影相，所以海鮮無影。失敗。

$766@二人埋單🩷食兩個鐘 但我覺得因為又要出去攞海鮮又要等一陣 我覺得其實可以多番半個鐘會食得冇咁辛苦冇咁急😆雖然佢可以加多60蚊一個人食多一個鐘。但係食物嘅質素都ok。希望海鮮內可以多返啲大啲嘅螺同埋蟹嘅種類都可以多一種或者兩種。熟食串燒反而冇咁特別。我覺得嗰個木瓜燕窩甜品幾好清清地唔係好甜💞生蠔都ok嘅好大隻。個花膠配個雞湯係正嘅🩷😘重點係食完啲嘢唔夠時間食水果😢😢😢😢見到有我最愛嘅荔枝😅😅甜品雪糕種類都好多 有häagen-dazs😏

千海水產係九龍灣人氣即撈海鮮火鍋放題，環境寬敞乾淨，座位舒適，適合一班朋友或者家庭聚會。自助區海鮮超新鮮，仲有專人幫忙清洗同處理，食得放心🫶🏻.🐷多款即撈海鮮有三點蟹、鮑魚、羅氏蝦、花蟹、花螺、九節蝦等，海鮮新鮮度高，鮮甜彈牙，最鍾意三點蟹同鮑魚，食落超滿足。重點係店員可以幫手洗海鮮，確保啲嘢食新鮮之餘乾淨衛生，亦都可以提升食物嘅質素同埋口感！.🐷火鍋湯底湯底選擇多達9款，椰子雞鍋特別香濃，湯底鮮甜，啱晒想補身嘅朋友。花膠湯底就啱晒咁多位鍾意美顏嘅女士～兩款湯底嘅味道都好濃郁～其中一位小編甚至連豉油都唔使點～.🐷火鍋肉類有澳洲M5和牛、美國牛肩胛、澳洲羊肉、美國豬梅肉，牛肉質嫩味濃，M5和牛尤其出色，入口即化！手機QR code就可以落單，食肉獸可以量力而為，然後食到回本😹😹.🐷炸物燒物一樣都係QR code落單，試咗燒乳鴿同鹽燒牛舌，兩款都幾香口，炸物炸得脆口，配埋火鍋一流～出面自助吧枱都有少量嘅炸物～.🐷甜品同飲品甜品選擇多，包括海燕窩椰汁燉木瓜，滋補又香甜。飲品有多款冷泡茶、生啤、果汁，選擇豐富。同埋亦都有個甜品櫃，都有好多款細細件嘅蛋糕仔或者其他好精緻嘅甜品🍧.🐷自助區配料丸類

千海水產火鍋放題千海水產火鍋放題提供豐富選擇，無論海鮮定係肉類，都令人感受到新鮮味道😆😆😆非常適合同朋友或者家人聚餐，呢次叫咗龍蝦頭火鍋湯底，非常有鮮味🤩🤩🤩澳洲A5和牛澳洲A5和牛肉質極為鮮嫩，油花分布均勻😛😛😛入口即化，再搭配湯底，令風味更上一層樓🐂🐂🐂新鮮海鮮新鮮海鮮如鮑魚、沙白、美國蜆和蝦，均展現了海洋鮮美🦞🦑🐙🐟烹煮後海鮮肉質彈牙，鮮甜令人回味無窮，完美提升火鍋味道🤤🤤🤤 不得不提，自助撈海鮮區域會不停補貨，無限量任撈任煮架😋 食幾多都無任歡迎😚中式點心中式點心多樣性為火鍋增添豐富既選擇，無論是燒賣定係蝦餃🥳🥳🥳每一口都帶來非凡風味，令人驚喜連連🙌🏻🙌🏻🙌🏻炸物炸物酥脆口感為火鍋餐點增添唔同層次，其中香脆的鮮奶卷及芋泥球😛😛😛外皮同內部鮮美形成完美對比，作為小食非常受歡迎✌🏻✌🏻✌🏻各式甜品各式甜品無論是泡芙定係小蛋糕🧁🍨🥧甜品清新同美味為都餐畫上左完美既句號👏🏻👏🏻👏🏻哈根大師雪糕哈根大師雪糕濃郁口感令整體用餐體驗增添左奢華感，選擇多樣🤤🤤🤤無論是焦糖定係朱古力，都能令人感受到甜蜜滿足🤩🤩🤩

餐廳的自撈海鮮區，實在太吸引了，廚房還會不停地無限量添貨，保證夠吃～海鮮自撈區～海鮮都是生猛新鮮的，有蟹、鮑魚、蝦、蜆、花甲、東風螺等，選擇超多，還有提供擦洗斬件服務～熟食～都有很多選擇，需用手機下單，有乳鴿、比目魚、鵝肝多士、芝麻雞翼、羊架、鰻魚及燒蠔等也有，食物上桌時均是熱辣辣，熱點高，味道也很不錯～甜品～有一個放滿甜品的多層雪櫃，馬卡龍、布朗尼、芝士半熟蛋糕、3.6牛乳布甸及豆腐花等，再走數步，還有知名品牌雪糕及雪條等，款式甚多～飲品～除了雪櫃的基本凍飲外，還有羅漢果茶、燒酒、白酒、甘蔗汁、梅酒及果汁等，羅漢果茶香濃不太甜，剛剛好，很好喝～

終於叫到老公同我去打邊爐🎉，心心念念左好耐，一路都好想去食啲間！因為我真係勁鐘意食海鮮🐟🍤又鐘意打邊爐🤗🤗🤗啲到一次過可以滿足曬我既願望✨，因為餐廳自助撈海鮮區真係會不停補貨🦞，仲要係無限量任撈❣️食晏時間到達🍽️，好彩一早訂左枱，真係好多人齊齊等位👥！部份以QR code 📱落單，湯底有好多選擇，我就㨂左金湯花膠雞鍋湯底🍲，味道都好濃郁😋肉類方面，有澳洲M5和牛🥩、美國牛肩胛、澳洲羊肉、 美國豬梅肉，牛肉質嫩味濃，M5和牛真係超級推薦👍，肉質軟嫩，又淋又有牛肉味！ 炸物燒物🍗，燒乳鴿、鹽燒牛舌、鵝肝多士，炸物都炸得脆口，配埋火鍋真係一流🔥 而出面自助吧枱都有好多熟食🍜，點心、小龍蝦、榴槤，都好喚水引~自助區仲有超多選擇🥦：超多款不同既丸類、餃類🥟，仲有好多款蔬菜、菇菌🍄，配埋火鍋真係超正👍。海鮮區🐚 鮑魚、螃蟹🦀、大頭蝦、基圍蝦同埋多款貝類 所有海鮮都好新鮮🍽️，在場仲有工作人員即時清洗海鮮，食得放心！而且全部都有教淥幾耐，按時計算🕑，淥完非常鮮甜美味😋，口感極佳！ 佢哋有好多大大隻嘅生蠔同埋帶子🥢，雖然唔係自己撈上來，但係質素都好好，十足鮮味🐚，不過記住唔好煮太耐⏳，如果唔係嘅話就

即撈海鮮火鍋放題店！除了海鮮、火鍋、熟食、甜品、水果，都有得吃餐廳有個類似海鮮檔嘅位，各款生猛海鮮俾你任撈，淨係蟹都已經有四款：青蟹、白蟹、花蟹、三點蟹，蝦有我最鍾意嘅大頭蝦，肉質爽彈又多膏，貝殼類就有鮑魚、花螺、沙白、大蜆等，撈完仲會有專人幫你清洗乾淨，食得安心。除咗主打嘅海鮮，仲有多款火鍋料，澳洲M5和牛、生蠔、毛肚、脆肉鯇等，一啲平時少見嘅，好似田雞、雞子、響螺片等等都可以試吓。熟食方面有乳鴿、羊胺同鵝肝多士！即叫即燒，每次加單都係熱辣辣。飲品主打有清酒、啤酒、椰青水，連珍珠奶茶都有。甜品更加足足有2大個雪櫃，泡芙、芝士蛋糕、Tiramisu、豆腐花，應有盡有，雪糕就有Häagen-Dazs同MÖVENPICK兩大牌子。

$288任撈活海鮮＋M5和牛＋鵝肝多士＋任飲清酒！🤯 🌊即撈即煮！8米海鮮缸任你玩全港首創活海鮮放題真係癲到爆！💥 鮑魚、蝦、蟹全部生猛到扎扎跳🦀，撈起即刻有專人幫你洗乾淨～ 海鮮會不停補貨，無限量任撈任煮！必試爆膏大頭蝦！🥩澳洲M5和牛輕輕一灼就食得，牛味濃～仲有生蠔、脆炸響鈴，全部任食！ 🍤熟食區驚喜！鵝肝多士＋乳鴿王🍞鵝肝多士外脆內軟，鵝肝油香濃郁。🐦燒乳鴿皮脆肉嫩，一咬爆汁！仲有麻辣小龍蝦、蒜蓉燒蠔，選擇超級多！真係抵到爛！🍨雪糕控有Häagen-Dazs同多款唔同雪條。

至愛海鮮嘅我又怎可以唔再來呢今次係第二次食都一樣覺得物超所值首先自己喜歡那種海鮮就自己撈~撈完由專人幫忙清洗活海鮮有~3種唔同品種的蝦,蟹又有3種,鮑魚,大蜆,花蛤……火鍋類本人特別推薦有~和牛,牛肩胛,大大隻嘅生蠔同脆鯇魚片……熟食必食~乳鴿,鵝肝多士,羊胺,比目魚,燒蠔,燒鰻魚,藤椒魚皮……甜品~喜歡食榴槤唔好錯過烤榴槤,海燕窩椰汁燉木瓜,樽裝楊枝甘露無論熟食,火鍋類,甜品,生果,飲品嘅種類都真係非常多大家絕對唔怕會比人撈曬啲海鮮~係源源不絕地出不過如果可以多少少時間食就更好

第3次嚟食千海水產 4月已經嚟咗2次我都好佩服自己😂12:00入座$288/位再加一上2次食2個鐘都覺得唔夠時間唔夠喉今次午市嚟食可以食耐D但可能食第3次已經好熟大概知道點食2個鐘已經夠晒今次嘅蟹都係好大隻！2個人食咗3隻蟹 10幾隻大頭蝦 仲有一兜蜆湯底揀咗椰子雞湯底 食過幾次有經驗因為蟹比較大 一個鍋底一鑊過就最爽火鍋食材今次連貴妃蚌都有 平時出面食要百幾蚊一份4隻左右今次有食個蠔 好大隻 好似台山蠔或者美國桶蠔Häagen-Dazs雪糕有幾個味都好正 都係任食！

終於有時間去大熱嘅「千海水產火鍋放題✨」，餐廳座位寬敞，可以自己撈海鮮，任撈任食，新鮮又好味，平日午市3小時任食火鍋放題都係$288起，性價比十分高，難怪咁旺場👍🏻餐廳自助撈海鮮區域會不停補貨，無限量任撈任食，十分滿足❤️ 即撈嘅海鮮有鮑魚、貝殼類、鮮蝦、蟹等等，款款新鮮。另外可點選嘅火鍋配料有牡蠣🦪、青口、帆立貝等等，任點任食。除咗火鍋配料，仲有多款熟食，西京燒比目魚、川味燒鮮蠔都係必食之選。鐵板鵝肝多士及燒乳鴿王都非常好味。鍋放題唔少得豬、牛、羊、雞肉等等，澳洲和牛及美國牛肩胛都好高質素超值嘅價錢，高質嘅食物，款式又多，令人十分滿足，啱晒我大胃王。