力天冰室

營業中

休息中

無心插柳亂入太肚餓無期望下點左個沙爹牛肉麵餐跟丹麥多士和煙肉炒蛋熱奶茶可能太肚餓一黎到個煙肉炒蛋冇諗過咁好食蛋又滑 煙肉又多又軟熟丹麥多士最正滿滿既牛油同練奶塗上烘熱左既丹麥多士。真係好有誠意，香口。超正沙爹牛肉我平時冇話好深究，但呢間係好食，肉又夠軟淋，唔似某啲連鎖貴格茶記咁，咬唔開。熱奶茶尚可，冇乜特別，但未至於我鍾意杯茶，普普通通咁。

成日聽人講新蒲崗有好多小店都好好食今日咁啱喺新蒲崗收工，咁就順便喺呢邊食埋晚飯啦今次去咗呢間比較新式嘅茶餐廳好光猛好闊落 完全打破咗我對新蒲崗呢邊舊區嘅印象一坐低睇個Menu真係諗咗勁耐先揀到，因為佢有勁多款最後揀咗個芝士焗忌廉菠菜汁厚切牛脷意粉🥢 芝士焗忌廉菠菜汁厚切牛脷意粉話就話要等10分鐘，但係其實勁快就到而且真係新鮮滾熱辣啱啱焗出嚟佢啲芝士真係勁多，而且冇焗到好乾，得一層皮咁，佢係真係仲拉到絲。而且啲醬係可以撈勻成個意粉。唔好睇佢個盤好似好細個咁，佢啲意粉真係超多，而且佢係好食嘅意粉！唔係平時啲茶記煮到發脹晒腍晒嗰種意粉。個牛脷好腍又真係厚切，食完超級飽🤣🤣🤣今次一個人嚟食，食唔到好多。見佢Menu仲有個鴨舌好似都好吸引。下次嚟開呢頭做嘢，再搵人陪我食多次先😆

【黃大仙區】【力天冰室】我一向要寫黃大仙區嘅時候，都習慣性咁殺落新蒲崗搵嘢食。之前同大家提及過，喺 Mikiki 商場對面嘅嗰堆食肆其實我都食到八八九九，因此，我都要向另一邊埋手。行到去見到都有幾間餐廳，第一間就係呢間，就用你啦。入到去就叫咗個 $58 嘅常餐，主食係「生滾鮮牛肉豬潤雙拼公仔麵」，本身鮮牛肉同豬潤我都想食，諗唔到叫邊款好，點知佢整個雙併，我即刻投降。味道上都可以啦，熱辣辣一碗麵囉，同埋兩款料都正正常常，一次食晒就好。而配菜嘅「煙腩片炒滑蛋」同埋「練乳丹麥酥」都係幾特別嘅選擇，同一般常餐有所不同，食落就算味道只係 okay 都贏個新鮮感。嘢飲我都係一如以往咁飲具香港特色嘅「熱奶茶」，佢哋都沖得唔錯，茶餐廳嚟講屬於中上。食多份 $44 嘅開心下午茶「特厚花生醬西多士」，大家都知我好多時食茶記都會食埋西多。佢呢份都算厚身，花生醬又夠，只係糖漿用散裝嘅有啲美中不足。餐飲我飲「熱杏仁霜」都唔錯，夾埋食咗我 $102，食兩個餐差唔多啦。。。（地址：新蒲崗崇齡街 65-89 號崇齡大廈地下 08-09 號舖）#1amfoodie #foodie #hkfoodie #thatfood

晚飯時間去完新蒲崗睇完戲，隔離去咗今次嘅力天冰室嗰度食嘢，估唔到冰室都有大排檔嘅鑊氣，而且晚市套餐非常抵食😂😂懷舊古法咕嚕蝦球：蝦球炸到金黃酥脆，入口鮮甜多汁，咕嚕醬嘅甜酸口味好開胃，同蝦球嘅結合，味道豐富且均衡。食落口有咬勁同炸脆嘅質感黑椒涼瓜海蝦球深海魚塊煲蝦球鮮嫩多汁，涼瓜爽脆清香，海魚塊肉質鮮嫩，煲裡嘅湯汁滋味濃郁。而黑椒調味帶出香辣味道。食落口，嚐到海蝦球嘅鮮甜，涼瓜嘅脆嫩口感同黑椒嘅微辣刺激，令人垂涎欲滴。玫瑰醉鴨舌：呢道菜嘅鴨舌鮮嫩滑腍，玫瑰醉醬嘅芳香味道令人陶醉。食落口，鴨舌滑嫩入味，帶有玫瑰醉醬嘅香氣，令人感受到獨特嘅風味同口感。

力天冰室 新蒲崗崇齡街81-83號崇齡大廈地舖澳洲M3大T骨扒配黑椒汁意粉T型骨扒 一邊比較細而肉味濃郁 肉較精瘦 另一邊脂肪較多 分佈平均 唔算好貴既價錢食到T骨 有中湯/西湯揀黑椒汁有點微辣 而且意粉份量夠哂多 成碟滿滿的食到飽系列 蛋白吞拿魚潛水艇以蛋白、吞拿魚 生菜、番茄 並夾在切開長型麵包裡面 生菜和番茄有清爽口感和蔬菜自然甜味呢款較健康 吞拿魚同蛋白冇乜脂肪同其他調味料 青檸柚子梳打酸爽清新 不用飲甘多高糖份汽水 梳打係一個好選擇

之前揾食肥華和靚媽，光顧過此店，雖然食物唔算出色，但都還可以，2月2日肥華要到譽港灣，買特價煙三文魚，為求就腳，所以約靚媽收工後再到此店，食下午茶，今次肥華柯打咗，此店兩款推介為，必食，食品，公司三文治及黑椒牛柳絲炒麵。先講個公司三文治，内有午餐肉，雞蛋，火腿，吞那魚醬及蕃茄，用料誰非正宗，但仍算OK。至於此店另一皇牌必食推介，黑椒牛柳絲炒面，因用鐵板上枱，個外觀惹人好感，但一食落口，靚媽話好咸之餘，就連肥華呢個，鍾意重口味食品之徒，都頂呢碟麵唔順，肥華今次係中咗，餐牌上必食嘅陷阱👎👎👎

傳統嘅冰室，係飲嘢、食冰、食蛋糕……無飯食嘅，要食飯，食炒嘢，係要去#茶餐廳 ，咁有飯食嘅冰室，行茶餐廳之實嘅，肯定係近年新開。呢啲需要，特登去試下去咩質素啦！ 睇下餐牌先 鐵板黑椒牛柳絲炒麵 $78門口話自己鐵板專家，應該係講緊鐵板扒，不過今日唔係太想食扒，所以試下呢個。鐵板一上，好多醬汁炸炸聲，仲有好多煙，非常夠熱。不過麵無完全俾黑椒汁浸腍，大部分都仲係脆嘅。牛肉、青紅椒同洋蔥份量好多，食完麵，都有少少牛肉剩。呢度用嘅係傳統茶記黑椒汁，黑椒落得相當重手，好辣但開胃，所以食完需要飲多啲水。 酥炸香脆大雞髀$38睇佢又唔算大得誇張，不過賣相幾好，外皮炸得乾身。正當我擔心乾身成咁，裡面都會柴嘅時候，用刀切出好多肉汁。咬落去，呢啲紅色嘅肉汁唔係血水，而係南乳，又係一個傳統嘅茶記特色。 凍檸茶🍋 ＋$3叫左少甜，茶味同檸檬一樣配合，但唔會太澀。有下次 總計 $119

位於新蒲崗的港式茶餐廳「力天冰室」裝潢雅緻舒適，提供港式美食、中式小菜、炒粉麵、馬來咖喱及西式餐點，選擇豐富==========🔹韭黃深海斑片扒西蘭花 $98奉送白飯及中/西湯，熱飲+$8中湯清甜不膩韭黃新鮮香口，西蘭花爽口翠綠；斑片厚肉雪白，肉質緊實不帶腥，整體調味剛好，油膩感不高==========🔹古法咖喱牛筋腩煲 $88奉送白飯及中/西湯西湯集合酸辣鹹，味道層次豐富牛腩及牛筋份量豐富，加入大量洋蔥、青椒、紅椒及適量芫茜牛腩炆得腍滑，帶不錯的牛香；牛筋軟腍有入口即化感，充滿骨膠原咖喱微辣濃郁，下飯一流==========🔹下午茶餐：瑞士雞髀 $46配薯角/沙律及飲品熱柑桔蜜 +$3雞髀大隻肉厚，肉質緊緻，瑞士汁輕甜；雜果沙律清新開胃

今晚想搵間健康啲嘅飯嚟食之前食過個柚子蝦球覺得OK 雖然呢間嘢偏貴都諗住求其喺呢度嗌嗌咗個翠玉瓜炒鮮魷 講真我都識整 只係咁夜貪方便冇諗到佢咁離譜魷魚完全係急凍嗰隻𠝹花魷魚 味道好似係白烚咁口感同味道都好劣個翠玉瓜仲要係生嘅成個餐連埋杯凍飲承惠$83 佢仲衰過啲唔好食嘅Cafe 唔明點解有人幫襯係咪當啲消費者係老襯？

幫襯過何文田店，近期新蒲崗開咗分店，立刻來食個晚餐。餐廳環境光猛舒適，卡位亦寛闊。晚餐比起一般茶記都幾多選擇，2人點了一人一個主食，鐵板麻辣海鮮炒烏冬及椰香焗咖哩豬扒飯，再加個小懷舊古法咕嚕蝦球。先上一碗菜干中湯，粟米去芯，又幾足料好飲。懷舊古法咕嚕蝦球，蝦球大大隻，蘸粉漿薄炸，咬落啖啖蝦肉並非炸粉。配料有菠蘿及三色椒，醇厚醬汁酸酸甜甜食落好開胃。鐵板麻辣海鮮炒烏冬，有做到我哋要求嘅走韮黃芽菜，麻辣味夠香，唔算太辣，海鮮料足，有蜆肉，尤魚及蝦等。烏冬夠煙韌，，唔會一夾就斷，每條烏冬都炒到夠味夠色水。而且用鐵板熱辣辣上，食到尾仍然好夠熱，抵讚。椰香焗咖哩豬扒飯，有一層厚厚芝士，食落拉絲，濃厚的咖哩椰香味重，配上份量滿滿的香煎豬扒及炒飯底，推介。

1月6日揾食肥華約咗今日要，開半日OT嘅靚媽，在新蒲崗食午飯，原本肥華諗住同靚媽去食，此區人氣手拉麵食店，食上海麵，但當肥華去接靚媽途中，路過呢間力天餐廳門前，卻被門前午餐，餐牌吸引，因衹須六十大洋，就有一個牛扒連飯主食，和一碗羅宋湯，仲有一杯熱飲，揸住呢六十大洋，食手拉麵隨時衹能食到一碗，上海湯麵而且此店又坐得俾，手拉麵店舒服，權衡利害，又為荷包着想，肥華即時呔，改為同靚媽，食呢間力天個午餐。而呢個午餐亦無令肥華失望，食物質素和份量亦算OK，而兩人坐到四人座位，枱面仲有瓶開水供客飲用，肥華計一計，呢餐比食，手拉麵及小籠包，應該慳佐成舊水✌🏻✌🏻✌🏻

本人一向好少批評一啲餐廳同埋員工，因為覺得服務性行業一啲都唔容易，但今次真係要大大力「稱讚」呢間餐廳。點解會話佢係一間「社企」餐廳？ 因為佢請嗰啲員工有啲係盲架。當我哋入到去餐廳坐低，已經覺得好焗同埋聞到一陣臭味，似啲嘢一直冇抹嘅味，心諗都算啦，小事嚟。因為覺得好焗，見到附近有人走，咁就轉咗去另一張枱。當我哋轉完枱，然後睇食咩到準備落單嘅呢段時間裏面都冇一個人嚟執枱，我都幾肯定啲員工係見到我哋係新嚟嘅客人，見到我哋枱上有上一枱客人留底嘅碗，因為有其中兩個員工不斷喺我哋身邊經過，有個仲好好笑咁講：「 點解冇人執嘅」 講完之後就走開咗。 其實我都好想知點解☹️。咁到舉手落單，個職員就問你哋係要執枱定係落單， 我心諗：「 呢一條係咩問題？」不過我都照答佢：「兩樣都係唔該。」過五關斬六將咁落好單後，迎嚟嘅係震驚我味蕾嘅食物。我叫咗個焗咖哩雞扒飯，等咗十分鐘嚟嘅卻係鮮茄焗豬扒飯，我見到個飯都懷疑咗一陣，叫咗個職員嚟換。又等多十分鐘(我個陣已經好餓)，終於嚟啱。當我滿心歡喜，擺咗第一啖飯落口嘅時候，我又再懷疑多次，因為個飯係冇味！！！我食多幾啖，勉強都食到有啲味嘅，例如係少少芝士味、醃嗰塊雞扒嘅黑椒

鐵板三寶好豐富，有大蝦 、豬扒 、雞扒，肉汁非常juicy 份量好足夠，配埋羅宋湯，個湯好足料 有洋蔥🧅蕃茄 紅蘿蔔，非常滿足 。炸雞髀夠哂大隻，皮脆肉滑，口感非常好凍檸茶加持，茶底好靚，簡直一絕！

今天去了新蒲崗找朋友, 然後去了附近這間茶記吃晚餐.跟餐配的中湯 -- 青紅蘿蔔豬骨湯, 非常足料, 清甜, 好好飲.跟餐的羅宋湯: 酸酸甜甜幾開胃.有配白飯, 份量都多.蜜椒薯仔牛柳粒配飯 ($88): 蜜椒薯仔真的好甜好香口, 薯仔夠淋, 牛柳粒都好好食, 份量又多, 又不會韌, 好好食, 好惹味.鐵板麻辣海鮮炒烏冬 ($76) : 鐵板送上來熱辣辣的非常好吃, 麻辣真的很香口,好正, 很好食.海鮮都好足料, 幾好食. 烏冬好彈牙好好食, 份量夠多, 不錯.麻辣都好夠辣, 岩哂喜歡吃辣的朋友.特別冬天吃辣都好合適.熱柚子茶 ($22):  熱柚子甜甜的, 加埋檸檬很清新, 甜甜酸酸很好喝.青檸菠蘿賓治 ($32) :非常清新, 甜甜酸酸的, 好好飲.2個人晚餐吃了這麼多, 才具186, 價錢合理, 抵食, 會再來光顧.

同朋友去行mikiki廣場，行到餓，想去出面既餐廳搵野食。見呢間幾多人食，就入左去試下。🟠晚餐B(配白飯、蒜蓉汁）（$88）呢個係鐵板餐，有齊三寶好豐富 例如有虎蝦 豬扒 、雞扒 、肉汁非常juicy，份量好足夠 。仲有配料粟米、青豆、甘荀，配埋蒜蓉汁，啖啖大滿足😆羅宋湯 跟餐配送既羅宋湯都好足料，有好多菜係入面，而且唔會話太辣🤡凍檸茶（跟餐加$3）茶底好靚，簡直一絕！🟡 XO醬乾炒牛河（$68）乾炒牛河夠哂大碟，炒得夠乾身，又唔會好咸。牛河入面有紅、青椒、洋蔥同芽菜，而牛肉亦都有好多舊，肉質仲唔會靱😽🟢 芝士流心西多士（$42）超邪惡大滿足既西多士，除左牛油加楓糖既味道，西多士中間仲放滿左芝士，而西多士外邊夠脆，簡直係大滿足之選😆🔵酥炸香脆大雞髀（$38）炸雞髀夠哂大隻，外皮香脆、肉質嫩滑，口感非常好👍🏻環境方面，裝修明亮，座位闊大舒服，燈光氛圍令人可以好好同朋友傾下計😊服務方面，待應笑容好好又夠耐性👍🏻地址：新蒲崗崇齡街81-83號崇齡大廈地舖