加太賀

營業中

休息中

8點中,,早左去到好正常..但係8點3先入座,換句話唔只等左15分鐘不過服務係真係唔錯 D侍應好有禮貌但係真係好貴,我本身唔食刺身,但係魚子我都會食GED紙菜淋晒唔知係咩問題..三文魚子壽司係苦ge魚子都唔多好食...一D口感都冇個個生日壽司蛋糕要早一日訂(生日唔係送GE咩)...姐係唔係即刻做LA-.-唔會check有冇人係生日....做法有點兒那個羊架...勁蘇燒尤魚筒, 講真,我情願去酒樓叫碟炸GE好過-.-個個咁GE16吋大碗面...真係好大碗...個碗...同幅相真係差太遠,佢用10吋碗我會覺得好好多囉-.-雪米磁,叫石米磁貼切D,雪到成舊冰咁/__\食完都唔飽..可以食多個M記餐-.-千其唔好去食價錢又貴,食物又唔多好味,又唔就腳...間野真係.....冇樣好,,除左炸大蝦天婦羅之外

依間日本食店都有十年喇，除左花之戀係當年風魔一時外，依家啲質數一年比一年差，如果係有選擇情況下，絕對唔會幫襯架呢，真唔好意思 ~ 內籠裝修想模妨日本魚市場，但都係差鬼過大陸山寨反板囉。啲木櫈坐得好唔舒服，就算坐卡位，太細。另外，個人而言好討厭紅燈膽，都唔知佢想點 ~什菜大蝦天婦羅，做得同真正既天婦羅好接近，味道、口感都十分相似。但粉太多，正宗應該係薄薄一層、非常鬆脆既網狀物係表面架呢﹗蝦同什菜算新鮮，滿意 ﹗什錦刺生併盤 ( 竹 )，有帶子裙邊、甜蝦、三文魚、飛魚腩、吞拿魚紅、赤貝、等。樣樣都可以啦，只係吞拿魚紅太鞋又唔甜，本人一定要腩。一向都唔多喜歡飛魚腩，口感真係好似食緊肥豬肉，仲要無味。豬骨湯帆立貝湯烏冬，個湯啖到振，要勁落豉油同七味粉先得。烏冬咪係即食嗰啲囉，無等別，唯一可取即係足料囉，帆立貝有大大四隻、又有半隻蛋同大量牙菜添 ﹗

無去加太賀數埋都有五六年估唔到無去咁耐差咗好多記得第一次去好似去左曰本,成條街都係超有曰本味但事隔幾年唔同晒！係唔係賣左比人呢！以前成條街現在二三間鋪位爭好遠喎，仲要冷清清無晒日本味！另外支客姐姐無以前咁專業，禮貌唔夠。裝修方面都無咩點變光線柔和幾舒服。野食方面都相差很遠，我地叫左個飛魚刺生呢個我以前無食過，呢個係我地叫嘅所有野當中算係好一啲魚肉質地較其他魚爽沒有榨因為師夫切得較簿所以有半透明的感覺亦唔會好腥呢個我係食得最多記得以前都有叫過海蝦天婦羅但今次食一啲都唔同，海蝦天婦羅居然有蝦殼超驚！！唔怪得咁冷清,炸漿唔係脆而係霖呀！花之戀嘅三文魚以前超新鮮魚肉顏色鮮嫩肥美，但果日食果的三文魚又白又淡色極度唔新鮮好似經過特別處理盬燒三文魚頭骨都ok海瞻炒飯獲氣唔夠，海瞻很少經過呢次我會等佢水準好啲我先曾再去！！！！

禮拜日陪下媽咪去食下野,咁岩佢又想吃下日本野咪黎到呢條街搵下野食,記得八年前黎呢條街全部都係加太賀既舖頭,而家都差唔多變哂其他舖頭了,無他既,經過我八年前既經驗黎講,佢仲做到先係一個奇蹟,講返正題,本來想試下八喜屋,點知又冇開,咁無計,唯有試佢一次,睇下有冇進步, 我望左個餐牌一陣,覺得佢又幾叻,點解可以連圖都咁唔吸引呢? 之後我地兩個叫左一個咖哩豬扒同吉列海鮮定食,等左幾耐下佢終於送到,一見..仲咩打棟插左支匙羹係D飯度=_=而家我又唔係去食快餐...作為一間日式舖頭,印象大打折扣, 試下個咖哩先,唔,呢度咖哩磚通街有售,豬扒係快餐店水準,唔係好吃,又唔係難吃囉,飯黎講,唔係珍珠米,面豉湯..難飲!至於我阿媽食果個吉列海鮮定食,我冇參與到 no comment,不過我見到個底有豬扒@@好有驚喜原來豬扒係海鮮來! 一個set 65蚊黎講唔係貴,我亦當然冇同尖咀果D舖頭比,不過呢,你又唔係好食,紅磡黎講,我行去日本人開果間度食冇咁嬲,起碼一定好食過你,價錢亦唔係貴呀? 從用料到匙既放法,我真心感受到呢間野既"誠意",本來呢,服務我想比一分架啦,間舖度冇咩客,成班侍應係度吹水都唔加茶,好彩

今日年三十,落雨,都唔想去花市....係屋企 plan North Europe 既行程 plan 到差唔多,落街搵食.....好耐冇去加太賀, 又想食拉麵,試下啦!入到去,人影都唔多隻...同以前人山人海差好多lu...各叫了芝麻冷麵同北海道拉麵. 好快就黎.....一睇, 賴野! .....首先賣相巳好唔得,食落仲衰.....老公個冷麵細到,我以為係前菜,細碗度3啖食哂,仲要淋之之.....我既北海道拉麵,係完全冇肉 (同 menu張相差好多),只係得些少梅菜......勁後悔黎左呢度....其實我要求唔高,但佢真係比茶餐廳質素更差!.....我地結論係佢貼錢都唔會有下次!!以前既加太賀唔係甘,宜家 d 野食變到甘, 老闆好應該反省下....好彩之後去街口甜品 (甜立方)食返先開心返....差點被加太賀 ruin 左個年三十晚!

我第一次去食,比我想像中仲差好遠我叫左豬軟拉麵D麵唔好食...淋BABA雜錦壽司14件,D三文魚一D都唔新鮮,好似放左好耐食落去冇味,個件蝦..D蝦殼同D蝦屎都未整好..都上碟其他魚都一樣象BU旁刺身..好好食好鮮甜...但太貴啦....150先得幾塊..好唔抵

一別兩年，換來的卻是失落的感覺....唉...創業難...守業更難！好好的一間餐廳，為何弄至這樣！首先，當然講講食物，牡丹蝦刺身、手卷、壽司、拉麵等等。味道一般，不提也罷！重要是連一點心思也感覺不到，大哥...成百六蚊一碟牡丹蝦，我會expect有碎雪上的！但連最簡單的海鮮拉麵，嗰d所謂海鮮就好似唔覺意跌咗落隻碗咁，一d美感都沒有！同兩年前的用心擺設相差甚遠了！我哋d鍾意飲飲食食嘅人，一埋位就知間餐廳d伙計有無heart放落去...幸好樓面班姊妹都攞番少少分...尤其在我最失意時，突然醒我粒雪糕糯米糍(餐後甜品)！！咁樣落去...生意好得去邊...真擔心下次....

A friend recommended me to this restaurant a few weeks ago. I have been there twice. There are actually 4 shops in the same area. I've never had to wait, though my family arrived at 6:30 pm. That's a bit early for dinner in HK. The food was not bad at all and the price was reasonable. The decor could be cleaned up a bit but it wasn't disgusting.

3年前食加太賀,食品新鮮,魚生鮮甜!今次再去,食物質素真係明顯下降晒,特別係d天婦羅,完全一pai野咁,d炒飯又爛,唯一有進步既係d員工態度好左好多!!

今天特地走到紅磡崇潔街嘗試一D 美食。 知個道有幾件間特色餐廳尤其系日式。 其中加太賀最搶眼， 租了兩旁店鋪， 分爲 A店-F店都系一閒餐廳。 正條街弄得像新年一樣. 見甘有心機就不妨去試試...點知噩夢剛剛先開始.叫左： 串燒雞軟骨， 串燒牛舌 4人 秋季套餐包括：魚生拼盤，照燒雞排， 大蝦天麩羅 ， 鹽燒秋刀魚， 雜錦火鍋. （$438)先講兩個前菜， $50又找一份。 在這個價格你會認爲這幾串串燒會香口，外脆， 内嫩...事實並非如此. 雞軟骨顔色不夠金黃， 外皮一D都吳脆，味道分貝配不均勻。 就連街邊小食都好過它10倍。 牛舍算一般， 只是肉質有D硬。魚生拼盤: 外觀平平無奇， 無創以， 種類也不夠豐富。 油甘魚刺身放久了， 肉無味。 照燒雞排：有燒鍋咩？ 雞皮還是黃色的！明明就系淋D燒汁跟住去丁幾分鈡....丁雪藏雞排算系過得去啦。大蝦天麩羅：不敢相信可以做到甘離譜. 炸粉多過蝦肉都不用講了， 咬落區時，完全無清脆乾爽聲音， 口感像塑膠。 裏面的蝦應該是用于越南進口，因沒發覺到蝦應有的甜。燒秋刀魚：想食魚jer....點解要拿D沙紙給我們......雜錦火鍋

今日媽生日, 有二百蚊coupon, 又近屋企, 就決定去開大餐.上一次食都應該三數年前, 記得當時食物還算可以, 都抵食.但係今次真係有點失望, 七點多去到A店, 唔使等位, 入面只有數枱客, 我地四人可以坐八人枱, 睇餐牌, 發現野食貴左好多, 散叫好唔抵食, 就叫左一個豪華四人餐, 都要成七百蚊.野食大約如下:魚生船: 大大件, 但味道唔夠鮮甜, 賣相好一般, 壽司卷物: 大大件加州反卷同鰻魚壽司, 味道一般 生菜沙律: 一上枱有點大得嚇人, 生菜冇切絲配以芝麻汁, 大大塊生菜, 見到都唔係好想食.天婦羅: 粉漿過厚, 味道可以.炸豆腐: 我覺得呢個最好味, 都好大件蟹柳炒飯: 好大碟, 味道可以, 如果唔加日式蝦味會更好煎鯖魚: 味道可以三文魚湯及味僧湯: 一般, 還可以整體來說唔可以話好差, 不過真係好一般街坊式日本野, 要食的話, 旺角女人街的會比較新鮮.所以應該暫時冇下一次了.

當晚去到, 老闆個老婆一早到左, 帶住兩個妹妹仔, 諗住是但叫兩三個飯/麵啦~點知老闆心情好似好好咁, 叫左四五客壽司同刺身, 咁先後悔!!三文魚刺身黎到好似好靚咁, 食落口係雪味! 吞拿魚出到黎又紅又腫, 食落口勁奇怪, 冇味之餘又冇口感.老闆佢果度特登用紅燈, 係想D野食睇落去靚D....最後唯一抵讚既就係D服務,兩個妹妹仔食到周地都係, D 侍應冇嘈不特止, 拖完地仲同妹妹玩, 但果度衛生真係麻麻, 天花果D網好似十年冇換過咁, 黑黑地.... 食完冇事真係可喜可賀.

星期五晚被帶黎食. 見到條街真係好surprising, 居然有人肯用o甘多錢整到成條街好似日本o甘, 佩服佩服!! 既然全條街都係同一個老細的. 二話不說就入左間. 裏面裝修唔係靚野, 但真係好有 feel. 好日本!!打開個menu, 真係勁多選擇. 基本上所有日本野都有. 價錢屬中價. 由於唔知原來呢度出名大碟, 叫左好多野~三文魚/ 甜蝦/ 帶子刺身: 三文魚好大舊, 厚到成塊牛扒甘. 個人唔鍾意甘. 感覺好似食舊肥豬肉入口. 但唔覺新鮮. 甜蝦係平時去貴舖的size的兩倍. 普通. 帶子都甜. 但切得好薄, 個texture好怪. 好pat~ 茶壺湯: ok但感覺味精.蟹子沙律: 係平時去貴舖size的4倍. 好普通. 冇乜特別. 北海道長蟹腳tempura: 繼續好大. 蟹腳冇乜蟹味. Tempura d 粉漿超多, 炸到隻腳勁大. 估唔到食隻tempura要開口開到好似食burger o甘.日式海鮮薄餅: 味OK. 料唔多. 薄餅好似去飲茶d煎薄餅o甘. 燒鮮冬菇: 呢個反而唔錯. 唔會太乾.服務普普通通. 佢會主動換碟. 總結: d野食全部都爆大碟, 但係唔覺有任何一樣

加太賀，我細細個已經聽過呢個名……記得上次去已經是十三年前的事了，當時年紀少，有日本嘢食，已經開心到不得了，食物好唔好味已經冇晒印象了，唯一最深刻的就是迫，迫到呢，仲迫過d茶樓……背貼背，手袋冇位放，總之無論你係大肥婆又好，或是未發育的「靚」模身材都好....都係迫。十三年一別，再到加太賀，已經由一間屈質舖頭，變成5間相連大舖了，現在當然唔再需要背貼背啦，因為都冇人去食﹗與朋友二人食lunch，都唔知係大食積上身，還是放監，兩個人竟然叫了兩個lunch set，再每個set加多10皮，加多一個小食，再加沙律，再加墨魚咀，真係好利害。兩個lunch set係魚生飯同茄子天婦羅肉醬闊條麵，我地各加了一個三文魚魚生和南瓜天婦羅，個set仲有湯，小食或生果。個闊條麵竟然幾好味，肉醬亦好入味，份量又多，茄子平時好索油，但呢個天婦羅又唔會食到一咀油，ok﹗但我要推介既係沙律，唔記得左個名，有d魷魚、三文魚、吞拿魚粒，個sauce係麻油，d青瓜食落口都好香同爽，生菜好新鮮，所以成就了一個好好味的沙律。另一個要介紹就係墨魚咀，d墨魚咀幾攪鬼，個個都O咀的，唔知係咪比人斬個咀出黎個陣，自己O左呢？我覺得

專程與朋友前往吃晚餐,叫了花之戀,蒜片牛肉粒,三文魚壽司等... 花之戀之飯又硬又凍,十分難食 蒜片牛仔粒好像間夜翻炒,上枱時沒有出煙,只半熱,牛肉不新鮮,蒜片翻炒再翻炒,服務員回應說蒜片不能炒只可以用油炸(重未聽聞此說) 真奇怪 三文魚壽司不新鮮 埋單三佰多元,十分不值,以後都不會再光顧此店,超失望.