力天冰室

同朋友搵地方食晚飯，之前就有同事話新蒲崗「力天冰室」晚市鋸扒世一，初時以為咁誇張，所以就過去試試！🥩 鐵板澳洲牛肉眼扒配薯菜蒜蓉汁（五成熟）😎 牛肉一上枱熱辣辣，滋滋聲好吸引！🥳 牛肉超腍嫩，切開粉紅多汁，肉味好濃，入口滿滿牛香，完全唔柴！蒜蓉汁香濃得來唔搶味，襯托牛肉嘅鮮味好正！😍 薯菜份量超多，薯仔煎得外脆內軟，佢俾嘅甘筍同粟米都超多，甘筍爽脆，吸晒蒜蓉汁嘅味道，食落好滿足，呢碟真是一個亮點！🥔🥬🦑 XO醬西蘭花炒鮮魷跟住試咗XO醬西蘭花炒鮮魷，XO醬香氣撲鼻，帶少少辣味，好惹味嗰種！🌶️ 鮮魷好新鮮，切得薄身，炒得爽口彈牙，咬落有陣陣海鮮甜味。西蘭花煮得啱啱好，保持脆口，吸咗XO醬嘅香辣味，食落好開胃！😋 呢道菜調味得宜，辣度唔會過火，啱晒愛食少少辣嘅朋友！🐦 紅燒BB乳鴿仲點咗紅燒BB乳鴿，燒得外皮金黃，望落好香脆！🐔 鴿肉嫩滑，燒得幾香，鹹味調得啱啱好，入口有濃郁嘅燒烤香氣，唔會太乾。肉質細嫩，骨邊嘅肉仲帶點汁，食落好有滿足感！😜 呢道燒味真是一個驚喜，係茶餐廳少見嘅用心之作！🍹 青檸菠蘿賓治飲品揀咗青檸菠蘿賓治，一上枱見到係成罐七喜配青檸同菠蘿粒，感覺好開心！🥤 飲落酸酸甜甜，青檸嘅清新同菠蘿嘅甜味好夾，七喜嘅氣泡感增添爽口感，夏天飲真是一個字：爽！😎 成罐七喜俾你自己倒，飲完好開心，份量仲好足！…查看更多

今日我去咗一間位於新蒲崗嘅嘅餐廳，叫咗佢哋幾樣嘢梅菜扣肉飯梅菜扣肉飯真係一個經典，佢哋嘅扣肉做得非常到位。肉質肥而不膩，切得剛好，咬落去即刻有種滿足感。梅菜嘅鹹香味幫助提升肉嘅風味，兩者結合得好好。米飯吸收咗扣肉嘅汁，自然唔會乾。整碗飯嘅比例剛好，飯粒鬆軟，食落去一啖接一啖，完全唔會膩。魚湯海鮮粉絲雜菜煲接住試咗魚湯海鮮粉絲雜菜煲。首先，湯底真係好鮮甜，感覺係用新鮮魚煮出嚟嘅。海鮮方面，蝦肉鮮嫩，貝類彈牙，加上魚肉，真係一個海鮮盛宴。粉絲吸咗湯汁，食落去好入味，仲有一啲雜菜，例如青菜同蘑菇，保持咗脆爽口感，為整個煲增加咗層次感。總之，呢個煲真係一個唔可以錯過嘅選擇佢哋提供嘅配飯亦都唔錯，白飯煮得剛好，粒粒分明，搭住海鮮煲一齊食，味道更加突出。每一口都能感受到飯同湯嘅完美配合，實在係一個好享受。紅燒BB鴿紅燒BB鴿真係令我驚喜。鴿肉經過慢火燒製，肉質特別嫩滑，入口即化。醬汁濃郁，帶有微微嘅甜味，搭配白飯食，簡直係絕配。鴿肉上面仲有一層香脆嘅皮，咬落去嘅時候，口感層次非常豐富。…查看更多

在新蒲崗的「力天冰室」，地方大，坐位舒適，而且menu好多選擇，仲有經典港式套餐，每晚不同有優惠，價錢合理且出餐高效，適合上班族或簡單晚餐，好食又方便。點左魚香茄子深海斑塊煲，名稱吸引，是炸茄子配海斑魚塊，份量十足，成個煲上碟，keep住熱辣辣，魚塊淡淡肉又冇骨，好正，岩晒喜歡海鮮和茄子的食客。 晚餐B，是鐵板盲盒大雜扒，配了薯菜揀黑椒汁，搭配中湯，是港式經典套餐，勁多野食，雞扒煙肉丸腸等等，多到大男人都就食吾晒。飲品都幾多野揀，我揀了凍冬瓜茶，價格親民，夏日消暑良品，感覺又健康，吾太甜好飲。整體都好滿意，性價比高，出餐速度快，味道好又大份量，吾錯啊。…查看更多

蔥油豬扒蛋飯 10/10份量多又好食 雞扒又大舊又入曬味價錢最只需要54 +3$ 有杯凍飲 this restaurant have some very delicious tea set and cheap prices is you going travel at Hong Kong and have no idea where eat you should definitely give it an try it very fast service and nice Hong Kong style service they all kind of Seasoningto service your made taste the way you want 😋 most important it cheap and delicious 👍 …查看更多

力天冰室的豬肉濕炒河粉點了力天冰室的豬肉濕炒河粉, 路經新蒲崗便到此買盒外賣明天醫肚, 想不到挺好吃的。豬肉濕炒河粉是一道經典的廣東菜，河粉口感滑順，豬肉﹑醬汁和燈籠椒香氣四溢，加熱後便很想吃, 完全明白它為甚麼那麼受歡迎。河粉炒到條條分明, 沒有黏成一糰或一餅, 食用很方便, 炒得亦相當專業, 沒有燶, 但是吃起來有獲氣, 而不只是撈勻的一道菜。燈籠椒在醬汁中略煮挺好吃的, 因為它仍保持爽脆, 但沒有臭青味, 亦色彩繽粉。看到豬肉的比較很夠。豬肉有油香, 好吃, 嫩口又juicy, 而且醬汁很足夠, 香濃, 不會過咸或過淡, 調味很專業, 色香味俱全，非常適合家庭聚餐或日常享用。…查看更多

今日8點半入去食，食到9點幾10點左右，有大大隻老鼠係店內卡位同卡位之間跑過。當時我同友人，和另一枱食客大叫樓面姐姐，表示有老鼠，要求處理，店內的3個樓面，加埋收銀扮聽唔到，調頭走！！！！！大癲！事不關己一樣，如果想同米奇吃飯，提心吊膽可以再食，我就不了，留返比樓面好了…查看更多

今日試咗以下幾種小菜，感覺幾出色，價錢對得住食物，值得一試。最鍾意呢類冰室有是日晚餐，每日有唔同嘅套餐可以選擇，都會係當日時令嘅食材，例如海鮮類，就係我最常點嘅食物。🦐 黑椒涼瓜海蝦球深海魚塊煲 呢個煲真係夠晒豐富！黑椒香辣惹味，涼瓜帶少少甘苦但唔會搶味，蝦球彈牙，魚塊又滑又鮮，送飯一流，啱晒夏天悶熱嘅天氣。🐟 梅菜蒸鱸魚 梅菜嘅鹹香同鱸魚嘅鮮甜完美融合，魚肉嫩滑，完全冇腥味。梅菜嘅汁撈飯真係冇得輸，成道菜好有媽媽嘅味道，健康得嚟唔會太清淡。🦆 玫瑰醉鴨舌 一上枱就聞到淡淡玫瑰酒香，鴨舌爽口入味，酒香唔會太搶，啱晒做開胃小食。🍅 羅宋湯 湯底酸酸甜甜，蕃茄味好濃郁，材料足料，飲落暖笠笠。…查看更多

在新蒲崗的力天冰室用餐的經歷相當愉快。首先，海南雞飯的米飯香氣四溢，粒粒分明，搭配上嫩滑的雞肉，讓人回味無窮。雞肉的調味適中，搭配的醬油和蒜蓉醬更是提味良品。HKD 78此外，焗魚香茄子鮮魷鍋的海鮮和蔬菜也令人印象深刻，湯汁濃郁，海鮮新鮮，搭配各種蔬菜，口感豐富。湯品方面，兩種湯的選擇也很不錯，特別是紅湯，味道濃厚，讓人暖心。HKD 80飲品方面，果味汽水清新爽口，夏日飲用非常合適。整體來說，力天冰室不僅菜式多元，價格合理，服務也親切，值得再次光顧。…查看更多

第一次食呢間位於新蒲崗嘅茶餐廳 - 力天冰室，估唔到勁有驚喜！我地就叫左兩款小菜。小菜套餐包湯（可以選中湯或紅湯）同兩碗白飯。中湯紅湯都好足料，又入味。🔶瑤柱鮑汁菜膽雞：今時今日已經唔係咁易搵到有菜膽雞。雞肉非常嫩滑，雞味又夠。配埋汁撈飯一流。冇諗過呢個價錢可以食到咁高質嘅菜膽雞👍🔶金銀蒜粉絲絲蒸鮮魷：魷魚非常爽口，又夠！炸蒜粉絲都幾入飯，又係送飯最佳配搭！每人各自加多$8就有特飲。特飲選擇多元化，連久違既龍鳳檸樂都有！仲要汽水原罐上，我地最後叫左龍鳳檸龍同青檸柚子梳打，消消暑啦！…查看更多

藏身新蒲崗崇齡街力天冰室堪稱區內打工仔的飯堂！多卡座，撲面而來的經典港式茶餐廳氛圍。茶記經典芙蓉蛋飯，金黃蛋網蓬鬆香軟，蛋液裹著叉燒蝦仁，鑊氣十足的豉油撈飯令人秒清碟！「芝士焗番茄豬扒飯」更是邪惡之選，拉絲芝士混搭酸甜茄醬，厚切豬扒外脆內嫩，焗飯底吸飽醬汁精華，滿足感爆表。  最驚喜是份量十足仍保持親民價位，重有例湯。趕時間的上班族更可讚賞其極速出餐效率，入座基本免排隊。凍奶茶茶膽醇厚，跟餐加$重可以升級紅豆冰懷舊感滿分。，侍應阿姐手腳俐落又有人情味。想喺工廈區食個快靚正，呢度絕對係穩陣之選！ …查看更多

今晚在新蒲崗吃飯，這家茶餐廳很大，位置很多，晚餐的選擇也很多元化。⭐️鐵板紐西蘭西冷牛扒牛扒煎得恰到好處，淋上燒汁時滋滋作響的視覺效果十足。套餐份量適中，配上薯菜，很有懷舊西餐的感覺。⭐️節瓜粟米湯配上節瓜粟米湯，味道清淡。⭐️腰果椒鹽一字骨份量不少，炸得香脆不油膩，配上腰果更添風味。⭐️沙茶牛肉包豬仔包配上沙茶牛肉餡，加上罐頭菠蘿沙律粟米。⭐️羅宋湯味道比較淡。⭐️蛋白杏仁茶杏仁淡淡的，蛋白滑嫩。⭐️凍檸茶…查看更多

餐廳裝修整體唔錯，光線充足，座位闊落👍🏻人氣似乎唔錯，下午六點幾入去食，多張枱都坐滿人😙😙餐牌選擇好多下，除咗有一系列小食，仲有多款經典懷舊小菜，奉送白飯同湯之餘，仲可以叫多杯野飲，好抵😍😍😍蜜椒薯仔牛柳粒 $88牛柳粒大小適中，咬落好嫩口，而且唔少肉汁，薯仔外層煎到金黃色，配搭蜜椒一齊食，送飯一流😋😋😋黑松露珍珠帶子炒滑蛋 $86唔錯！！黑松露醬好香，滑蛋炒得又嫩又滑，好易入口，珍珠帶子超級多粒🤣🤣🤣落足料！！柚子蝦球 $88推薦！！蝦球好大粒，而且份量唔少，蝦肉結實而且好鮮甜，柚子醬配搭得啱啱好，酸酸甜甜好清新🤤🤤🤤野飲叫咗熱檸檬水同熱柚子蜜，中西湯各叫咗一碗，特別推薦中湯👍🏻👍🏻👍🏻好清甜…查看更多

今日去睇九龍城寨嘅展覽，去到新蒲崗附近，搵吓有冇啲港式茶餐廳早餐食先見到mikiki附近有呢間都幾大嘅力天冰室，早餐選擇幾多，有傳統又有特別嘅選擇，幾吸引我哋入去食個豐富早餐😊$46 薄西冷牛扒，3.6牛乳炒蛋拼牛油粟米，芝士火腿牛角酥，熱奶茶即叫即整嘅份量都幾多，牛扒係茶餐廳水準，仲有沙律菜同埋粟米粒，幾豐富，好夠飽芝士火腿牛角酥好好味！牛角酥都幾有牛油嘅香味，芝士同火腿嘅組合襯牛角包非常配合，熱熱地食都幾正。呢個早餐嘅價錢，有咁豐富嘅組合同埋仲有個好味嘅牛角酥，都真係幾抵佢哋嘅奶茶都幾香滑濃郁$40 沙茶牛肉面，3.6牛乳炒蛋拼腸仔，芝士火腿牛角酥，熱杏霜沙茶湯底濃郁，牛肉片嘅份量幾多，味道鹹鹹香香用農場湖北蛋整嘅炒蛋都幾香熱杏霜都好耐冇飲過，充滿香濃嘅杏仁味，凍凍地嘅天氣飲佢都幾暖胃滿足$42 芝心咸牛肉炒蛋菠蘿油，加$8特濃華田脆脆呢個配搭都幾新潮！估唔到朝頭早有呢一種嘅新派港式burger鹹牛肉炒蛋一向好正，配合埋牛油作為餡料，在熱辣辣嘅菠蘿包裏面，夾埋一齊食真係超好食！鹹鹹甜甜，邪惡嘅美味同樣地嗰杯阿華田脆脆都係邪惡之選😂味道勁濃郁，阿華田粉會入口脆脆地，好似小零食toping，口感多重滿足嘅早餐😊…查看更多

今日同朋友嚟到新蒲崗呢間冰室，環境好大好寬敞，叫咗幾個餐，同大家介紹一下先古法咕嚕肉配白飯咕嚕肉外脆內嫩，豬肉炸得剛剛好，甜酸醬汁又香又濃，搭配香噴噴嘅白飯，每一口都有咕嚕肉嘅滋味。濃湯海鮮雜菜煲配白飯呢個海鮮雜菜煲真係唔錯，湯底濃郁，海鮮新鮮，仲可以食到多種蔬菜，口感豐富。搭埋白飯，簡直係好滿足，海鮮嘅鮮味融入白飯入面。紅燒BB鴿呢隻BB鴿燒得恰到好處，肉質滑嫩，汁多味美。每一口都可以感受到鴿肉嘅鮮甜，配上啲華鹽，食得好滋味。蛋白杏仁茶呢款杏仁茶滑滑地，味道清新，帶有淡淡嘅杏仁香味，蛋白令茶身更為綿密熱蜂蜜蘆薈蘋果茶呢杯茶香氣撲鼻，蘋果味道酸酸甜甜，再加上蜂蜜同蘆薈，飲落去好養生。熱飲嘅感覺特別溫暖，仲可以幫助消化。…查看更多

嚟到新蒲崗見到呢間新式裝潢嘅冰室，想食下港式風味菜，大家可以嚟試試👍🏻玫瑰醉鴨舌 🌹🦆呢道玫瑰醉鴨舌，鴨舌質地滑嫩，每口都散發微妙嘅玫瑰香氣，醉鴨舌經過精心烹調，口感細緻香氣四溢，絕對係一道令人難以忘懷嘅小食！古法咖喱牛筋腩煲 🍛🥩呢份古法咖喱牛筋腩煲，牛筋腩燉得軟嫩多汁，咖喱湯汁濃郁香濃，每口都充滿濃厚嘅咖喱風味。牛筋腩配上咖喱嘅香氣，令人回味無窮。黑椒涼瓜海蝦球深海魚塊煲 🍤🐟呢碟黑椒涼瓜海蝦球深海魚塊煲，涼瓜清脆爽口，海蝦球同深海魚塊鮮嫩多汁，黑椒調味恰到好處。每口都帶有濃厚嘅海鮮香氣同黑椒嘅辛香，口感豐富多彩，絕對值得推薦👍🏻…查看更多