功德林上海素食 (北京道一號)

營業中

休息中

又踏入九月奶奶book了這家新的素餐廳為老公慶祝生日我對個頭盆都幾欣賞不過最like 係個蛋白炒三絲，配埋個醋汁我超like可惜忘記點琵琶豆腐😵不過整體都不俗👍🏻叉子燒餅係必食推介👍🏻而且服務員很好，主動幫忙影相但眼見地方很大，很少枱客感覺服務員比客人還要多😅😅最後點了個香蕉高力豆沙作結尾我覺得香蕉份量少左DD，不過個人覺得冇香蕉應該會好食D，所以香蕉份量少都冇乜所謂😅😅😅😅😅

今天下午人不多，服務很好。素食的點心和麵食也不錯。特別是點了一個水煮魚，喜歡吃辣的一定要試試。另外豆腐餃子也很出色。香港大部分的素食餐廳都不是太注意環境和服務，不是傳統的斎舖就是什麼無肉自助餐，難得這家店收取的價格，跟食物的質與量和服務成正比。

之前有位Baby👶 既百日宴，佢家人請左我地黎尖沙咀既功德林慶祝。唔係好熟尖沙咀啲路，有啲難搵😆~野食係唔錯，唔會好似其他素食咁"油淋淋"，不過有時唔係好知自己食緊乜🤣。坐得都幾舒服唔會迫住迫住咁，員工態度服務都唔錯既，叫佢幫我地影相好肯幫手(影得又幾好☺☺)。個湯好清甜，好好飲。唔記得咩湯😅。同枱有位“食肉獸”都讚呢間素食餐廳唔錯😋😋。整體黎食物，服務，環境，同素食既餐廳比較之下，呢間算係好唔錯既一間。

大魚大肉了好幾天，Happy Friday想吃一下素食，想吃素食又想坐得舒適一點，就想起了功德林了大概近9點才到餐廳，在沒有訂位的情況下，也不用等位，侍應已立即安排我們入座。這次並不是我第一次光顧功德林，拿起餐牌發現食物品種較兩三年前少了，感覺選擇不太多，最後點了這幾款等了十分鐘到，先上了乾燒蝦扒西蘭花蝦扒當然是素的，素蝦扒大概有7成像真蝦肉，吃得出是用蒟蒻「偽裝」而成的，用蒟蒻的口感「扮演」蝦肉的彈牙，其實吃上去蠻得意的，但蝦肉本身的鮮味，怎樣也「扮演」不了，所以只能用甜酸的味道搭究，味道挺醒胃，而西蘭花炒得乾身，並無特別第二到來的菜色是蜜汁紫菜火腿卷，喜歡吃甜的我很喜歡這個菜色，蜜汁味道甜甜的紅蘿蔔條及西芹條被素火腿及紫菜捲著，口感是外淋內爽脆，配上淡淡的紫菜香，十分不錯。最後上的是上海粗炒，說真的，並沒有什麼特別，但因為沒有很多炒麵選擇，所以就選了它罷了😅😅其實每道菜式味道是不錯的，可惜老派的素食都是有一種斃病——太油膩😅有時候想食素食就是想清淡定，但這些老派素菜卻偏偏很油，卻是矛盾。

環境非常好 、倾計是一個不二之選！食物也好好、 只係有一個意見、當天也同经理講咗、個叉子個口非常细、放什錦粒難以放满、令口感有点不好！個撈麵如果放多点木耳及青瓜更好！之後會同明朋友常到！

新年呀媽話想食齋，問過幾間都話要收加二、加三，又淨係得set menu，咁啱呢間就同平時一樣收費，所以就黎試試它！好彩一早book定位，入到去就可以直接入去坐，唔洗等位，happy！睇睇個menu，經理係咁sell我地點6人套餐，不過套餐上既野唔啱食，而且又貴，所以媽媽好果斷咁話散叫，英明！第一道係黑松露伊麵，份量較少，不過黑松露味很香，很夠味，伊麵軟硬適中，呀哥呀妹都好中意食！之後係芋頭魚，本來以為係好似平時食咁，成條鯛魚燒咁既樣，點知原來係由腐皮包著一塊塊芋頭的，魚頭魚尾則用冬菇扮的，食起來比較健康，芋頭味也很突出。不過同樣份量比較少了。上湯豆苗很爽口，湯不是味精湯來的，感覺幾健康。紫菜松子仁飯看起來很吸引，不過吃起來味道很淡，只有淡淡紫菜味，裏面沒有其他配料，感覺像是日本的紫菜飯糰，不過有點單調。羅漢齋有枝豆的，很驚喜！豆腐和冬菇很滑很入味，juicy！這個菜與羅漢齋很似，不過多了不同的菇菇、木耳和玉米芯，味道不錯。最後埋單計埋加一都係700元左右，比接近1000元的6人套餐還便宜！媽子英明！總括而言，這餐年初一飯很滿意！下次試試平時來食先！

同家人食團年飯！可惜所有人好勉強地食完這一餐！餸菜凍，淡而無味！酥皮不脆！整體非常難食！非常失望！叫了：雞圈/素魚/素翅/炒年糕/素鱔 四人叫了五個餸！埋單過千閒閒地！Xxxxxxxxxxxxxxxxxxxxxxxxxxxxxxx

從小對素食都有種抗拒感，源於第一次跟家人吃素時的那碟羅漢齋，真不明白為何每樣食材分開烹調都中規中矩，炒埋一碟時味道會奇怪成咁及後也曾吃過幾次素菜，對素食那種「大雜燴」、「油膩」、「齋口唔齋心」的觀感開始根深柢固起來。是晚到了尖沙咀等朋友下班吃飯，心血來潮想吃高力豆沙，在數間上海鋪之中糾結了好久，最後全因九時後五折優惠而選了這間素食餐廳。原諒我見識少，以往單憑招牌設計而覺得這是間舊式酒樓^^”。不過坐落北京道一號，面對維港海景，加上有禮的侍應，這間應該是走中高檔路線吧。凍茄子 ($78)先來的是冷盤。見微知著, 廚師在茄子上用刀劃上十字紋, 有助入味; 而醬汁亦非市面上現成的燒汁或和麻醬, 是混合了甜醬(點腸粉那種)的自家製醬汁。可是本人不太喜歡醬汁的味道, 總覺得跟茄子格格不入。芙蓉木耳豆苗 ($98)原先以為是另一種豆苗, 上菜才發現是翡翠苗! 這款我更愛啊! 朋友讚蛋白夠滑, 而我就則喜歡翡翠苗夠嫩和其獨有的"青"味水煮魚片 ($118)這天有點冷, 剛好有個藉口吃辣。老實說, 上菜的時候完全看不出這盤是甚麼... 不過「食物不可以貌相」, 一入口時"麻"和"辣"味已很突出, 墊底

今次只有二人去食，故只叫了兩道菜，咕嚕肉及栗子鮮菇素雞煲！咕嚕肉味道不錯，口感很像肉，而栗子鮮菇素雞煲只是覺得冬菇較細小，味道很好！ 服務不錯，不怠慢，上菜快！！

😡😡😡服務非常差😡😡😡聖誕節之後，想食淸淡一點，之前在做團購優惠，於是買了幾張用。今晚由埋單用了十五分鐘都未有，於是問他們點解咁耐，有一位服務員，估計是負責收銀的小姐，埋怨為何結帳時才出示，講了二次！但是我看見卷上的條文沒有說明在之前講明用卷，什麼態度！然後另一位高級主管來説，用卷點點點，但是我跟他講，那位服務員的態度十分差，但是他沒有＂對不起＂而且還有偏幫那位女士⋯根本就黑白不分，還跟我說＂算＂，什麼態度！食物方面偏向鹹。奉勸各位，如果你是說普通話，他們一定會好好服侍及服務你們😁😁😁

閒日早上 11點半左右入坐，時間尚早餐廳內只有3枱人，人少少清清靜靜，從餐廳內的落地玻璃遠望文化中心，維港海景舒服又爽！與友人二人行，點了“咕嚕肉”、“上海粗炒”、“素春卷”、“豆腐餃子”、“清炒菜苗”，咕嚕肉我最喜歡，口感外脆內軟不油膩，醬汁甜酸恰到好處，帶出咕嚕肉更鮮味，真要一讚 豆腐餃子喜歡吃清淡的朋友會適合一些味道較淡，餃子外皮是豆腐做，內在餡料是清菜，清清淡淡也不錯，手工也值得欣賞！上海粗炒炒得比較油膩，而且味道偏咸，麵也很碎不是一條一條，有點失望。春卷炸得香而不膩，也是可以！食完又炸又炒之食物，食番清炒菜苗，飲番啖茶，傾下計欣賞維港美景，也是一樂之事。感覺雖然功德林菜式沒以往出色，但服務加上餐廳景觀也給人舒服感覺。

媽咪今年生日跟往年一樣想食素菜，但舊年嗰間d素菜太多油，媽咪話唔太健康，所以今年由細妹負責搵過另外一間，地點選係尖沙咀，果然揀得好，放工後搭271就在門口落車，方便至極。飯店裝修雅潔，我們被安排坐在窗邊，可看到維港景色呢！我地選咗六位用嘅「年年福壽宴」，因為貪佢甜品有蟠桃壽包，加上做緊特價，價錢較實惠。整體上，素菜味道清淡，少油，屬健康之選，賣相亦精緻，媽咪很滿意，而我就比較喜歡「拼盤」和「糖醋松子黃魚」。「五福臨門拼盤」因為六位用只可選三款前菜：「雞絲粉皮」粉皮薄，素雞絲、素火腿絲和青瓜絲切得好幼細，撈埋香濃嘅麻醬，爽口美味又開胃。「香椿拌豆腐」一片片薄薄嘅豆腐，入口嫩滑，而淡味的豆腐配上有點像雪菜的香椿，很好吃。「無錫脆鱔」賣相幾可亂真，驟眼看去真的以為是鱔，甜甜地，香脆可口。「糖醋松子黃魚」係我最喜歡食嘅芋頭魚，但同平日食嘅有d唔同，呢個用咗腐皮包住芋頭來炸，所以表面好鬆脆，裏面嘅芋頭蓉就好香軟，但看上去唔太似一條魚。「百福壽桃包」帶點粉紅色的壽桃包賣相吸引，蟠桃外形精緻，蓮蓉餡軟滑香甜，媽咪勁喜歡。最後，原來呢間係Asia Miles嘅夥伴餐廳，今餐消費$2可以儲1里數，好開心

因為朋友想食素, 又想睇睇景, 就去呢間試下, 點知係惡夢.....\<雞絲粉皮>好明顯俾唔夠麻醬啦, 而且仲要係極度淡, 接近冇味, 都唔知自己食緊咩....呢碟野成$78....我去求其一間酒樓都好食過佢<脆皮素鴨>油份過多, 一D都唔脆,  乾憎憎, 食完好滯<擔擔麵>呢個算正常, 起碼入口係正常, 份量都夠, 不過就一D都唔辣<砂鍋咸肉菜飯>睇過賣相都知一D誠意都冇啦, 咁嘅樣都夠膽攞出來? 成鍋飯只有丁屎咸味, 咸肉就完全冇味, 吊你成$98, 我開罐午餐肉加飯都好過你多多聲<功德林羅漢齋>呢個用埋自己個名, 但係真係唔知點形容呢碟野, 因為真係冇味嫁, 只係食返原材料D味, 咁你不如拾熟佢之後拿出來, 俾個汁佢做咩姐?大佬, 食齋食素係會淡口D, 但係就唔等於冇味囉, 你叫個廚師自己試下先啦, 過到自己先拿出來啦, 呢間野真係呃遊客, 我仲聽到旁邊老外係咁講delicious, 唉, 我真係想問問佢係唔係真係未食過好野, 去之前都冇期望, 去完失望都已經係讚賞, 因為真係失望都不如

生日飯，適逢初一，不如清清地食素去。選擇在貴網訂座，多賺25分，加上夥伴餐廳及生日bonus，可以大大賺一筆里數。間中都會想到此店食素，勝在伴著海景吃中菜，環境有特色。坐下來就例牌要點“豆腐餃子”，再加“雞絲粉皮”，“青菜煨麵”，“素叉鬆”，“豆辦酥”，配上陳皮湯及蟲草湯各一位。吃得飽飽的。豆腐餃子: 功夫菜，清淡而有食物原味。必食推介👍雞絲粉皮: 用素雞及素火腿絲代替肉類，配上青瓜，麻醬及粉皮，比起雞肉配搭的更清新爽口。好味😋豆辦酥: 綠豆蓉冷盤糕點。原來可以單點，不用配搭拼盤上。沾上麻油，略嫌油味重，豆味不夠。淡了味。素叉鬆: 無肉的叉子燒餅。餸偏鹹，釀到燒餅內，跟原本的肉食，味道沒差。青菜煨麵: 一般。因素鬆有餘，把它放到麵裡增加味道。湯類: 各有特色。相同的是...夠清淡。最後少不了甜品-->薑茶芝麻湯圓。薑湯夠薑，湯圓的骰而有內涵。鹹甜之欲飽足。幸福的過了一個清淡的生日。

好耐無去功德林，所以心血來潮去咗晚飯，今次叫咗秋葵、素鵝、脆鱔、叉子燒餅同咕嚕魚，好味 (as expected) ，可能晏咗去晚飯，人唔算多，環境好舒服，服務都OK