劉興記生煎包專門店

營業中

休息中

食物只係得生煎包好食啲，個皮脆但好厚，上海排骨原來係炸豬扒嚟，菜飯同雞絲粉皮一啲都唔好食，豆漿好細杯，餐具同碗碟有啲污糟，而且環境都坐得唔係咁舒服，試過一次都唔會再去。

同朋友一齊嚟咗呢間生煎包專門店諗住簡單快脆食個晚餐🤣呢度有幾款「人氣熱賣皇牌套餐」，揀咗 $59「迷你雞絲酸辣湯＋生煎包6隻」，套餐包「豆漿一杯」😋「招牌生煎包6隻」全部都爆汁🤣，一咬落去唔止爆到成口都係汁，仲爆到連張枱都有，真係控制唔到🤣「迷你雞絲酸辣湯」：酸酸哋辣辣哋🤣「低糖豆漿（凍）」：唔係好甜😋$42「排骨蔥油拌麵」：排骨幾香口😋；「拌麵」叫咗「少汁少油」，不過都已經好夠味🤣$28「百步香蔥油餅（件）」：「蔥油餅」都係幾香口😋$30「鮮雞湯小雲吞（12粒）」：細細粒一啖一粒，容易食😋

今日就食下平民版既米芝蓮🤩上環永樂街呢間分店係新鋪，鋪頭細細但係都幾好坐！食物點評✍🏻✍🏻✍🏻麻醬手撕雞粉皮套餐$54（跟生煎包*2豆漿*1）一大碗手撕雞粉皮，粉皮煙煙韌韌，將粉皮同手撕雞用麻醬撈勻，仲有啲青瓜絲，咸香味十足，岩晒夏天食，夠清新🤓生煎包生煎做到外脆內軟，包底煎到好脆，一咬開就爆汁，係熱辣辣既湯汁，肉餡都好香，一個餐包佐兩隻，超級抵食😍秘製上海炸排骨呢個真係秘製，好惹味，炸到外脆內軟，排骨肉質柔嫩，勁香口，絕對會食唔停口呀🤩鮮雞湯小雲吞小雲吞有12粒，皮薄餡靚，雞湯香濃，唔會好咸，岩晒健康人士呀😚豆漿呢個都真係要特別講一講，豆味超濃，真係有啲豆渣咁，真材實料😎

上環食飯時間等10-15分鐘係OK正常既。不過係咪堂食就可免則免：第一：午時炒檔樓面得一個人做哂所有野，個伙記都做到黑口黑面搵客人出氣第二：店舖位置唔大，亦好迫，重點係冇冷氣。天氣咁熱，坐係店入面熱過係街，好焗。食物漏單前後等左半個鐘先上得齊， 無奈。食物份量以$5X令蚊來講 OK 既生煎包真係多汁好食不過店舖同人手就真係好趕客

今日同同事去中環公司附近嘅劉興記生煎包食Lunch, 之前經過都成日見到人排隊，我哋都排咗1-2分鐘就入得，發現原來性價比都OK！Lunch S1. 上海排骨菜飯＋生煎包上海排骨炸得非常酥脆，要上菜飯可以減輕罪惡感，而且菜嘅份量都幾多，差唔多係同飯比例1:1，覺得幾唔錯！生煎包剛剛煎起，非常燙口😍底層脆卜卜，而生煎包入邊就充滿湯汁🤤大推！果然係招牌！Lunch S2. 麻醬手撕雞粉皮＋生煎包雞絲粉皮非常彈牙，好鍾意呢隻煙韌韌嘅質感！配有大量嘅青瓜絲同雞絲，好好食！手工豆沙窩餅豆沙窩餅係同事嗌嘅，佢話唔會太甜，都幾好食，不過煙靭啲會更好！生炸雞扒生炸雞扒同樣都係炸得好鬆脆，而且都係啖啖肉，不過就同炸排骨差唔多，可以二揀一嗌就足夠～

今晚約咗朋友食飯，揀左屋企附近嘅劉興記！之前見好多人推，今日就嚟食下啦😗😗原來佢仲有套餐提供，50幾蚊就有主食加豆漿，真心抵玩😗 我哋叫咗個蟹粉生煎包，一咬爆汁！入面蟹肉幾好，好香濃😍 而且個底好脆！另外招牌生煎包一樣超爆汁！食嘅時候要小心啲😉 麻醬雞絲粉皮好大份！撈好哂食就食到哂所有野，麻醬香又唔太咸！配上清新青瓜食唔錯~ 雞絲酸辣湯唔會點辣，反而幾夠酸！雞絲都幾多😋😋另外仲有生炸雞扒，外脆內軟👍🏻唯一可以好啲係豆漿得凍，如果有熱更好啦😗

屋企人話想食生煎包，即刻睇下附近邊度有好食嘅生煎包，帶佢去🚶🏻‍♀️～～～俾我搵到一間有六間分店專賣生煎包嘅人氣店舖～～～🥢劉興記生煎包專門店🥢～～～⭐️ 招牌上海排骨菜飯+一隻生煎包套餐佢成個套餐，一碗排骨菜飯、一隻生煎包，連一杯豆漿只係$54，真係好抵排骨唔會好油膩，最怕炸排骨會啖啖油，但佢酥脆香口之餘，又唔會過於油膩😋金黃色嘅排骨好引人食慾🤤差啲唔記得打個卡就咬咗落去小棠菜唔會炒得好老，炒完後仍然都好鮮嫩，健康又好食👍🏻連埋排骨一齊食，真係非常惹味⭐️招牌生煎包始終黎係為咗食生煎包，佢哋嘅生煎包又係最出名，所以又額外叫多六隻生煎包呢度嘅生煎包真係即叫即整，上枱嘅時候係出曬煙💨雖然店員好貼心咁溫馨提醒咗我要小心啲，因為好熱，但聞到佢咁香，以我呢個貪食鬼，點忍得到🤣等咗30秒，已經忍唔住，用筷子夾起咬落去🥢一咬落去百感交集，又想繼續食，但又真係太熱🔥🔥🔥要不停吹吓食吓🤣生煎包超級多汁！而且個皮好薄，一咬啲汁已經流晒出嚟🥲佢煎嘅嗰面用筷子夾起嘅時候以為係硬掘掘，咬落去嘅時候竟然係脆卜卜，好令我震驚😱⭐️蟹粉生煎包另外再叫咗一隻蟹粉生煎包試吓，佢嘅蟹粉好充足，好香蟹味🦀鍾意食蟹嘅朋友仔一定要試吓

最近成日俾社交平台reels啲人推介呢一間生煎包，見到都幾多分店而且放工去嘅時候都有位咁就一試啦🤣首先一定要單點一個好多人食嘅蟹黃生煎包，諗住咬一啖先，點知真係噴晒啲汁出嚟🤣🤣🤣大家絕對要小心⚠️仲叫咗套餐招牌上海排骨菜飯/湯麵＋生煎包1隻 （$54）一人餐可以滿足到想食生煎包但係又驚單點食唔晒嘅慾望🤤 但我食完之後覺得可以食多幾隻hahaa 佢最出色嘅原因係佢個底煎到好脆身，而且吸晒豬油香，但上面仍然有饅頭嘅鬆軟，入邊仲好多汁😝排骨炸皮完全唔厚，依然保持到好脆麻醬手撕雞絲粉皮＋生煎包2隻 ($54)我最愛嘅雞絲粉皮果然冇令我失望，最重要嘅將佢調得好好而且一啲都唔孤寒😚花生醬同埋少少白醋芝麻油都配合得好好💕套餐仲要跟一杯豆漿，冇嘢可以挑剔😄上海餐廳點可以唔叫紅豆豆沙餅，甜度啱啱好嘅煙靭脆身

今日中午同同事 去上環劉興記生煎包專門店食lunch講明生煎包專門店當然要試下佢哋嘅生煎包佢哋中午有套餐選擇, 會有一個主食加生煎包。今日食咗上海排骨飯，小雲吞，生煎包，仲有豆漿送生煎包生煎包的皮薄而酥脆,煎得恰到好處,外層金黃酥脆,咬開後包裡湯汁隨之流出,餡料鮮美可口。濃郁的汁液伴隨細膩的肉餡。上海排骨菜飯排骨既肉比較紅,上菜時排骨都放得散亂，外觀上不太好。菜飯非常濕，食落感覺有點差。鮮雞湯小雲吞雲吞皮薄,口感柔滑,湯汁清鮮。豆漿唔太甜，感覺幾健康餐廳裏比較熱，坐得比較逼。生煎包的確唔錯，但可能唔建議點上海排骨菜飯。

#fatchubelly上環📍劉興記生煎包專門店 (上環)💥套餐：迷你雞絲酸辣湯＋生煎包6隻酸辣湯比岀面嘅酸辣湯比較温和唔會太酸太辣個人覺得調味啱啱好而且配料都幾多💕生煎包係招牌菜🙌底部煎到脆卜卜頂部有芝麻同蒽花包入面勁多湯汁肉亦都好大粒💥蟹黃拌麵蟹黃份量都好多鮮味十足🤩調味亦都唔會太濃味主要食番蟹黃嘅原味麵質亦都彈牙💥生炸雞扒雞扒一上枱熱辣辣外皮勁脆入面雞肉juicy😍調味比較香口味

之前睇唔同人介紹呢一間生煎包好好食，過去上環等完老公收工就過上環食。平時見好多人等位，好在今日平日夜晚冇咩人，好方便可以掃QR code落單。招牌生煎包2隻$20一擺入口熱辣辣，咬落去啲肉針爆曬出嚟，個底煎到好香脆，正🤤🤤蟹黃生煎包$18一隻個底亦都煎到好香脆，入面個蟹黃味好香，估唔到同生煎包係咁夾👍👍麻醬手撕雞粉皮$35好大碟，份量好多，青瓜絲同粉皮個比例啱啱好，青瓜絲令到唔會食到有好滯嘅感覺。上海排骨湯麵$42排骨炸到好酥脆，唔會過油，麵底係用上海麵。手功豆沙窩餅$28聞落好香豆沙味，個豆沙味只係少少甜，對於我黎講覺得好適中。豆漿$8叫左兩杯，豆味都算幾濃🤣🤣店員好細心，見我哋有啲熱，就開個風扇俾我哋🥰🥰兩個人食咁多都只係$159，性價比高呀。

同朋友喺永安shopping完之後, 記得附近有間朋友推薦的 生煎包劉興記， 想著心思思就很想吃生煎包，買些外賣回家吃也不錯。餐廳有套餐也有單點， 套餐免費送豆漿。 不過主要想吃生煎包，就選擇了單點。 選擇 以下幾款，生煎包、 雞絲酸辣湯小雲吞 、上海排骨菜飯。回到家裏，急不及待就吃生煎包，就忘記影相了。 生煎包煎得很脆， 加了芝麻蔥花 很香口。 雞絲酸辣湯小雲吞很足料， 有很多木耳、冬菇、 竹筍、 雞絲 ， 還有滑捋捋的小雲吞， 酸酸辣辣 的很開胃。 上海排骨菜飯四十幾蚊很抵食， 菜飯軟綿綿的有很多菜， 排骨炸得很香口很酥脆。

Exploring Sheung Wan, we came across a small restaurant serving simple Shanghai dishes. Most noteably 生煎饅頭  sheng jian bao. Though this sort of food is found elsewhere, it was the photo of Chow Yun Fat that made me stop.  I appreciate this actor so if it was good enough for him to give it a try .... why not me?The place was small and oddly looked more like a Japanese restaurant.The menu is in English and Chinese. There is no 10% service charge.  They had a variety of items and included this valu

行經上環永樂街，見到一間門牌古色古香店，行前望下，原來係生煎包專門店。突然記起同事曾經講過上環有一間經常排長龍嘅生煎飽專門店，誤打誤撞就嚟咗。雞絲酸辣湯材料好豐富，雞肉絲，冬菇絲，筍絲…. 每啖充滿口感。酸度，辣度剛好。低糖豆漿今時今日講求健康，低糖最好，味道不太甜有豆香。招牌生煎包真係要小心吃！爆汁！一口咬落，湯汁一滴一滴流。外皮煎得脆口，內𥚃肉香滿溢。蟹黃生煎包蟹黃味道濃郁，滋味！秘製上海排骨炸得鬆化，薄薄嘅肉十分軟腍。

公司附近新開咗間生煎包專門店，約咗同事一齊Lunch Time去嚐鮮。店鋪唔算好大間，大約6，7張枱，不過不會坐得好迫。午飯時間唔算長，諗食咩都好嘥時間，好彩佢有份餐牌係人氣熱賣皇牌套餐，就啱晒我哋啦，分別有幾款唔同食品配生煎包，上海排骨菜飯／麻醬手撕雞絲粉皮／小雲吞／麻你雞絲酸辣湯。鋪頭全部採用QR Code 自助落單，好方便。我哋分別揀咗下面兩個皇牌套餐，全部套餐都可以免費配豆漿一杯，或者加錢飲汽水都可以。招牌上海排骨菜飯 + 生煎包1隻菜飯够咸香，食飯裏面的菜粒好新鮮爽脆，成件事好夾，生煎包真係一面金黃酥脆，一面鋪上蔥花及芝麻，呅落一口爆汁，濃香鮮美。鮮雞湯小雲吞 12粒 + 生煎包2隻鮮雞湯好清甜，唔油膩，鮮肉小雲吞，包皮薄小巧，一啖一隻啱啱好。生煎包同上：一面金黃酥脆，一面鋪上蔥花及芝麻，呅落一口爆汁，濃香鮮美。生煎包真係好出色，粒粒爆汁，底部又煎到好酥脆，令人回味。