北京樓 (太古城中心)

營業中

休息中

好耐冇食過片皮鴨，突然好想食，所以約埋同屋企人一齊去。北京樓做緊信用卡優惠，AE咭主餐牌有折，恒生enjoy咭有特別套餐，另外都有啲四、六，八人餐都幾抵食。最終我哋想自由選擇，所以都係散嗌，用AE卡優惠。我哋叫咗蔥爆羊肉，好香，好重羊味。干扁四季豆，呢個咁普通嘅菜式就爭啲啦，因為啲四季豆太老。宮保蝦球，呢個係我嘅最愛，酸酸地辣辣地，好嘢未。松鼠魚，都係我會必叫嘅餸，呢度整得唔係差，但係亦都唔係十分出色。片皮鴨，由於太耐冇食嘅關係，我覺得好好味。值得一提嘅係，佢嘅包皮係非常之薄，亦都好煙銀，有咬口，非常出色。由於又要照顧BB，又要食，冇影到相嘅仲有：酸辣湯，片皮鴨2食嘅生菜包，蘿蔔絲酥餅，鍋貼，小籠包。飽到食唔落甜品，總括嚟講呢餐好滿足。但係要留意番，唔夠人係樓面，所以唔好希望有啲乜嘢Service，有人理你已經好好。