十二味 (D2 Place TWO)

營業中

休息中

D2 place 而家多左好多野食，今日放工行過，就想黎試下呢間十二味。 之前都好想試，但又擔心會唔會太辣，不過同事話其實十二味都有好多野選擇，唔係只有辣野食，所以今晚就決定黎食下。好在早左少少，坐落陸續都好多人黎差唔多坐滿。 掃左QR code見佢好多川菜，而入到去點菜都可以簡唔辣同大中小辣，好細心既餐牌。跟住簡左個川香回鍋肉，黎到好大碟。 我簡左小辣，所以辣椒唔係好多，但肉好薄，竟然有肥牛既效果，仲要好大塊，又炒得好香，而佢都有好多蔥，夾埋好好食。 少少辣但唔會好咸或太油，比一般既川菜好食好多。之後叫左個杏仁青檸蝦球。 估唔到會有啲同辣完全相反既餸，而佢煮到出黎都好新鮮。 隻蝦超大隻，即炸超熱，而上面既青檸醬又好香。 咬落啖啖肉，超爽口。最後加埋杯熱柚子蜜，真係食得超開心，真係值得黎食呀。