加東叻沙蝦麵

營業中

休息中

星期天和家人打算去生記吃粥, 誰不知摸門釘; 姐夫推介, 就走了過來吃叻沙.地方環境不錯, 樓底幾高的.橫豎甚麼也未試過, 就要個正宗喇沙, 媽子吃不了那麼多, 就要個細版: 蝦, 魚片, 豆卜叻沙.好快就有得吃, 湯底濃濃的, 賣相幾好, 喝了一口湯, 香香濃濃的椰汁味. 材料有蝦, 蛤, 魚片, 豆卜, 雞蛋, 大量芽菜. 豆卜比較好, 吸收了湯汁; 鮮蛤不鮮, 有點腥; 其他都不錯.雖然個湯好味, 但我相信有點點港式了, 大慨正宗的應該會再辣一點的.四十九元, 經過上環時, 都吃得過.

好耐之前來吃過米暹，是次說吃「招牌」菜，蝦麵。四個人來，未夠一時，也要等一等位才可入座。不是叫叻沙，就是蝦麵，不貪吃那大蝦，就只要了特色蝦麵，加杯仙草冰。先喝湯底，喝得出是用上豬骨、蝦殼及下了胡椒去煮，咦？但為什麼這樣淡的？好像是一碗溝了水的湯，吃得沒癮。配料有魚片、豆卜、芽菜、蝦等，摻了油麵來吃，也是淡出個鳥來，連帶加了辣椒粉也無補於是，不「喊面」也不行。另外吃蝦麵的同事也有此感，吃叻沙的，卻覺得不錯。不過好處是沒有味精，吃完一點口喝的感覺也沒有。那杯仙草冰，在我吃了五分之四碗蝦麵還未來。喝起來是涼粉冰的感覺，再「冰」一點會感覺更佳。埋單62蚊，想不到理由再來。

上次同朋友行過見佢門面ok，就走左入去食。個賣相真係有d似街邊車仔，不過喇沙都整得幾地道，俾佢60分啦=]

我以為Malaymama扮馬拉菜難食都算﹐點知對面的加東仲過份﹐佢地已經是用Prima Paste(百勝牌)的叻沙醬來弄叻沙都可以攪到咁難食。我同朋友又叫了蝦面都好難食﹐我認為老闆同伙記應該去下灣仔的蝦面店試試人地的水平。

Katong Laksa was one of the few restaurants that I would go to for Singaporean food. Although the food served at Katong Laksa is not comparable to what we are used to having in Singapore, the laksa has been acceptable. However, the food we had tonight was appalling. The prawn mee with squid balls had only 2 halves of a tiny shrimp, 3 squid balls, 2 halves of a dried tofu (i.e ONE dried tofu) and some vegetables. You would have expected more than ONE prawn when you ordered PRAWN MEE. So you can

長長嘅人龍出現响喜歡嘅生記, 生性唔鍾意等位, 只好响附近搵食, 於是入去加東試下...坐低就俾張menu氹倒, 真係好吸引, 想睇晒佢, 已經俾亞姐吹咗三次...叫咗叻沙湯米, 有蝦, 豆卜同埋魚旦...攞到嚟打個突, 乜個賣相咁似街邊車仔麵; 抄下碗嘢, 蝦有兩隻半隻, 魚旦3粒, 芽菜若干; anyway, 啲色水就似一般喇沙嘅金啡色...點知一咬魚旦, 吐都吐唔切, 嘩, 咁未解凍! 話俾亞姐聽, 佢二話不說, 以匙搯走魚旦, 換嚟3粒墨魚丸, 講完一句"咁就食墨魚丸啦"就行開咗...Well, 求救啦! 望下負責煑麵個亞哥, 佢望下我, 然後繼續玩手頭嘅手機, 懶得理...算啦, 完全失望, 人家唔當賣緊美食, 自己可必嘮氣, 食完走人, 冇下次...至於碗嘢, 用一個字描述啲蝦-- 霉! 湯呢-- 咸嘅椰奶味!38蚊一碗...算了!

$49蚊一碗麵, 仲無野飲, 貴唔貴就見仁見智, 不過個叻沙湯底真係好好味, 有椰香, 少少辣, 十分正. 成碗飲曬.其他料如獅蛤, 蝦呀, 魚片同豆卜都無特別, 成$49蚊, 成本用在那裹???下次試蝦麵

星期六下午第一次試，無套餐或特價餐。喇沙味道幾地道但湯不夠要，米暹甜了少少，蝦麵個湯夠濃但不夠鮮味而且咸了少少。以食味計都不錯，但價錢都幾貴，普通喇沙或蝦麵都要三十幾元壹碗，如果要有螄蚶的喇沙要五十多元，計落都幾貴，都很難經常光顧。

一個人食dinner, 忽然想食laksa, 記得0係雜誌睇過飲食專欄介紹過, 就0黎試0下.叫0左個"正宗叻沙"... menu 上話有蝦, 蛋, 鮮蛤, 豆卜同魚片, 不過0黎到0既時候碗0野完全無蝦, 芽菜就有幾多, 不過無所謂啦. 碗0野0黎到即刻飲一啖湯, 味好香濃, 少少辣, 椰汁味幾夠, 而且好香其他香料0既味, 唔錯. 粉係濛粉, 幾有咬口; 魚片切得好薄, 索晒d 湯0既味, 幾好食; 鮮蛤賣相幾唔靚, 食落太腥唔新鮮, 唔太得; 豆卜/蛋/芽菜就無乜特別. 整體幾好味, 因為個湯底真係幾得.求其叫0左杯熱奶茶, 又幾好飲喎環境一般唔特別, 幾乾淨; service... 全間鋪得我一個客, 我叫得兩樣0野, 佢都可以唔記得0左我杯奶茶-_-" 不過店員幾夠禮貌. $49 一碗laksa 又唔係好貴, 都ok 0既.唔知咖央多好唔好食呢? 有機會0黎試0下都好.

20070320與另外兩個同事到此午餐，兩碗蝦/魚片或魚丸/豆卜Laksa，一碗大蝦/雞蛋/豆卜Mee Siam。米暹（Mee Siam）者，米線也：）只不過換了一種做法，好像一下子就異域風情起來：）普通分量的平均38元一碗，加3元可以跟通菜，另外，我們還一人要了一杯熱的冬瓜薏米水（12元）。米線湯很冶味，中辣，沒什麼椰汁，反而比兩碗叻沙更覺清些；裏面的蝦是兩小一大，小的是蝦仁一開為二，大的是連殼；豆蔔剪得粉碎，與湯幾乎融在一起；一早整定的烚蛋，放進碗裏太遲，所以打開還是冷的，可再做改善。冬瓜薏米水小小杯，用了糖冬瓜來煮，很清甜，正好中和一下嘴裏火熱的感覺：）這裏的東西算是蠻好味，不過略微貴了一點，另外，午市的場面也有些誇張，搭枱是一定的了，看著姐仔們端著濃膩的湯汁在僅可容身的過道裏穿來插去，也有點過於驚險……

$49 一碗正宗laksa!(中環孖沙街)因為門口貼住蔡生的介紹, 所以入了去食, 但! 吃完後, 覺得萬分不值!一口吃下去, 湯不熱, 溫溫地囉. 魚片乾乾地細細塊, 有d 凍, 似係是但碌一碌無點煮過, 鮮蛤細粒, 瘦薄! 唔好俾張圖片呃, d 蝦好細隻, 兼無蝦味, 雪了很久的雪藏珍品掛! 重有幾絲芽菜幾個豆卜囉! 無野啦! 麵好少, 食了幾住便攪掂. 就是這樣, 食了$49 落肚! 這就是正宗laksa 了! 以後當然唔會再幫襯!服務: 間餐廳無乜人, 但叫了個阿姐很久, 才應囉! 無乜服務呀!

見到咁多人食, 咪一時興起排埋一份囉.LUNCH 1點鐘, 1個人唔駛排隊直入.睇吓MENU, 呢區嚟講一D都唔平喎.(一碗粉要$34以上, 幾貴)ORDER咗碗'墨魚丸+蝦+豆卜-叻沙($38). 等咗5分鐘左右就有得食.賣相OK, 面頭好多橙色既油, 以為好辣但食落又唔會喎.正唔正宗我唔敢講, 味道普通, 份量又唔多(男仔一定唔夠飽). 唔係好明點解咁貴一碗粉又唔係特別好食都咁多人幫襯囉.你食完之後, D WAITRESS姐姐會渣介E問你仲有無野未嚟, 趕你走架.

星期日去了上環，本想試的食店又無開，見這間有開，記憶中食評都唔錯，便來試試。我們叫了一碗特色叻沙和咖央多士。特色叻沙- 材質幾豐富，可惜唔多新鮮，包括有大蝦、鮮蛤、魚片、豆卜、雞絲、雞蛋和叻沙粉；大蝦看都看到是雪蝦，又無味又唔爽口，豆卜和雞蛋已算是好味的了；叻沙味就完全感覺唔到，只有米粉沒有油麵，完全唔正宗，味道只是好普通，分量又如夠多，有點失望。咖央多士- 咖央味完全給牛油搶過晒，感覺像食鮮油多似d，唔當它有咖央醬的話，都算幾好食的。價錢唔算平，但味道普通，唔多底食。

我不打算裝自己好認識什麼是正宗叻沙﹐我只可以說這裡的叻沙很合我的口味囉﹐所以久唔久就會想來食﹐但這次都等了好久﹐今天終於有機會吃到了﹐好開心啊﹗因為知道午飯時候很多人排隊﹐所以都是外面回公司吃算了。果然﹐我一點多到達的時候外面有差不多10 個人在等候﹐不過都是5 分鐘左右都已經有位﹐算ok 啦﹗而且門外有個姐姐在登記﹐所以秩序良好。如果趕時間那姐姐也可以先替你落order﹐那就可以快一點可以有得食﹐服務不錯啊﹗我要了個“正宗叻沙”($49﹐因為外賣要加$1)﹐等了差不多10 分鐘才有﹐幸好今天天氣不太熱﹐如果不是這樣的站在街上等﹐真怕會中暑﹗下次都是先打電話去order 定會好點﹐再不是原來他們現在有送外賣的服務呢。如果在附近﹐兩碗都已經肯送﹐不錯呢﹗說回這個叻沙﹐因外賣的關係﹐朦粉(對﹐是朦粉﹗門口的姐姐說這是新加坡人通常用的﹐比較爽口) 和配料一盒﹐湯底和豆卜一盒﹐這樣就不會把朦粉浸淋了﹐好細心呀﹗我不知道門口姐姐說的對不對﹐不過好像都挺似我在新加坡時所吃的口感。我初初以為是越南人的朦粉﹐不過原來又不似。其實一直以來他們都是用這種粉的﹐不過我不知道原來叫朦粉而已。這朦粉是透明的﹐少

我其實好喜歡吃叻沙的！好食ｏ既叻沙麵店，老實講，香港真的沒有幾間真的做得好食，以前有一間在九龍城的麵店做得不錯，但可惜已經結業了！但當我有一次無意中吃過這間叻沙麵店之後，它們真的比外面那些所謂的正宗叻沙麵店好吃很多很多（包括對面的那間ｘｘ媽媽）！至少有叻沙應有的味道，好吃得我會把她們的湯底也會差不多飲光！但有一點要批評的，就是當你落單的時候，她們不會問你要油麵，還是要檬粉，而ｍｅｎｕ上也沒有註明可選擇油麵或檬粉，這是一個最大的敗筆！個人比較喜歡油麵多過檬粉！總覺得要油麵比較好吃！如果要試這間店的話，我建議在下午茶的時段來較好，因為比較便宜一點，一碗麵和一杯飲品只要＄３２就可以了！