力天冰室

營業中

休息中

今日去左新蒲崗呢間茶餐廳食飯，估吾到服務好好，又平又好食。真係要打出來讚美下佢地咁nice，食物又好。入到去店員都好親切咁嗌我地隨便坐，佢有個是日menu,真心抵食，鐵板雜扒餐都只係幾十蚊，好大份有雞扒，豬扒，腸仔，雞蛋，火腿，每樣野都好大件，另外豬扒好淋，雞扒又好滑，配埋意粉，碟意粉食極都好大碟，包你食到飽！朋友就叫左個蕃茄焗豬扒飯，豬扒飯真係好好味，啲蕃茄新鮮，肉汁鮮味，飯底都炒得好好，另外再叫多個芝士流心西多士，除咗有多少特色，芝士味濃，令人回味值得推介。

下午茶時間好想食下午茶餐，性價比高呀😆仲可以健康啲🫶🏻唔行過黎里邊都唔知，原來里間茶記轉咗手，今日一於去試一試先！好光猛！始終係新餐廳😆蔥油蛋雞扒飯 $54好大碟👀而且配菜好多，有粟米羅白仔，雞扒勁大塊，仲要煎到塊皮脆卜卜😍咬入去又好juicy wor!一啲都唔乾！！煎蛋係流心蛋黎😚啲汁爆哂出嚟!正呀！重點係佢蔥油😆自家製好有誠意！撈飯撈雞扒都一流！！一個女仔真係好難自己食得晒😆公司三文治 $56平時都好少食!!但係今日見到佢張相太吸睛啦！一定要試下🥰真係好豐富！有吞拿魚，雞蛋芝士，蕃茄生菜，午餐肉火腿！一咬根本咬唔哂😆厚到呢！個麵包烘過，脆卜卜！配有薯角！點茄汁fit易👍🏼👍🏼我哋各自加咗$10要特飲😆特濃阿華田脆脆里個係真正嘅特濃，絕對冇呃你😆飲到啲冰溶都仲係好夠味道，超正！加埋啲脆脆有多一個口感！！紅豆冰我哋叫少冰！紅豆偏硬！牛奶味好出😆

原來力天冰室喺新蒲崗度開咗間新分店，望落個舖位極大，應該有好多位，所以就入咗嚟食飯😎📍 力天冰室 (新蒲崗)新蒲崗崇齡街81-83號崇齡大廈地舖嘢食款式好多：海南雞飯、鐵板餐、中式小菜、碟頭飯、馬來餐、焗飯，如果有選擇困難症都唔知點算好🤪仲要價錢都好公道。🔻餐湯：羅宋湯、例湯羅宋湯好濃稠，但唔會太酸，好啱餐前開胃而例湯都好多料，覺得好暖心☺️🔻1. 香草蒜香牛油吐司（跟餐）係一上枱金黃色嘅多士😆蒜香加油香，真係好邪惡。🔻2. 紐西蘭頂級羊扒（五成熟，配洋蔥汁）伺應一上，淋上洋蔥汁，羊肉嘅油脂味陣陣飄香！羊肉本身軟腍，可以鎖住肉汁，係味覺上嘅大享受。🔻3. 泰式無骨海南雞飯（改上白飯）雞好嫩滑，雞皮都好薄身。有三款雞汁配白飯真係食到停唔到口，啖啖肉又點啲酸酸辣辣醬汁，好有層次🤩🔻餐飲：凍奶茶、凍檸茶走甜之後，凍奶茶偏重奶味凍檸茶恰到好處🔻呢度地方好闊落，好適合一家大細或者單人匹馬喺度打躉😎

今日放工好攰，求其喺附近搵間嘢食。見到力天冰室啲嘢唔貴地方又大，就入去試吓。佢係位於新蒲崗嘅港式冰室。力天冰室除咗菜式美味之外😋😋，服務質素亦非常出色👍🏻👍🏻，喺茶餐廳中，力天冰室嘅服務絕對係少有嘅。枝竹豆腐火腩大鱔煲🐟🐟火腩燉得剛剛好，肥瘦相間。大鱔魚肉鮮嫩，搭配豆腐同枝竹，有道地的港式風味。魚子珍珠賽螃蟹🦀🦀鮮嫩既帶子配上蟹肉，加埋蛋白，質感豐富，好有海鮮風味。炸雞髀🍗🍗雞髀炸得金黃酥脆，肉質嫩滑多汁，外脆內嫩。無論係枝竹豆腐火腩大鱔煲、魚子珍珠賽螃蟹定係炸雞髀，力天冰室都以其獨特嘅味道同質素令人難以忘懷。

今日朝頭早有啲嘢要喺新蒲崗搞，所以喺附近一間叫力天冰室嘅地方食早餐，估唔到有驚喜👍🏻地方坐得闊落之餘，仲好乾淨同光猛，環境唔錯🤩我哋兩個都叫咗港式嘅早餐🍳呢度嘅早餐比傳統嘅有嘅唔同，係好味啲嘅😳招牌沙茶牛肉麵配3.6牛乳炒蛋、腸仔同芝士火腿牛角酥，呢個餐超豐富超飽肚！個沙嗲牛非常嫩滑，而且個秘製沙嗲牛醬好好食🤤另外個3.6牛乳炒蛋，勁有蛋香味，仲有個芝士火腿牛角酥一啲都唔馬虎，芝士係半溶，好正呀！五香肉丁麵配3.6牛乳炒蛋、火腿同香草蒜香多士😎呢個搭配又係好特別，竟然有香蒜多士，勁香蒜味，加埋塊火腿同炒蛋一齊食，真係越食越上癮😚加埋個凍奶茶同凍檸茶，真係一流🫡

我都吾明點解食物內容吾轉得？炒蛋無得轉煎蛋多士又無得轉吾知想點De牛勁似香口膠五嚿牛肉有兩舊 X返出嚟個湯真係好難飲炒蛋比較正常啲多士 一啲都唔脆…..不如我出去食餐包算啦

路過見到間野裝修得幾靚仔又夠大，光線充足，走埋去揭下餐牌啦，嘩！基本茶記既炒粉麵飯、家常小菜有，點知連西餐佢都撈埋，焗飯焗意同鋸扒鐵板餐都有，款式真心多，而相片又幾吸引，就咁就同女友走左入去了，侍應態度幾好招呼，坐低卡位係寛倘的，同新式茶記一樣餐具係側邊自己攪，實在太多選擇之下，我地都係睇返每日晚餐既餐牌簡單啲好鐵板紐西蘭西冷拼虎蝦$98先講塊扒，痴線架，非常厚身，應該有一截食指頭咁厚，七成熟底下，塊西冷肥瘦分佈適中，唔想食肥野既人可以一刀切走啲脂肪就得，咬落去既肉質軟韌度岩岩好；佢有白飯意粉薯菜選擇下我揀左薯菜，薯角又係好多，真開心！沾啲茄汁，連個薯角都厚實冇偷工減料，美中不足係配菜只有粟米同少量蘿蔔條，想食菜既人可以特登嗌個菜喇西湯羅宋湯有味，入口唔會太鹹，加啲胡椒粉就加美好法式田螺焗薯蓉$88初時以為要等好耐，點知又唔駛幾耐就上枱了，細細盆薯蓉，芝士舖面，翻開佢就聞到淡淡既薯香，勺既時候有起司效果，一啖入口，OMG，好味！雖然邪惡，但仍然一啖又一啖咁放入口，而套餐包既湯水飲完都唔會見口渴，應該係冇味精既湯底阿華田脆脆呢個又要讚既係佢冇孤寒到落阿華田粉，可以話係濃味阿華田，連埋上面

6個人去食lunch, 衞生情況麻麻地，匙羹有污漬，個湯咸到飲唔到。唸住算啦，茶餐廳係咁架啦，叫左4個A餐同2個D餐，來左2個A餐同2個D餐，爭2個A餐就等多陣啦，再等多陣唔來就追下啦，然後例牌果句A餐係等耐啲。等左勁耐之後再追，仍然果句等多陣整緊。隔離枱個A餐都來埋啦，先至查下已經等左成個鐘。趕住返工話要取消走先，又扮查單走左去。最後見無人來處理，A餐依然未到，就直接去櫃枱取消俾錢，又話要等人void單，疑似經理仲要話收返野飲錢唔抵，雖然係茶餐廳，咁既服務好難再幫襯😡

餐廳位於新蒲崗，剛剛開業不久，力天冰室，點了一個下午茶餐，熱狗+雜果沙律+熱檸水，熱狗是用斯華力腸，有誠意先，賣相也不錯，沙律都算新鮮，味道不錯，熱檸檬水，最怕係遇到苦味，即係唔新鮮，但他們沒有， 水準也不錯，價錢$46算中級，環境新空間大，服務幾好。

午市不吃套餐，叫炒飯，就是想一試他們的廚房師傅的功力。叫了都是簡單的蛋白炒飯，伙計一放下碟飯，非常反光因為很油(你做網路紅人就不用打燈了)！第一口至最後一口都是咸和有幼鹽粒未溶。心道：好！一次貨仔，無下次。唯一好的就是新裝修！和大門外的牆身已將你對服務祈望放下，甚麼新開張，服務.........(實在他們服務也是合格)。你對服務不滿也無法說，因人家已事先張揚了。不如改為食物也因新開張，別祈望...........這樣寫！我就會心甘命抵的硬食！

第一次落到嚟呢到食飯，叫咗個雜扒餐配薯菜，肚餓嘅我等咗接近半個鐘終於嚟到。點不知每塊肉都好細舊，煙肉又無煎過。最重要係咩？係個薯菜呀！得條白菜再加幾條3色椒，咁我個薯呢？叫侍應嚟問個薯菜好似差啲嘢？佢答無薯有菜囉。。。我心諗 下咁點飽呀？再等5分鐘同一個侍應先攞個碟薯條過嚟。另外佢地員工溝通都好有問題 一時又話無雜扒餐一時又話有。令到顧客非常混淆亦都食唔到想食嘅嘢。整體感覺好差，靚裝修差嘅管理。非常失望的初體驗

今日真係好熱🥵 喺條街經過呢間試業中嘅冰室，見到人頭湧湧幾受歡迎，於是決定入去食午餐順便嘆冷氣～🥣 紅湯好足料，香濃稠密幾好飲👍🏻🐓 紅酒汁雞扒法蘭克福腸 配薯菜 $60雞扒啖啖肉又夠嫩滑；法蘭克福腸彈牙、肉味濃；粗切薯條唔會太油膩，點埋甜甜地嘅茄汁好正；仲有鮮嫩嘅蔬菜，健康又好食😋🍍 青檸菠蘿賓治 +$10係雪碧+檸檬片+菠蘿塊嘅組合，口感清爽，夏日炎炎飲完之後真係好消暑解渴🧊呢度上餐速度快，每張枱都有一大壺熱水同埋乾淨嘅杯，可以自己斟水飲或者洗餐具，好方便👍🏻

早幾日去新蒲崗廣場買外賣，已經留意到崇齡街開咗間新冰室，難得今日有人話嚟接我放工，咁就一於由我帶路嚟呢度開餐。原來間餐廳入面好闊落，裝修新簇，環境乾淨企理，而且仲有唔少卡位可以選擇，坐得十分舒服。餐牌包羅萬有，選項甚豐，除了一般茶記必備嘅常餐之外，仲有扒房鐵板、經典懷舊小菜、馬來咖喱、精選西餐、炒粉麵飯及小食等供應，總有一款啱心水。我哋揀咗三款小菜，每個套餐都會奉送白飯及老火中湯或羅宋湯，配熱飲+$8、凍飲+$10、特飲+$12、啤酒+$16。柚子蝦球 ($88)  蝦球有 8 大隻，肉質爽彈，外層沾滿了柚子汁，炸漿挺薄，入口酸酸甜甜，完全冇油膩感，酸香醒胃。配菜有三色椒、紫洋蔥同菠蘿，份量十足。韭黃深海斑片扒西蘭花 ($98)  西蘭花煮得啱啱好，保持翠綠之餘，口感清爽！斑片厚身富質感，入口夠實淨又唔腍散，加上鮮嫩嘅韭黃，倍添滋味。椒鹽茄子脆豆腐 ($86)  茄子炸得好香口，椒鹽味頗突出，但食落又唔會過咸。伴吃嘅豆腐亦非常美味，粒粒都炸至金黃色，外脆內軟滑，入口滿有豆香，用嚟送飯真係一流。

第一次試, 環境及裝修及格, 但冇人招呼你, 侍應好似扮睇你唔倒, 最後叫靚仔經理來落單！小弟叫了咖喱雜菜羊扒+凍O茶, 咖喱汁好好味, 雜菜一般, 最重要主角羊扒, 羊扒冇羊味！多根！又唔淋！加埋凍O茶 98蚊！