劉森記麵家 (桂林街)

營業中

休息中

嗰日去高登黃金行完街，肚餓就轉彎呢條成條係食街。講真我係孤獨仔，有啲餐廳都唔係好適合我，我喺嗰條街冇乜選擇，最穩陣就食開嘅劉森記啦！題外話講下佢呢個字同我爸爸個名差唔多，當然我爸爸叫咩名你想知可以比50萬，我會講你知。我嗰日就叫左，蝦子雲吞牛筋撈。咁多間有蝦子食佢都算比得多，雲吞唔錯正宗大地魚湯底，牛筋略嫌太林，算啦可能係我要求高。諗唔到食乜食呢間總冇錯，佢哋嘅侍應，連埋老闆娘都係有少少串，冇辦法啦呢啲區分大家就一就。

帶台灣朋友來試試地道的蝦子撈麵星期六午飯時間稍微要等一會不過也很快有位了我從小到大都很喜歡吃雲吞麵，因為很喜歡生麵的口感，夠爽口這次來的劉森記，有名的是蝦子撈麵，那我就點了一個雲吞蝦子撈麵等待麵食的期間，當然要吃些開胃小食劉森記除了蝦子撈麵有名以外，免費供應的甜酸蘿蔔也超有名我都覺得是全店最好吃的了（笑）每次來我一個人也能吃掉半瓶，哈哈這是在我吃掉半瓶後refill 的主食來了，超多蝦子後面還有雲吞湯台灣朋友也表示好好吃

劉森記係深水埗都幾出名，主打自家製竹昇麵，係同事嘅介紹下就慕名去試下！😊枱面有一樽自製嘅醃蘿蔔，醃得非常入味！酸酸甜甜又爽脆，好醒胃！作為餐前小食係最適合不過，仲可以任食添👍🏻👍🏻雖然佢餐牌有好多款餸菜配搭，但其實我地可以自由配搭，一餸$40，雙拼$46，三拼$52蝦子水餃牛丸撈麵 $52好多蝦子呀！！滿滿嘅蝦子同竹昇麵味道好夾！大大提升左麵嘅口感同香味，不過就咁食有啲乾身，建議自己加啲湯落去撈下咁就perfect~🥰自家製水餃都好好食，皮薄餡多，我特別中意佢係豬肉餃入面加左黑木耳絲，豐富左水餃嘅口感，味道又好！😋😋至於牛丸就正正常常，都算彈牙～總結，醃蘿蔔、蝦子和水餃係必試！！我會再來食架😚😚

劉森記好早之前已經想試，咁啱同朋友經過附近就入去試下，一坐低，每張檯都放有一瓶酸蘿蔔，蘿蔔腌得好好食，又脆又開胃，呢度出名既係蝦子撈麵，所以同朋友分別叫左牛筋腩同埋雲吞既蝦子撈麵黎試，牛筋腩入味夠淋，麵質亦好爽，加埋蝦子，唔錯，朋友既雲吞蝦子撈麵，雲吞同埋撈麵係分開，雲吞有3粒，唔算大粒，但味道都可以，整體上牛筋腩就好似性價比較高，但因為唔多唔少會有上少腩汁，所以有些許過鹹，但整體兩個都唔錯，值得再試。

又係深水埗啊，因為深水埗多野食囉，今次嚟整返個late breakfast ，賣蝦子賣到岀曬名既劉森記食碗麵嚟講，對比旁邊既麵檔佢唔算平，但佢有既係”真”蝦子，整返碗雲吞蝦子河嘆下先，而我朋友就叫左個撈。麵未呢食返個酸蘿蔔開下胃先，呢個係好x好食！又爽又開胃，仲係任食唔嬲其實真係好多蝦子嫁，怪我心急又肚餓一野撈散曬，正因有蝦子，所以個湯都好鮮味，但少左d,比河粉索曬d湯。雲吞有5粒咁多嫁，而且粒粒都皮薄多汁，蝦就唔洗講野啦，人地賣蝦子，d雲吞就緊係正啦。個撈麵就乾身d，因為蝦子本身咸，唔洗加d咩蠔油醋等既調味料，就咁撈埋已經好好味。

次次都揀蝦籽撈麵，麵質彈牙。蝦籽多到呢，啖啖都充滿蝦籽嘅香味。佢每枱都供應一大樽酸蘿蔔，超好味，有時同朋友去呢，可以食佢大半樽😆最正係仲可以配樽裝汽水，成個餐都充滿懷舊風味。呢間麵店，每幾個月就要去幫襯，香港地唔容易搵到啲價錢大眾化而又足料好味嘅蝦籽麵。無辦法，一出名就大多數喺旅遊區開舖，食碗麵有一半價錢都係幫店主交租。好彩喺深水埗仲可以搵到。

假日跟家人一起來到了這家經想很多人來的中式麵食餐廳。這裡的麵食都很有質素，定價可以，因為每款食物的份量也很足夠。我點了京都炸醬麵，麵質很爽口，很彈牙，很煙韌。而且醬料中的肉絲還很軟熟，很美味。另外點了蝦子撈麵，配了雙拼墨魚丸和水餃。蝦子撈麵的份量一樣多，蝦子粉的份量下的剛剛足夠，墨丸有2粒和水餃有3隻，也不錯。小吃點了細的豬手，總過有6隻。每一隻也很大，煮得很軟熟，滷水味也餣得很足夠，味道調得很不錯！

深水埗有好多好野食，其中見到有一間食評幾高分，所以到lee間試下。賣蝦子撈麵麵家而家越來越少，見到menu有黑牛栢葉蝦子撈麵即叫，嚟到面前賣相都好吸引，麵上有好多蝦子粒密密麻麻，啲麵有質感。黑牛栢葉好好爽係我必食推介，啲麵好有質感，小店仲有懷久酸羅白，啱晒我哋D師奶仔，好好味

劉森記麵家曾經是香港首屈一指的麵家曾經⋯⋯可是店家現在已經退步太厲害就連麵都還没有淥熟透就上枱重申一次麵條彈牙和未熟，是兩種完全不同的情況彈牙，是麵條爽，咬下去有種Q彈的感覺未熟，是麵條外腍內硬，外面熟，麵芯未熟吃未熟嘅麵條，是十分痛苦的一口咬下去，又硬又實，完全是貼錢買難受的感覺湯頭還可以，帶一點點甜味，可惜不夠熱，常言道，湯不燙口那叫湯雲吞，是比標準雲吞偏小的，餡料不夠，做不了金魚頭，雲吞皮不夠薄，亦做不了金魚尾，這雲吞是不合格的

今日同朋友出開深水埗聽Talk，深水埗黃金果頭出左名多野食，所以專登同朋友行過黎食好西。行過劉森記，記得之前係電視睇過佢地整竹升面好出名，好有特色，所以就同朋友入左去食喇。入到去見到佢Menu好多都係有蝦子既面，所以我地都試左有蝦子既面。因為好肚餓既關係，所以叫左個蝦子雲吞河粉，諗住飽肚D。等左一陣碗河粉就黎到，蝦子既味再加上上韭黃既香，真係好正。將D蝦子撈渾，食D河粉落口真係淡淡香。另外，D雲吞主要係用菜同竹生制成，都幾好食。總結，蝦子將碗面昇華晒，真係超好食，令人會再番轉頭試!

雲吞麵係好傳统嘅港人美食，但好唔好食就真係要些功夫了，這碗雲吞麵， 鹼水味晤重，而且湯底有豬骨香甜，仲有九黃係湯底，麵質都晤錯，入口夠爽口！雖然雲吞較為细粒，但入口蝦肉及豬肉比例刚刚好！蝦籽味好夠鹹香，確實可提升食材香味！

呢度既蝦子麵出名好耐 今日黎到都幾乎滿座 我叫左個牛筋腩蝦子撈麵蝦子真係好多下 鋪滿左個麵食落香得黎都食得出蝦子既鮮味牛筋睇顏色都知好入味 而且炆得好淋係我最鍾意既牛筋口感座落係深水埗 價錢當然好親民 不妨試試

岩岩約左個客傾完張單，見o係開深水埗附近，一於去劉森記朝聖一下先，果然無令我失望，水準都仲一如繼往地好食。我和同事分別叫左「鮮蝦雲吞蝦籽撈麵」、「薑蔥牛栢葉雲吞蝦籽撈麵」、加多一碟「蠔油菜心」先係功德完滿丫麻。蝦籽麵 - 仍然 KEEP 到水準，唔會太林，非常爽口彈牙，亦無皂水味。蝦籽 - 鋪到滿滿的、金黃的、就好似遍地黃金一樣，入口咀嚼好像爆炸糖一樣帶驚喜的。鮮蝦雲吞 - 好足料，每粒雲吞內都包含著大約有2-3隻新鮮大蝦、新鮮手打亦豬肉肥瘦適中，很有咬口薑蔥牛栢葉 - 牛栢葉非常入味，而且口感很爽彈，薑蔥份量很不吝啬，單是色澤夠晒翠綠，已經知道很新鮮了。蠔油菜心 - 菜心 烚得剛剛好，唔會過了火而太林，而且非常鮮甜，不過首先要夠新鮮才是重點。依家好日都唔落一次深水埗，呢份味道真心令我喲回憶番晒黎呀.........

去深水埗唔係食車仔面就係沾面，有時心血來潮會想試一d懷舊既味道。劉森記係深水埗都幾出名，40幾50就食到一大碟既蝦子面。宜家香港可以搵到蝦子面地方買少見少，而識欣賞呢門手藝既人亦愈黎愈少。叫了一個牛肉撈蝦子面+鮮蝦雲吞。鮮蝦雲吞入面蝦肉好多好結實，啖啖蝦肉同豬肉，真材實料，而個湯底唔會求其係大地魚煲既濃郁魚味。而主角蝦子面既蝦子粉落得相當大方，鋪面好震撼！而蛋面有彈牙既質地偏硬，正中我口味。牛肉都滑口唔伏。個配角酸蘿蔔，酸甜得宜有帶點微辣勁，好正，跟面食好開胃。

雲吞麵一直都係香港人嘅 comefort food ，晚飯時間路過見人不多，二話不說坐低整返碗先。～ 鮮蝦雲吞麵先呷一口湯頭，熱辣辣，滿口濃郁的大地魚味道再加上韮黃嘅清香、兩者加起來濃而不俗，合格。竹升麵底係傳統銀絲幼麵，打麵梘水份量拿捏準，入口爽滑有淡淡鴨蛋幽香。雲吞保留傳統做法、餡料有肥豬肉，好！～ 蝦子牛腩牛筋撈麵牛腩牛筋非常腍滑夠入味，蝦子份量不少、不過香味缺、這是食材問題非戰之罪要體諒。麵條用豬油撈過，富有嚼勁，好！～ 菜心（腩汁）合格支持小店！