千両 (又一城)

營業中

休息中

千両🍣初春之膳🌻.松葉蟹甲羅壽司🦀初春之膳Menu入面小編最想試既菜式🥰🥰🥰賣相好精緻🤩用松葉蟹蓋裝起！餡料更係全部我的最愛‼️一絲絲松葉蟹肉好鮮甜，加左三文魚子+黑飛魚子，前者咬開夠juicy夠鮮，後者充分點綴整道菜！海膽好鮮甜回甘，完全無腥味，最底墊左少量白飯🍣，當將所有材料放入口中，確實係超級滿足，幸福感🆙❣️.上刺身拼盤🐟CP值挺高既刺身拼盤😋首先兩件牡丹蝦大大隻又新鮮爽口🦐，油甘魚魚味濃郁，八爪魚新鮮🐙，三文魚同呑拿魚就正常貨色啦，再高一級既刺身拼盤先至有小編最鐘意既大拖羅🤪

Sometimes a once great restaurant comes undone by its average service and lacklustre food.Senryo Kowloon Tong serves good, fresh seafood as you would expect if you have been to any other one of these restaurants in the chain. But the service at this one is so-so. Maybe they are understaffed; or maybe the staff there don’t care. It seemed to take ages to get our order taken. And ages to get staff to clear our table after each round of food.The food was mixed. We enjoyed the sashimi platter an

千両的午餐一向抵食。又一城店的單人位狹窄似集中營，但四人坐卡位就好舒服！和同事一行四人分別食左壽喜燒、刺身丼、特上刺身丼同鰻重四款定食。價格由$95-128不等，非常相宜。我的鰻重定食包括麵豉湯、麻醬沙律、鰻魚飯和漬物。麵豉湯充滿豆腐粒和菇，不會太鹹；沙律菜好新鮮；鰻魚雖然沒鋪滿飯面，但沾滿醬汁，嫰滑美味，和溫熱的米飯十分搭配。間中吃一口蘿蔔漬物，清新一下。見同事的刺身丼和壽喜燒都幾靚仔，佢地都話OK。連鎖店有呢種價位同質素，可以接受。

平日行開行埋終於有機會可以入去試下裏面就係普通日本餐廳裝修 點解會叫set餐呢 原因就係可以一次過試幾樣野先講下壽司方面 我覺得算係唔錯 味道新鮮而且佢點壽司用嘅豉油同Wasabi亦都唔會死鹹同死辣而天婦羅炸蝦送上枱時熱辣辣 外脆內軟 蝦味道亦好鮮甜至於烏冬一食就食得岀唔係普通廠整烏冬 食落好有口感之餘 即使係淨烏冬亦唔會冇味整體而言 不錯

Pretty good Japanese food for the price that it is. Only issue is waiting time is a bit long. Fresh sushi and sashimi and good selection of other dishes. Really enjoy the steamed egg dish and especially the shell fish dish as I love the sauce in it. The grilled ox tongue is amazing too.

今日去咗九龍塘又一城食嘢，去咗高級版元氣「千両」開餐，可惜過咗好抵食既 Lunch 時間，兩個人叫咗千両海鮮燉蛋、牛蒡薄脆、串燒牛舌、千両特盛壽司拼盤。千両海鮮燉蛋 ($30) : 實物同相真係差太遠 😂，不過都足料，有冬菇、帶子、大蝦，而且味道不錯亦都幾大碗。👍🏻牛蒡薄脆 ($22)：口感好似食薯片咁，味道幾好。串燒牛舌 ($30) : 口感較好，爽口之剩卻不韌，不過再大塊啲就更好喇。😂 😂千両特盛壽司拼盤 ($360) : 每件壽司睇落都好有光澤，魚生每件都好肥美，有種入口即溶既感覺，口感超正。😍

市面上嘅中等價位堂食壽司舖選擇唔太多，如果係平時就咁單嗌，想食得飽基本上都要百幾二百蚊。如果唔想成日食咁貴，千両都係唔錯嘅選擇，叫啲正常野應該百零蚊就得，唔算平但一定唔貴，而且佢嘅質素都對得住價錢。小編最鍾意就係元氣同千両都有嘅辣味三文魚。佢係軍艦黎，面頭係醃左嘅三文魚粒，有少少辣味，蒜蓉味同沙律醬，每次去都一定會叫起碼一碟！佢嘅玉子都幾好食，唔會太咸，有啲柚子葉喺面，感覺幾清新。三文魚同吞拿魚壽司都唔錯。吞拿魚有唔同部位提供，小編多數都係食赤身為主。牛肉鍋唔平，不過都比足料嘅，但小編就嫌佢油得濟，個湯好多油，啲牛都偏肥，冇特別應該唔會再食🤔下面兩樣係lunch set提供嘅。個定食有幾樣唔同種類嘅野食，幾得意，唔好睇佢細細份，食哂成個餐都幾飽。壽喜燒鍋幾抵食，不過都係油左少少，但餸飯都可以接受嘅。

好肚餓，好肚餓，上次坐吧枱，今次要求坐迴轉，因為一秒都不能等了。友人第一款拿下的魷魚，鮮美黏口，這次的所有壽司飯都略嚴大舊。當然有正常不過的三文魚，第二碟比第一碟的三文魚油潤一點，但都還不到肥美。第三碟不知明的白身魚，口感非常彈牙，完全沒有味道的魚。平衡一下肚皮，一定要點的面鼓湯。肉質軟得太過份的洋風八爪魚。松葉蟹牛油果手卷，我响旺角食啲手卷舊牛油味都切得大過佢，個飯仲暖嘅。吉列炸蠔有點腥呢。毫無生氣的三文魚子，粒粒都爆左軚咁漏哂氣。這是炸的鵝肝嗎？我都未食到實心的。甜蛋和明太子醬的味道也很好，如果蛋更嫩些就完全。最後的軟殼蟹卷，還可以。

寫返之前lunch同朋友去左又一城既千両食lunch, 好彩早少少拎飛，lunchtime都好full~我食既呢個set好豐富，包羅萬有，咩都想試下既叫呢個set就岩晒，心多多，咩都食啲啲～～除左有沙律前菜，味噌湯外，主菜有六格，一格格放滿唔同既美食，第一格有天婦羅蝦壽司、玉子同麻薯，第二格有刺身三文魚、蝦同吞拿魚，好新鮮，第三格係可樂餅，第四格係天婦羅蝦同粟米，第五格鰻魚飯仲有第六格既燒魚～～食晒真係超飽，又每樣都好有質素～～～～所以係好抵食！

不連鎖的連鎖壽司店。 連鎖壽司店來說這間質素都真的是數一數二了。價錢當然也是數一數二。 雖然價錢有一點接貴但質素不錯的。 最愛這裏的火🔥壽司，做得很好。另外全牌的北海道海膽刺身二百多元亦很不錯。

黑松露玉子！本身尼兩樣野我都勁鍾意，兩樣加埋好夾，熱食一流，好流又唔會太heavy牛油果🥑 好香，入面蟹肉係脆，好高質！平均30-40@， 但係個鮮味同埋飯個口感真好好，真係值返尼個價錢

今日行過又一城，想食日本野，就揀咗千両我最欣賞嘅係牛油焗雜菌呢個應該係我食咁多次日本野最好食嘅雜菌 我哋兩個人總共食咗四百幾蚊，都已經夠飽壽司同魚生方面，個人認為一般，反而熟食更加好食

同老公喺又一城買咗飛睇戲， 喺附近千兩晚餐。 食物質素非常一般， 佢個牛肉豆腐鍋老實講吉野家都好食過佢 個清酒煮蜆非常un, 一啲味都無， 海鮮燉蛋 又係冇味， 入面除咗一隻蝦之外其餘都係冬菇， 千両手捲塊紫菜又好un, 老實說真係好麻麻

今日唔知點解好想食魚生，同老婆行下又一城，就決定去呢間食。千兩，好耐無食，還記得中學時好鍾意同同學食，依家食下有冇失準先。油甘魚-厚切，有甘香味，不錯！三文魚腩-十分肥美，油脂多，真的很香很濃的魚味！好彩食左油甘魚先，否則會蓋過它的味道。火炙三文魚-因為我們太喜歡三文魚了！被燒過的三文魚別有一番風味！親子卷-上面是三文魚及三文魚籽，入面有脆脆的魚皮，味道很好。軟殻蟹牛油果卷-這個不過不失啦！如果軟殻蟹脆一點更好！玉子燒-甜甜的玉子點上少少辣的明太子醬，惹味的！牛油帶子-這個麻麻地，牛油味不濃，帶子亦不鮮甜。汁煮鱈魚鮫-這個好好食！魚鮫好滑好滑，汁煮很入味！巨蜂提子梳打-Ok的。整體來說，還不錯啦！魚最好食！

聽人講食呢間餐廳就聽得多，親自嚟試過，覺得一般般。可能因為唔係點一啲貴嘅食物啦，所謂一分錢一分貨嘛!隨便嗌咗啲偏平嘅嚟食, 樣樣都冇咩特別, 係得個玉子燒難忘啲, 甜甜地, 大大件辣味三文魚壽司: 好多芝麻包住唔算太辣手卷塊紫菜好煙韌，以為係脆嘅，但分唔到兩份食烏冬好味, 想食飽必點總體來講都係覺得價錢有啲偏貴，食物同其他壽司店分別唔太大，但見好多人等好多人食，真係各人口味盡不同呀!