劉森記麵家 (褔榮街)

營業中

休息中

原來剛剛一連去食的兩店都是入選了2013年米芝蓮香港澳門指南, 先是一星的添好運, 隨後就是這間根據OpenRice對米芝蓮車胎人美食的註解是: 只需300元或以下便可享用優質美食（三道菜式價錢，不包括飲品）我們兩隻熊吃了三道菜式再加1支五花茶, 都只是用了$11X了甫入店就見到眼前有一大檯, 以兩熊龐大身軀簡直坐得非常舒適 右面有兩張工作檯, 一左一右, 分別有兩位包餃師傅正在忘形地包雲吞及水餃 看見那兩盤食材豐富的餃餡, 視覺上已讚不絕口從Youtube上找到段片, 正正是「劉森記麵家包雲吞」檯上有一大樽醃製蘿蔔, 樽身外貌乾淨, 尤如全新；以為是店舖出售的樽裝食品(作陳列用),但見到別檯客人都自顧自地擰蓋進食, 我們當然要問問侍應生姐姐, 後來得知是免費任食別以為免費任食就質數會差, 這些醃製蘿蔔爽脆可口, 味道酸甜適中, 一點也不嗆喉, 酸得來帶微微辣, 還會吃到點點生蘿蔔的辛澀 似乎是自家出品 在等麵期間, 我們食呀食, 食呀食, 都吃了兩小碗醃製蘿蔔了自從吃過潮匯館後, 我們的鵝腸癮頑皮地走了出來, 見到餐牌上有薑蔥灼鵝腸, 就叫過雙併要埋牛筋 這是(大) $45

本來係去桂林街果間,但見到鋪面又細,又FULL晒人,睇地圖見到隔離條街有分店,即刻過去睇下先褔榮街呢間分店大好多,而且裝潢都好d睇落乾淨d,雖然入面都係full晒人係門口等咗5分鐘左右就有位啦入面d枱擺法好似譚仔,都係圓枱中間擺晒d筷子調味料而menu入枱玻璃入面有一張,枱面都有一張過咗膠既2個人叫咗一個牛腩蝦子撈麵同一個雪吞蝦子撈麵枱面有一樽醃蘿蔔,早就係openrice聽聞過,當然一定要試下店家好細心,已經準備好一d細碟仔比我地用來食蘿蔔樽入面都有隻專用spoon,唔洗驚食人口水尾蘿蔔size正正方方,唔洗咬,一粒一啖,都幾爽口但食落覺得蒜味好重 蓋過咗酸味,食咗兩三粒就停口lu等咗唔係好耐,麵來了牛腩蝦子撈麵$35麵上既蝦子果然毫不留手地多陣陣蝦子香味撲鼻而來我唔鐘意食凍咗既食物,所以即刻撈好d麵即刻食先撈撈下發現麵底下原來有3條菜心 原本打算叫碟油菜,依家唔洗lu因為蝦子好多既關係,條條麵都沾滿蝦子,食落好心滿意足 麵條放入口都feel到一粒粒既蝦子,非常有口感蝦子味道不太突出,反而麵條很有鹼水既味道,有濕道之餘又不會令醬汁好稀撈麵原來都附送碗湯,係鹼水湯,但太甜啦雲吞蝦子撈麵

自從睇完電視介紹，就—直想去試，今日終於"的"起心肝，專程搭的士去，車費$81睇住個餐牌就已經有好多野想試，不過都你決定揀最普通嘅～鮮蝦雲吞麵，因為雲吞係招牌之一嘛入座時間約下5:15，客人唔多，不過枱枱都有人，咁咪搭枱囉，等咗约六分鐘左右啦，有得食湯底:顏色清徹，帶淡啡色，入口有蝦子味，可惜太甜及唔夠咸，有D失望雲吞:有五小粒，比一般麵店較细，每粒都約有兩隻蝦，肥肉唔算太多，雲吞埋口位又厚又硬，有小量花生及芝麻味，口感Ok，but 都係太太太甜口喇，完全失去平衡，甜到要點豉油呀麵:成個麵有層厚厚嘅齝鹼水漿住，入口軟腍，但食生麵應該以爽、滑、彈、香為主，E+食落比—般嘅麵家更差，失望感覺上食咗碗特別甜嘅雲吞麺，比普通麵家更為—般食完後加咗罐價值$6嘅可樂，埋單共$29

今日去左附近D電腦場,去之前就搵D下午茶食呢間野以前食過一次,依家再回味下先先講D 羅白,任食,正,酸酸地,狂食但係個蝦子麵,咸咸香香咁,但係唔覺得好食,我一直都唔識欣賞蝦子,唔知有咩好食,可以比我叫多次,都係唔再蝦子,咁佢蝦子份量都幾多既.我已經試好多蝦子麵,但唔識食啦-O-.... 同埋環境幾DIRTY!

這裡除了因蝦子麵而出名，那樽酸酸辣辣的白蘿白更是吸引……由於多人點餐及保持食物質素關係，等候時間約要10-15分鐘，一般人都會以電話作消閒，但老一輩的就會好好品嚐白蘿白。雖然街上買得到，自制也可，但要令味道適中不過酸不過辣的實在不易找到，還讓你任吃呢！早幾年曾到澳門某在電視受推介的餐廳吃蝦子竹昇麵，無論軟硬度﹑乾濕度﹑分量和味道都是令人極其失望的。找到這店是因為看到推介美食中有水餃，結果真的沒有失望，雖然跟麵的話水餃只有兩隻，但它是長身的那種，不但材料充足，還有好香的鮮味！其次黑牛柏葉的分量多夠新鮮，牛腩牛筋軟熟入味，蝦子麵的蝦子十分多，偏乾身卻未至於令你吃得辛苦，份量亦不少。總括以言，味道和價錢成正比，酸辣蘿白感覺像大特賣因為任食，會再光顧。(2人堂食2人外帶)

成日都見雜誌及電視報導竹昇麵劉森記麵家，但就試都未試過，所以今日落深水埗就必定要去會一會佢，睇吓好食程度去到邊個位，我去左福榮街嗰間，一張張圓枱同一般中式麵店冇咩大分別，地方都係光猛乾淨。我同個同事都係點左最出名的蝦子雲吞撈麵+通菜一碟，枱面放左一樽應該係自家制的酸蘿蔔，看見各人都盛了一小碟所以我又入鄉隨俗咁食吓，味道不太酸不搶喉，幾好味！店內真是坐無虛席，搭枱都坐得滿滿的，大約等左15分鐘先煮好我的撈麵，整個麵都佈滿蝦子，雲吞是跟湯另上的，蝦子沒有腥味是我最欣賞的，又不會特別醎又係另一個欣賞，麵質真係好爽又唔重鹼水再加一個欣賞，雲吞的蝦肉比例啱啱好就比個贊！成件事比我想像中好味，又唔貴，下次落深水埗必定要再食吓其他款式！

劉森記一早知佢好出名, 但一直無機會食, 今日黎開深水步真係要試下。地方細細, 一張枱迫住幾group 人, 坐得辛苦d , 食好野真係要辛苦少少。叫左一碗牛根牛腩蝦子撈麵$35, 一碗黑柏葉鵝腸撈麵$35 同男友share 食。每個撈麵都有上湯跟上。呢到出名就係佢d 竹升麵, 食落真係同普通麵餅不同, 完全無簡水味, 好味。先講牛根牛腩蝦子撈麵, 牛根牛腩比較咸, 浸一浸d 清湯就岩岩好, 牛根牛腩都好淋。黑柏業第1次食, 個樣黑媽媽唔吸引, 但食落又幾爽, 鵝腸都一樣, 好爽, 配上薑蔥, 豉油 好味。佢d size 對女仔黎講就足夠, 男仔就未必啦。我下次要食佢d 水餃, 雲吞~~

我個朋友好鍾意食呢間既酸蘿蔔 所以我同左佢黎食 我地一坐底 見到枱面比人食果d酸蘿蔔比人食哂 我朋友就好奇同個伙計問左句:有冇得加d蘿蔔架? 但係個伙計用一種視既眼神望住我朋友 之後扮聽唔到咁走左去 我心諗:嘩 咩服務態度? 都算啦 坐左幾個字都冇人黎抹枱 要我地主動叫先黎是但抹幾下 之後佢送錯左兩支可樂黎我地枱 我同個伙計講:我地冇叫喎 個伙計又係到黑面 我錯咩家陣? d野又唔係平 $35-$40 又唔係特別好食 呢個價錢係同一條街都大把選擇啦 總之下次有人貼錢我都唔會再去

Hi everyone here,I was originally intended to go to eat the pig liver noodle nearby but as my cholesterol index is still looming I changed my mind at last to eat the very famous hand battered noodle just a few stores away on the same side of the road.Just like many other famous gourmet establishments in town there are an awful lot of newspaper cuttings of raved reviews and photographs of the owners and staffs taken with TV stars or celebrities whom were once patronage there, all stuck on the pro

有個朋友一直想黎深水埗覓食，終於就到時間，於是就一齊去食。第一站：劉森記叫咗一碟蝦子鵝腸水餃撈麵 ($39)麵未黎，最好就係邊食酸蘿蔔邊等。酸蘿蔔真係好開胃，酸酸甜甜，又爽口。麵來了，都幾大碟，鵝腸、蔥同蝦子鋪在面。水餃浸在湯內另上。蝦子份量雖多，但香味稍遜，唔係好夠鮮味。鵝腸係冰鮮貨，無味，好在附有一碟豉油，冰鮮鵝腸爽口但唔甘香。水餃好味，真材實料，大大隻，有木耳、豬肉、蝦同冬菇。竹昇麵，水準依舊，好彈牙，但一d鹼水味都無！麵條幼爽，撈埋蝦子，很好味！

前幾天傍晚時分，和朋友二個走進劉森記走吃蝦子撈麵。結果一肚氣。近大門口有兩張枱完全沒有人，正想走上前坐下時，老闆娘上前要我和朋友出外面排隊。心想覺得奇怪，明明有枱，為何要客人排隊？等了約１５分鐘，那兩張枱依然沒有人坐。後面排隊的人越來越多，已經有約十二、三人。老闆娘才讓我和朋友坐下。成張枱明明可以坐五至六人，但她卻只叫我們兩個坐下？？？？？其他人在１２度的寒風下，繼續在門口食西北風。　我們兩個繼續坐係張未滿人的枱，店內仲有好幾張枱都係咁．．．．可能是香港人要排隊才叫好的心態，門口的人越來越多，起碼超過廿人。老闆娘才兩個兩個放人入內。很明顯，她希望造成長期有人在門口排隊。真係唔知佢咩心態，明明有位又唔俾客人坐。其間有人問可否坐下無人的位置，她望左個客一眼，無講野，叫佢繼續係門口排隊。咁既服務，加上去年大幅加價（一年內加咗兩次，蝦子雙餸撈麵由$30加至$34）。如此價錢，在深水埗區大把選擇，以後也不會來幫襯．．．．

我們一行三人行完黃金商場，買電腦配件後，肚子又餓了！ 有位朋友建議到 <維記> 食豬潤麵，可是我們覺得很 heavy 又怕肥！ 所以，走到另一間同樣在深水埗區出名的 <劉森記麵家>。我聽聞劉森記在香港是數一數二的竹昇麵家！絕對值得一試！當我們走進店子，這個日式賀年掛飾相當精緻！ 完全吸引我的視線！這裡比較轉彎的老店坐得較為舒服，沒有那麼迫夾！而且空間感充足！走廊亦幾闊落。看過餐牌後，大家都急不及待落單；其實，落單時，店員的態度沒有什麼問題！可是，當所有食物送上檯後，有位朋友發覺食物弄錯，隨即叫店員過來，有另一位女店員走到我們檯前；於是朋友說她的食物弄錯了。這位女店員即時反應：「送上檯時唔早講？！」 朋友回答：「當食物一送上檯後，那位店員便走開！當她望清楚食物弄錯時，根本無機會跟他說！」 這位女店員聽罷，態度還是麻麻地說：「轉頭換俾你！」等候食物期間，見到檯上除了調味料如鎮江浙醋、辣椒醬之外；還有以小玻璃瓶子裝著的醃白蘿蔔。 我們都沒有試過！應該是這裡的特色小食吧！蝦子水餃撈麵 $34我之所以選擇蝦子撈麵，放棄蝦子湯麵，是因為放湯後，蝦子會沉澱碗底造成浪費

今日攞咗部手提電腦去整，職員話要等最少一個鐘。咁啱肚餓，見到劉森記都幾多人排隊，我咪襯吓熱鬧排吓，唔排由始可，一排就等咗15分鐘。坐低先食了些酸蘿蔔，都幾開胃。接下來叫了碟蝦子牛根腩撈。上枱時先聞一聞，只有少許蝦子味，完全唔夠香及唔夠多(如果食過澳門六記就完全認同)。再試吓碗湯，好重蝦殼及大地魚味，但係好咸,牛根腩，炆得好淋都OK。再試麵條，煮得太淋，沒有爽口感覺。(可能今日師傅心情麻麻)麵條比麥文記差幾班。埋單$33元

和未婚妻去了買聖誕禮物，回程順便繞經深水埗，為的是要一試這裡的竹昇麵。點了兩碟蝦子牛腩牛筋撈麵，果然一試之後，看到麵家的用心，製作出不一樣的竹昇麵：* 麵：爽口彈牙，完全無梘水味，好吃！* 蝦子：佈滿全碟，令撈麵的口感更佳！* 牛腩、牛筋：肥瘦均勻，完全入味！* 青菜：兩大條在碟底，食完麵再吃菜，好好的調和食材！食時加上麵家特備的余均益辣椒醬（很少麵家已有這種辣醬供應了）和免費任取的酸蘿蔔（也是現時甚少麵家提供），味道進一步提升至更高層次，食完後，很想遲些再去吃一次！

一直都想試下呢間麵店, 咁岩兩點左右在黃金睇完野, 一於與同行朋友一齊去試下地方清潔, 不過位與位之間實在逼左d, 同隔離位食客成日手撞手明顯好唔夠侍應,得 兩位阿姐招呼成間店, 叫左好耐先落到單! 不過阿姐好好招呼我叫左個蝦子牛筋腩撈面, 好多蝦子, 好鮮的蝦子, 好好味, 牛筋腩就普通d, 味道一般, 不過成碗撈面的精髓係D 麵, 名不虛傳, 夠彈牙, 又爽口, 真係要大讚!!!!!!!!!!!!我個朋友叫左牛丸雲吞粗, 我食左一粒牛丸, 好彈牙, 好有牛味, 我個朋友都大讚!我地各人都叫左一支豆槳, 好夠豆味, 又香滑, 加上唔太甜夠晒健康!必須一提, 就係店中果樽任食酸瓜, 酸酸甜甜, 食完真係開晒胃!