加太賀

營業中

休息中

小肥:同老外食lunch都會o黎加太賀, 只不過係因為呢度易搵位, menu又有圖片, 但同佢o既食物質素完全無關.今日同2位潮男加1位老外o黎食, 我叫o左個炸鱈魚定食, 個set有面屎湯, 蟹子沙律, 炸鱈魚, 蕎麥冷面, 同西瓜. 叫得set lunch當然唔會expect要等得耐, 而且人人係得個零鐘食飯時間, 所以上得快唔快係好緊要o架! 但跟據我o既經驗, 次次都實有一/位"幸運兒" 要等好耐先有得食, 今次就輪到我同個老外啦~ 我地order時大約搭二, 但都搭七先到, 中間都有追o架啦, 但feel到佢應該搞錯o左D單lo. 好啦, 以為終於有得食啦, 但佢上漏o左冷面鼓油, 叫o左個姐比番, 佢好似冇o左件事, 叫另一個就既刻比我. 個蟹子沙律冇乜野好講, 個炸魚個脆漿硬, 同埋味道好醎, 個冷面唔凍又好焾, 唔夠彈牙, 西瓜就好甜o既.埋單每位送雪米糍, 但都不能令我比個笑面佢lo. 成餐飯我地不斷同位o黎自意大利o既老外傾有關佢o既家鄉美食, 唉, 點解公司附近冇間似樣D o既西餐o架呢?

嘩，前幾日去，真係唔多對路，d煙灰缸周街放在個d燈箱面，好難頂，日本食店如街頭茶餐廳甘，對生食物心理打折扣，去到店地下又黑又唔干淨，真係似街甘，又塵又垃圾，我想叫d friend走，但他們話肚餓，快食便算。我真係好辛苦甘望住甘既環境食日本料理，全香港最髒亂日本菜店，這裡可以應第二，無人會可以第一。絕對無下次，睇黎可能都未必下次有得幫襯。甘既地方衛生環境去食刺身，簡直找自己個肚來做試驗。

昨晚帶同一家大細去加太賀食飯, 氣氛好熱鬧, 壽司和沙拉每次例必吃的, 老媽子最喜歡的就係佢地d炒飯. 其實我時不時都去, 一向都覺得呢間日本料理唔錯, 食物新鮮, 價錢不算貴, 只係位置唔就腳. 我就唔認同以上d劣評, 相信係惡意中傷...

同朋友+ 表弟到此吃晚飯~ (合共3人)點了....海陸空拉麵: 預左係好大碗, 份量好夠! 配料可以再多D!加太賀沙津: 幾fresh~ 但如果比我再選擇, 我會轉選其他口味既salad....海鮮燒餅: 仍然係我最鐘意食既海鮮燒餅!! 好脆口, 好好味!甜品: (附送) 雪糕糯米"池" 3粒(好硬呀!! 已經飽到食唔落了!!)服務好好~

點解個時咁多人排隊? 點解係日本野食一哥? 點解佢咁多negative 都仲.......個時排2 個零鐘先有得食，又要迫到嘔，仲要受氣。價錢唔係抵，仲要唔貴既野都唔sell 你。個次sell 左隻蟹，用黎煲粥，蟹肉鮮食，咁就收我$500!! 另一次就海鮮魚生拼盤...唔會再上第三次當啦....寫到唔想再提其他慘痛經歷了... 我比分都比得好手下留情了...

十年前, 排兩個鐘都大把人, 而家, .......!!!飯---是下價的彷珍珠米三文魚---淡如清水其他......不想再提了

4.13(五)夜晚,同爸爸的朋友及仔女去~一行8個人,去到"加太賀"大概8點,門口有個著住和服ge女侍應~佢問我地有冇book位,我地話冇....之後confirm左有間榻榻米房,就同話..設有最低消費$1200,(應該係指去榻榻米房)我聽到都嚇左一嚇..=0=咁貴??不過係爸爸d朋友指定,冇辦法啦~~入到去,原來好大ga!!成條後巷都好似係佢地ge..左右兩邊都係d唔同ge包廂~裝修得好有日本風味,好靚~D侍應全部著曬和服..真係好似去左日本!基本上點菜就唔係我話事,但大概都點左12樣送,d名就唔太記得啦,等我形容下先^^有tolo刺身,有架船都係裝住d刺身...(包括:花之戀壽司,魷魚,八爪魚etc),雞軟骨串燒,炸雞軟骨,唔知咩海鮮湯,(入面有魚,白菜,雜菌etc好鮮甜ga!!!我地加左1次湯,佢地話要加$20)雜錦天婦羅,炒雜菜,唔知咩咩牛肉粒,(都好正)冰火鰻魚(係先將d鰻魚整熟,再加埋其他材料,好似沙律咁撈埋,有d好香脆ge配料,唔錯)燒青魚,(鹹鹹地,脆脆地,淋上檸檬汁,都ok ge...同出面果d都差唔多)大致上係咁,我有d唔記得左~好可惜手機冇電,唔係就一定影返d相.

Believe it or not﹐這是我第一次來加太賀﹐不是在它最風光的時候﹐而是多年後已經沒有人再提起它的時候﹐不過原來它還是生意滔滔。應該是年初七吧﹐要到高山劇場看舞台劇﹐想去的食肆仍未開門﹐所以就被弟弟帶了來這裡。來這種港式日本餐廳我通常只會點熟食﹐對壽司刺身都敬而遠之﹐而且我們也只有一個多鐘頭吃這頓飯﹐所以就簡簡單單的要了﹕燒雞泡魚乾- 味道微甜﹐不錯﹐不過太乾了點﹐口感打了折扣。串燒雞翼- 燒得外脆內軟﹐不過塗了濃濃的醬汁﹐完全吃不到雞味﹐不是我的那杯茶。加州卷- 這個是我和弟弟都認為是全晚最差的﹐因為飯身太捻﹐好像吃糊一樣﹐非常差勁﹐但卻得到我那兩個喜歡吃捻飯的姑姐讚賞﹐哈哈...野菜天婦羅- 野菜新鮮﹐不過炸漿太厚﹐感覺不是太天婦羅﹐當普通炸物食之還是可以的。響螺炒飯- 是晚推介﹐飯炒的乾身香口﹐材料十足﹐響螺肉不少而且粒粒都有咬口﹐$68 是抵食之選。豬扒拉麵- 這個亦不錯﹐大大塊炸豬扒是分開上的﹐不會浸淋了。雖然豬扒的脆漿厚了少少﹐不過豬扒炸後仍然鬆軟有肉汁。拉麵亦算彈牙﹐湯底味精不算重﹐整體來說﹐算做得不錯。後加的牛肉拉麵就沒有那麼好了﹐先是牛肉浸在湯裡﹐還是放在

今次兩公婆平日去,生意唔旺!地!我地叫一鍋蟹粥,一客三文魚刺身,一客花之戀,同埋一客燒鰻魚;蟹粥就一般,沒有以前咁有蟹味,好似食味精粥,三文魚刺身唔肥美,又切得薄,花之戀賣相又唔靚,好求其,最差就係燒鰻魚,條鰻魚背部燒到黑哂,條鰻魚又薄又細條,認真唔直!

近年服務水準下降外,連基本之魚生質素也不能保持,三文魚唔新鮮,吞拿魚更係灰灰黑黑的,而甜蝦更係媒的,花之戀更加無以前咁靚及咁好食,熱食物就一般,無以前咁有特式,連女侍應服務都差過以前,但價錢又唔平過以前,好難再返轉頭.

三文魚無味炒飯激多黑胡椒服務惡劣

情人節當晚同女朋友去食晚飯,當時都幾旺,過等一陣就有位,但問題就出現,叫極都無人倒茶,又何叫食物呀!叫食物就等足半小時無得食,要催幾次才有食物上檯,侍應又人手唔夠,追食物時侍應又'灰灰氣氣',態度認真差到極!無下次啦!

18/1/2007 (星期四)記不起在這裡食過幾次生日飯,但印象中每次都盡興而歸,雖然聽別人口中或看食評都是不好的評語,但亦無損我們的意興,今晚一行十二人加一位BB仔好不熱鬧,一早來電訂位並告知我們老闆生日所以要一間房間,侍應隨即說只要生日那一位是這個月份就會送一個壽司蛋糕.一如以往大家忙著研究餐牌,你一言我一語,最後點叫每次必叫的蟹粥(一窩大一窩細),2隻雜錦刺身船(他們還要求侍應小姐可否多給些三文魚其他的可減少,估唔到她都答應),4客花之戀,6條鹽燒秋刀魚,2客蝦天婦羅,2客什菜天婦羅,2條原燒鰻魚,其餘還有2客多春魚,鹽燒鯖魚,芝士鷄槌,2客燒羊鞍,4客活蝦刺身,海膽刺身,2客軟殼蟹牛油果卷,2客炸釀冬菇,一支青酒等等十幾款美食.食物方面沒有驚喜亦無令人失望,燒鰻魚是今晚大家公認的好味,好味在於它比以往吃到的較為肥厚,燒羊鞍並不是個個都喜好,不過我同朋友T覺得不錯,肉質不韌還滲著少許酒味幾特別,海膽刺身他們都覺得幾鮮甜,至於芝士鷄槌其實是我自己想吃,因為想點一些從未叫過的試吓,味道都可以鷄槌細細個又容易入口,不過芝士味並不太濃,由於我們自己也買了蛋糕,加上店舖送的,我們唱完生日歌

星加坡朋友訪港，一行四人去左試加太賀。星期日晚去晚飯，都有八成滿，不過相信唔訂位都得。食物就真係唔多掂，得個大字，食味好一般，但又唔係平喎。差不多食飽既時候，我再叫左個加州卷。拎黎既時候好似好好樣，不過之後友人尖叫下，大家至發覺有兩條非常粗壯，好似菜蟲既蟲蟲響壽司同埋奇妙醬上爬動！！！後來須然佢地同我地道左歉，又送左一碟小食，再比埋九折我地，不過都已經對成餐飯同間餐廳打哂節扣，最慘係嚇親我既星加坡友人！

好耐冇去幫襯,上星期就約埋的Friend聚舊,8點鐘去到位,唔使等仲有大把位,得四.五成客,但坐落招呼就奇差,個個好似唔願做,連茶叫才有,食物就一般,但最重點的三文魚就有唔新鮮,因有少少異味(怪怪地),其它尚可接受,一間我喜愛的餐廳,希望有改善啦!