北京樓 (新城市廣場一期)

營業中

休息中

正月十五 元宵佳節 ；一場歡喜 、一枱差元宵佳節家中兩個情人（一行三人）想去北京樓食北京填鴨；因為到沙田行街！就去咗新城市廣場依間！農曆新年期間只有選擇賀年套餐！選咗一個四人賀年套餐；包括有：三小碟（醉雞、糖糟排骨、燻素鵝）發財好市（冬菇、發菜、金蠔炆火腩；生菜底）北京填鴨（半隻）沙碢花膠雲吞雞煲松子貴桂花魚灌湯小龍包合桃湯圓再另加一個水晶肴肉依個套餐真令人失望；喺失望中嘅失望！由其是這碟北京填鴨；可以講人生之中過了一半！第一次食到噤難食嘅北京填鴨！點樣差法？經理一放上枱；我已經懷疑人生嘅感覺？！這碟是北京填鴨⋯⋯大問號❓出現了！我就馬上同經理講！這碟是新鮮砌出來的填鴨嗎？！經理一定回答是新鮮的！但我一睇！肉質同鴨皮都好似有點乾！烤鴨皮有番烤的感覺；乾得喇出油！肉質死灰色！誰知一食落口！就見真章！唔使再食！這碟填鴨食咗幾片就唔食！質素太太差了！除咗填鴨最差其他菜式都是一般中嘅一般！小龍包還保持質素！還有碗碟又不乾淨，服務員態度又差！上菜又由松子魚上第一度！可能我今日擇錯日子去這家北京樓！但對我嚟講；以後以後唔會去這間食飯！大家不妨去試一下有冇噤差！

沙田新城市廣場八樓的同一集團的三間中菜館，裝修後漸漸再度投入服務。今天來了北京樓，進入菜館，感覺挺好，間隔採用了半開放式的設計，而且看來較以前高級。唯一不足就是我們今天坐的位置較接近餐廳入口。來北京樓當然有吃烤鴨，我們只三個人，所以點了半隻，烤鴨來了，賣相跟味道還可以，可惜，食起來像菜涼了才送上，就是沒以前那麼好吃，有點失準。😥餐前小吃方面，以前來北京樓都會點蒜泥白肉，我愛那又濃又香可不膩的醬，伴著白肉一起吃，真是回味無窮。可惜，今天把整本餐牌看了幾遍也找不到這菜式。😥最後選了麻醬雞絲粉皮和餚肉，幸好這兩個味道都不錯。😊主菜我們點了雲腿糟蒸黃魚，賣相很特別，冬菇肉厚美味，但黃魚的味道卻只是一般。今天最滿意的是羊肚菌鮑魚螺燉湯，溫度夠、味清甜。不過整體來說，這晩餐還是有點令人失望。

下午時段，以為要排好耐隊，誰不知竟不用等便可以直接入座。太好了！😊點了幾道菜。小籠包（4隻）叫人好失望！個小籠未食，都沒有熱騰騰的感覺，而最重要是，未食之先，小籠包裡的汁已流走晒！所以到我夾同食的時候，個小籠包都乾乾的，完全沒有肉汁，十分之失望😞！*鮮蝦腐皮卷，香脆好食。*擔擔面，湯底味道只得一個「麻」字，湯底都不夠濃郁，都是失望，而面方面都太軟身，不彈牙，麻麻地。整個擔擔麵真的有點令人失望。*糖醋里脊肉配薄餅，肉太甜，洋蔥絲太多而且太生，只係簿餅夠簿，是唯一的亮點，主角都是失望囉。*百花煎釀三寶，好食😋又大件。*蝦餃，大隻正常。好食。不過，想講，這間都係老牌酒樓，可是，正常點心質素是正常！但，今次食的「北京」菜式都強差人意，出乎意料之外的差，而且價錢不是特別平。性價比好低。另外。由於不知什麼是「滷麵」，於是問了職員，但職員都說「不知道」，於是便點番「擔擔麵」。

本來早上約了一大班朋友去食意粉，怎知服務員說任何時間都系9 0分鐘用餐時間，真掃興！只好轉場！去飲茶一定不會再有限時困擾吧！我們本想叫點心，但見4人套餐$498好抵，仲有片皮鴨，即試下。 估不到每碟菜式都大大碟，味道合格，算有驚喜。但也有失分地方，就係人手不夠，服務員態度麻麻，廁所周圍堆滿用過廁紙，但廁紙廂反而是空的😅！非常希望能改善😎。

見到做特價套餐就去試一試-$488北京填鴨半隻加油浸筍殼魚叫餸時夥記同隊長唔回應，就算見到你叫佢都唔會理你就行咗去！唔係一個係咁幾個都係咁！我係叫清潔姐姐叫伙記落單。但伙記落單又落唔齊！上菜又上唔齊！到差唔多食完，重有個义子未到，就叫清潔姐姐叫伙記同我取消個义子，點知1分鐘就送上枱，不過係凍又唸嘅！北京填鴨同薄餅出晒煙上菜時係凍嘅！又唔係滿坐，又唔係好多人！出菜同樓面都唔協調！伙記就掛住同啲熟客傾偈！唔會再有下次！

原來而家沙田間北京樓因為新裝修所以有個8折套餐做緊全隻北京填鴨加油浸筍殼魚套餐$488咁啱奶奶生日就book咗枱食飯新裝修係幾華麗但係食物質素同埋服務態度依然都係非常一般特別係北京填鴨質素好似越來麻麻唔脆又唔油香🙃🙃其他嘢都係正常發揮但無咩特別唔會想再去食😂

一行五人去沙田北京樓食晚飯，片皮鴨嘅味道的確如其他好友嘅食評所言，以收費嚟講，已經係難以值得收取呢個價錢。其他嘅餐點例如小籠包、生菜包等等，亦有類似情況。現場所見，食客疏落，或許就係最直接對店方嘅回應。但係，店方似乎亦唔想坐以待斃，以一招製麵師傅即場表演手拉麵供食客欣賞，走兩至三場表演，氹得班食客都幾開心，個個都拎曬手機出嚟影相，當中小朋友就最開心，每位小朋友可以攞到一嚿麵團，拎返去當泥膠玩都可以玩一餐。不過餐廳最重要都係食物好唔好食以咁嘅質素落去，恐怕要再搞幾多個表演先掂。。。有緣先再去啦

好耐都無幫襯這間食市 (以往家裡長者是常客)，見佢新裝修完成，又是連續3日假期，便去試試。食店門口有個片皮鴨套餐，價錢$488 (片皮鴨半隻+ 油浸筍殼魚），諗住氹吓啲長者開心啦，點知…好失望，鴨無鴨味，米紙無米味，好似食緊「一塊膠」咁，唉﹗北京樓(沙田)，點解會搞成咁。算吧﹗都係吃下點心好了

本身同家人想去沙田翠園飲下午茶，點知去到發現圍左板話裝修到11月下旬，所以轉去隔離食新裝修後嘅北京樓，睇下有無咩大分別。新裝修開揚過之前，間隔、餐具都靚左好多，環境算幾好 同家人叫左幾個點心同飯試下，有蝦餃、叉燒腸、菠蘿酥焗餐包、黑糖馬拉糕及瑤柱蛋白炒飯，叉燒腸，餐包都係普通味道，無乜特別，不過不失。蛋白炒飯份量同味道都係一般水準。其中蝦餃同馬拉糕落單後40分鐘都未有，所以追單，追單後有馬粒糕黎，份量係好細件，個籠已經唔係大，食落無黑糖味 唔係幾好食。由於蝦餃追極單都無，所以專登搵到左個黑衫經理級嘅男人追單，呢個時候已經係落單後50分鐘，但男經理話：「廚房依家好混亂，廚房有單就有單，無左單就無架啦，無就幫你取消囉」聽到後同家人都有啲驚訝，新裝修後硬件應該升級左，相信應該比之前更好，但竟然聽到經理呢個答覆 雖然蝦餃最後終於有得食，蝦餃內嘅蝦雖然大隻但整體味道好淡，而呢度點心價錢唔係話好平，一間集團式嘅酒樓竟然會咁答個客，覺得服務好差，加上經常無侍應幫手沖水，次次都要等好耐先有侍應幫手沖水，下午2點05分入座，3點15分已經問仲加唔加單，感覺好想摧你走，一定唔會再幫襯，貼錢買難受 臨走前去

我係二零二三年七月六日夜晩七點去沙田新城市廣場北京樓食。一早有booking 所以唔洗等位，門口講枱號叫我自己行入去，途中完全無人指示位置，搵左好耐先搵到張枱，原來係門口附近一個房到。 坐底左，等左超過15分鐘都未有人黎落單，中途自己出去截停過幾個侍應，個個都粗聲粗氣話：等下等下。去到最後原來係要大聲問左一句：落得單未，先有人會過黎serve。食物quality 無問題，但侍應服務態度衰過澳牛，連傳菜過姐姐態度都好過啲侍應好多。隔離張枱食完超過個半中都無人執枱，食左2個半中左右，走果時發現成間酒樓過半既都係枱剩飯剩骨無人執。

呢間北京樓從來冇嚟過佢係位於新城市廣場嘅美心層全層都係美心嘅餐廳唔知佢哋係咪用同一個廚房比起其他北京樓呢度裝修有少少舊但係乾淨企理感覺就係好似一間美心快餐有枱布的高級版如果想食裝修嘅朋友建議去金鐘嗰間員工服務態度ok上菜速度快有效率食物質素穩定本人覺得片皮鴨唔錯皮都鬆脆其他菜式都正常冇乜特別唔妥嘅地方

其實都已經食過北京樓好多次， 今次到沙田分店。 大約晚上八點到達， 店內已經坐滿客人。晚飯 ～ 咸菜$23、北京填鴨$340、醉雞$98、小籠包$78、炸銀絲卷$30、松子黃花魚柳$168、蔥爆牛肉$155、鍋塌二蝦豆腐$128、韭黃肉絲炒拉麵$128、青島$56。 ▫️咸菜 ～ 有少少麻辣味， 滿滿的一大碟。 ▫️北京填鴨 ～ 片皮鴨失準， 仲有食曬所有菜式佢先至到😅。     ▫️醉雞 ～ 酒味唔夠。 ▫️小籠包 ～ 湯汁豐富，幾飽滿。 ▫️炸銀絲卷 ～ 個皮炸得好硬。 ▫️松子黃花魚柳 ～ 甜酸可口， 魚柳外脆內嫩， 可惜炸米通好硬。 ▫️蔥爆牛肉 ～ 正常發揮。 ▫️鍋塌二蝦豆腐 ～ 味道一般吧！ ▫️韭黃肉絲炒拉麵 ～ 大大一碟，味道普通啦！ 感覺食物失準了😉， 我們7月1號去食，平時有的優惠全部原價， 再加上10點關門，片皮鴨九點幾先到食得好急。🏷️溫馨提示～ 整個用餐體驗均屬個人分享意見， 只作參考😊。

呢期🐤🐤好紅哦！根據《本草綱目》：「鴨肉主大補虛勞，最消毒熱，利小便，除水腫，消脹滿，利臟腑，退瘡腫，定驚癇。」中醫有認為，鴨肉有養胃、補腎的功效，能清熱、消腫，尤其適合體內熱氣引起，有大便乾結、水腫症狀者食用。所以我哋呢晚一家大細，決定同老爸嚟食片皮鴨啦！呢間位於新城市廣場8樓嘅北京樓，似乎喺沙田開業十多年，但我哋都係第一次幫襯。主要原因呢間走中高檔路線，價錢絕對唔算大眾化。但係難得老爸想食片皮鴨，所以就算貴都嚟幫襯吓啦！我哋6點半就到咗，嚟到後見有好多吉枱，侍應就送上兩壼茶水。未幾，開始人多，侍應已忙不過來。而我哋舉手想點餐亦都冇乜人理。等咗好耐，終於有人理吓我哋啦😂點餐冇幾耐，先嚟咗個瑤柱蛋白炒飯，都幾好食。米飯粒粒分明，咸淡適宜。唔住就嚟咗個金銀蛋莧菜，都係不過不失，同普通茶樓質素一樣。跟住就嚟咗個豉汁蒸白鱔，鱔球一共八舊，每一舊都索價$30幾，好貴哦！真係要嗒真啲了！鱔球冇泥味，肉質爽口彈牙，都幾新鮮嘅！跟住就係是晚嘅主角出場喇！薄餅皮下面有個小爐慶住，不過一陣就熄滅，要趁熱食喎！鴨皮充滿油潤光澤，包住京葱和青瓜絲，再加海鮮醬，一口一個，實在令人回味無窮呢！我哋每人都可以食到

星期日早上10:50見北京樓唔洗排隊，而同層另外兩間酒樓都排長龍，於是就入左北京樓飲茶。被安排坐於窗邊一枱，首先，一走到枱邊坐下先，椅子感覺很髒（但窩心位是：二人枱會放三張椅給客人放物資）；然後，牆身也很髒、枱布的繡字都甩掉線、杯碟也有點髒、筷子一用便斷了、二人的碗子也不一致，整體感覺真的很髒及殘舊。食物質素還可以，味道正常，牛肉球是好味的、煎蝦米腸沒有芝麻；但等候時間較長，10:59 下單，煎蝦米腸及蛋撻11:16到達、牛肉球和燒賣11:36 到。服務員的態度還好。整體，平衡 用餐環境、食物質素、服務態度，價格貴了一點。

今早同太太去沙田新城市廣場北京樓，老實講，樓面真係唔夠人，只得一兩個。初時入去，無人帶位，仲要張枱無枱號，我哋兜咗兩個圈，才搵到個樓面問，邊一張冇枱號嘅枱係屬於我哋。其後，用二維碼點咗6樣嘢，等左半小時只來了兩樣，我太太趕返工，我又腳傷行得慢，更想預早少少離開，同某個樓面阿姐講，並話我太太趕上班，那位阿姐真係值得一讚，她很快幫我們跟進，我們很短時間就有得食，我連聲道謝許多次。但之後，始終人手唔夠係一個最大問題，我見其他枱也有追單，但那個阿姐還要鋪枱和做其他嘢，而應接不暇其他追單。值得一讚，用二維碼落單，初時覺得好冷冰冰，不夠人性化。但自從在另一間酒樓試過俾樓面經理特登落遲單，將他們的所謂熟客提早落單，我們也沒有時間證據話她落遲單。但二維碼落單，清清楚楚有時間記錄，我們可以和樓面，真真正正講出等了幾耐。我沒有留意這位好好的阿姐叫什麼名字，但希望食店能夠請到足夠人手去招呼客人，否則，好好的員工都會俾人鬧。另外，這一碟紅油炒手，我個人覺得很好味，因為我不能不太辣，但他的味道很甜美，值得一讚和推介👍🏻👍🏻👍🏻