十二味 (D2 Place TWO)

營業中

休息中

食過咁多間香鍋，都係十二味嗰香鍋最夠味最入味最惹味。今次餸嗌咗牛柏葉、牛脷、肥牛、萵苣、花菜。2個人都夠食，因為好大碗。今次嗌咗中辣，辣度啱啱好，因為佢啲辣唔會搶咗香鍋啲味，而且又夠辣，唔會好似小辣咁，唔死口辣，但味道依然好香。仲可以加麻少油少鹽，個人建議維持原味最好，上菜時一定要撈，咁啲味就均勻啲。另外，就緊係要食紅糖糍粑。糍粑即叫即炸，上菜出晒煙，外面好脆身，內裡好煙靭，口感非常好。黃豆粉甜度啱啱好，咬落仲有夥粒感，再點紅糖醬一齊食，味道好豐富好好咬口。

就到新年,所以食d中國野。好驚喜既地方係呢間野有小龍蝦,超開心,好似去左深圳食野咁。我叫左少spicy,最細既份量,都好多隻,有手套,好易peel佢地既shell,好多有食到d肉,好meaty,加埋特製既sauce,真係會食上癮。另外叫左一碟無骨鳳爪,調味都好正,又係一人已經可以ko成碟。甜品就叫左紅糖糍粑,賣相唔錯,香脆美味,外酥裡嫩,好食。咁樣食完都只係300幾,相當抵食呀!呢間都多分店,下次會約朋友來食!

中午試咗去個海鮮麻辣香鍋入面都幾多配料，今次叫咗小辣，啲魷魚炸過好香口同埋份量都幾多，配埋個汁真係好惹味。之後到試吓蝦，佢個整法係可以成日食，連蝦殼都炒到好脆口，下次唔使淨係食酸菜魚。

走進十二味，腹中餓慌就係要搞掂佢！我地一坐低就點咗份川西冷粉同埋口水雞，想試下佢哋嘅手藝。冷粉上嚟一陣香味襲人，個汁拌勻冷粉，順滑得嚟帶點辣，一啖落去真係「涼快」，啱晒暑氣重嘅日子。跟住上嚟嘅口水難，色香味俱全，雞肉嫩滑得嚟又入味，加埋花生跟青瓜碎，「涼」又「爽口」。個汁辣得啱啱好，唔會辣到嚇人，反而令人一啖接一啖！等咗一陣，乾鍋田雞就整齊哂排成軍上場，一看就知道層次分明。你話麻唔麻、辣唔辣？我話足夠！啲田雞肉質細嫩，唔似啲老 tough 嘅肉，加上啲辣椒絲同蔥花，食落摩登過癮。翻轉餐牌，我哋又點咗一份宮保彈牙雞丁，辣椒粒粒明晰、花生米炒得香脆，雞丁肉嫩，佢哋個汁嘅香辣轉合埋雞肉同花生，真係川味十足！最後總結一句，十二味嘅每一味都係正！你想要住正宗川味，一於走嚟試吓啦！🍗🌶️👅

近日同朋友去咗荔枝角D2 Place搵食，見到有酸菜魚食就走入去喇！我地兩人點左人見人愛酸菜魚同埋川味口水雞：酸菜魚以新鮮魚肉和酸菜為主要成分，搭配川式麻辣調味料烹製而成。魚肉鮮嫩多汁，與酸菜的酸甜味有強烈對比。酸菜中的酸味能夠中和魚肉的油膩感，使整道菜更加爽口呀！我地仲點埋最佳拍檔粉條，份量十足，又有咬口，同埋掛湯汁一流，兩個人都食唔哂，真係好超值！果然係最佳拍檔😂😂跟住就係川味口水雞，以鮮嫩的雞肉為主，搭配川式特製的辣椒油和各種香料調味而成。雞肉有口感，帶著微微的辣勁，令人食指大動。每一塊口水雞都充滿左辣椒油的香氣，令人胃口大開。兩道菜風味鮮明香辣，一定要試下丫，我睇餐牌仲有好多川菜選擇，下次再試😀

麻辣香鍋出名到韓國人都鍾意食，我又點可以唔試下呢！！十二味裝修好有中國風～ 坐落都好大好舒服 ～ 菜式都好多選擇🥰秘製醬香鍋(午餐肉, 豬頸肉, 娃娃菜, 牛丸, 台灣魚腐)這道秘製醬香鍋餸結合了好多種美味的食材，每一口都有不同的風味。午餐肉的香味和豬頸肉的嫩滑非常搭配，娃娃菜的脆度和牛丸的嚼勁完美結合，還有台灣魚腐增加了更多層次。整體來說，這道鍋物讓人感受到濃郁又溫暖的味道，吃完還會一直回味。佢份量都好足，我同男朋友食都食唔曬🍚🍚不管是和家人一起吃，還是和朋友聚餐，這道秘製醬香鍋餸都能讓大家一起享受美食的樂趣。黯然銷魂炒飯($78)黯然銷魂炒飯的特別之處在於它的多樣組合。蝦的鮮甜、雞蛋的綿滑和豬肉碎的香氣相互輝映，讓每一口都帶來豐富的口感。米飯🍚粒粒分明，食落又唔會太乾，炒得剛剛好又有鍋氣！每一口都是一次美味的探險，讓人享受各種不同的味道。不管是自己享受美食時，還是和摯愛的人一起分享，這盤黯然銷魂炒飯都能為你帶來美好的用餐體驗。熱情果梳打($28)熱情果梳打是一種清新又愉快的飲品，深受喜愛的原因不難理解。呢杯好份量好多，兩個人飲剛剛好！喝下去時，果肉的脆爽和梳打的氣泡完美融合，帶來清

去D2等睇戲搵野食，見佢冇乜人，又想食辣就入左去之前食過青衣個間，都OK，不過呢間就相對少人好多2個人叫左一個香鍋小辣（花菜, 四季豆, 鮮魷, 牛百葉, 蓮藕片）之前食過雞軟骨都好食一上黎就已經好香，見到好多辣椒，但真實食落又唔算好辣好大盆，2個人一定食唔曬椰菜花好好食，索曬D味又唔會索油蓮藕＋四季豆走過油，更加入味叫左碗白飯2個人2份食牛百葉就還好，唔夠爽同入味，如果唔係特別鐘意食可以唔洗嗌鮮魷就爽既，有口感，不過都係唔夠入味去到最後原來準備關門，但姐姐都好好冇趕我地，仲叫我地慢慢食雖然2個人淨係叫左一個香鍋，但D料已經多到食唔曬，食淨一半，最後要打包唯一缺點就係，太多油，食到一半已經見到個底有好多油，要用D辣椒墊底隔一隔D油如果可以少D油就100分

今日想食個簡簡單單嘅weekday晚餐，唔好太貴，價錢合理，又好食就得。經過荔枝角D2 Place，就入去睇吓有冇特色嘢食。酸菜魚少少辣，好多酸菜同埋香料，抵味道好濃郁，魚肉好新鮮、好滑。大大盤，足夠兩個人食餐廳仲有提供另一款酸菜魚，係三至四人嘅份量，更加大。如果淨係食酸菜魚覺得唔夠飽，可以加個粉入去湯底，混合一齊食，個粉吸收咗酸菜魚湯底嘅味道，好惹味。我一行兩個女仔，唔係食量好大，無加購粉條，都夠飽，啱啱好。品嚐過咁重口味嘅酸菜魚，一定要飲返一大杯解渴飲品，於是叫咗酸梅湯、柚子茶，原來係超級大杯，而且好冰凍，夠晒解渴。總結，食物同飲品味道非常好，一啲都唔普通，味道好傳統，係正宗嘅酸菜魚，而且分量十足，好抵食。

今日係星期四，放咗工，兩個人去食晚餐，諗住去D2 Place睇吓有咩特色餐廳，見到呢間餐廳裝修唔錯，餐廳外面放咗好多餐牌，介紹餐廳入邊嘅食物，見到餐牌有川味羊腩煲，所以就入去食。餐廳座位間好大，有好多座位，我哋被安排坐梳化位，座位舒適、寬敞。裝修得好別緻，感覺好新，好乾淨。仲有紅色嘅吊燈，充滿中國風味。叫咗一個羊腩煲，大大盤，連埋一個Gas爐，俾你可以加送入去食。仲有送一碟油麥菜，俾你打邊爐。一鍋夠晒兩個人食，份量好充足，好抵食。羊腩煲入邊有白蘿蔔、支竹等配菜。羊腩炆得好琳，好入味，肉多骨少，易入口。我揀咗唔辣，湯底都好惹味，好濃味。食完羊腩煲，一定要叫杯解渴嘅凍飲，我地揀咗酸梅湯同埋柚子茶，大大杯，好冰凍，好解渴，酸酸地，好開胃。

十二味相信大家都一定聽過，特別係喜歡食川菜嘅朋友，點都會試過，仲要依家開到成行成市，咁岩佢地喺荔枝角D2 Place開咗一間，就同我好食得辣嘅另一半去準備爆菊之旅🌼。一入店大大隻字就已經寫住「民以食為天」，就可以道出佢地唔需要咩花巧手藝，只用味道去征服我地市民。我地就分別嗌咗：1）清鮮藤椒魚 🌶️🌶️🌶️🌶️🌶️/🌶️🌶️🌶️🌶️🌶️2）酸辣土豆絲 🌶️🌶️🌶️🌶️🌶️/🌶️🌶️🌶️🌶️🌶️3）燒椒皮蛋 🌶️🌶️🌶️🌶️/🌶️🌶️🌶️🌶️🌶️藤椒魚真係無得輸，就算依家通返關都好，十二味嘅麻、辣、鮮都係首屈一指，麻嘅味道加上辣，係會令到你對魚片係慾罷不能🤤🤤之後個土豆絲又係誇張，雖然唔係啲咩值錢嘢，但講緊$68大碟到我同另一半都「嘩」一聲，仲要係個味道唔差，而最後一個小吃就嗌咗燒椒皮蛋，皮蛋味非常之出，如果可以再流心多少少就更加理想。最後埋單$4xx，真係唔好睇淨係嗌咁少嘢食，已經令到我地兩個捧住個肚走，其實之前我都食過十二味嘅午餐，我個人黎講係覺得性價比超級高，仲要勁好食。打打下字都已經想再去十二味再食佢地啲魚啦。🥹🥹

平時中午成日同同事嚟呢度食lunch，佢嘅lunch set都幾抵食。最平50幾蚊有個小菜加白飯加嘢飲。今次就嚟試吓佢嘅晚餐Menu。安格斯牛肉豆腐鍋牛肉幾鮮嫩，唔會住得太老，肉質唔會好乾柴。但係要快啲食，因為石鍋有溫度會令牛肉繼續慢慢變得更加熟，到時就會有啲un。豆腐，再加佢嘅醬汁，辣辣地，好易送飯。乾扁四季豆四季豆好嫩，冇渣。炒得好有鑊氣，好香口。肉碎亦都沾滿左四季豆。冰粉用桂花整嘅冰粉，好香桂花味，好特別。

十二味 喜歡食辣🌶️～當然要去十二味～有多款川菜美食主打經典香辣鍋🤪自選辣度、麻度同配料經典香辣鍋🌶️我叫左小辣～香、辣、麻口味一應俱全配料簡左金錢肚、鮮魷、鮮腐竹、豆皮、寛粉超級足料👍🏻好夠鑊氣又入味🍚配埋碗白飯🍚正酸辣土豆絲🥔土豆絲口感豐富😋酸辣又開胃今次來買外賣🥡落單十分鐘左右攞得好有效率🤝👍🏻而且份量足、美味唔錯📍荔枝角長順街15號D2 Place TWO 2樓212B, 213, 216A號舖

近呢一年十二味開到成行成市，差唔多每一區都見到佢。因為唔係好食得辣，所以之前都冇試過呢種四川菜。見係返工附近開咗一間，所以專登夜晚嚟試吓。回鍋肉入邊有豬肉片韭菜同埋蓮藕，睇個賣相就知道炒得好靚，色香味俱全。可以辣度，唔辣都得。醬汁味道豐富，豬肉片炒到好有咬口，蓮藕亦都好爽口。干鍋自己揀五種或以上嘅食材，今次揀咗椰菜花薯仔蓮藕豬頸肉同埋牛柏葉。超級大碗，夠幾個人食。同樣有得揀辣度，會種食材都走過油，所以好香口。個人覺得椰菜花最好食，爽口得來椰菜花亦都吸晒啲醬汁。薯仔都唔錯，好軟冧。始終川菜味道比較偏濃，所以喺落單嘅時候可以選擇少油少鹽。

最近我去完荔枝角D2，天氣又凍，想食辣嘢，見到十二味，食啲辣嘢出身汗最適合不過川式口水雞🐔🐔十二味嘅川式口水雞非常正宗，麻辣鮮香，入口即化，絕對係一道必點既菜式。霸王辣子雞🌶️🌶️大大盤擠喺枱面，最緊要啲辣椒夠多。辣椒炒香，雞肉鮮嫩，辣中帶麻，絕對能夠滿足你對辣味的渴望。十二味以四川菜為主，無論係川式口水雞定係霸王辣子雞，都充滿了正宗的四川風味。如果你鍾意辣味食物，十二味絕對係一個值得光顧嘅餐廳。就算唔食得辣嘅都點佢個杯熱情果梳打，超級大杯，好似我呢啲唔食得辣嘅，有佢頂住一流

放工去荔枝角搵朋友食飯。好少去D2 Place二期果邊，原來都有唔少餐廳。仲比一期嗰邊少人好多，可以靜靜地食下飯。今日想食中菜，朋友推介呢間十二味，一於試吓招牌酸菜魚。一上枱，超級大碗😂小辣真係唔算辣，冇食開辣嘅朋友都應該食到，可以試吓。因為酸菜魚真係太大碗，兩個人食都好夠。所以另外就咁叫咗一碟炒菜，加個白飯就已經好飽🥹下次同多啲人嚟食可以試吓其他嘢！見到隔離枱食乾鍋都係一樣咁大碗，好想試吓😍😍