加太賀

營業中

休息中

6月16號星期一晚特登去加太賀試下...因為有贈券order左 牛肉串燒 (ok唔錯) 加太賀沙律 (都好大碟架...) 燒三文魚頭 (超正!!!必食) 大蝦天婦羅 (ok) 花の戀 (ok) 活螺刺身 (好有心思,好靚..又鮮甜)第一次去食...環境都ok...不過地方就真係難塭左Ｄ,不過都一定會再去埋單盛惠$348(2人)...食到好....飽...Yummi 之後仲可以有個遊戲玩,個日式遊戲唔錯丫,不過有難度架Ｄ服務都ok

我同老公響31-05-08 去開果一頭...見幾年無去過加太賀, 咁咪去食個晚飯先去囉...6:00pm到... 咁我就叫左幾樣野.$168魚生併盆$60冷面Salad1set 燒雞腎 1set燒雞軟骨Beer 同 soft drink我一向對食無咩要求, 只要放得入口既都okay... 我亦對新唔新鮮一D 都唔識睇, 通常埋海鮮呀, 生果呀都比呀媽笑我比人握.....我先講一下個$168魚生併盆...我唔識咩係新鮮, 但我都知我今次一定係 lai 左 野... 雖然$168真係唔算太貴... 但都唔好比d咁既野我食囉..果d 所謂 TUNA... 好似比人打"魚"左咁... 係 "魚" 紅色既... 我老公已經黑晒面... 我叫佢anyway, 咬一啖試下... 可能唔係想像中禁差呢... 點知, 佢咬一啖之後... 吐都吐唔切... 再睇果D立魚同 "紅邊白肉"既魚 (我唔知叫咩名)... D顏色好似點左 "事"油咁既色... 我地掂都無掂過... but to be fair 咁講一句... 只有三文魚係食得...到$60冷面... 係爽既, 不過唔知點解... 我點都唔可以夾到

食物同價錢其實不過不失, 不過好似欠缺了一點誠意, 變得很大路.記得以前一諗起食日本野, 都一定係去加太賀. 作為佢嘅開山fans, 由佢得一間舖仔食到佢買哂成條街, 都真係不得不承認佢漸漸退步, 加上愈來愈多有水準嘅日本菜出現, 我......好似已經變心了吧!

早排去左加太賀度食晚飯,都幾好食呀,又唔算太貴,我真係好想試吓食呢度既海陸空拉麵,不過真係好大碗,我諗三個人都食唔晒,下次有機會搵多幾個一齊去試先得.

上星期日,同家人去咗加太賀,叫咗1:花之戀-正,五塊三文魚,甜到入心2:炸番薯拼南瓜-炸得好,不太多油3:三文魚扒定食-三文魚扒無骨,飯就煮得非常好,唔會太多水4:煱燒湯麵-拉麵正,配料也正5:雪米池(埋單前送)-正正正總結:咩都正,全力推介任何人去試

來到首創花之戀的加太賀食飯,當然要試試花之戀.聽說這裡的花之戀是用三文魚腩製成, 加太賀的花之戀比平常食到的大件,由五塊肥美厚身的三文魚腩砌成.Um~好肥美,入口即有好幸福的感覺,正!仲可以試試較特別的燒墨魚嘴,好香蒜蓉味,好開胃好清新的感覺!四周的佈置好有日本街頭感覺,氣氛好好!服務員的態度唔錯,常常為我們添水,值得一讚.

約了幾位朋友聚舊,相約地點本來在黃埔,不過朋友提議去紅磡加太賀吃日本菜.招牌花之戀- 一碟雖只有兩件但味道不俗,很喜歡大大的花之戀上面鋪滿魚子,而圍邊的三文魚也很新鮮.海鮮炸籃- 欣賞這個沒有用太多炸粉而且海鮮味道也不俗.嗜海鮮的我們又再叫了海鮮炒飯和日式海鮮薄餅. 個人很喜歡那個薄餅,十分足料!這次主要是叫熱食,食物的質素不錯;唯一缺點是地點頗為隔涉.

去完紅磡搵野食，有朋友建議去加太賀，一於試下︰地方真係幾難搵，成條街黑漆漆，冷冷清清，唔知既仲以為係黑店。不過店內外望落都幾乾淨，如果唔係我會即走...等左一陣有位，服務員都幾快手，點菜都好細心講解，唔會是旦答你。點左幾個菜︰活魚刺身、潛艇拉麵、劍魚腩刺身活魚刺身，見百零蚊就試下，服務員叫我地出去魚缸選，不過冇乜選擇，得3條，最後叫左盧魚，幾特別，切完上左刺身佢會比你睇下冇左2條魚身既魚，廚房刀工都好勁，冇乜魚血條魚仲識郁，令我諗起庖丁解牛，店員細心仲建議可以炸左魚骨。刺身味道一般，不過新鮮得黎有一種鮮味同黏性，魚骨炸得爽脆香口，好似炸三文魚頭咁，一餸兩味，抵食。潛艇拉麵，上菜個時嚇左一跳，好大碗，個碗直徑有17寸咁滯，霸左2/3張枱，附近幾枱客都驚奇地望過黎，入面有D日式魚蛋、日式叉燒、海帶、粟米等等...好似叫左3碗雜錦拉麵放埋一碗，百幾蚊都差唔多，味道比得上外面既拉麵店，一般不過好飽肚。劍魚腩刺身，咬落仲好大雪味，唔知雪左幾耐，下次唔會再叫。3個人每人百幾蚊，都唔平，活魚刺身唔係咁多地方有得食，我係第2間食過都係比得2件壽司就要$20，呢度有成碟，仲有條魚比你睇，大開眼戒，要見識

款式一般, 新鮮程度一般, 貴,又唔抵, 又唔好食..食完搭的士走果陣已經開始肚痛...以後打死都唔去!!!!

我勁鍾意食日本野, 係紅磡附近返工, 去加太賀食, 試過兩次食刺身船d刺身勁唔新鮮, 又試過lunch set 咖喱豬軟骨飯上d豬軟骨煮得俾阿媽煮o既煲湯豬肉更冧. 仲要係咁'已'再淋些咖喱汁上面.而家同同事食lunch都一定唔會食佢

今晚在此晚餐,但好像沒有以往的人潮場面,是退步?菜色有tolo刺身,其實味道都唔錯,夠肥美,但好像份量少了花之戀壽司,招牌菜,其實都無野彈,幾好啦!炸雞軟骨:普通點,只是有咸味,仲叫左雜錦天婦羅,炒雜菜和拉麵,都可以,但又唔係好難食,唔知點解彈到咁??

看著它的衰退, 食完也知其因.地點不太方便, 服務普通, 食物質素同價錢不是正比, 港式感覺.醋醃八爪魚–幾酸, 開胃小食, 但八爪魚切得太細, 又不太鮮嫩.壽司質素平平, 飯醋好像下得重手些, 酸味多過我以往食到的.蝦天婦羅–這反而不錯, 不太油, 蝦有味爽甜, 但脆漿還是厚了點.稻庭冷麵- 冷麵滑溜但整體又不是太驚喜.燒羊鞍–肉嫩不韌, 但羊羶味不足.多謝晒!!

其實都唔係咁差姐.11月中同屋企人番polyu影畢業相. 6:30pm左右影完. 係hung hum真係唔知食乜好. 諗起久違了的加太賀.三個人叫左4樣野.sushi combo: 唔差, 但一定無板前咁鮮.海鮮烏東: 正! 烏東好有口感!猪ribs: 好有肉味. 汁好正!銀雪魚: 普通, 無咩味.我同daddy, mummy都食到好full. 都唔錯. 而且服務幾好, 成日自動沖水加茶同收蝶. 又唔比拾枱. 空間好好, 好有私人空間.而且抵食, 加埋一都唔過3百.

成日都聽人講有幾好，自己始終都要試一試。一行到門口就已經有唔多好嘅感覺，佢係喺條巷嘅盡頭咁濟，可能因為早嘅原故，鋪入面都係得一兩枱客，裝飾幾特別，但個人就唔鐘意個燈光，燈紅色，感覺自己好似係個開恆冷氣嘅火爐入面咁，周身唔自然。食物款式okay多，又好多款套餐，不過個個餐都有唔同嘅乜乜唔適用果d條款，真係睇到頭暈。叫咗壽司、三文魚粥、炒鳥冬同三文魚刺身，野食其實好一般，刺身都算新鮮嘅，不過以咁嘅價錢食到咁嘅質數，其實仲有好多地方，無必要特登黎呢度。仲有嘅係，侍應態度散慢，個個企喺度，明明都無乜客架啦，你話係咪離譜﹖

上星期返新工就同D新工友食飯,叫咗幾樣嘢食,一個叫黃金螺炒飯,好好食,一個串燒但唔記得係咩串燒因同事話好難食所以我無食,一碟什錦壽司,除咗有D魚唔識之外三文魚同帶子嗰D都幾新鮮,但我覺得D飯最好食,一個烏冬煱,D湯唔係好夠熱,變咗D烏冬都麻麻地,如果夠熱我覺得應該會好食D,一個燒餅,味道都幾好啦,如果無七味粉同埋厚番小小就更加好啦,食咗一陣,發覺唔係好夠,想再叫多樣嘢食,點知叫極都無人理,叫D妹妹仔又無反應,叫老嗰D年紀又係咁,有個仲過份,我都叫到隔離D人都個個望住我,佢係有望我呀,但無理到我Ior,真係唔知真係睇唔到定俾佢身材阻住所以睇唔到,再等多一陣最後都有個女人同我地落單,唉...本來都食得幾開心,仲同D同事講下次再嚟要試下坐入面嗰間房,就係呢一次印象分無晒,下次.....睇下點先啦。