劉興記生煎包專門店

營業中

休息中

之前睇唔同人介紹呢一間生煎包好好食，過去上環等完老公收工就過上環食。平時見好多人等位，好在今日平日夜晚冇咩人，好方便可以掃QR code落單。招牌生煎包2隻$20一擺入口熱辣辣，咬落去啲肉針爆曬出嚟，個底煎到好香脆，正🤤🤤蟹黃生煎包$18一隻個底亦都煎到好香脆，入面個蟹黃味好香，估唔到同生煎包係咁夾👍👍麻醬手撕雞粉皮$35好大碟，份量好多，青瓜絲同粉皮個比例啱啱好，青瓜絲令到唔會食到有好滯嘅感覺。上海排骨湯麵$42排骨炸到好酥脆，唔會過油，麵底係用上海麵。手功豆沙窩餅$28聞落好香豆沙味，個豆沙味只係少少甜，對於我黎講覺得好適中。豆漿$8叫左兩杯，豆味都算幾濃🤣🤣店員好細心，見我哋有啲熱，就開個風扇俾我哋🥰🥰兩個人食咁多都只係$159，性價比高呀。

同朋友喺永安shopping完之後, 記得附近有間朋友推薦的 生煎包劉興記， 想著心思思就很想吃生煎包，買些外賣回家吃也不錯。餐廳有套餐也有單點， 套餐免費送豆漿。 不過主要想吃生煎包，就選擇了單點。 選擇 以下幾款，生煎包、 雞絲酸辣湯小雲吞 、上海排骨菜飯。回到家裏，急不及待就吃生煎包，就忘記影相了。 生煎包煎得很脆， 加了芝麻蔥花 很香口。 雞絲酸辣湯小雲吞很足料， 有很多木耳、冬菇、 竹筍、 雞絲 ， 還有滑捋捋的小雲吞， 酸酸辣辣 的很開胃。 上海排骨菜飯四十幾蚊很抵食， 菜飯軟綿綿的有很多菜， 排骨炸得很香口很酥脆。

Exploring Sheung Wan, we came across a small restaurant serving simple Shanghai dishes. Most noteably 生煎饅頭  sheng jian bao. Though this sort of food is found elsewhere, it was the photo of Chow Yun Fat that made me stop.  I appreciate this actor so if it was good enough for him to give it a try .... why not me?The place was small and oddly looked more like a Japanese restaurant.The menu is in English and Chinese. There is no 10% service charge.  They had a variety of items and included this valu

行經上環永樂街，見到一間門牌古色古香店，行前望下，原來係生煎包專門店。突然記起同事曾經講過上環有一間經常排長龍嘅生煎飽專門店，誤打誤撞就嚟咗。雞絲酸辣湯材料好豐富，雞肉絲，冬菇絲，筍絲…. 每啖充滿口感。酸度，辣度剛好。低糖豆漿今時今日講求健康，低糖最好，味道不太甜有豆香。招牌生煎包真係要小心吃！爆汁！一口咬落，湯汁一滴一滴流。外皮煎得脆口，內𥚃肉香滿溢。蟹黃生煎包蟹黃味道濃郁，滋味！秘製上海排骨炸得鬆化，薄薄嘅肉十分軟腍。

公司附近新開咗間生煎包專門店，約咗同事一齊Lunch Time去嚐鮮。店鋪唔算好大間，大約6，7張枱，不過不會坐得好迫。午飯時間唔算長，諗食咩都好嘥時間，好彩佢有份餐牌係人氣熱賣皇牌套餐，就啱晒我哋啦，分別有幾款唔同食品配生煎包，上海排骨菜飯／麻醬手撕雞絲粉皮／小雲吞／麻你雞絲酸辣湯。鋪頭全部採用QR Code 自助落單，好方便。我哋分別揀咗下面兩個皇牌套餐，全部套餐都可以免費配豆漿一杯，或者加錢飲汽水都可以。招牌上海排骨菜飯 + 生煎包1隻菜飯够咸香，食飯裏面的菜粒好新鮮爽脆，成件事好夾，生煎包真係一面金黃酥脆，一面鋪上蔥花及芝麻，呅落一口爆汁，濃香鮮美。鮮雞湯小雲吞 12粒 + 生煎包2隻鮮雞湯好清甜，唔油膩，鮮肉小雲吞，包皮薄小巧，一啖一隻啱啱好。生煎包同上：一面金黃酥脆，一面鋪上蔥花及芝麻，呅落一口爆汁，濃香鮮美。生煎包真係好出色，粒粒爆汁，底部又煎到好酥脆，令人回味。

突然好想食生煎包經開上環見到呢間雖然唔起眼，但係最近呢間開左好多分店，發哥仲幫襯過咁當然要試下叫左個套餐再加左兩粒蟹粉生煎包估唔到份量超大睇吓個雞絲粉皮😶‍🌫️ 大到嚇親而且都勁慷慨，料勁多青瓜同雞絲都好多 至於生煎包，真係勁正爆哂汁，真係要小心呀！ 個底煎得好香口， 成個包都好好食至於加左蟹粉，真係好食十萬倍 蟹粉好香呀！ 啖啖都食得出蟹味，必食推介！ 🤤🤤最好係 臨走突然勁大雨，店員勁nice 叫我哋坐多陣，等細啲先走 💫

是咁的，每日番工最concern lunch食咩。今日同事話係上環站附近開咗間劉興記，專食上海菜，價錢又唔貴，咁就去咗試。佢有只個人氣熱賣皇牌套餐，每個都係五十幾蚊，仲送一杯豆漿。🥛原來劉興記expand 得好快，兩個月內開咗６間分店。同D 員工傾，佢地最推介我食佢地D 生煎包，因為佢地Ｄ餡係用新鮮梅頭豬肉瘦肉整，相對少肥肉，但D肉又好鬆軟，食落又健康Ｄ。😋我同同事叫咗個皇牌２餐: 麻醬手撕雞絲粉皮＋生煎包2隻，又叫多２隻蟹皇生煎包，同生炸雞扒。生煎包🤤一咬開，爆哂汁，好似飲湯咁，Ｄ肉又冧，好好味蟹皇生煎包🦀聞一聞，係蟹嘅味道；咬一咬，食到啖啖蟹肉。佢唔似生煎包咁多汁，相反佢係好重蟹味，啱哂鍾意食蟹嘅你麻醬手撕雞絲粉皮🍜麻醬味好濃，好creamy，侍應姐姐同我講係佢地自己人手調過隻味，配埋好滑嘅粉皮，又想啜哂佢地入口生炸雞扒🤤Ｄ粉唔會好厚，但都好脆口。入面D雞肉無咩肥肉，而且入哂味，忍唔住食埋同事個份咁平又咁好食，回頭指數勁高👍🏻

上環 永樂街呢間生煎包真係幾好食！ 平時都鐘意食生煎包既我，聽朋友既介紹黎左呢間劉興記生煎包～ 因為晏少少仲有下場，所以叫左兩款小食加個炸豬扒菜飯～配凍豆漿！ 先講呢個生煎包，真係一咬開好多湯汁，而且熱辣辣！ 外皮一面煎到好脆，估唔到入面鎖住左咁多湯汁😋 食緊既時候聽到好多街坊黎叫生煎包外賣，叫親都12隻咁叫～ 睇黎真係幾受歡迎～呢個豆沙煎餅都煎得好香，入面啲豆沙唔會好甜～ 外層煎到香脆唔油，唔會好快食到漏～最後呢個炸豬扒菜飯， 跟餐有配一個生煎包～ 菜飯係炒過既，俾就咁加菜撈飯多左一份鍋氣！ 塊豬扒雖然唔算大塊，但炸到好金黃香脆～ 仲切好左一舊舊～ 好方便👍🏻如果平時係呢頭返工真係一個唔錯既選擇～！

#中環地膽 在上環開完會想快閃吃個快飯回家，突然好想吃生煎飽；在地圖search下上環地鐵附近就找到劉興記生煎飽專門店！餐牌主打生煎飽、雲吞及拉麵等各類上海美食！裝潢簡潔企理，食物上菜快！價錢性價比！啱哂上班族來吃！🥟招牌生煎包/4隻$30招牌菜生煎包可選2，4及6隻，包皮薄脆香口, 一口咬下立即爆湯汁，包餡滿滿又juicy! 肉味香濃不油膩！🍜蔥油拌麵 $30 自家製拉麵彈牙Q彈,配上芳香四溢嘅蔥油汁，十分掛麵不會乾爭爭。🥣雞湯小雲吞 $30湯頭鮮甜唔膩,小雲吞餡料賣相仲好好看,一口大了，味道鮮香可口。🥟蟹黃生顛包／$18鮮味十足的蟹黃生煎飽，餡又多又香,配上鮮甜嘅蟹黃,湯汁入口就已經溶化喺口中，好吃！ 劉興記 生煎飽專門店地址： 上環永樂街139b號地舖

之前睇電視見到有間爆汁生煎包專門店超吸引，原來上環有分店，即刻同媽媽一齊去食先招牌生煎包 (6隻)同平時見開嘅生煎包外型上有少少分別，上碟時唔係脹卜卜，反而有啲扁塌塌，上網揾資料先知道原來生煎包嘅皮係用冇經過發酵程序，所以可以做到外皮夠晒薄👍🏻折紋向底嘅煎法，食落更加酥脆肉餡鮮甜，仲夠實淨一咬開濃郁湯汁大爆發，真係好好味鮮雞湯小雲吞 (12粒)一啖一粒彈牙嘅小雲吞，呢個啱晒小朋友上海菜飯清清地食下菜飯感覺都健康啲豆漿唔會好甜，幾好飲

上環永樂街139號有一間上海食品嘅專門店→劉興記生煎包，值得你哋品味吓！🌊S2套餐→痲醬手撕雞粉皮+生煎包2隻 $ 54賣相精緻，手撕雞鮮美潤滑，連埋長長青瓜🥒絲，咬落爽口有聲，粉皮晶瑩亮澤，蘸上麻醬很合襯，而生煎包的包頂煎得脆脹又唔會硬崩崩，加上豬肉饀料肉味濃郁！🌊蟹黃生煎包👍 $18/pc大㕑將個包頂煎到脆卜卜，夾開後裡面湯汁非常豐盈，流過不停，一陣陣🦀幽香，食落感覺很惹味！唔知發哥有冇試過？？🌊上海排骨菜飯👍 $ 42飯粒唔會油膩，原來排骨是脆炸酥扒，甘香味濃，非一般雪藏pork chop可以媲美！🌊鮮雞湯小雲吞（12粒）$ 25湯清甜可口，雲吞皮又薄又滑饀新鮮，望見一柳柳蛋絲，成個人開哂大胃！👍👍🌊低糖豆漿 $ 10可冷飲也可熱飲。低糖就不怕升糖指數太高了，大可以放心淺嚼黃豆的精華。由於2間劉興記座落上環；故此價錢公道又飽肚，不過8點就收舖，放工後要請早！否則望門興嘆！😁😝

🔹️今日到上環永樂街劉興記食個爆汁生煎包先🧆 店舖地方簡潔衛生, 食物新鮮有水準😋 服務稱心效率高👩🏻‍💼 價錢十分親民💰🔸️招牌生煎包🧆不得不試招牌生煎包, 除了包包煎至金黃香脆外, 內裡爆出熱騰騰湯汁, 肉質鮮嫩🤤🔸️蟹黃生煎包🦀🧆一咬便滲出滿滿鮮甜甘香蟹膏🦀 好滋味呀（必試）🔸️雞絲酸辣湯小雲吞🥟以嫩滑雞絲、冬菇、筍、黑木耳、豆腐材料, 酸辣湯底味道適中, 十分開胃🌶 加香滑幼嫩雞絲和皮薄肉嫩小雲吞, 口感豐富👍🔸️麻醬手撕雞絲冷麵🍜以嫩滑手撕雞、香脆芝麻、爽口青瓜絲和幼滑粉皮和幼身彈牙冷麵配上滋味麻醬Yum Yum🤤🔸️秘製上海炸排骨🥣排骨外層炸至酥脆、肉質軟嫩, 啖啖滋味👍🔸️百步香葱油餅🫓外皮金黃香脆, 餡料鹹香惹味😋🔸️蟹皇豆腐菜飯🦀🍚以嫩香蟹皇配香滑豆腐, 菜飯足料🤗🔸️低糖豆漿🥛健康低糖、濃郁豆香味, 如果有大杯裝更好😆

今日食既呢間係位於上環既生煎包專門店, 係香港都有幾多分店, 店面環境都不錯, 乾淨企理食物既選擇都不少, 生煎包除左有普通版本之外仲有蟹黃VERSION, 咁就緊係要試下望落個賣相唔算特別, 但係一咬, D汁多到係噴射出黎入面勁香既蟹黃味, 加上濃濃的湯汁, 整個味道比起普通既生煎包更加吸引, 勁足料而且煎得香脆香脆的蟹黃伴麵影緊相已經聞到好香既蟹黃味道, 好鮮味而且份量都唔少, 撈埋瓜絲一齊會有一種清新既感覺, 冇咁漏更好味, 麵質Q彈, 唔會太硬岩岩好生炸雞扒超超超超級脆卜卜既雞扒, 入面仲可以鎖住肉汁, 一份價錢唔算貴但係份量夠2個人share食!!

[ 劉興記生煎包專門店 ]近期人氣大熱嘅正宗上海生煎包專門店，港九新界都有分店，招牌生煎包新鮮即煎，粒粒爆汁😍。✿ 招牌生煎包 $30 (4隻) / $45 (6隻)✿ 蟹黃生煎包 $18/隻生煎包有兩款口味，搓皮至包餡都係全人手，保留原始風味👍。煎製後加黑芝麻、蔥花增加香味。兩款生煎包頂部鬆軟，包底煎至金黃脆口，包裡多汁到爆汁！豬肉餡料較少肥肉，肉質鬆軟。「蟹黃生煎包」將蟹膏🦀、蟹肉混合豬肉，味道鮮甜😋。✿ 麻醬手撕雞絲粉皮 $35 🐔🍜份量好足好大碗，粉皮厚身滑而彈牙，雞絲及青瓜絲配花生味香濃嘅麻醬，夏天必點！✿ 排骨蔥油拌麵 $42 🐷🍜排骨係外脆內軟嘅炸豬扒，麵條幼身口感爽彈，蔥油味夠香👍。總結🫦 店內生煎包新鮮即煎，每粒都熱辣辣爆哂汁，另外有菜飯、湯麵、酸辣湯等上海菜式，價錢親民👌。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿劉興記生煎包專門店地址：上環永樂街139號永興商業大廈地舖✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

如果你喜歡食生煎包係爆湯汁嘅， 呢間店嘅生煎包絕對可以滿足到你。我所知道生煎包做法主要會分為兩派，一派會係包皮較厚，較硬， 內裏比較少湯汁。 而今日食呢間店做法會係包內湯汁較多，皮較薄。但兩派嘅包底都會生煎得夠金黄酥脆。 講到底各派都會有各自嘅捧場客。我兩款都有食過，但我個人會較喜歡包內多湯汁個款。唔肚餓只是想過吓口瘾關係，我只叫咗兩隻招牌生煎包 （$20/2隻)，另外1隻蟹黄生煎包 ($18/隻)。 蟹黄生煎包會比招牌生煎包多一份油甘香。 包內豬肉份量都幾足。 生煎飽是算唔錯。至於餐牌上其他食物選擇唔算太多， 食物上亦唔太吸引到我°