十二味 (D2 Place TWO)

營業中

休息中

我的真實食評- - 十二味有好多間分店。所以很容易走到哪裡就吃得到他們的食物，外面吃過好多間川菜。我覺得這間算比較經濟實惠。 都好大份。 牛肉大概有10幾十片 味道同辣到都適中。我只能享受到小辣。 但是已經覺得不錯。 內裏的配搭有芽菜及芹菜 比例都算合格 而午市人好多。可能是在荔枝角工業大廈會比較便宜 整體來講質素中高。美中不足是花椒粒太多。我很怕吃花椒，可是又很喜歡吃辣，但是只能吃小辣，他們這一家算做得很不錯，只要一有經過我看到價錢適合我就會去吃。

個人最鐘意十二味辣子雞，香辣可口薯仔絲都酸辣好食之前仲食過香鍋，份量大又價格實惠，好抵食好大分量二個人嚟食點兩個餸就食得飽，真心又抵又好食推薦大家真係要試吓辣子雞！

去咗十二味用餐，真係一場麻辣盛宴！呢度每一款菜都帶有濃郁嘅四川風味，真係值得一試！嵊州老麵小籠包（6只）雖然唔辣，但非常多汁，啖啖爆湯，麵皮亦都恰到好處，口感柔軟，簡直令人一食難忘。小酥肉呢個真係一絕！外層香脆得嚟，又有陣麻辣香味，食落去仲係鬆化，係必試小食之一。經典香辣鍋雖然只係小辣，但係對於唔太食得辣嘅朋友嚟講都算係幾刺激㗎啦。呢個鍋真係好有特色，用料非常豐富：- 耗兒魚口感非常嫩滑，食落去好特別，係種新鮮感覺，冇諗過可以咁嫩。- 排骨仔排骨仔入曬味，麻辣之餘肉質亦都好嫩。- 黃喉第一次試呢個，食落口感爽脆彈牙，好有嚼勁。- 豆皮完全吸收咗辣鍋入面嘅紅油，味道令人驚艷。- 貢菜口感有啲特別，帶有少許脆口，配埋重口味嘅香辣鍋，真係一绝搭配。整體嚟講，十二味確實好值得推介，特別啱啲鍾意麻辣嘅朋友。有機會一定要嚟試下！

今晚喺屋企招呼朋友，大家都鍾意濃味嘅食物，於是就去咗附近嘅川菜館買外賣！呢度有好抵食嘅晚市套餐，不過我哋就覺得乾鍋更加吸引～乾窩可以自己選擇配料，我哋揀咗午餐肉、豬腸、腐竹、豬頸肉和魚蛋，真係好豐富嘅組合！腐竹吸味一流，好好味；午餐肉煎香咗，味道都唔錯，不過少少鹹送飯一流。各款配料份量都好多，五個餸已經好大兜！！蔥油拌麵都係必食推介，醬汁味道濃郁，蔥香撲鼻，輕輕鬆鬆就食晒一份😂小籠包同平時食上海嗰啲小籠包唔一樣，皮比較厚，肉餡比較濃味，一盒有六隻真係好抵。最後，食碗冰粉作為甜點。滑嘟嘟的冰粉充滿桂花香味，食完濃味食物正好解一解，食完身心都涼快！

荔枝角的十二味有 Set Dinner… 好似真係其他分店無（最少我印象中、APM 和 MK都無）⋯ 同朋友行過D2 Place 就入去叫嚟食。因為好少佢有 Set Dinner 仲有埋菜食，香港地出街食真係買少見少。我地就叫咗酸菜魚+時蔬二人套餐。如果想食得健康，可以叫少油，真係少到俾你；辣度都可以㨂唔辣。魚肉份量都幾多、比起兩個一人餐加埋仲多，我哋最尾作戰到底都有少少剩低。前菜有蒜泥青瓜🥒和木耳（小辣都幾開胃🤤）十二味獨特嘅飲品係桂花冰釀，有少少似米酒的凍飲、有幾獨特嘅米香和微微微酒味。個餐仲包埋2碗冰粉、可以配搭比較濃味嘅酸菜魚一齊食，帶嚟一啲Refreshing嘅口味

今日放工唔想煮飯就去揾外賣返屋企慢慢食，見到呢間川菜門口菜單好多選擇就去望下，鍾意食辣唔食得辣都可以一齊食飯啦，唔睇唔知原來川菜都有得揀唔辣好貼心呀未夠7點人唔算太多，好彩行快兩步菜式選擇好多，配搭又多，仲有一人同二人套餐都幾抵食，最後就揀左個一人套餐川香回鍋肉小辣，配酸辣木耳，冰粉，同白飯，$88呢個價錢有咁多算好抵另外加左小籠包，酸辣無骨鳳爪，蔥油拌麵，口水雞，有辣有唔辣，返屋企自己選擇小籠包唔係我哋食開嘅上海小籠包，似煎包多d，但餡好惹味好juicy$29有6個幾抵食，下次要試下辣味小籠包係點先酸辣無骨鳳爪(小辣)又係辣得過癮又食得好爽，唔使慢慢吐骨，一啖一隻，配埋爽口青瓜小辣都夠辣，中意食辣可以試中辣大辣口水雞辣味反而無咁重，以香為主，雞肉嫩滑，配飯麵一流，份量夠又多一人餐揀左川香回鍋肉(少辣），肉醃得好入味，又切得厚薄均勻，肉配蔥食係惹味香濃又唔膩肉既份量都唔少，加碟白飯真係一流一人餐會配酸辣木耳，木耳好大塊又爽口，酸味唔搶，辣味為主調，整體調味剛好唔太重手蔥油拌麵比想像中出色，炒得好夠鑊氣，一打開就聞到好香蔥油香味，衣個價錢黎講絕對無投訴跟餐既冰粉幾特別，桂花香味淡淡唔太甜

作為川菜嘅粉絲，好多時都會周圍搵好嘢食。但有時調返轉，響市區周圍附近都已經有相當高質素嘅川菜食！酸辣土豆絲前菜就叫咗個土豆絲食。個人作為一個土豆迷，基本上去唔同地方都會叫酸辣土豆絲食。而呢度嘅土豆絲，令人樂而忘返！熱炒上菜時香味四溢，鑊氣十足。入口味道唔會得個辣字，亦有一股香辛嘅味道，而且炒得乾身，唔會食到成口都係油！小辣乾鍋今次就特登叫咗個乾鍋，佢最特別就係可以自選不同嘅配菜，大家可以因應自己嘅口味而配搭。今次我就揀咗蓮藕、豬頸肉、花椰菜、萵筍同雞軟骨。香辣嘅味道，配上自己鍾意嘅食材，的確令人食指大動。而濃味嘅乾鍋香辣，配上白飯，調和返乾鍋嘅濃味！食完之後，的確辣得過癮！更重要係，佢嘅香辣惹味到令人食唔停口，大大煲嘅乾鍋都可以食晒！橙汁食完辣嘢，佢有唔同嘅飲品選擇，飲落舒服解辣。

一食川菜，就即刻諗起十二味，喺荔枝角行完市集，見附近有分店，就即刻同朋友嚟咗食！呢間分店嘅裝潢依然充滿古色古香，座位闊落，望落乾淨企理！▫️蒜泥黃瓜前菜叫咗呢一款蒜泥黃瓜，食落好清新，黃瓜爽脆，好適合作為餐前小食。而且食辣嘢食黃瓜嘅話有助解辣😋▫️川式口水雞 每次嚟到必點，口水雞可以選擇三種辣度，我今次就揀咗中辣！口水雞雞肉嫩滑，面上鋪滿口水辣椒油，一啖食落去，除咗有滿滿嘅辣椒香味，亦冇掩蓋雞味，真係超級好食！▫️干鍋（小辣）配料：蓮藕、豬頸肉、花椰菜、萵筍、雞軟骨加配白飯😋😋😋今次唔食酸菜魚，選擇咗食乾鍋！餐廳嘅乾鍋配料可以選擇半份，所以兩個人嚟到，依然可以叫乾鍋食，絕對唔會怕食唔晒！個人最愛食雞軟骨，香辣爽脆！今次仲食咗豬頸肉，肉質爽滑，正！朋友推薦叫蓮藕，估唔到加蓮藕入干鍋，蓮藕炒得非常入味，食落爽脆惹味！個人認為乾鍋必點蓮藕！😋▫️檸檬梳打最近增加咗幾款梳打飲品，今次叫咗檸檬梳打，解辣一流，清新好飲！

又係午市時間去食好西嘅時候平時去十二味食晚餐，份量比較較大份，人少都好難叫多幾樣share到，次次都眼闊肚窄捱到勁多嘢，最後都係全部打包反而今日經過lunch time嘅兩set就好抵食口水雞套餐上菜賣相精緻，入面已經起咗骨，味道啱啱好，唔會太鹹，亦都有口水汁醬味，小小麻辣，好惹味麻婆豆腐上面灑咗好多花椒粉，撈埋一齊食之後，係白飯小偷，又香又滑，雖然自己一個人嘅時候永永遠遠都有更加好嘅選擇叫唔到麻婆豆腐，但係大家一齊share就冇呢個煩惱🤩酸菜魚都係必叫再加咗薯粉，喺入邊碳水加碳水嘅配搭

川菜餐廳環境好乾淨唔會黐立立 職員好搞笑有傾有講面帶笑容 氣氛好好每對筷子擺嘅方向都係一樣職員應該有強迫症就連外賣 都畫將公仔紙 通知外賣完拎貨 好得意難得素食嘅人士都有得選擇選擇全素麻辣香鍋有芽菜薯仔雲耳蓮藕筍非常大碟選擇小辣睇下嗰啲辣椒都好多下免費包一包紙包飲品 其他飲品需要加錢

近排開始天氣凍，就想食返啲川菜暖吓個身。行過D2 Place就比我發現呢間十二味。之前喺其他地區都有見過呢一間嘅分店，但係一直都遲遲未有入去試。今次見天氣凍就一於試吓佢。今次我就因為方便關係就買咗外賣帶返屋企食。我就嗌咗水煮牛肉、嵊州老面小籠包同埋花生宮保雞丁。先講水煮牛肉，份量好大，味道辣得來，帶有少少麻、仲有少少後勁。聞落去都好香，帶點花椒味。牛肉份量都多，牛肉質地有咬口，唔會過分軟腍腍。除咗牛肉之外入邊仲有其他配菜，例如青瓜、生菜同埋寬粉。寬粉好煙靭，值得一讚。撈麵小籠包就有啲驚喜，佢同我哋平時食開嘅小籠包係唔一樣嘅，唔會係皮薄嗰種，而係佢哋係好似包咁樣，有少少似生煎包，包睇做得好好，好煙靭，亦都帶有麵粉香，而內餡係豬肉，但係仍然充滿着肉汁好Juicy，唔會食落好乾。而最後就係花生宮保雞丁，炒得好有鑊氣雞肉唔會好乾柴保持到口感，加埋花生同埋腰果，食落好香口好惹味。呢一碟餸攞嚟配酒一流。整體嚟講，我覺得食物質素好好，絕對帶出川美嗰種香、麻、辣嘅感覺。有機會一定會試吓堂食，試多啲佢其他川菜款式。

今天在荔枝角的十二味點了幾道外賣，真是讓人驚喜連連的川菜館！🍜🔥🌿 **蔥油拌麵**：這道菜的麵條如絲般滑嫩，炒得非常香，蔥花香氣四溢，讓人垂涎三尺。每一口都能感受到那濃濃的蔥香，簡直是味蕾的饗宴！😋🧄🥩 **水煮牛肉**：可以選擇小辣、中辣、大辣，我選了中辣，辣度剛剛好！牛肉片嫩滑入味，鮮紅的湯底讓人欲罷不能，辣得酣暢淋漓，卻又停不下筷子，這就是川菜的魅力！🌶️🔥🥟 **老麵小籠包**：六只小籠包，個個飽滿多汁，輕輕一咬，鮮美的肉汁在口中爆開，令人回味無窮。😋🥢🥓 **川香回鍋肉**：這道菜色澤誘人，回鍋肉片肥而不膩，香氣撲鼻。搭配上青蔥和紅辣椒，味道層次豐富，是一道經典的川菜。🌶️🥬在這樣一個充滿，火候火氣，每一道菜都讓我感受到川菜的熱情與魅力。下次，我一定繼續探索更多美味！🍽️💕

今天在荔枝角的十二味點了外賣，帶回家和家人一起吃，真是讓人驚喜連連的川菜館！🏮黑豆花鮮椒魚這道菜的魚肉色澤誘人，入口彈性十足，鮮椒的微辣讓整道菜更加立體，仿彿在味蕾上跳舞！🐟🌶️而且，一份魚只要138元，還送蒜泥黃瓜、麽妹兒冰粉和飲品半價，真的超級劃算！👍蒜泥黃瓜清脆可口，蒜香撲鼻，是解膩的好搭檔！🥒麽妹兒冰粉透明帶點黃糖色，滑嫩透心，配上葡萄乾，甜而不膩，吃了辣魚後來一份冰粉，簡直是舒心至極！🍨美滋滋芒果蘇打散發著濃郁的芒果香氣，氣泡的清新感瞬間喚醒味蕾，是夏日消暑的絕佳選擇！🥭🥤夫妻肺片，口感有嚼勁，微微的麻辣感在口中蔓延，讓人欲罷不能，絕對是下飯的極品！🥢🍚嵊州老麵小籠包，輕輕一咬，就有濃濃的肉香和微辣，讓人回味無窮！🥟🔥酸辣木耳，口感爽脆，酸味和辣味完美結合，絕對是開胃的好選擇！🌾🌶️

今天公司同事生日我們8個人選了十二味，服務員安排了VIP房，點完餐才發現有些菜品可以做套餐，要求轉套餐，服務員很熱情也很耐心幫我取消及重新入單，雖然我們要求比較多，但是服務員也是不厭其煩隨叫隨到，菜品也是足夠大份，特別是酸菜魚，一上桌就驚艷到我們，同事們都異口同聲哇，好大份，菜品不但香味美，服务也非常周道，給我們留下了美好的用餐體驗，下次還會來光顧。

服務態度超差永不光顧侍應倒寫污糟碗碟到我身上，弄污我西裝西褲，冇道歉又唔肯補償，全無待客之道，今時今日應該被淘汰，冇下次，我會改為幫襯其他食店，希望藉此鼓勵其他好店！