北京樓 (太古城中心)

營業中

休息中

今次五人年初一嚟到太古北京樓食飯，點咗個五人餐。 前菜分別有醬燻蹄，雞絲粉皮，小籠包 。 主菜有宮保蝦球， 雞絲素翅， 茶樹菇蒸魚方， 同埋重頭戲片皮鴨。 甜品係桂花酒釀丸子。 年初一上菜速度好慢⋯⋯基本上食完一道菜 要等5至10分鐘先至有另一道菜食。 一開始仲漏左我地既單服務員個服務態度都好一般。 不過食物質素確實唔錯。 當中不得不提嘅就係宮保蝦球，茶樹菇蒸魚方同埋片皮鴨。 宮保蝦球甜甜酸酸，帶微辣蝦球有層炸醬包裹住 ，應該用咗鹹蛋黃， 食落味道好有層次感 。 茶樹菇蒸魚方好特別，一開始讓人以為係豆腐，不過入口發現係緊實既魚肉。好快比我地食曬😂相都冇影。茶樹菇配肉碎嘅味道非常好食😋又唔會蓋過魚塊嘅味道。 片皮鴨肥肉略嫌多咗啲， 但係整體皮脆肉嫩 ， 配埋青瓜醬汁， 用餅皮包埋一齊一口吞落去， 好正好滿足 。埋單一千三百蚊， 值得一試。

多年前食過北京樓，好高質素。好久無食，現在再食感覺比以前差咗，可能係自己嘴刁咗。全隻烤北京填鴨水準下降了，仍然美味唔差，只是沒有之前驚為天人的感覺。四人係食唔晒嘅，因為都幾油膩，食三、四片都要停。甜豆炒蝦球，蝦球好大隻，好爽口。糖醋黃魚係我好鍾意的一道菜，煎炸過的黃魚，配上酸酸甜甜的糖醋汁，好下飯。蟹粉小籠包，我無試到，因為比兩個女食晒，小籠包爆汁，兩個女都話好食。其他餸菜普普通通，雖然水準稍為下降了，但仍不失為京菜的一個好選擇。現時仍經常有一些信用卡優惠， 十分抵食。

長輩生日，要搵個地方好食，好坐，經濟，仲要交通方便，地區要在港島東。除了太古，我想不到其他地點了搵北京樓，主要是我想食北京烤鴨早一星期訂了枱，16人分兩張，雖然沒有入房，但入口轉左有個自成一角的位置，非常好入坐時掃安心出行，坐好後全部人查針紙。厠所衛生要改善，女厠簡直不能接受，全部家人都是出商場厠所，反而男厠就乾爽前菜：泡菜，其實北京樓泡菜真係幾開胃的醉雞，口水雞，本來是點醉雞的，不知怎樣，開口就講了口水雞，素方，雞絲粉皮，海踅頭，蘿蔔絲酥餅。其實每枱4小碟，不過兩枱有些不同。湯：因為一個湯只夠分4碗，所以點了3個花膠鮮魚羹，加1個酸辣湯。花膠鮮魚羹，其實花膠，鮮魚都唔多覺，反而有一種好清新的菜味。酸辣湯平平無奇，其實可以重味啲。主菜：北京烤鴨，有85折，每枱一隻，鴨唔錯，反而今次荷葉餅好啲驚喜，香，軟，彈，熱四樣都交到貨鴨身要主動問先幫你打包走，我們一枱有講一枱冇講，佢真係就只包了一隻，大家冇留意，回家才發現。熱菜：松子黃魚，賣相好，酸酸甜甜，炸得夠脆，不過魚肉厚身咗啲。宮爆蝦球，唔算好辣，只是吊起個味，蝦身大隻爽脆。金腿扒津白，火腿味唔夠，賽螃蟹，配甜醋，味道可以，但賣相比較差，炒

打電話book 台果時話限時90分鐘 但最後坐到九點都無人趕我哋走 中銀信用卡做緊四人套餐優惠 有一隻北京填鴨 又有小籠包 糖醋魚 湯 甜品等等 見幾岩食就點咗嚟食！！頭盤有醉雞同埋素鴨 醉雞幾香 素鴨就咸咗啲啲然後嚟個湯 個湯係南瓜羹嚟 入面有啲海鮮 每人一碗 清清地 反而蟹粉小籠包唔係好岩我食 入面啲蟹粉諧濕濕咁 傳統小籠包會好味啲！北京填鴨成20分鐘先到 岩岩上台都好正 但我覺得佢啲蔥同青瓜 鴨醬比得唔夠 食到尾就唔夠包 個皮都軟熟 鴨都燒得好香 仲可以叫佢比返成隻鴨殼你帶走 鴨殼都有好多肉㗎！糖醋魚新鮮炸起都香口好味最後酒糟湯圓 啲湯圓係芝麻餡嚟 不過我覺得酒糟有啲酸 唔太岩我胃口埋單睇到佢兜前菜收成$28 但overall 北京樓呢個餐係抵食嘅！

兩個人叫咗一隻片皮鴨，其實啲嘢食都唔錯，隻鴨燒得好香，醬料亦都好味，不過啲碗碟就不敢恭維。一坐低，隻碟已經有一浸油喺碟面，而碟底肥膩就不在話下，啲筷子同碗碟仲有剩餘渣宰，用消毒布抹完對筷子竟然係咖啡色! 究竟佢哋有冇洗乾淨啲筷子碗碟架？點解美心啲高層可以容許呢啲不能接受嘅事情發生？係咪你班高層喺屋企食飯慣咗啲筷子碗碟都係咁肥膩？你可以收返貴啲，但係做食巿點都會有條底線掛？係唔係冇人投訴就可以得過且過？真係去深圳食啲筷子碗碟都仲乾淨過你哋! 美心啲食市喺香港都算高級，我去金鐘同中環嗰兩間北京樓都ok，點解太古城呢間鋪搞成咁？

記得細個一家人有咩慶祝就去北京樓… 記得我地叫個片皮鴨大家好開心，高檔、高質、服務好的京菜… 甚至屋企最大男孫當年都係喺北京樓擺滿月酒。.多年無去，今日屋企人興起不如去食！中伏。.份量少、油膩到極、平庸到不能再平庸。服務差。叫左個四人套餐竟然成餐飯一隻碗碟都無換過。.最癲係碟片皮鴨：d皮又痴、又油，連埋d牛油紙一疊上一pat咁，完全唔係以前乾身有粉嗰種。隻聲稱「原隻」上嘅鴨係無殼，超肥，鴨皮唔脆，得個油字。套餐其他野都係平平庸庸，收費卻係高檔餐廳的收費。.服務亦令人歎為觀止。碟碟野都無羹，好多碟野係有湯嘅，我地…用筷子夾湯？問佢有無紙巾，佢拎左疊酒精紙黎，然後話無乾得濕… 大佬，真係用酒精紙抹嘴咩？終於食玩叫埋單，叫左三次先真係有得埋。仲有，d侍應姐姐係譚仔口音，我地試過係真心聽唔明佢講乜，要講多幾次先估到。又試過幾個人企係度無野做，叫埋黎問佢地拎d野，佢竟然話「你可以自己過去拎架」然後繼續棟喺度。.今日嘅北京樓，只係個名同以前一樣。感覺似富X，價錢卻高過富X多多聲。

📍#北京樓🇭🇰香港太古太古城道18號太古城中心2樓201號舖#MFJ太古 #MFJ中菜人均消費: HKD210味道: 👅👅👅👅賣相: 👀👀👀👀價格: 💰💰💰💰環境: 🌹🌹🌹服務: 👨🏻👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆🔆心血來潮想食北京菜，之前食過一次北京樓覺得好味，近近地再去一次！💯四川口水雞 🐔$95完全出乎意料之外的好味！醬汁香濃惹味！醬汁十分好，超級掛汁！雞肉嫩滑，尤其雞皮位勁香！雖說是川菜菜式，但真的超級好味！🆗北京醬前蹄🐷$85我想像中的有點出入（以為是濃汁那種）😂😂 前蹄口感可以，但略嫌味道淡口💯北京宮爆蝦球 🍤 $198蝦球炸得非常香口，又不會厚粉，而且蝦球非常的爽口！加上酸酸甜甜的醬汁，幾開胃更惹味！之前食過一次，覺得非常好食！今次水準依舊，十分回味！💯北京大紅袍松鼠黃魚 🐟 $228賣相非常出色的松鼠黃魚！ （其實松鼠魚是蘇茶🤣🤣） 黃魚肉嫩而且炸得好鬆脆！魚骨都炸得好香，家常醬汁， 十分開胃！🆗烤北京填鴨 🦆 $190反而今次北京填鴨有點失水準，鴨肉鴨皮都不算太香，鴨皮比較少，可能叫全隻會比較好😅不過薄餅皮軟綿綿，幾好味⭐️孜然羊肋排 🐏 $180本來想

大年初四，真係開年！冇堂食唯有叫外賣🥡 送到黎冇左半隻鴨殼。大家都知北京樓嘅片皮鴨真係得層皮，以往無論堂食定外賣下午茶都必定比返個殼你。一來我欣賞佢哋唔浪費，二嚟你會知自己嗰幾片鴨真嘅用左半隻。(唔係半隻兩個客人分）Foodpanda個CS好冇禮貌表示餐廳回覆不嬲都唔會畀殼我哋，餐點冇錯。咁之前幫襯嗰8次我點解有殼嘅？？咁既然突然冇左，咁點解唔更新食物相片同落返個註腳寫而家冇殼？（商品說明條例/ 食物形容重量與收到嘅實物不符）如果Foodpanda真係有幫我打去餐廳的話，重話可以幫我駁去法律部... 咁我同海關講應該講北京樓定講Foodpanda答覆係欺騙咗我？ 邊個啱邊個錯？ 我淨係知我只係禮貌問一吓，點解會得到個咁冇家教咁冇禮貌咁唔合理唔合邏輯嘅答覆？係北京樓偷工減料定有人送漏餐但話幫我確認左餐廳🍴不嬲件貨係咁？ 🤷🏻🤷🏻🤷🏻🤷🏻🤷🏻 我作為一個小小被口吻講到貪佢個殼嘅客人又點會知呢？新年好快樂咯真係

初一叫太古城北京樓外卖自取片皮鴨，電話落單，不用等。鴨殼斬件收斬件費HK$50（如圖）。回家看鴨脂肪多，切件皮帶脂肪不帶肉，切肉也非片狀，很大嚿（如圖），不好評價。

It’s been quite a while since last time. I am happy that I went because their food quality improved from the last time I tried! Here are the dishes that I recommend:1. Steamed seafood dumplings in Chilli OilThis is a fusion of one of the famous dishes in Sichuan, China. They’ve added their little trick in this dish. Other than pork and shrimp, they’ve also put some crispy water chestnuts inside, making an interesting texture. As you can see, the little ball shape is definitely different from the

過年諗住食好啲，外賣隻北京填鴨做晚餐，行過見北京樓全日六折外賣自取，就諗住買隻。5:30落單佢話7點有得攞，結果7點黎到，等左2個鐘都仲未攞到！🤬攞鴨嘅安排混亂，唔係按入單嘅號碼取鴨，又冇隊排，只係誰大聲誰就攞先！出單超慢！每15分鐘只出到1個外賣！真係幾平都冇用！等都等飽了！

二人限聚令聽日就生效，今日最後一日可以多啲人一齊食lunch，北京樓填鴨做緊6折就去食下啦！食鴨前先食d健康嘢蒿苣絲，三個字有兩個字唔識讀😂($98) 清清地，ok啦，太健康哈哈點心拼盤，就咁望menu我地以為$118包曬幅圖所有野，哇有冇咁平。其實揀蒸或炸其中一set 🙈我地揀蒸，質素唔錯，一分錢一分貨無錫灌湯小籠包 ($66) 好多汁😋北京填鴨一隻($380 x 60%) 個皮好薄好正，隻鴨烤得幾香，咁嘅價錢真係超抵！食飽，繼續返工。。。

一隻片皮鴨要等45分鐘，但佢依家有6折，好抵食。呢隻鴨唔夠肥，所以有少少乾身，但鴨味濃。包埋一齊食，食幾件都飽，我會空口食。小籠包，汁多，皮薄唔會穿，調味岩我口味，唔太鹹，有肉味。點心拼盤，我鐘意食燒賣，唔會太多蝦，蝦同肉比例幾好。蝦餃，隻蝦彈牙無雪味，皮算薄。

經電話一早落訂，寫好幾點拎！但完全安排唔到訂單，等好耐都仲未有！個個企喺到追外賣！原果做唔切，唔好接咁多單，或安排通知人唔好要人企係到等咁耐！咁大集團，內裏啲管理咁差！！

北京樓出名嘅係佢個北京填鴨 趁疫情其間半價 就再去食一坐底 以為佢未開燈姐 環境昏暗到有種錯覺去咗西餐廳食飯咁 浪漫都比d蠟燭🕯️係枱面吖大佬 枱上面有咩野食都睇唔到 真係尷尬今次個皮有d厚同比較黏 個鴨就好好味 帶點煙熏味一如既往出色！裝修完仲可以見到師傅切片皮鴨見住佢地成晚未停過 係咁切 就知生意有幾好 有好多人order啦！