千杯串居酒屋

營業中

休息中

朋友推薦呢間居酒屋， 元朗廣場附近， 話生啤買一送一， 仲要係日本啤sapppro ‘。同時想食簡簡單單的日式定食，串燒等等*濃口醬烧伊比利学豚肉片-大量洋蔥同濃厚既醬汁，入既既豬肉片，十分好下飯呢。*蟹子沙律份量多，開胃，最佳飯前小食*汁烧活鱔香味十足，厚肉，*BBQ炒牛肉定食。簡單的日式定食， 食得飽飽，大啖飯大啖肉，滿足。茶碗蒸，仲有一小小甜品。依家3點後入座-六點前離座主餐牌仲有85折， 生啤有買一送一，最岩下就去chill一下，同朋友吹下水🤩

位於元朗的一間高質居酒屋🏮餐廳時常爆滿每次經過都好熱鬧餐廳食物選擇類型多刺身、串燒和拉麵🍜等都有燒油金魚鮫🐟 ($118)外皮燒到金黃香脆食落充滿魚油香而且肉質肥美又嫩滑非常好食鹽燒手羽🐓4 隻($56)雞翼同樣燒到好香脆而內裹就保留到豐富肉汁表面簡簡單單用鹽調味已經一絕而且雞翼已經開咗邊非常方便食用牛舌($38)牛舌🐂夠厚身生熟度燒得剛剛好唔會過韌原條魔女茄子🍆($68)一上台相當震撼超大條茄子上面鋪滿大量肉碎帶點微辣🌶️超惹味雞白湯火焰牛拖羅拉麵🍜 ($92)牛肉份量好多😍經火炙之後牛肉味相當突出油香味融入湯底非常特別而麵身亦夠爽彈整體食物質素好好感受到餐廳用心製作每道菜式而且餐廳現時仲做緊優惠3-6點前離座，生啤🍻買一送一及主餐牌一律85折大家唔好錯過啦！

今晚經過門口比個日式居酒屋風吸引到，既然未有假期去日本，就試吓呢間日本菜啦。店舖佈置很有日本居酒屋風格，餐廳不算太大，除咗室內座位，另設有戶外四人高台，方便攜帶寵物客人享用。餐牌上種類不少，除咗前菜、沙律，仲有生蠔、刺身、不少串燒、天婦羅、小食、拉麵及鍋物。今日同朋友都想食壽喜燒，所以每人叫左一鍋西班牙黑毛豬鍋 $138（日本手打烏冬）+$15黑毛豬口感柔嫩，配菜不少，有娃娃菜、南瓜片、秋葵、冬菇、蘿蔔、豆腐、粟米等，配埋甜甜地嘅壽喜燒湯底，好開胃。美國安格斯牛肩脊鍋 $168（套餐：手打墨魚滑、生蛋、白飯、熱生薑茶）+$38牛肉入口即溶，配菜一樣係時令蔬菜，全部都好有營養，墨魚滑爽口又彈牙，成個鍋份量唔細，好抵食！

收工經過，醒起千杯串d 串燒唔錯就決定encore原來lunch set 都唔貴下次真係要黎試下原來做緊下午三至六點前離座，生啤有買一送一同埋主餐牌一律85折優惠早收工黎就更加抵食！一人前壽喜燒（西班牙黑毛豬）除左黑毛豬之外，仲有好多配料湯底比較甜，蔬菜仲會吸哂d 甜味黑毛豬無乜脂肪～比較瘦串燒牛舌燒得岩岩好，夠Juicy翠肉瓜又係好多汁，個面又香冰菠蘿，佢係先冰左再燒，所以d 汁特別多，強力推介必點！炸雞軟骨粒個炸粉好特別，偏厚，但係估唔到甘夾炸得好酥脆，而且好有咬口！！真係估唔到依度連炸物都甘出色炸物都會配上少量沙律，中和個油膩感，好貼心七味魷魚鬚依個炸粉有d 類似天婦羅個種，所以食落空氣感比較重，但都係好好食！個炸粉仲有d 紫菜粉，食落有紫菜香味魷魚彈牙，但唔會韌兩款炸物都好好食～～

今日來到元朗朗屏呢邊一間食日本嘢嘅小店千杯串居酒屋呢度裝修都幾企理有一種好親民家庭式小店嘅感覺打開menu發覺佢嘅定位亦都相當大眾化有很多價錢親民嘅set dinner同時火鍋，沙律同埋串燒都一應俱全軟殼蟹沙律分量都相當多，大大碗咁樣仲要有原隻嘅軟殼蟹大隻到撐啲遮住曬成碗沙律添性價比相當高軟殼蟹好香脆，炸出嚟熱辣辣同時沙律亦都相當清新茶碗蒸唔好睇佢細細碗入面都相當足料啲燉蛋亦相當入味串燒牛舌和串燒雞軟骨串燒雞軟骨都幾香脆串燒牛舌就都幾大件，口感唔錯串燒雞肉串燒雞肉咬起來相當多肉汁係串燒類别嘅推介牛肉壽喜燒壽喜燒嘅湯汁係甜甜地都幾開胃呢個壽喜燒套餐亦都包含好多蔬菜包括冬菇，金菇和娃娃菜等等都係可以吸曬壽喜燒嘅精華同時牛肉亦都非常之鮮嫩係今餐嘅推介之一紅豆布甸和芝士蛋糕甜品雖然質素平平但勝在價錢夠親民如果想試下都未嘗不可總結都係一間性價比好高嘅日式餐廳

煙三文魚田園沙律🥗$68煙三文魚同蟹籽份量都好多😋下面就有啲洋蔥、沙律菜同車厘茄好Fresh好開胃呀👍🏽生蠔2隻$76生蠔好新鮮，好大隻，好肥美🤤🤤超正呀，好鮮甜👍🏽雞白湯火焰牛拖羅拉麵(加叉燒）$110牛拖羅好正👍🏽岩岩熟嘅狀態係最好食🤤我再加咗塊叉燒 🤭🤭好肥美好大塊 超正👍🏽叉燒火山拉麵$92呢個就會有少少辣一樣係有隻溫泉蛋🤤好正有兩塊大大塊嘅叉燒好好食😋雞軟骨$18

千杯串居酒屋位於元朗，是一家性價比高的餐廳，而且看見3-6 時前離座有生啤買一送一及主餐牌85折便進內一試。前菜選了茶碗蒸，蛋蒸得非常滑嫩，入口蛋不會太實，而且夾著冬菇，味道香口，蛋上完全沒有泡。另外，兵庫縣生蠔也是一道值得推薦的菜式，蠔肉新鮮鮮甜，並沒有太濃烈鐵味，相反入口後蠔味及少許鐵味在口腔中回盪，讓人回味。這裡的炸雞軟骨非常香脆，炸粉夠薄，配上旁邊的沙律菜，可以解膩，讓人一口接一口。濃口醬燒伊比利亞豚肉丼也是飯粒分明，醬汁味道深厚，豚肉有彈性，口感非常不錯。叉燒火山拉麵是一道辣味拉麵，有著香辣的味道，但不會太辣，入口後易於消化，叉燒肥瘦均勻。最後是飲品，信州蘋果梳打和山梨葡萄梳打都是不錯，蘋果梳打濃度高，有著日本風味，而山梨葡萄梳打則有著濃郁的提子味道，讓人回味。

每次係元朗諗唔到食咩日本嘢，就會過黎#千杯串 食，同朋友2人一齊食山梨葡萄梳打 $38葡萄味好濃，甜度都有返咁上下鹽燒鯖魚$58唔講唔知原來鯖魚咁有營養，有豐富既Omega-3🧏🏻‍♀️仲有護心、降膽固醇既效果，口感方面魚肉結實，魚皮燒得香脆，完全冇腥味，可以好放心食雞軟骨 $36/2串雞軟骨係雞既關節部位軟骨、帶著些少肉，用烤既方式，食起上黎特別嫩，口感有嚼勁、脆既口感，味道帶點鹽香🤤日本芝士年糕3件 $48芝士控唔好錯過 呀，非常好味，中間既流心芝士味濃郁，煙煙韌韌，外層鬆脆，3件都唔夠食呀土左炸豆腐 $58第一次試咁有新意嘅豆腐，土佐炸豆腐其實係日本一道常見小吃，本身冇乜味道的豆腐拍上一層天婦羅粉，蘸上蛋液，鋪上柴魚片炸至香脆後，外表豐盈飽滿，加上柴魚片有特別香味同豆腐融合出地道日本風味，外脆內軟☺️👍🏻西班牙黑毛豬+ 蔬菜盤 $138呢個係一款1人前壽喜燒，黑毛豬既口感柔嫩，肥而不膩，浸喺壽喜燒湯底內，吸收晒壽喜燒嘅甜味，配埋好多蔬菜 營養滿分日本手打鳥冬 $15食打邊爐，梗係要配埋烏冬啦，食完飽曬

呢間餐廳勁近朗屏西鐵站，超方便！而且裝潢勁有日本居酒屋Feel! 喜歡食串燒，日式料理既朋友唔好錯過喇！🫶🏻海膽魚子一口壽司🍣海膽瘋狂愛好者必點！佢既海膽勁高質，完全腥臭味，一d多唔苦。入口鮮甜加上大大粒魚子爆汁！係高級既享受🫶🏻🫶🏻🫶🏻牛魔王拼盤🐂既然係居酒屋冇理由唔食下佢既串燒！呢個牛魔王拼盤滿足有選擇困難症既我！拼盤有2串和牛，一串牛柳，兩串牛舌，一串冬菇。其中最喜歡和牛，一口即溶兼爆汁，用少少鹽調味已經好滿足。吉列生蠔一人前定食😍生蠔有四隻，隻隻都脹卜卜！ 皮唔會太厚粉，新鮮炸好極脆！生蠔多汁鮮嫩！ 仲配麵豉湯生薑茶甜品同白飯cp值極高！另外，3-6點前離座生啤買一送一及主餐牌85折，所以食下午茶就更抵了！😉

千杯串居酒屋 (元朗）📍地址：元朗安寧路110-136A號好景樓地下10 號鋪===============Happy Friday 又係時間同朋友放工chill 下😂呢間居酒屋，近朗屏西鐵站，裝修以木系為主，偏向日本傳統風格。原條魔女茄子 $68茄子都幾大條，整得夠冧身，上面有唔少肉碎，調味比較似中式菜肉碎炒茄子嘅味道。七味魷魚鬚 $65魷魚鬚炸粉比較薄，佢隔離有啲日式沙律，可以清除吓啲熱氣。😳炸雞軟骨粒 $48炸得幾脆1人前壽喜燒- 美國特選肥牛 $148呢個壽喜燒會跟埋時令蔬菜盤，有秋葵、蘿蔔、娃娃菜、金菇、南瓜、粟米、豆腐等等，真係非常豐富！牛肉質素又唔錯，都值得一試ga😆日本手打烏冬 +$15烏冬口感滑溜，值得加配❤️臨走見佢做緊優惠，只要3-6點前離座即可享生啤買一送一及主餐牌85折優惠😍😍下次同朋友早D 過黎食先得！

今日放假約埋好友 去元朗行街 食飯， 我個friend話想食壽喜燒, 咁我就諗起我經常食開嘅"千杯串 居酒屋"都有壽喜燒食喎 咁今晚係度食啦由於時間尚早， 好彩有位， 鋪頭 設有 戶外，方便食煙人士， 室內佈置得好有日本feel ，職員態度親切， 令人每次去都十分舒服。 美國牛肩脊一人前壽喜燒🐮一上枱賣相已經十分吸引 ，大量蔬菜， 牛肩脊 口感 比較結實細嫩 ，牛味濃沃 湯頭唔會太甜 ，覺得啱啱好。西班牙黑毛豬一人前壽喜燒🐷黑毛豬口感細嫩， 肥而不膩， 大量蔬菜和黑毛豬比例， 份量啱啱好食到好飽。一口海膽魚子壽( 廚師推介）海膽新鲜，味道質感細膩， 幾乎入口即溶汁燒活鱔活鱔燒到好香，外皮燒到脆卜卜， 魚肉非常厚身， 嫩滑，而且仲冇骨。 山梨葡萄梳打一定要飲

🥃呢排個人真係好攰，放工之後真係要好好咁唞吓，即刻約好姊妹一齊食咗間好味嘅居酒屋🏮一人份壽喜燒鍋已經夠兩個人食🤣佢嘅燒汁偏甜，煮出嚟嘅娃娃菜、菇🍄都好好味🤤 烏冬同牛肉都好夾，特別一讚佢嘅蝦滑，彈牙鮮甜💓 燒鰻魚好大條！茶碗蒸滑溜鮮甜，串燒味道都十分好，熱辣辣🍢🍲 無意中遇到間坐得舒服，食物又好嘅小店😚🏮其實喺居酒屋度飲酒都幾抵，佢仲有咁多串燒可以配酒，都係一個好好嘅選擇。呢期佢有優惠：3-6pm前離座，生啤買一送一，仲有主餐牌85折😉

今日經過元朗街頭要揾午餐食，經過呢間千杯串，見到呢午市set lunch都幾抵食，又多元化，就入去食左個lunch。佢個set平日星期一至五仲會送野飲，都幾抵食。 🔸️大大塊吉列厚切䐁肉定食（$78，8.5／10）個定食配埋茶碗蒸，麵豉湯同餐飲，其實幾抵。有興趣仲可以加$10轉牛油紫菜飯，或者用優惠價追加小食。塊厚切吉列豬扒真係份量十足，真係十分厚切，豬扒又大大塊，一個人都唔係幾食得哂。豬扒炸得好酥脆，又唔會太乾身，仲keep到肉汁。呢個定食真係好抵食！

原來元朗有一間幾有氣氛嘅居酒屋，地點比較隱世，我自己好少行呢條街，不過其實距離朗屏西鐵站都係幾分鐘路程。3-6點前離座生啤買一送一，主餐牌有85折優惠，呢個時段嘅話都算幾抵食。比較少食到雞內臟，就叫咗一串德島縣雞肝，無腥味，比想像中容易入口，聽聞係幾有營養🤔🤔串燒叫咗牛舌，燒雞皮同汁燒活鱔。牛舌口感香軟，燒雞皮香脆但唔重雞油香，而活鱔有經過調味，比較香口。而明太子雞翼就正常發揮。美國牛肩脊(1人前)會包括埋時令蔬菜盤，額外追加左日本手打鳥冬。牛肉吸收晒壽喜燒湯，多咗一份香甜，手打鳥冬口感彈牙，蔬菜份量亦都夠多，食到好飽嘅一餐。

🍱大大塊厚切吉列豚肉定食 $78定食套餐附送茶碗蒸＋味噌湯＋珍珠米凍飲加$3豬扒真係厚切！炸到金黃香脆😍，而且超大塊！仲大塊過塊面🫣🫣，點埋旁邊配嘅蛋黃醬更加好食。茶碗蒸夠晒滑口，味道帶有淡淡鏗魚味，碗飯又係勁大碗！超抵食嘅套餐！🍱 滑蛋鰻魚飯 $78一上枱賣相都幾吸引，勁多蛋😚。鰻魚多汁但有小小骨。底下嘅珍珠米又係超多，食完好飽☺️。另外，依家做緊優惠，下午3-6點前離座，生啤買一送一及主餐牌一律85折，下次要過黎試下串燒先😋✏️沒有其他分店✏️設有加一服務費📍 千杯串居酒屋 (元朗)元朗安寧路110-136A號好景樓地下10號舖