十里湘薈

營業中

休息中

今日去咗圓方呢間湖南，上海菜。地點方便，消費滿400元又有免費泊車。呢間餐廳真係好值得一讚，所有食物都非常驚喜，又好食。唔好以為我講得誇張。佢由餐前小食（合桃），到每一個點心都係10分美味。今日我哋係食中午，簡單叫咗幾個點心。麻香黑金鳳爪- $98-佢驚喜嘅地方係鳳爪已經去骨，味道嘢未，少少麻辣。非常開胃。爆汁和牛燒餅- $138/3pcs。牛肉爆汁，好味值得推介。蘿蔔絲酥餅- $78/ 3pcs蝦餃- $88/3pcs蟹黃小籠包- $88/4pcs

一個禮拜前訂佐呢間餐廳，為慶祝屋企人生日初初係經過時被餐廳環境吸引，睇過menu之後覺得十分適合一家人聚餐，所以決定來試下今晚試過之後真係好有驚喜因為係生日聚餐，所以主廚特別幫我地訂製佐一個生日套餐菜式嘅擺盤十分精緻，味道更加係令人回味其中片皮鴨、鮑魚高湯、酸菜龍蝦🦞最令人印象深刻包鴨嘅面皮厚度適中、加幾條青瓜香蔥中和，再點上海鮮醬，一咬落去十分香脆鮑魚高湯嘅料十分足，可以飲得出冇添加太多調味料，湯裡加佐海底椰，令到呢個湯非常清甜。酸菜龍蝦係餐廳新研發嘅菜色，從來未試過龍蝦仲可以有咁特別嘅味道，雖然睇過去好似好辣，但係食落去覺得個辣度係可以接受。餐廳主打上海菜、湘菜，服務也十分好，環境乾淨舒適，總之係一家人聚餐嘅不二之選。

喺KKDay買左下午茶套餐，再喺Openrice book位，食物好食，我最鍾意食係爆汁和牛燒餅，朋友就覺得椰汁杏仁豆腐最好食。全部員工服務態度都好好，坐得幾舒服，下次會再黎食過。

Average quality food and mediocre service.Definitely many other better choices at ELEMENTS. Cannot recommend.The dumplings have a green dye, and taste was off. Spring rolls were lukewarm.Maybe the restaurant has not found a permanent chef since they have posted job vacancies for chef.

Had a great afternoon tea experience thanks to Steve, Wai Yee and manager Patrick. Wish to have more add on for afternoon tea menu, like dim sum and others. Free flow sparkling is good , maybe add more $ for free flow champagne option.Wanted to say - environment is good. What impressed is the most is service. Steve is a super star. He is super friendly from the moment he took phone calls, then on site to greet us and advised us on menu. He has very good knowledge on menu and gave superb recommen

年廿九，今年四大長老都話唔駛番去做節。難得機會，我地兩公婆諗住慢慢揀外賣番去食。呢日早收，決定去Elements行街，周圍行時見到「十里湘薈」都幾多人等外賣 （外賣自取85折都抵WOW）反正未諗到食咩，就跟隊叫埋一份。2個人叫3個餸，蔥爆牛肉、宮保蝦球同干鍋花菜，仲跟咗3個白飯，落完單去兜多個圈就拎得。番到屋企我地習慣將外賣落鑊翻熱再換碟 (係麻煩咗，但熱D又好食D、換左個盒又衛生D！)換碟後發覺都幾大碟！呢度正價係$500左右，以晚餐嘅價位唻講係合理。外賣自取有85折直頭算係抵！食物質素好好，就算蔥爆牛肉同宮保蝦球翻熱後都唔會變鞋變韌！現場食的話應該不得了！蔥爆牛肉份量睇落唔多但其實都算多，夾極都仲有，而且牛肉仲係好嫩，唔會鞋！特別欣賞宮保蝦球，雖然係6隻，但1隻嘅size係超大！！仲要彈牙爽口同厚身！炸皮好薄，唔會食到一口都係粉！宮保蝦球真心好好食！ 85折真係好抵！干鍋花菜其實係干鍋炒椰菜花同蓮藕片，菜炒得乾身，辣得唻又唔搶喉又唔會好油！鍾意食辣嘅一定要試！總括唻講，真係幾好食，性價比好高！我會再唻買外賣番屋企食！ 85折真係好抵！開始掛住佢嘅宮保蝦球啦！

每年來聖誕必做動作，走遍大商場影燈飾，今次最後一站，來此，發現小南國變了湘菜，有唔辣，又試試，雖然無枱布，但食具茶具明亮雅潔高級，裝修新穎中有中國味。 首先最喜歡餐前小食，脆炸黄豆，小小咸，香脆惹味，金黃色又靚，我最鐘意執豆，酒樓豉油甜豆走唔甩我吸嘴。 小籠包，皮滑嫩，肉鲜有汁，外型挺身，摺痕清淅，色澤白淨。 糖醋小排骨，室温，賣相靚，黑石碟灑糖霜，有美感，質不乾硬，酸甜適中。 葱油伴麵，不油所以健康，唔夠臭即葱唔夠多及燶，無豬油香，一粒蝦，太正經，不喜，所以我喜歡壞男人。 醉雞，用白色濶拱邊碟盛上，潛意式引導雞白滑，實際真滑嫩，酒色清而味香，還可以濃少少，肉也渗入酒，點缀小花，像美少女令人醉。

由於疫情關係，呢三年嘅年三十（今年就得年廿九）都無搞過大家族嘅團年飯，頂多只喺搞番同自己細佬妹嘅小團年飯，本來都一早安排好晒今年嘅小團年飯，點知踏入年初就無埋晚市堂食，所以，今回就外賣 + 自家製，前者當然揀啲具質素，而自己唔會煮架啦，所以，試一試主打湖南菜、上海菜「十里湘薈」嘅外賣。雖然喺嚟拎外賣，但都稍微睇一睇吓餐廳環境，既然開得晌「圓坊」，自然喺會走高幾個檔次嘅路線。店內裝修可以講喺華麗十足，一室啡木色，充分表現出一股雅氣，配以多種特色嘅燈飾，加上寬敞自若嘅空間，予人感覺舒服。未能夠堂食，但一樣感受到侍應高質素嘅服務水平，由下單、等候、取貨，職員態度都好友善、有禮貌。見有啲客等得耐咗，除講聲唔好意思之餘，亦招呼啲客入內坐坐等候。其實，都見有唔少客嚟買外賣，枱上都堆咗少少外賣等候客人到取，有小菜套餐，有盆菜。最正依家外賣仲有75折嘛，感覺自然划算好多。基本上主餐牌嘅任何菜式都可以點，不過，亦因應禁晚市堂食，推出咗一系列嘅特價外賣菜式套，定價為$118-$188，配白飯一客，我哋就揀咗當中一款嚟試試。酸蘿蔔牛肚絲 $138 咪睇佢好似細細盒，份量真喺唔少，裡面有好多牛肚絲，而且，炒得

Elements 圓方是非常適合駕車人士到訪的，消費4百元就可免費泊4個鐘頭，食完飯還可以周圍慢慢試衫，十分不錯。十里湘薈室內裝修十分高貴優雅，但招牌外觀卻十分不顯眼，幾失敗吓，若不是有媒體介紹，很可能會錯過這間有水準的菜館。麻椒鷄炸得脆又有肉味，花椒麻味夠但又不過份，沙律菜新鮮亦乾身，麻醬份量剛好，甜品有食材香味，為一餐作出美麗完結。唯一要挑剔的可能是和牛燒餅，熱辣香脆，肉汁是有的，但就全無和牛油香，與其用不上有品質的和牛，給人錯誤期望，不如用本地牛肉，肉質一點也不會差，出品一樣可以做得更出色。鐵觀音，飲不出來。今餐食品廚房製作出色，服務亦十分殷勤，可能是顧客少的原故，希望人多時質量亦能保持。

近排疫情嚴峻，可以既團年飯都係留係屋企食算啦！上次冬至試過酒店盆菜，水準不錯，但只提供四人份量，而今次因為人數較多，就轉下另一間位於圓方內的「十里湘薈」。餐廳位於圓方，就係九龍站上蓋，其實都幾方便。本身6位用（$1888），計落每位$315左右，而12位用更抵食（$2988），人均不用$250，果然係人越多越抵食。盤菜配料相當豐富，上層是有柔韌的南非鮑魚、滑溜的關西刺参、滋補的花膠、豐腴的小元蹄，加埋北京鴨、鹹雞、鵝掌、日本花菇及來自荷蘭的有機花菜，置底是芋頭、蘿蔔、腐竹及娃娃菜，用銻盤擺放，再用保溫袋包裝，一拎就走得。至於鮑魚醬汁，係另外用膠樽裝起，食之前倒返落盤菜翻熱，喜歡的更加可以自行買些少生菜，用電磁爐邊滾邊食。最鍾意食到尾聲，蘿蔔同芋頭已經炆到淋，仲未盡吸其他食材的味道，正。大家更加無須另行煮飯，因為但凡訂6位以上盤菜，會附送加入日本花菇、臘腸及臘肉去煮的「十里臘味香飯」，好乾身又惹味，家陣諗起都想食。今個新年相信好多人會選擇乖乖地係屋企圍爐取暖食飯打機！

禁堂食為有買外賣返家行過圓方見到上次食過嘅十里湘薈推出左個特價16款菜式外賣第ㄧ時間睇睇, 果然性價比高包埋咁我就叫左3個餸宮保蝦球隻蝦彈口同嗰汁好香干煸四季豆嗰汁收得恰到好處至于咕嚕肉不用多講。最後我会講下次会試埋其他款式, 滿足咀咀味蕾

上次去左圓方十里湘薈食剁椒龙魚頭同鮑肚黑毛豬红燒肉回味緊，而家疫情禁堂食今日行過，見到有特價菜牌揀左個干扁四季豆，同埋湘椒黑毛豬，嘩，好抵呀，a la carte 外賣有75折，特價菜仲包左一碗白飯，性價比高。

行完西九文化中心，累了，前往 Elements 逛了一剎那，遠處看見一間門面裝飾華麗的十里湘薈，行近觀賞，侍應Wai Yee 主動及殷勤招待，決定坐下歇歇腳，她介紹多款不同名茶，我選了胎菊茶，再選了濃湯嫩雞煨麵～煨麵味道清香加上雞粒及蔬菜感覺健康有嚼感; 經理 Patrick 走近來為我們加水後，更友善地介紹爆汁和牛燒餅～端來時熱辣辣非常香口而且不羶，一口咬下時和牛汁多得流瀉，小心燙嘴，幸而 Patrick提點免得燙嘴。他亦很熱誠地介紹早市茶點丶精選點心丶下午茶等等。不久來了鮮肉小籠包～既熱騰騰又多汁的小龍包，味道清甜，再多喝兩杯茶便結束了這頓熱情的下午茶。

今日又在西九龍高鐵站溜覽, 不知不覺在附近大商場內見到這標榜湘菜的食店👏裝修典雅高檔路線, 個人感環境畧爲深沈, 侍應甚為殷勤, 尤其外表似經理的男更自我介紹名叫Patrick, 另一女侍應叫慧儀服務亦應一讚👍👍點了兩個點心, 一主食鮮肉小籠包（四隻）熱騰騰, 皮薄餡料足, 味道不錯肉味鮮😋😋爆汁和牛燒餅（4件）京式餅皮軟而有咬感, 內有爆汁, 要小啖小啖入口, 免爆汁四散, 今餐首選的菜🤭🤭濃湯嫩雞煨麵作主食濃湯雞味重, 想心用足料, 麵條軟硬適中, 有口感, 足人份量😋😋又是和味一餐

今日元旦想食餐好，但又怕難搵位，所以訂左台去圓方食飯，一行4 人，好好彩又訂到台，唸都唔唸就決定左食呢間了。入到黎環境好靚，仲有梳化位，本身我地圓台太細，佢地幫我地轉左梳化位，服務唔錯，我地叫左黑毛豬叉燒，不過比想像中無甘嫩滑，叫左賽旁蟹，有個火爐熱住，不過中間無蛋黃，一般般，小龍包都蛋汁唔錯，蘿蔔絲酥幾好食，我地仲叫左松子魚，幾香脆又酸酸甜甜好易入口，不過就油左d,仲叫左個波菜，正正常常甘，甜品叫左香蕉豆沙窩餅，呢個反而有驚喜，煙煙韌韌幾好口感