千杯串居酒屋

營業中

休息中

今日嚟到一間勁Chill嘅居酒屋🏮佢就喺位於元朗嘅千杯串居酒屋店舖環境裝修得好有日本氣氛，感覺寫意，最啱開心星期五收工之後過嚟嘆下～特別推介海之幸海鮮拼盤（燒烤），有燒原隻鮑魚🦪😍、有一大條汁燒魷魚🦑、兩隻先蒜蓉燒扇貝、汁燒大蝦🦐，超抵食😍😍———————————————————-今次分別叫左：海之幸海鮮拼盤＄278日式豚肉丼飯🍱＄83燒紐西蘭羊架🍖＄65汁燒活鱔＄58寒天果檸檬果茶梳打🍹 ＄38平民指數：🌟🌟🌟好食指數：🌟🌟🌟🌟關注我 @eggyork_foodiehk 一齊覓食！———————————————————-千杯串居酒屋地址：元朗安寧路110-136A號好景樓地下10號舖\

小編同三個朋友 小型聚會👨‍👩‍👧‍👧在眾多既選擇之中 揀左呢間位於元朗嘅居酒屋朗屏西鐵站行落嚟🚶🏼‍♂️7分鐘左右地點都算方便😝入到店裏邊 裝修擺設都幾有日本既感覺🇯🇵坐得都算幾舒服 同埋最好嘅就係店入面無乜油煙味😂由於大家都肚餓 差唔多叫晒裏面嘅人氣串燒推介-海之幸海鮮拼盤🦑🦐呢個拼盤有扇貝x2鮑魚、蝦、魷魚x1賣相非常豐富-牛魔王拼盤🐮🐮🐮有牛舌 牛柳 和牛上到枱唔係好分得清邊串打邊串但係串串都好食😂-德島縣三品雞盛🐔有雞胸 雞腎 雞肝雞胸嫩滑 好味但係我個人唔係咁鍾意食內臟$148覺得有啲唔抵-汁燒活鱔必食推介⭐️⭐️⭐️⭐️⭐️外脆內軟 好好味😋-燒雞皮有啲失色 -燒雞泡魚乾精緻，但著味道普通總括嚟睇 呢間鋪頭店仔細細但係五臟俱全 響元朗嚟講都算係難得個人評分 4.21/5

今日嚟到元朗廣場附近嘅千杯串居酒屋，門口已好有日式感覺，內在裝修都好別致，令人有種置身於日本居酒屋嘅感覺！同朋友嗌咗一碗拉麵同埋海鮮拼盤，試咗白雞湯叉燒拉麵，個湯好有雞味，好好飲，最後飲晒，啲叉燒厚切啖啖肉，燒得好香，麵質彈牙！海鮮拼盤啲蒜味好香，有大蝦、鮑魚、帶子同埋魷魚，我最鍾意食件帶子，好大粒同埋帶子下有牛油香，大蝦都好多肉。餐廳宜家做緊優惠，3-6點前離座，生啤買一送一，主餐牌一律85折，好抵！

精緻嘅日本餐廳因為朋友介紹 所以嚟咗呢間餐廳環境舒服 坐嘅位置好闊落 服務員都好有禮貌 可以好好咁同朋友傾下偈聚下特別推薦蒜片牛柳粒定食 $138牛柳粒入口軟嫩口感十足 加埋洋蔥稍為中和 好好食而且份量好足 牛柳粒送完碗飯仲有得淨芝士蒜蓉燒虎蝦 $58蒜味超濃郁 非常之惹味嘢飲揀咗 宇治抹茶紅豆 跟餐+$12好好飲 感覺比例啱啱好 飲落好舒服特別欣賞佢嘅一點嘅係 佢放嘅冰粒都恰到好處 只得面層有一層冰粒 加上佢個杯身夠大 杯嘢飲全程 飲完超飽值得推薦嘅一間餐廳依家如果3-6點前離座會有優惠生啤買一送一 主餐牌一律85折下次如果喺附近收工嘅話再嚟食過

原條燒鰻魚 $98就咁睇份量都已經唔洗講，大大條鰻魚鋪滿曬脆脆嘅紫菜，睇都食慾大增！鰻魚肉厚咬落就非常軟嫩，蒲燒汁唔會太多亦唔會太甜，夾埋紫菜幾特別！雞骨腸1串 $18呢個雞骨腸我都係第一次食，肉質結實，皮燒到焦香香脆，就好似食緊升級版嘅脆皮腸咁。食食下入邊真係有條骨，有dd似食雞仔嘅髀咁樣😂！美國牛肩脊（1人前壽喜燒）手打墨魚滑：味道鮮香、爽口彈牙，仲有d蟹籽作點綴🤤生蛋、攪拌後同牛肩脊一齊食，味道同口感上都好夾白飯，壽喜燒汁甜甜地好送飯日本手打鳥冬：食完一碗飯都唔夠，仲要追加烏冬😚生薑茶、驅寒一流👍🏻

元朗安寧路日本餐廳一訪「千杯串居酒屋」店名一個串字招牌串燒出名款式多夠創新，當中更有六十多款的串燒任你選擇，秘製的燒肉汁，惹味可口。 餐廳嘅裝修具日系居酒屋風格，燈光柔和有氣氛，坐得幾舒服。Menu 多款選擇有串燒、刺身、定食、拉麵、特式飲品及甜品， 🦪兵庫縣生蠔兩隻$76推介:⭐️⭐️⭐️⭐️⭐️日直送蠔味特出，肉身飽滿creamy，蒜香味與海水鮮味交集濃郁的鮮味湧出來，輕輕嘅鮮甜味道，配一點檸檬汁點綴，前菜推介物。🦀軟殼蟹沙律 $69推介:⭐️⭐️⭐️⭐️開邊軟殼蟹同樣大大隻，厚肉帶點蟹羔入口夠哂Rich，食返一個夠哂Green 嘅Salad 迎接主角。🐮牛魔皇拼盤 $195推介:⭐️⭐️⭐️⭐️⭐️拼盤有燒牛舌2串、和牛2串、牛柳一串及冬菇1串，牛舌厚切爽口有肉汁，和牛及牛柳無得輸，入口嫩滑，調味上加左香蔥同蒜片，加埋冬菇串整體口感豐富👍🏼鹽燒手羽4只 $56推介:⭐️⭐️⭐️⭐️雞翼燒得香脆仍保留到豐富肉汁雞白湯厚切火焰叉燒拉麵 $82推介:⭐️⭐️⭐️⭐️⭐️鮮甜湯底雞白湯濃郁帶鹹香，大塊火炙叉燒肥瘦適中，肉之間帶點油脂香，香口又惹味。🍹寒天果巨峰梳打 $38🍹寒夭果檸檬果茶梳打 $38兩杯口感清爽，夏天解渴岩飲。推介:

已不是第一次到訪千杯串。依然最欣賞它的日本風裝飾，黃光加上店外的小吧台桌，好有Feel！我們挑了店家最近才推出的2人前牛油辛辣鍋，貪它Cp值高，應有盡有！先來前菜蠻麴枝豆，帶子裙邊兩碗。份量十足，夠醒胃！套餐包括了任選二款肉類。我哋選了精選肥牛和西班牙黑毛豬。新鮮肥牛食得出肉質鮮嫩多汁，好適合涮辛辣火鍋；而黑毛豬亦油花均勻，爽口又鮮味，配合濃湯一流！如果+$25還可以升級食美國安格斯牛局脊或日木廣島蠔及北海道帆立貝，非常抵食。除了肉類，還可以挑選三款火鍋配料，我們點了松葉蟹棒，較少見的墨汁墨魚丸和芝士蝦堡丸。特別推介墨汁墨魚丸，非常爽口鮮味！辣湯加上日本手打鳥冬拌著吃，好滋味！烏冬店家已煮好，澆上辣湯就可以食，非常方便！加上甜品和半價加生啤2杯，大滿足！ 提提吃貨們店鋪大優惠：3-6點前離座，生啤買一送一及主餐牌一律85折！

喺香港日本餐廳就食得多去居酒屋嘅次數就一隻手都數得晒放工喺元朗覓食意外搵到呢間居酒屋🇯🇵2人前 - 血池地獄火鍋 優惠價HKD398🔸前菜鹽麴枝豆帶子裙邊🔹牛油激辛湯底湯底用上不少香料包括花椒 辣椒乾辣度適中 就算唔食得辣都可能入到口嘅程度！🔸配料精選肥牛🐄西班牙黑毛豬🐖❇️兩款肉都大大塊 非常滿足😀松葉蟹棒🦀墨汁墨魚丸🐙❇️爽口彈牙！芝士粟米豚肉餃🧀🌽❇️咬開食到拉絲芝士同粒粒粟米粒🔹時令野菜盤整齊排列嘅野菜盤好吸引😆而且款式超多包括豆腐 娃娃菜 雜菇 ⋯野菜浸哂落辣湯底度 索滿辣味😌🔸日本手打烏冬打邊爐又點可以冇烏冬呢🙋🏻‍♀️上台嗰陣仲熱辣辣 加少少湯底就可以食啦🔹飲品寒天晶球巨峰梳打紅西柚粒粒梳打❇️兩款飲品甜度適中 清新得嚟又解渴仲可以食到寒天晶球同粒粒西柚果肉🍹⭐️ 中意飲啤酒嘅要留意啦只要喺3-6點前離座 可以享有生啤買一送一 及主餐牌一律85折優惠⭐️🔸甜品紅豆布丁🍮💰人均消費大約$250/人🚩千杯串居酒屋 元朗安寧路110-136A號好景樓地下10號舖

元朗有好多日本菜的餐廳，今次完全冇睇到任何評價就入咗去食，叫咗一啲串燒同埋壽司等等🍣牛肉寫係和牛只是冇想像中咁嫩而牛味都頗重🥰壽司質素就正光沒有太大特別~整體係ok嘅但元朗有更多的選擇。

去元朗想食日本火鍋，呢一間千杯串，細細間但原來有好嘢食。我哋兩個人點咗一個二人前血池地獄火鍋，不過可以轉口味，我哋轉左壽喜燒湯底，正價$528 ，而家優惠價$398 ，平咗好多！前菜有鹽麴枝豆，同帶子裙邊，份量都唔少，個碟裝到滿滿的🤭🤭個時令蔬菜盤，有啲驚喜，款式又多，有冬菇，南瓜，秋葵，豆腐，金菇，小白菇，小白菜，洗得乾淨！肉類我揀咗精選肥牛同埋西班牙黑毛豬，每樣有6塊，都算幾大塊，脂肪紋理分明，好好食😍加埋甜品🍮雞蛋布甸，真係好飽，兩個人非常夠食👍🏻💥優惠✨ 3-6點前離座，生啤買一送一及主餐牌一律85折🍽✨

今日同老公拍拖揀左間好坐又好feel嘅居酒屋可以揀坐出面高枱或者室內環境舒適乾淨仲有好多日系裝飾感覺真係好似去左日本🤭去居酒屋好想飲啤酒無奈今日唔飲得🥲好在餐廳都有好多無酒精飲品【紅西柚粒粒梳打】好睇又好飲🍹飲到好fresh嘅西柚汁同勁多西柚肉西柚特飲喺其他餐廳都比較少有喜歡西柚嘅朋友一定要試👍🏼用QR code自助落單版面清晰易用好方便💓【汁燒活鱔】（左）外皮燒得好香脆魚肉嫩滑加埋甜甜地嘅醬油味令人好回味🤤【原條黑豚大葱卷】（右）每次食串燒都必點口感豐富一啖咬落去爆曬啤葱汁出嚟🤗【牛舌】（左）口感好正，厚薄適中而且牛味好濃👍🏼【翠肉瓜】少鹽調味清甜又多汁【牛柳】牛柳超嫩滑唔靭易咬黑椒調味提升牛鮮味😍【四季豆】清新之選爽脆四季豆加左鹽調味送酒一流👍🏼【喜之次一夜干】魚肉加左檸檬汁好鮮味沾醬又係另一種風味😋【雞白湯厚切火焰叉燒拉麵】湯底濃郁不膩飲一啖成個人暖曬叉燒火炙過好香肉質唔算好滑但勝在夠厚兩片都好滿足了如果再多啲葱就正😍埋單時同店員傾開原來餐廳做緊3～6點前離座生啤買一送一而且主餐牌仲有85折😍揾日真係要早少少嚟食先得人又少啲又抵食啲🤩

燒蠔 $ 38蠔味道出眾 唔腥 飽滿，一開始食到蒜香味，滿滿就會品嚐到蠔既海水鮮味🤤口感creamy 雞軟骨1串 $ 36爽脆、炸過之後面頭加咗啲胡椒鹽，冇油億味道雞白湯火焰牛拖羅拉麵糖心蛋+豬軟骨 $ 122牛拖羅入口嫩滑 牛味好重 湯底香濃 每條麵條都包裹住湯底，牛肉份量好多 而且大塊糖心蛋 煮嘅時間控制得非常好，可以保留住流心豬軟骨 大塊 炆得好入味、軟骨位置容易咬得開 肉質軟淋 有日本醬油嘅味道麵條質地爽口彈牙，冇鹼水味叉燒火山拉麵 $ 92叉燒，肥瘦適中，大塊，層次分明 食到肉之餘都食到脂肪嘅油脂香湯底輕微辣，辣味後勁十足，都可以中和到叉燒嘅油膩感、不愧火山湯底🤣，芝士蒜蓉燒虎蝦 $ 58肉質爽口彈牙哈味十足，肉質唔會梅，食得出下係非常之新鮮 仲有蒜蓉香味

今日嚟元朗見到呢間充滿日式裝潢嘅居酒屋 見到啲人喺餐廳室外bar枱啤緊好chill🍻室內裝修又好靚 淡淡黃光配埋微薰嘅格調 好有feel 又唔算太多人 就決定入去歎下😚見到餐牌好多選擇 有多款串燒、刺身、定食、拉麵、特式飲品、甜品 幾正！海之幸海鮮拼盤 $278一場嚟到梗係要試下佢嘅人氣串燒推介 拼盤有兩隻燒扇貝、燒原條火箭魷魚、燒虎蝦，同埋燒鮑魚 好豐富🤩一上枱已經聞到好重嘅蒜香味～兩隻燒扇貝大大粒又新鮮 好多蒜粒喺上面 肉質厚實細嫩👍🏻 燒原條火箭魷魚份量幾多 口感煙韌又彈牙 配埋燒汁幾惹味 唔會太咸👍🏻魷魚鬚好香脆🤤燒虎蝦好鮮甜 鮑魚爽口彈牙～ 滑蛋蒲燒鰻魚飯 $98 份量十足 好足料 好大條厚身鰻魚同好多滑蛋紫菜👍🏻 鰻魚細嫩肉滑 無泥腥味 配埋烤鰻醬汁好濃厚惹味 加上採用日本蛋夠軟滑香濃🤤 Sapporo 啤酒(大) $78嚟居酒屋啱晒配返杯啤酒🍻🤟原來依家3-6點前離座，生啤買一送一，主餐牌一律85折添！下次再嚟試下😋

本來係想食魚一，只不過太多人排隊所以就放棄了🥹就求其入咗一間日本野嘅餐廳。叫咗一個泡菜豚肉嘅定食，一心以為係韓式個款但並不是🫡味道有啲似咕嚕肉咁但幸好配飯食是不錯的😚

啱啱放工同同事去咗元朗既千杯串居酒屋食晚餐。我地二人食咗一口芝士、鹽燒手羽、燒汁炒牛舌同千層海膽杯丼一口芝士味道濃郁，入口質地幼滑，而且新鮮炸起，食落唔膩，非常開胃。另外鹽燒手羽有濃郁嘅鹽味作調味，肉質鮮嫩。燒汁炒牛舌味道微甜，牛舌肉質鬆軟嫩滑。而千層海膽杯丼用咗新鮮嘅海膽，加埋飯同魚子一齊食，味道配搭一流。總括黎講，千杯串居酒屋性價比高，特別係價錢唔貴。如果你鍾意串燒同日本料理，呢度係一個唔錯選擇。而且餐廳嘅裝修好有日式風格，燈光柔和，氣氛好舒服。聽講3-6點前離座，生啤仲會買一送一，而主餐牌仲一律85折，好啱搵埋啲朋友嚟食飯聚舊