北京樓 (太古城中心)

點12人餐 $3,999食品水平跳級下降從未如此難食過全餐係唯一個蝦球好食北京拉麵食唔出係拉麵蒸龍躉魚腥味素翅差過碗仔翅高力豆沙香蕉油冧冧其他套餐有冰皮月餅提供, 點解早幾個月會慶祝中秋節？6:30入座，要7:30交枱又話要7:45；基本上都好多空枱，7:30都未上完菜. 然後話如果冇客就唔使離開. 整個食飯過程係煎熬有套餐設計，食飯時間安排，食品水準，服務態度完全不是過往食開的北京樓北京樓一向好有水準差劣冇下次…查看更多

叉燒包餡太甜, 好像食甜包一樣, 小籠包外皮太厚影響口感, 坊間小店的小籠包比它更好吃, 蝦餃燒賣口感吃落好硬不軟熟, 可能是雪藏之後解凍不足便擺落蒸籠,食物不值這個價位, 服務水平一般, 不建議光顧…查看更多

朋友經常話北京樓北京烤鴨唔錯，最近工作忙，攰到唔想郁，又見外賣平台做緊特價，於是外賣咗佢哋嘅北京烤鴨、北京炒拉麵同埋銀絲卷。首先講烤鴨(半隻$285)，賣相真係幾吸引，切得整齊，金黃色嘅鴨皮望落去好脆。食落口真係有驚喜，皮脆之餘，啲鴨肉唔會太乾，有啲位仲幾多汁。不過有啲鴨件比較肥膩，食多幾塊會覺得有啲 heavy，唔係每塊都咁平均。另外，隨餐送嘅甜麵醬有啲過咸，少咗啲層次感，反而遮蓋咗鴨肉本身嘅香味。跟鴨送埋嘅餅皮都有驚喜，送到嚟都仲係熱辣辣，唔會乾或者太厚，包住鴨肉同青瓜、甜麵醬一齊食，非常夾口，成件事食落去更有層次感。順便試埋北京炒拉麵($173)，其貌不揚，以為係無落老揪嘅上海粗炒，但食落完全唔同，麵條口感煙韌，有嚼勁，幾特別。炒得唔算重味，唔咸，但食落去夠香，整體算係清爽路線，唔錯，食完唔會覺得膩。最後係銀絲卷($48)，當係飯後甜品咁食，真係幾好食。外層焗得金黃香脆，一咬落去有微微酥脆感，入面就夠晒鬆軟。跟埋煉奶，甜甜地好夾，食完一個都會想再食多個，啱晒當甜點收尾。總結：烤鴨值得一試，餅皮同炒拉麵都有水準，銀絲卷更加係完美收尾，整體搭配得好好，成餐食得滿足。下次有機會可以 dine in 試埋其他菜式，應該會有更多發現。…查看更多

好耐無食片皮鴨襯生日去食返餐，之前北京樓俾我印象一向唔差，今晚之後永遠都唔會再去。2大2細叫咗個4人套餐，頭盆豆腐放幾pat 老干媽係上面，完全唔夾，又無味。醉雞正常。宮寶蝦球一上黎個皮已經淋，個汁又唔酸又唔甜，唔知想點。蟹肉羹都係無味。片皮鴨D皮癡埋一舊勁難攞，D鴨又油又無味。甜品豌豆糕都係無味，連小小甜都無。全晚最正常係個上湯豆苗:(:(:(。仲有小籠包，個皮出嚟仲係白色，都未蒸透。質素勁差。1600蚊食一個4人餐，食到一肚氣。…查看更多

星期日工人放假，不想洗碗，yuu又有食滿$600減$200優惠，而且有5小時泊車優惠，於是選擇老仔號北京樓，點之失望到極點，食上海姥姥性價比好過佢多多聲！因為害怕walk in多人，所以中午打去訂位，佢話分兩輪，1800-1930及2000-2130，我心諗有無咁好生意！我4大2小，所以選擇了半隻烤鴨，一個蟹皇炒飯，一個上海粗炒，一個小籠包，一個菜。烤鴨：乾曾曾，味道一道，深圳好多烤鴨店都好過佢。$228蟹皇炒飯：完全係一個普通到唔普通既蛋菜粒炒飯，份糧少，上面加一pln蟹醬。$148（上海$90）上海粗炒：內絲都無條，份糧少，好油。$138（上海$80）小籠包：$90六粒，味道一般。菜：菜單上寫雞毛菜，我係深圳食過，上台小唐菜，$120咪單$900（茶錢連加一已經$150），減左$200，$700，完全同質素唔成正比，上海老老好過佢好多！最後，服務態度連一句多謝光臨都無！…查看更多

價錢貴 $19 一位茶錢 沒服務茶壺沒有暖住 很快茶變冷茶我們喜歡喝熱的茶其他酒樓集團的安排及服務細心很多放下前菜(菜莆粒 豆腐乾？) 我說我可否不要前菜 服務員說可以 但教訓我 給面色我看 說下次早些出聲說不要前菜 否則令她們多添工作 (真奇怪 ！我沒有說要前菜 她們又沒有問！)片皮鴨的包片沒有蒸籠上 碟上 三四分鐘已變冷 多年多人表達意見 從不改善 果然不理客人的意見 沒有改善服務的意思高力豆沙 很很很遲端上枱 三催四催才出現上枱只是微溫完全不熱可以說不是十分差但找不着再光顧的理由…查看更多

友人想食北京填鴨，即時想到嘅當然係北京樓🤔🤔！咁咪訂枱去食，隨即去open rice睇食評，一睇心想有D伏！😵‍💫😵‍💫不過已約好，即抱試一試喇！咪伏囉！🥺🥺北京填鴨完全唔得，偏瘦、鴨皮算脆冇油份，肉有D柴！薄餅冇蒸籠乘載，好快就凍，食一件後，唔得凍晒，難食！咁唯有厚顏問侍應有冇熱的薄餅，她很好，幫加添一份暖的，但即時包一份，全枱人反應係點解咁快凍，雖然室外10°C，但冇法唯有繼續食埋佢！但服務上係可以嘅，服務我哋嘅侍應好有禮貌。但總括不會再光顧！…查看更多

一早就聽說呢間，第一次來食，三個人叫左四個菜，一個甜品，啱啱好。一落座就被個餐佈吸引，好靚嘅藍色，令人心情舒適。紅燒獅子頭 $198只有一個好大嘅肉丸，不太抵食，不過味道確實好好，肉沫好細膩，醬汁顏色好深，但鹹淡啱啱好，係我食過最好味嘅獅子頭片皮鴨 半隻 $318個皮可以再脆d，醬汁調得好夠味，半勺即可。糖醋桂花魚 $338甜口，炸得表皮脆卜卜，骨頭都好酥。北京炸醬麵 $98我估落左花椒油，有些許麻，個人覺得有些鹹。蛋白杏仁露飯後飲呢個，好享受呀。…查看更多

老人家突然話想食北京填鴨，星期六沒訂位首輪滿座，知客叫我哋試吓walk in, 等到6:15p.m.入座，話7:30p.m.要交枱。一坐低摧了兩次「仲未落單」。點了半隻填鴨，四人得九塊皮，加皮要$6x。7:20p.m.侍應叫我哋埋單，我話甜品仲未到喎⋯⋯7:23p.m.部長過嚟黑口黑面叫埋單…..7:32p.m.走時周圍啲客已經差唔多走哂，攞好哂枱等第二輪8:00p.m.，門口無人等位。四人食北京樓過千元埋單預咗，食物質素一般及零服務亦是常態唔會覺得意外，係估唔到會衰到咁，有老人家喺度使唔使摧摧摧呀⋯⋯？！如果唔係老人家話想食根本唔會再喺香港食填鴨，連老人家都話無下次。…查看更多

見好耐冇食北京菜，又想支持吓香港經濟，食咗2千幾蚊，食物質素都唔好提喇，服務先差都無得再差。除咗帶位嘅較為好啲，全程係冇人serve嘅，落單都係我自己QR code落。零服務，叫極冇人應。難怪人人北上消費。食物大致上冇咩味，同埋唔夠熱。片皮鴨400蚊一隻，片出嚟啲皮好少，同埋…竟然有陣「騷」味！包鴨嘅薄餅皮…好差！我可以話隨時去一間普通茶樓食片皮鴨都好過佢。好失望！另外，講真，服務可以畀0星星嘅話，我會畀0。一星真係畀多佢。…查看更多

週五晚包房食飯，自選了菜色，當然北京填鴨是其中的一道菜，北京樓嘛⋯⋯份量十足，每道菜都做到美心水準，但總覺得可以再做好點。如乾瑤柱的陳舊味可以去得好點、鮑魚汁可以扣得濃一點、個湯可以燉得長少少時間，相信可以將個湯更有和味的感覺，當然這些都還欠少少。整體水準可以接受，但真想食好嘢，北京樓就不作考慮了。最後，這北京填鴨，已好像變了成燒鴨的感覺，哪裡有填鴨的味道呀？ 食落的味道就似係現今食任何普通蔬菜的味道，有型冇味。 另，上菜最好及時一點，溫度影響味道，樣樣都不變，就咁熱辣辣一點，味道亦將提升一點。 終結一句，美心味道，不過不失。…查看更多

朋友喜歡吃中菜，這天帶我去了老牌中菜館北京樓，兩個人點了一個點心、兩個餸和兩個甜品，整體食物質素不錯，十分滿足。⭐️胡同蘿蔔絲酥餅⭐️大蔥大烤滷排骨⭐️雜菜雞煲⭐️桂花酒釀丸子⭐️蛋白杏仁茶…查看更多

五一長假期，酒樓外排長龍，好彩我們仨有訂枱，顺利入座。但由於一個晚上分兩輪入座時間，我們在交接時間到，入座後很久也沒人理睬，餐牌也是要求才拿給我們😅服務員人手嚴重不足。我們點了：1、醉雞-份量足、入味，肉質不夠嫩2、雜菜沙律- 菜新鮮爽口，蔴漿在碟底撈起來剛剛好，不會太多或太少3、全隻片皮鴨- 保持水準，但薄餅皮放碟易變涼變硬，建議用有蓋蒸籠盛上，調🥄也不應用大瓷🥄，用來不方便，太多漿貼在🥄上，應該改小匙。越嚟越馬虎了4、海蔘鍋巴- 淡而無味，鍋巴硬而不脆，很失望5、酒釀丸子-沒有拍照，一般用了信用卡優惠，價錢還可以…查看更多

📍 #太古 #北京樓#羊羊在太古#羊羊在港島屋企人鍾意食中菜，於是帶咗佢哋食北京片皮鴨💁🏻‍♀️至於點解揀呢間，一嚟呢間都算出名中菜，二嚟環境比一般酒樓舒服😌最重要係佢星期一至日午市都有供片皮鴨套餐，用最優惠嘅價錢食到片皮鴨🤑事實上質素係唔差，份量都好夠，細食可能5個人都夠分😂🐑午市行政套餐 (4位用)✨胡同里芳香素方素方即係好多張腐皮疊埋再切成塊煮嚟食，算係素肉🍖幾鍾意呢個，幾有咬口，豆香都好濃😄✨甜不辣醬牛肉幾特別，好似甜醬嘅汁配牛𦟌🐄牛味好足，啲醬更吊起啲味😙✨雲南小瓜蝦仁啲蝦仲多過啲蔬菜，會唔會誇張🤣蝦仁好彈牙，似蝦餃個啲餡🦐菜唔會落太多油，好清爽☺️✨金湯海皇羹又係足料嘅一道菜，除咗蝦仁，仲有啖啖蟹肉🦀鮮味比南瓜味重，但兩者都配合得好🎃✨烤北京填鴨（半隻）片皮鴨精粹在於啲片，送上嚟仲脆的同一咬就爆哂鴨油🤤可惜啲肉有少少韌，同埋皮嘅份量可以多啲就好了🥹餅皮好薄，仲有啲韌度唔易穿🤩不過冇嘢保溫，鴨同餅皮凍咗就冇熱咁好食，少少扣分🤏✨松子菊花魚同枱都讚好味，酸酸甜甜嘅咕嚕醬配炸魚好惹味🐟魚係偏實，但炸到外脆內軟🤭✨蟲草花炒翡翠苖特別嘅菜，翡翠苗係出面好少有，仲要幾貴，食到好感動😭味道同豆苗差唔多，但菜莖位多啲，口感上有分別😗✨ 高力豆沙香蕉第一次食覺得好新奇，吉落去好似魚蛋，就連外皮都似，有啲彈牙😁入面有香蕉豆沙，咬落軟綿綿咁，好似瞓係羊咩咩嘅毛咁🐏總價錢－$688套餐+30前菜+每位18茶錢+10%評分－回頭草指數（🍀🍀🍀🍀🍀滿分）食物：🍀🍀🍀🍀🍀環境：🍀🍀🍀🍀🍀服務：🍀🍀🍀🍀#hkfoodie #吃喝玩樂 #原相直出 #太古美食 #港島美食 #太古城 #美食推介 #午餐 #晩餐 #晚餐推介 #朋友聚餐 #家庭聚餐 #片皮鴨 #北京填鴨 #中菜 #小菜 #粵菜 #團年飯 #香港美食指南 #香港美食 #香港 #香港好去處 #美食日記…查看更多

今晚約咗一個喺太古城住嘅朋友食晚飯 由於係即興約嘅 所以都冇特登book餐廳😮 所以照Walk in 點知餐廳話Walk in嘅得返外面近門口嘅位置 坐低咗都幾難叫到店員㗎 所以最好都係book位 坐返餐廳入面嘅位置😗胡麻醬雞絲粉皮胡麻醬偏杰身 配埋青瓜絲食都幾fresh🐥無錫灌湯小籠包小籠包皮太過厚 但係啲湯又好易漏🫣 唔太推薦呢一碟菜式🥲北京羊肉搶湯麵呢個湯都幾重羊味🐏 如果怕羶嘅朋友 可能唔太啱口味 食落湯底偏鹹 有少少似上海湯粗麵嘅味道🍜大胡同回鍋肉配火腿花卷四隻一上枱見到呢啲回鍋肉有咁多辣椒 都好擔心佢會好辣 會食唔到🌶 佢嘅辣味偏向豆瓣醬嘅感覺 如果撥開啲辣椒 就咁食個肉 都唔會太辣嘅 夾埋火腿花卷食 就啱啱好啦😎揚州小蔥蛋蝦仁炒飯都係一般茶樓炒飯嘅水準 不過比較特別嘅係呢度用咗腸仔粒去代替火腿🐷 食落就變咗有少少西炒飯嘅感覺🤣呢一餐除咗欠缺服務之外 食物質素都可以接受 餐廳可能要諗吓可以點樣照顧到坐近門口嘅顧客🤔…查看更多