加藤屋 (黃禮賢大廈) (已結業)

位於一整條食街中間既加藤屋，在眾多食店中的一間日式食店，本以為有特式食物可以刺激一下味蕾。但透過QR code查看餐牌方發覺：🙄咁似吉野家既？🙄相對簡單的食物分類；豬牛雞排，主食為飯，有小量即食麵餐。相比吉野家有特色之處為鐵板餐，下單後上菜時間一般,雖然顧客人數不多但依然有店員送錯檯號的情況🤷‍♀️本次餐點為麻辣黑椒雞排鐵板飯，外加車打芝士及麵豉湯。芝士放飯面，飯中間有些許肉醬增味。在鐵板加加熱下只有少量芝士能順利溶化，可想而知飯本身也不是太熱不過把芝士按壓到鐵板勉勉強強可以少量拉絲，味道比較淡，雞排也沒什麼調味，口感偏硬，以70蚊的價錢來說只可說一般般😅食物質素，味道自覺吉野家更勝一籌，價錢更貼地，沒對比就沒傷害，無奈一看menu就覺得太有吉野家既影子，但卻欠缺特色食物,可惜可惜⋯😔

性價比算喺OK，牛肉飯同吉野家有得比較。外賣左兩樣套餐，嗌左野菜牛肉飯同紅豆沙餅。牛肉飯D牛肉味濃，有蔬菜做配菜，但嫌吝嗇左D。我喺女仔比較大食，如果一碗牛肉飯肯定唔夠，所以又加左塊紅豆沙餅，豆沙餅厚薄適中，紅豆沙甜度適中，食完啱啱夠喉。嗌埋碗餃子麵，油麵對我黎講，我反而覺得份量夠我個胃口，湯底唔喺味精湯黎，又唔會太淡。餃子唔記得有幾粒，但總之食得飽肚，皮厚身，肉餡都肉多汁多，點上醋就中和膩膩的味道，又幾夾。

疫情後真係好耐無出旺角，星期六到旺角做完嘢，行咗陣花園街，唔經唔覺已經近兩點，所以決定醫埋肚先返歸。近花墟嗰段嘅花園街有好多細細間嘅食店，唔同類型嘅菜式都有。友人話想試下呢間加藤屋，我見都有嘢啱食，所以就試下喇！油尖旺果然係年輕人嘅地盆。。。餐廳大部份客人都係十幾廿歲嘅後生仔女，頓時感覺年輕晒。入座時已經夠兩點，可以叫下午茶餐。下午茶餐都有成廿個選擇，雖然都係豬/牛/雞配飯/烏冬/米粉，但都令人目不暇給。我叫咗野菜雞扒烏冬，朋友就叫咗加藤牛肉飯，下午茶餐包汽水/麵豉湯/玄米茶，或加錢配其他凍熱飲品。下午茶餐嘅牛肉飯同雞扒烏冬份量係少啲，賣$30仲有飲品我絕對收貨。雞扒細細一塊，味道不俗，湯底都可以，唔太咸。牛肉飯就同連鎖牛肉飯店食倒嘅味道差不多，所以味道都係唔錯嘅。

全城陷入困境，食到一鍋平靚正嘅熱湯烏冬🍲，已經係好窩心☺️。呢間人氣日本🇯🇵料理以實際取勝，性價比甚高，講求行平民路線都一樣有擁護者，有鍋物、咖喱🍛、鐵板飯、丼飯，真係簡單就是美好☺️———————————————————————————🥢日式牛肉鍋烏冬🍜💬事實上係簡單，亦唔係啲咩驚艷食材，但夾埋一齊就係滿足同豐富，材料十足，應有盡有，可以叫雜炊或者烏冬，一樣可以夠飽肚，價錢亦相當超值☺️

很久以前，食過吉X家，喜歡吃牛肉的我也頂不住其牛肉飯，所以對日式牛肉快餐店沒有好感。故此多年來連加藤屋也不敢試。有一天，經過太子搵嘢食，見到加藤屋，膽粗粗試試，喜出望外。和風咖哩豬扒飯 $49，和風咖哩雞扒飯 $49，豬扒即炸，都幾脆。雞扒都可以接受。鐵板黑椒牛肉飯 $54，相比另一間 xxxxx lunch的鐵板牛肉飯亦不輸。熱辣辣，香噴噴，這個價錢都幾抵食。還叫了一碗野菜牛肉飯 $44，忘記了影相。追加了一客脆炸旋瘋薯條 $10，抵。總評味道：OK；環境：舒適；服務：店員有禮貌；衛生：可以。

又到夜晚要諗食乜嘢嘅時候今次就喺太子附近咁由於已經過咗六點堂食時間病菌又出嚟啦所以都係唯有買外賣食啦咁就醒起附近有間平靚正嘅良心食店就係加藤屋啦佢下午茶30幾蚊就已經搞掂夜晚都唔係貴好多都係四十幾蚊就搞掂包埋汽水或者茶咁我今次就叫咗個B1麻辣牛肉飯覺得有少少辣味惹味過原味牛肉飯佢仲有得揀小中大特辣咁我今次就揀咗小辣幾好，幾惹味呢一蚊抵加牛嘅份量都足夠唔會話好少但係如果啲汁再多啲就好走咗先醒起唔記得叫多汁仲加多咗個12蚊小食，脆炸旋風薯棒夠晒熱又夠味又好脆幾好食到埋單先知原來有減$10優惠真係好抵食又好味$50就搞掂晚餐

政府又禁晚市堂食。個個都最後衝刺趕六點前食最後的下午茶。下午茶黎講，哩間係太子都好抵食，性價比高了，店鋪附近都多是餐廳，競爭都大。今次到太子就試一試下午茶，點選了野菜牛肉湯烏冬（$25）當然牛肉當然唔係日本空接進口，但勝在份量較多，野菜有紅蘿蔔片、白椰菜、西蘭花、洋蔥。至少烏冬是讚岐烏冬款，並非一般茶餐廳嘅港式叮噹烏冬，湯底是普通金寶忌廉湯底，套餐亦包左汽水或者熱飲。追加小食：薯絲蝦 （$10/2pc)Size 正常，但炸蝦較偏乾身。南瓜薯餅($8/1pc)南瓜味香濃正常對版。整體都係正常，性價比高嘅下午茶。

加藤屋都算係呢一兩年比較出名嘅連鎖平價本土丼飯佢本身就好似港式日本餐咁🌟泡菜豚肉飯 $44-飯質感比較糊/水/軟-醬汁好多-豬肉易咬🤫除左飯之外都無咩好投訴。🌟日式牛肉鍋定食-壽喜燒濃湯+小碟泡菜+白飯 $48-飯口感比較差-牛肉軟-配菜種類多-醬油味好濃🤫抵食之選🤫成間餐廳D野食都係中上水平計埋價錢就不過不失唔知食咩之選🤫提外話 店員態度唔係好好旁邊有空位 放左袋 被店員警告 但現場既無客人 亦無其他地放袋

行完花壚，搵個地方坐低食下午茶，近近地見到花園街間加虅屋，價錢相宜，好抵食，而且又坐得舒服，系一個經濟實惠的好去處。加十蚊追加左個南瓜薯餅，充滿驚喜，食落外脆內軟，非常正，再來幫襯一定再食返南瓜薯餅。PS. 到時即炸起的南瓜薯餅，已經動筷了，無影到相。

太子哩間加藤屋，位置都算幾方便，係地鐵站出咗行一陣就到。有學生優惠，出示學生證可以減$6。落單時候可以叫佢多飯或者少飯。多飯個飯係會分開上，食咗個辣特盛牛肉飯，而選擇辣度，有小中大辣，特辣要加$1蚊。仲有免費嘅飲品送，可以揀玄米茶、汽水或者麵豉湯。特盛嘅份量非常之多，加咗飯食到好飽，都只係$59。又平又好食，肥牛嘅質素都好高。小辣其實唔算好辣，應該連譚仔嘅10小辣都冇，所以食開辣嘅話就由中辣開始食起啦。

Lunch戚起條筋想食牛肉飯，於是就行左幾步去太子搵「加藤屋」食🐮 抵食得黎又好味，一個人都可以盡吃呀🤣​————————————————​🥇 加藤牛肉飯($44)👅薄切肥牛鋪滿飯面，目測有成10塊，加埋牛肉汁同少少洋蔥🧅 飽足感十足，仲有可樂送添🥤💬下午茶去食仲抵呀！————————————————​​味道：🌕🌕🌕🌕🌑抵食：🌕🌕🌕🌕🌑服務：🌕🌕🌕🌗🌑環境：🌕🌕🌕🌗🌑————————————————​📍 加藤屋: 太子花園街232-242號黃禮賢大廈地下M號舖

中午好多中學生過嚟食飯， 原來裏面係有鐵板餐食嘅就好似pepper lunch咁樣， 一樣係牛肉飯另外用鐵板上不過就冇pepper lunch嗰啲嘅醬汁， 所以比較單調， 至於價錢真的經濟實惠40多元就已經有一個午餐連嘢飲。

•加藤屋Katoya 想念牛肉飯😍🥩🍚好味牛肉飯😝😍😋💛💛💛💛💛·～～～～～～～～1️⃣麻辣牛肉飯($45)＊好耐冇食牛肉飯，咁啱經過加藤屋，就心思思想食下牛肉飯，麻辣牛肉飯有得揀辣到，小編揀咗10小辣，呢個麻辣牛肉飯真係估你唔到咁好食！💛😋😋💯💯💯真係諗都冇諗過牛肉飯有咁嘅食法，佢呢種麻辣係酸酸辣辣咁，食落好惹味好正好香🤤😌😋諗返起而家都好回味，好想再食！🥰🥰🥰(Score: 5/5)·2️⃣日式牛肉鍋定食($48)＊牛肉鍋定食有配埋一碗白飯同泡菜，餐牌寫住嗰個係泡菜，但食落唔似泡菜，似一堆酸椰菜咁😂😂牛肉鍋嘅湯底有得揀，有清湯、味增湯、壽喜燒同麻辣燙，小編揀咗壽喜燒，即係日式濃湯，有幾正個湯底，少少甜甜地咁，配落啲餸料同撈飯真係唔錯😋😋😋＊鍋入邊有唔同嘅配料，有金菇、豆卜、椰菜、木耳、雞蛋半隻、紅蘿蔔同主菜牛肉等等，湯底配料撈湯撈飯食好味道😋😋😆😆😆(Score: 4/5)··其他：＊除咗牛肉飯係最多人食之外，加藤屋嘅鐵板飯餐都好多人嗌黎食，渣渣聲又夠哂香，小編驚熱氣所以冇嗌到，下次真係可以試吓😂😂🤤🤤🤤••-評分👑賣相：✨✨✨✨味道：👅👅👅👅👅價錢：💰💰💰服務：🤵🏽‍♂️🤵🏽🤵🏽🤵🏽推介：

叫左泡菜牛肉飯，以為韓式泡菜，但唔係，係中國式泡菜，酸酸地，都幾有咬口💥如叫麻辣，就會加pat辣醬🌶比你啲牛一貫肥牛味，甜甜地，有少少牛肉香。啲汁撈飯真係好好味，下次應該會試下叫佢多汁💦麵豉湯一般水平，偏咸，我重口味，所以岩岩好食完真係好滿足😋😋😋

由旺角行去太子攞月餅🥮，天氣又熱又悶焗！我同🤴🏻攞完之後都成身大汗！直接喺同一條街搵食先😄😄～～～日式牛肉鍋定食配壽喜燒湯+雞肉～～～上枱時唔會太熱，牛肉量超多，容易咬開！壽喜燒湯汁唔會太甜，配埋鍋中嘅蔬菜甜度適中😋😋好食🥰🥰加配嘅雞肉鞋左D,可以唔加😶😶跟餐嘅泡菜非常特別，唔係傳統韓國紅色鹹菜，味道係蒜香味🙄🙄！～～～加藤牛肉飯～～～明明叫咗多汁但唔覺得有多到😢😢，圖片上係有蔬菜不過實物只有洋蔥🧅！牛肉片同樣咁多鋪滿飯面😊😊，但係飯實在太干，好彩有🤴🏻嘅壽喜燒湯汁救一救😅😅～～～炸脆旋瘋薯棒～～～炸得幾薄身，保留到薯仔嘅香味同質感🤗🤗，似薄嘅炸薯角🥳🥳～～～日本南瓜🎃薯餅～～～炸得金黃色幾靚，外皮唔係好脆內裡超軟身！太用力夾會即散，南瓜味幾濃郁，略油🙂🙂最後跟餐汽水幾大杯，冰🧊量適中，唔會唔夠飲🥰🥰