千両 (MOKO新世紀廣場)

營業中

休息中

上便當低食午餐set 食物夠新鮮，蝦夠鮮甜 有我鐘意食既甜蛋 夠曬豐富會再食。朋友叫左百両定食 籌司就一般般，其他合格水平，比較下上便當既質素會好好多！個人認為百果茶唔好飲。

間中會去旺角東千両食吓set lunch, 因為心思思佢杯炭燒咖啡，午餐定食共有11款，由A至K餐，78蚊起。定食餐牌必定有港人至愛嘅壽司/刺生/天婦羅，亦有熟食，好似豚肉/燒魚/鰻魚飯咁，後生仔同老友記可以各適其適!如果心大心细，樣樣都想試吓，就可以考慮叫個特上便當(K定食)，唔好俾便當個名呃咗，佢其實係combo, 乜都有! 我阿媽有選擇困難症，所以叫K定食最穩陣! 另外加多個鹽燒三文魚鮫，因為阿媽鍾意食，但又嫌係屋企整好麻煩，嘩，個魚鮫好鲜味呀!老豆就食燒鯖魚(C定食)，佢話條魚烤得夠火喉，外皮脆口，肉質嫩滑，食到滿口魚油，omega 3夠哂健康呢! 仲有仲有個刺生丼(D定食)，材料新鮮豐富，有带子、拖羅、三文魚、魚子……! 不過，如果個餐有多一碟漬物就更完美啦!食完哂飯，當然嚟杯令人想念嘅炭燒咖啡，set lunch包埋㗎! 如果單叫，每杯要成32蚊! 吃飽飽，好滿足呀!

我成日都幫襯千両，但今晚真係食到火滚。叫碟特上 Toro 壽司，成幾十蚊一件，竟然有半件係筋，係咬唔入嘅筋！師父你切個陣時都知啦，仲俾客人食？仲有件特上油甘魚腩壽司，一夾起舊肉就跌咗。D師父仔連學師水準都未有就出前台做，以後都唔會去食，越做愈差！

吃貨團團友生日，有7折，所以就有一年一度的食咗成千兩之行！*講真，性價比好低，講下幾樣特別野食啦！活帆立貝三點刺身 $220其實，係有3種味既帶子刺身，但我認為原味已經最好食！我唔覺得呢碟野特別新鮮！👎🏽活魷魚刺身呢個刺身先叫做值回票價，明顯地食得出好新鮮同好味！可以一試！👍🏽芝士年糕 熱，芝士流心，正！👍🏽黑松露🥚蛋好食，但個芝士沙律醬太咸，整走d 醬就剛剛好明太子就一d 都唔好食👎🏽麥粒青瓜🥒個青瓜好新鮮，可惜個醬太咸，我自己唔太like, 因為佢有少少似腐乳醬嗰種味，但我朋友就好like, 仲要Encore!燒番薯仔🍠您睇佢好似冇乜野咁，夾來睇下先見到背面濃哂，咁都可以拎上枱俾人食👎🏽😡😡😡鰻魚天婦羅卷 $58未夾已經好散，成舊野根本係散既，冇乜特別，性格比低！仲有好多野食，不過無謂講，都冇特別！反而，佢d 甜品係幾好食！菠蘿雪葩🍍 $68好Fresh , 好食！椰子雪葩🥥濃濃的椰子味，好滑，似雪糕多過雪葩，勁like👍🏽👍🏽👍🏽👍🏽日本蜜瓜🍈配柚子🍋雪葩或movenpick 雲尼拿雪糕🍨個蜜瓜好甜，配上雪糕食正啊！2款雪糕雪葩都好正！唔計甜品，去食翻元氣得架啦！

今日去千兩度食，叫了支300ml獺祭磨？三割九分純米大吟釀酒來了是冰酒壷，我拍照支酒，所以問店員取酒樽店員說沒有，因為是在一支1800ml 倒下來我很奇怪酒來是只到酒頸部位，會有300ml的份量嗎？因為平時300ml 可以有第二次添酒的問了店員，她問我來的時候是這高度，我說倒了二小杯未飲，她便說是有300ml我很奇怪這個冰酒壷中間是放了冰的，而且來的時候酒也沒有到達樽頸的位置我真的很奇怪這個酒樽是否真的倒下了300 mL其實如果我知不是原支300 mL，我不應該點的

壽司係好多人既喜愛，尤其係女士們啦。一黎可以件件唔同，滿足貪心既慾望，而且都係輕食，細細件，食多少少都唔會有罪惡感。今日，唔好生野既我，但遇著唔餓既一日，都黎食下輕食。輕輕鬆地同友人吹下水係重點黎既。千両都食過好幾次，中等價位，食材屬中上，但地方較闊落舒適，加分。唔忙既餐廳，永遠招呼比教周到。好喜歡一到日本餐廳，有全體服務員叫句歡迎yi-a-sa-ya-sie，你歡迎我，我自然食得開心。首先我地點左份特上刺身拼盤8款既刺身，令人相當興奮。雖然唔係每款我都好，但眼見食材色澤新鮮，自己都食多兩塊。由於過往食過較劣質既刺身，令我宜家習慣黎到會聞下腥唔腥，而且會吱檸檬汁搭配。今日，8款刺身厚薄均稱，口感香滑，相當新鮮美味。繼而，叫左幾份壽司同卷物。先黎的是軟殻蟹手卷，一如其他壽司店，卷物到枱都會溫馨提示盡早食，因為過一陣就唔脆，而軟殻蟹炸過，唔想有油膩感就真係要快d袋佢落肚。其他食物都逐一到。好好味呢個豪快蟹卷，個名都令我多留意幾眼。滿滿蟹肉，再加幾粒飛魚籽on top增加口感，係個唔錯既combination.吞拿魚蓉櫻被卷，味道較淡，層次感加分。饅魚天婦羅卷，中規中矩，醬汁搭配增加香濃友人

出國前的星期五🚶🏽請假陪🙆🏻，睇完夜短夢長，少女前進吧！去附近的日本店吃午餐🍙發現我真的太喜歡日本菜了，可以一連十日吃也不厭🤘🏻兩個人大胃,三心二意選了三個餐：B,G,JB: 天婦羅熱騰騰剛炸起，皮薄肉嫩，蝦肉鮮甜。稻庭烏冬嫩滑，有點軟淋壽司米手握有點緊，飯量不少，勝在味道不錯，特別是我最愛吃的辣味三文魚。G: 每件刺身份量感覺比較大，把整件壽司飯蓋過。 刺身入口鮮甜，鰻魚散發濃濃魚香。J: 感覺豐富而鮮美，赤海蝦大隻彈牙入口鮮甜，甜蛋嫩滑多層富口感，三文魚子油潤感足，滿足而飽肚。午餐套餐必定比較划算，一百多元豐富而鮮味，性價比高！

* 蒸蛋大大碗；滑身 裏面有兩舊菇同隻蝦 不過嫌䶢左d* 他他牛 ；好難食 感覺吾新鮮 咬到最後吐返出黎* 炙燒左口魚；可以炙多少少等魚油味再出d* 鹽燒油甘魚鮫；幾欣賞佢俾蘿蔔蓉中和下熱氣，但吾好食* 中拖羅；出色😋都有少少即溶既感覺* 海膽軍艦；紫菜腍左已經扣分

食物好但服務差，收費也不便宜，相信不會有客人想去惠顧的，一間集團式經營的餐廳可以容許有這樣服務，真是難以想像。食物祗是和價錢成正比一點也不便宜，晚餐食物選擇也小像祗是賣壽司般的餐廳。

以前讀書既時候一直覺得千両好貴，都未有機會食過。最近行開新世紀又想食壽司，發現呢度係唯一一間壽司店，就決定試下。坐落覺得同元気都差唔多，都有迴轉枱，不過order枱就比較鬆動。我地一行兩人，叫左唔同壽司同熱食，想同大家分享下以下幾樣：- 特選壽司拼盤(10件)呢個性價比係最高，十件都係幾大路既壽司，魚生既都算新鮮，抵過分開叫。- 豪快蟹卷唔好睇佢好似好豐滿咁，其實佢係好迷你既，壽司既size就好似平時青瓜卷個d咁，不過比較起上黎蟹肉都算唔好少，個幾粒三文魚子可以幫手增加多少咸味，還好啦。- 牛蒡醬油漬呢個好咸，應該有漬左一個世紀，我地用水浸下佢先食，不過咬落去都仲係一堆咸味唧出黎。- 雙色芝士炸豚肉飯卷呢個係好食既，因為有大量沙律醬同芝士，配埋豬肉同飯都好夾，好容易一件食完又一件。我地仲叫左其他散點壽司，總括黎講又唔算好貴，同埋都坐得幾舒服。

今日同事仔又癮起掛住鄉下的味道, 所以我地又出動食個豪氣富貴lunch,今日叫左呢個刺身溫泉玉子丼. 呢個丼有4款唔同的刺身粒粒, 刺身旁邊有好多天婦羅脆脆, 最頂就有隻溫泉蛋同蔥覆蓋住. 食既時候就當然好惡恨咁將所有野拌勻一齊食. 蛋汁令到飯冇咁乾加埋魚生的鮮味同埋脆脆粒粒既口感, 令到酸酸地既珍珠米發揮得好好. 旁邊跟左一碗Miso Soup, 呢碗Miso soup 唔會好咸有一陣鏗魚湯的味道,同出面飲到的很不一樣呀...

我地9:30入去食，叫左三文魚刺身,三文魚壽司,兩個手卷,帶子壽司,稻庭烏冬,牛油帶子。刺身同壽司以價錢黎講係不錯的,但個稻庭烏冬細細碗,無餸的要42蚊,都算了,重要根本唔係稻庭,我覺得似上海面囉😤😤😤😤好幼,而且係完全無口感。個牛油帶子應該只係三粒大帶子切開,無味,啲配料菇重好味過佢。因為覺得無野岩食,食左呢幾樣野走左了。埋單$300多啲。唔會再食了,搞到我男朋友唔開心!!!!!😩😩😩😩😩😩😩😩😩😩😩😩😩😩😩😩😩😩😩😩😩

Found a bug in the cold udon noodles. Terrifying! We didn't have to pay for the dish at the end, but still... The sushi was way over priced and the hot dishes were very salty. Disappointing. Better restaurants with cheaper prices. Do not recommend.

與好友約在新世紀廣場千两短聚。各各不約而同,點了壽司定食套餐。定食賣相相當精緻,上菜亦快。百餘元就能享用精美壽司,麵豉湯,沙律菜,熱綠茶,還能免費享用一杯荔枝果茶或咖啡,性價比很高的午餐,推介。

今日約左同事去食飯。同事減緊肥，話要食清淡d。最後我地揀左食千兩。同事食完覺得千兩既壽司好新鮮。我地叫左帶子，海蝦壽司。另外我地再叫左清酒煮蜆同海鮮沙津等等。個蜆個味道好濃。好入味。我地叫到成枱野食。每人大約$300。我覺得呢間服務態度幾好，下次會再黎😊