千両 (MOKO新世紀廣場)

營業中

休息中

和友人慶祝生日，相約在新世紀千両。我們的座位在最入的一間房，全程叫天不應、叫地不聞，常常要主動叫才可加茶，人手明顯不足。魚生頗新鮮，特大帶子、𧐢、蝦都新鮮，但不是靚貨色，一板的海膽每件海膽很細，幾經辛苦才清了一板。所以是次拍照意欲不大。香草海鮮沙律$176，菜夠新鮮爽脆，但旁邊的海鮮都是「下欄」貨色，又少又細粒。牛油清酒煮蜆$64，蜆細、冇酒味，over cook,不及格。汁煮三文魚鮫$68，嫩滑入味，純粹個人喜好。吉列廣島𧐢$65，一看便知粉太厚，又一失分菜式。甜品綠茶雪糕以糯來皮包著，味道ok. 但香滑南瓜雪芭要$78，味道可以，但以同樣價錢，我會選擇吃西式甜品。原來這兒切餅費是按人頭計，較市面便宜啊！

一家三口黎食千両，本身對千両印象幾好，因為經常光顧返工樓下圓方既分店，對食物素質頗為滿意，估唔到唔同分店可以差咁遠。不單壽司上面塊魚生薄切切，軍艦上碟時d紫菜已經稔哂，仲放斜咗一件。侍應仲要落錯單同俾錯我碟食物俾人。可以講一句係，如果想去千両，請去第二間，呢間冇千両既一貫水準。

是日與朋友小聚，順道互相慶祝生日。手上拿著會員的半價劵，食得特別暢快。我最喜歡的鵝肝壽司煎得夠香脆；帆立貝不用特大也夠大粒；拖羅魚腩入口即溶...納豆軍艦在餐牌上的賣相吸引得讓平日對納豆怕怕的我忍不住要點一客試。像沙律的納豆茸完全沒有腥味，而且味道挺新鮮的。今次分享想告訴大家的是牡丹蝦兩食的秘密。點牡丹蝦壽司向來是因為欣賞其膠質肉感，蝦頭一般只作裝飾。原來，蝦頭是可以拿去炸的！而且是免費的！炸完的蝦頭賣相吸引（太心急吃了沒時間讓手機吃），就像軟殼蟹一樣是可以整個吞掉～

完全唔得1) 生蠔除左海水鹹到癲嘅味外，一啲鮮味都冇2) 香草海鮮沙律淡而無味3) 燒魷魚韌到橡筋咁，又乾又無味4) 墨魚壽司韌到咬唔到食左幾樣咁難死嘅嘢，埋單居然要六百幾蚊，早知食茶餐廳仲好

逛畢未完全裝修好的新世紀, 看見千両沒人排隊, 開餐!最簡單的是最能顯示標準的保持水準, 千両倒每次都能做到-胡麻沙律, 令人滿意, 夠脆口的菜, 美味的汁醬, 少許刺身粒都很鮮甜-玉子, 暖暖的, 甜甜的, 正!-三文魚皮手卷, 不是容易有的東西, 但千両一定有, 而且一定令魚皮焗得脆脆的壽司有水準, 最深刻的是左口裙邊, 爽口鮮甜, 首次品嚐, 沒失望最有印象的是日本帶子刺身, 實在太鮮, 太甜, 入口的感覺實在太美妙!

千兩的分店, 我都去過, 一直是滿意的. 但旺角這間, 真的很差. 環境: 壽司吧枱很迫, 整晚屈著條腰食, 食完腰痛. 態度: 差, 整晚用訓示語氣, 大聲吩咐客人 "唔該坐埋啲, 讓番啲位比人". 客人不停被移動, 直至各人都碰到大家為止, 我跟鄰座那陌生人, 成晚不停碰到對方, 不停講:"對唔住". 食物: 壽司上塗很多類似油的物體, 很難食. 銀鱈魚很鹹, 很"鞋". 每家分店價錢都一樣, 為何質素可以差那麼遠? 真是IFC 價錢, MK 質素.

翻新後的新世紀廣場，引進一系列新食肆，千両是其中一員。星期五晚上，用自動取票系統，有來電提示，行住街等。點了幾款壽司及刺身，質素平平。魚生都算新鮮，壽司飯亦可。其中「油甘魚刺身」，「甜蝦壽司」及「火焰洋風帶子壽司」比較出色，味道鮮甜！其他款式真係平平好奇。物有所值？見仁見智！

旺角新世紀廣場新一輪的大革新，最近加入了新成員壽司店千両。我們既然剛巧路過，又見餐廳暫時未有食家品評，決定倒不如留下來吃個快餐，順便為各款壽司拍拍照。   三文魚腩壽司, 3.5/5三文魚腩壽司夠肥美，口感夠豐富，不錯。   火炙三文魚腩壽司, 3/5三文魚腩經過輕輕燒過，特別有種淡淡的焦香，但調味可以更濃。   中吞拿魚腩壽司, 2.5/5拖羅的其中一款，但嚴重缺乏鮮味，而且實在太多筋。   三文魚籽壽司, 3/5三文魚籽色澤鮮明，入口便知新鮮。   馬刀貝壽司, 3/5馬刀貝英文翻譯作蟶子，質感爽口但味道只屬中規中矩。   炙燒洋風帶子壽司, 4/5帶子略為燒過後，再加入少許蔥花、洋蔥絲和醬汁，吃落還有點柚子香味，推介。   炸蝦卷, 3.5/5吉列蝦做得酥脆香口，是另一款不俗的壽司。