影片
更多
2023-11-17
106 瀏覽
路過見到間野裝修得幾靚仔又夠大，光線充足，走埋去揭下餐牌啦，嘩！基本茶記既炒粉麵飯、家常小菜有，點知連西餐佢都撈埋，焗飯焗意同鋸扒鐵板餐都有，款式真心多，而相片又幾吸引，就咁就同女友走左入去了，侍應態度幾好招呼，坐低卡位係寛倘的，同新式茶記一樣餐具係側邊自己攪，實在太多選擇之下，我地都係睇返每日晚餐既餐牌簡單啲好鐵板紐西蘭西冷拼虎蝦$98先講塊扒，痴線架，非常厚身，應該有一截食指頭咁厚，七成熟底下，塊西冷肥瘦分佈適中，唔想食肥野既人可以一刀切走啲脂肪就得，咬落去既肉質軟韌度岩岩好；佢有白飯意粉薯菜選擇下我揀左薯菜，薯角又係好多，真開心！沾啲茄汁，連個薯角都厚實冇偷工減料，美中不足係配菜只有粟米同少量蘿蔔條，想食菜既人可以特登嗌個菜喇西湯羅宋湯有味，入口唔會太鹹，加啲胡椒粉就加美好法式田螺焗薯蓉$88初時以為要等好耐，點知又唔駛幾耐就上枱了，細細盆薯蓉，芝士舖面，翻開佢就聞到淡淡既薯香，勺既時候有起司效果，一啖入口，OMG，好味！雖然邪惡，但仍然一啖又一啖咁放入口，而套餐包既湯水飲完都唔會見口渴，應該係冇味精既湯底阿華田脆脆呢個又要讚既係佢冇孤寒到落阿華田粉，可以話係濃味阿華田，連埋上面
鐵板紐西蘭西冷拼虎蝦$98
先講塊扒，痴線架，非常厚身，應該有一截食指頭咁厚，七成熟底下，塊西冷肥瘦分佈適中，唔想食肥野既人可以一刀切走啲脂肪就得，咬落去既肉質軟韌度岩岩好；佢有白飯意粉薯菜選擇下我揀左薯菜，薯角又係好多，真開心！沾啲茄汁，連個薯角都厚實冇偷工減料，美中不足係配菜只有粟米同少量蘿蔔條，想食菜既人可以特登嗌個菜喇
西湯羅宋湯有味，入口唔會太鹹，加啲胡椒粉就加美好
法式田螺焗薯蓉$88初時以為要等好耐，點知又唔駛幾耐就上枱了，細細盆薯蓉，芝士舖面，翻開佢就聞到淡淡既薯香，勺既時候有起司效果，一啖入口，OMG，好味！雖然邪惡，但仍然一啖又一啖咁放入口，而套餐包既湯水飲完都唔會見口渴，應該係冇味精既湯底
阿華田脆脆呢個又要讚既係佢冇孤寒到落阿華田粉，可以話係濃味阿華田，連埋上面既脆脆糖霜，可以打咭了呢杯野
奶油脆豬麵包焗到岩岩好，包身保留脆口之餘，包心仍然軟熟，吸哂啲奶油然後入口，好滿足
張貼
