北京樓 (太古城中心)

營業中

休息中

今天同一班朋友去北京樓試一試佢哋最出名嘅片皮鴨，五個人食，所以叫左全隻鴨🤤。見到好似差唔多台台都一定會叫片皮鴨，🤣🤣依家啲熟手嘅侍應直情喺我哋枱嘅旁邊即時片即刻上菜。片皮鴨做得非常之香口好食，但其他菜式比較一般般。🤭所以都只係推介鍾意食片皮鴨嘅大家可以試一試！而今次去食嘅時候留意到原來佢哋有做一啲四人餐都係大約1000左右，呢個價錢係太古城商場算叫好合理，所以不妨屋企人生日值得一試😛😛

服務流程有系統 出菜快檯的分佈也不密小插曲： waiter 不小心把蛋糕和其他客人的疊一起在雪櫃儲存， 90 度反轉。好彩不是造型蛋糕 否則 elsa 變pizza ！ 呢樣令人失望唉 如果老人家生日 多謝曬

北京樓當然主打是烤鴨，但今天我要避重就輕，推薦一個雖然普通，卻與眾不同的～- 小芙蓉賽螃蟹👇👇👇特製的香醋與蛋白分開呈上，需客人自行淋香醋入碟中的蛋白，香醋偏甜，浸帶著一些薑碎沫，此香醋汁的調配很重要！為了增強口感，廚師應該在蛋白中添加了配料，細細舊，食落去似乎真有蟹肉存在。而整碟蛋白被烹調的有緊有松，既滑嫩又彈牙！菜一上檯，瞬間被掃清！👍😋😋- 胡麻醬雞絲拉皮也要推薦👇👇👇喜歡☝️☝️黃瓜絲的清香，雞肉的細膩，粉皮的軟滑，最重要的是，胡麻醬香！用其撈起碟中的食材，乾爽變香滑，口感豐富！- 二蝦鍋塌豆腐👇👇👇☝️☝️蝦肉不錯，豆腐外衣薄如紙，內部白如雪，嫩滑得入口即化- 雪裡蕻肉絲炒年糕，5分！👍- 北京蔥爆牛肉，肉少蔥多！不推薦～👇👇-登燈登等，片皮鴨來了！👇👇👇一隻烤鴨配20張餅皮，皮薄而有張力，任包任捲不破損，正！但烤鴨的醬料和蔥瓜量就明顯不足，只夠5-6張餅用，應改進！吃完一隻烤鴨，可以帶走其鴨架，回家去肥煲鴨湯，正！😍消費👇👇不足的地方：是日雖有預定，但人多要等位，唯發現可能門口的接待侍應是臨時代崗的，經驗唔夠，處理客流，騰騰轉，入口處又沒有電子化管理系統，亂宗宗～此接待表現有失美心

📍#北京樓 📍Peking Garden Restaurant #PekingGardenRestaurant.🇭🇰香港太古太古城道18號太古城中心二期2樓201號舖🇭🇰Shop 201, 2/F, Cityplaza II, 18 Taikoo Shing Road, Tai Koo,HK.人均消費: HKD300.味道: 👅👅👅👅賣相: 👀👀👀👀價格: 💰💰💰💰環境: 🌹🌹🌹🌹服務: 👨🏻👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆🔆.一行十人的中菜生日飯！今次揀咗喺太古城嘅北京樓！非常時期，出入餐廳都要先量體溫先可以入去🤒環境感覺舒服乾淨，侍應們都好熱情！佢而家做緊個4人餐優惠超級抵食！HKD788一個餐，前後共9道菜，包括北京填鴨，真心超值！我哋點咗兩個套餐，另外加咗幾道菜，飽到傻！.晚膳優惠4位套餐: HKD788⭐️ 「蘇州甜不辣牛肉」 一向知蘇州人奢甜，蘇州甜不辣醬第一次試！醬的確好甜好濃，牛肉本身肉味不算太重，配呢個甜不辣醬幾特別，冷盤來講唔錯.💯「胡麻醬青瓜絲拉皮」拉皮同粉皮有少少唔同，係東北小吃，比較晶瑩剔透，相對我覺得口感比粉皮更正！撈胡麻醬同青瓜絲必定喺我最愛嘅

北京楼在香港有几間分店，而今次我地去的是位於金鐘站嘅Pacific Place ，佢地嘅装修令人觉得好舒服……食物方面：食过好多不同餐厅嘅 “齋鹅”，但北京樓最好味，無得輸！

太古城北京樓一向保持到水準，今次同家人一行四人去食片皮鴨。平時食飯兩個人用某信用卡賣單半價，今次四個人用某信用卡就75折。首先片皮鴨好香滑，鴨味濃，味道滿意。我哋再叫片皮鴨二食做鴨鬆包生菜，一樣好味道。雲吞雞係每次必食嘅餸菜之一，湯底龍，雞味夠，每次去一定要飲。萵筍絲炒得好香甜可口，屋企永遠做唔到呢種味道。紅米炒飯粒粒分明，師傅好功夫。飯面有幾粒麥芽㭘桃，配上飯一齊食，另有一番滋味。呢個京蔥炒牛肉片，反而令人有點失望，一D牛肉味都冇，總之叫京蔥羊肉好過。因為有某信用卡，成餐飯都係八百幾蚊，真係抵到爛，簡直係抗通脹之選！

今晚一行7人黎到太古城，到晚上7:30左右已全場爆滿，仲有食客在外等候，好彩預早訂左枱，黎到可以直接入去安坐慢慢點菜。真係無想過平日都爆滿客未講食物，先講食店方面，環境舒適，職員細心地即時遞上前菜及茶水茶水夠熱及香濃，返左一日工飲一杯令人舒服晒😌今晚試左個晚市優惠6人套餐。1. 北京醬前蹄，刀功好平均，每片厚度都差不多，好刀功2. 胡麻醬雞絲拉皮，醬汁夠味，如果雞絲多少少會更好。3. 蟹肉南瓜乾貝羹多足料，蟹肉及乾貝亦多4. 無錫灌湯小籠包，皮夠薄，內𥚃湯夠熱而鮮甜，食時真係小心辣口，一個人食晒一籠都唔怕多5. 蒜爆蝦球，蝦肉彈牙6. 銀牙炒翡翠苗，菜苗夠幼嫩😋7. 朝陽菊花魚球，先將魚炸，再加上糖酸汁，令人食到好開胃。8. 今晚主角當然係烤北京填鴨，皮超薄，烤得夠香。另值得一讚係薄餅皮與皮之間都有一張紙格住，好容易攞出嚟，唔會爛。9. 桂花酒釀丸子，有芝麻流心，為這次晚飯劃上一個完美句號最後一提，如果喺太古城中心係食滿$1200或以上去可以登記做Live+會員即刻送$50餐券。

話說21/8同外國返黎既親戚同佢地既小朋友一齊食晚餐，小朋友滿心期待睇片皮鴨，點知已經片晒出黎，完全無拎原隻鴨比客人過目。另外，叫左個砂鍋雲吞雞，原煲無上到，係廚房入面一早分好晒。9 個人食飯，得2個人碗入面有雞碎，其他完全無雞。本來以為會另外用碟裝隻雞出黎，點知無。以為只係差到呢個地步，都廢事嘈。點知離座既時候，發現隔離枱係原煲上台，仲有原隻雞係入面。第2日打去集團反映意見，集團職員竟然問我：有無即時向分店員工投訴? 我話無：因為我係離座時見到隔離台係有煲同原隻雞，先醒覺我地被揾笨。所以打上黎投訴。點知分店回覆話1. 有把原隻鴨拎出黎比大家過目，可能客人睇唔到啦! 2. 砂鍋雲吞雞煲，雞係放入碗喎~~  但得2個人有，仲要頭同尾無肉)以上答案當然唔接受啦! 結果等左2個工作天，再收回覆。1. 片皮鴨唔會再SHOW比人客睇，直接片2. 砂鍋唔會原煲上，怕危險。雞只有雞件，得6件。下續唔多講了。都係廢話....話會改善同多謝我既意見反映之類。總之一句講晒：差唔使錢都唔會去食。

慶祝父親節，知老爸喜歡中菜所以數天前訂了枱吃午飯，點了半隻北京填鴨、小籠包、豉椒炒帶子、東坡肉及肉絲炒面。整體來說上菜時感覺食物不十分熱，汁有點濃，媽說有些好像有潻加人造色素，特別是好像意粉的炒面，橙色的一碟分不出面與肉絲，因為叫的份量有點多炒面全打包了。其他菜味道還可，半隻鴨味道正常但份量好像較此前去尖沙咀的八月居少，東坡肉汁與肉好像分別煮上菜時再混合，小籠包無甚特別，炒帶子算有點水準，但一家人午後分別肚痛及腹瀉，因此打包的炒面全給倒了，發此文時才去了一次洗手間，還真有點失望，沒有下次。

一路以為北京樓係好高消費嘅地方 原來餐牌裏面都有啲價格比較親民嘅菜式。已經有父親節set 啦, 但個個都唔食海參, 散叫算啦! 拼盤:影都影唔切, 上: 糖醋骨 (唯獨呢一個唔係幾適合做頭盤)中: 素鵝下: 海蜇 奶油小黃白媽媽話奶油好騷。 呢點我接受到, 不過可以鹹少少。上海炒年糕普通野 安格斯牛柳粒牛肉味好濃, 西椒吸收左牛油, 好香水煮魚魚唔太多, 但有萵筍, 腐竹咬下都ok 啦。 不過, 啲粉就麻麻, 好似粉皮咁, 都唔吸味嘅 食麻辣野都係薯粉夾啲 未片皮鴨壯觀到呢! 不過, 未到我地食左小籠包先多汁黎啦! 等左你好耐啦!明明話片皮... 點解咁多肉嘅?! 唔係太專業喎! 一塊正面片嘅皮都唔見, 側邊嗰啲都係角位黎嘅。 我唔係好信呢度係一隻囉... 算啦! 出黎食飯係會俾人抽水架啦好脆咩?! 又唔係喎... 好香咩?! 又唔覺喎同埋青瓜切得好粗, 又俾得少, 點夠包喎...好在問佢要多碟青瓜都冇話要收錢加多$88 炒個鴨鬆咁啱個生菜好似個波咁, 好好包!呢碟炒粒粒都炒得唔錯, 有芹菜, 冬菇, 唔香就奇啦!

太古城北京樓裝修新浄，走高檔路線，是美心集團一員，今天是母親節，人頭湧湧，去飲茶搵位真係要耐性，攞飛等成粒鐘先至有位！終於安排入座，已經飢腸轆轆，點咗鼔油皇煎腸粉，點心拚盤，同山東燒雞！X0醬炒腸粉好幼滑，食味唔錯，醮D辣醬更加惹味！點心拼盤有蝦餃同干蒸燒賣各三件，粉果同波菜餃各兩件，外觀賣相唔錯，但食味就一般般！山東燒雞，豐富醬油調味，但冇乜鮮鷄甜味，食咗一半就放棄了！可幸服務員招呼唔錯，不用指示也茶水無缺！

適逢表弟生日兼母親節一家九個人浩浩蕩蕩去太古城行街食晚飯，表弟鐘意片皮鴨，我即刻諗到北京樓， 碰一碰運氣竟然訂到位，就係咁就家庭樂，準時1800 到達，安排坐位後，更係睇下 Menu有乜好選擇啦，雖然9人但要左8人餐再加左小籠包同牛肉餅添。最喜愛冷盤小食，套餐三款心水，醬牛展，做得淋之餘亦有咬口，凍凍地清爽，口感豐富的醬汁同食 ,絕對夏天嘅美食。醉雞亦不錯，酒香雞肉嫩滑兼去晒骨，啖啖肉，連皮都爽滑。蔥油海浙頭海浙頭入口爽脆，帶蔥油鹹香味，食落厚身比一般海浙口感更佳。脆玉瓜炒大蝦帶子，味道可以，虾係彈牙唔夠虾味，帶子平淋，脆玉瓜炒餸配什麼也可，簡單好味的。主角北京填鴨片皮上枱，份量夠晒大家分享，鴨肉連皮甘香可口，用包皮包著配料大蔥絲同甜醬汁，一口一份食真係剛剛好，包皮較薄食多幾件也不膩。甜酸炸魚用脆卜卜米通做底，幾特別酸酸甜甜醬汁開胃之選。鵝掌較鹹海參就剛好質地彈牙入晒味。還送生果盤

公眾假期同屋企人食晚飯因為老人家行動唔系太方便所以揀左太古城北京樓食飯。 作為系太古城長駐十年以上嘅酒樓其實質數真系好似愈來愈一般。以片皮鴨為例，份量比較少而且基本上無肉汁，包皮方面亦都過厚。炒烏冬更家系中學level。還好咕嚕肉比較高質同有咬口。Overall 而言食物質數一般而且偏貴，其實之前都食過其他美心集團嘅酒樓例如朝江春，翠玉軒同八月花等，性價比都相對高。但因為位置比較方便所以都值3 分。

好耐冇食過片皮鴨，突然好想食，所以約埋同屋企人一齊去。北京樓做緊信用卡優惠，AE咭主餐牌有折，恒生enjoy咭有特別套餐，另外都有啲四、六，八人餐都幾抵食。最終我哋想自由選擇，所以都係散嗌，用AE卡優惠。我哋叫咗蔥爆羊肉，好香，好重羊味。干扁四季豆，呢個咁普通嘅菜式就爭啲啦，因為啲四季豆太老。宮保蝦球，呢個係我嘅最愛，酸酸地辣辣地，好嘢未。松鼠魚，都係我會必叫嘅餸，呢度整得唔係差，但係亦都唔係十分出色。片皮鴨，由於太耐冇食嘅關係，我覺得好好味。值得一提嘅係，佢嘅包皮係非常之薄，亦都好煙銀，有咬口，非常出色。由於又要照顧BB，又要食，冇影到相嘅仲有：酸辣湯，片皮鴨2食嘅生菜包，蘿蔔絲酥餅，鍋貼，小籠包。飽到食唔落甜品，總括嚟講呢餐好滿足。但係要留意番，唔夠人係樓面，所以唔好希望有啲乜嘢Service，有人理你已經好好。

不會再去的食市🙅‍♀️昨晚吃了一頓服務差，食物差的晚餐🤦‍♀️對比三年前在這𥚃吃的北京填鴨，簡直是天與地之別，由於之前吃過覺得美味，及服務又好，所以才會再光顧，但昨晚實在太失望😞尢其是北京填鴨，一些鴨味都沒有，只吃到青瓜及甜醬配料味道，而且鴨質很乾，這和出面洒樓$98 一鴨兩吃還差,還有小籠包也是乾的，一些湯水也設有，總之就是👎🏻👎🏻，其他的也是一般而已。至於服務也是失望的，不是要求高服務，只求基本的也🤷🏻‍♀️，叫服務人員結單，一個推一個，終於冇結到，等了十分鐘覺得不對勁，唯有再叫另一位服務處理，這晚的.........完🙅‍♀️🤷🏻‍♀️🤦‍♀️👎🏻🙄