加藤屋 (黃禮賢大廈) (已結業)

太子哩間加藤屋，位置都算幾方便，係地鐵站出咗行一陣就到。有學生優惠，出示學生證可以減$6。落單時候可以叫佢多飯或者少飯。多飯個飯係會分開上，食咗個辣特盛牛肉飯，而選擇辣度，有小中大辣，特辣要加$1蚊。仲有免費嘅飲品送，可以揀玄米茶、汽水或者麵豉湯。特盛嘅份量非常之多，加咗飯食到好飽，都只係$59。又平又好食，肥牛嘅質素都好高。小辣其實唔算好辣，應該連譚仔嘅10小辣都冇，所以食開辣嘅話就由中辣開始食起啦。