劉森記麵家 (桂林街)

營業中

休息中

同成班同事去食，要等大枱，如果唔係咁多人，其實好快有得入既，TURNOVER都快。坐底其實就已經有野食因為每張枱都有一樽酸蘿蔔任食唔嬲，哈哈！好開胃，酸味味，係傳統鋪頭先會有既野，正！落左單無耐，Ｄ野食都好快上枱嚕！！嗌左至有名既蝦子！蝦子牛腩牛筋撈粗（＄４４）食蝦子就梗係要食撈，其實如果食湯既，咪唔見唒Ｄ蝦子囉？？！蝦子係好香好味既，牛腩牛筋個味都好，不過唔知點解佢切到好薄片，碎濕濕咁。。之前都食過佢Ｄ雲吞嫁喇！好足料嫁！一隻雲吞入面有２－３隻蝦！！真係心心眼另外，發現撈面好似大碗過湯面，其實價錢都貴Ｄ既。不過食湯面既同事好似唔係好夠飽，我個碟撈粗同同事SHARE，２個都已經FULL唒了～～

說來慚愧，成日約朋友食飯都係諗有咩新餐廳，好少會想起香港地道老店，作為土生土長的香港人，反而忽略同忘記左由細食到大嘅道。講起蝦子撈麵都唔知幾耐冇食，今次有親戚黎香港先記起可以帶佢地試試香港老店美食。過左食飯時間去劉森記一樣坐滿人，今次點左雲吞以及牛腩牛筋兩款蝦子撈麵。師傅落蝦子真係完全唔手軟，舖到滿一滿！雖然唔知係咪仲以竹昇手擀方式製麵，但麵入口夠爽而且冇鹼水味，撈埋蝦子食好甘香，老字號招牌果然係名不虛傳！雲吞餡好味，鮮蝦爽口豬肉唔肥膩，食完都仲有少少意猶未盡；牛腩同牛筋煮到好軟滑好入味，不過我稍為覺得咸左少少，但配埋蝦子麵食都可以接受。香港老字號買少見少，有時呢D地道嘅香港人口味，真係幾多間過江龍食店都比唔上！

今日同長老行深水埗，佢話有間麵檔好好味。去到一望，劉森記！好出名的，（其實未試過）排左大約十分鐘就有位了，要拼枱。只記得蝦籽出名，所以我叫左：雲吞河加蝦籽。$38蝦籽的份量超多，河粉不太滑，雲吞是放在河粉底的，雲吞皮太厚，整體唔特別，湯底好淡。之後想起劉森記最出名是蝦籽加（竹昇）麵。我應該叫蝦籽及麵呢！長老叫：蝦籽豬手河$38一碗只得兩舊豬手，好像太少吧！長老講上次好像比今次多的。長老愛吃清淡一點的，所以佢覺得整體只是少少淡。而她覺得豬手炆到好腍呢。

叫了一客雲吞蝦籽撈麵，一上枱覺得很份量十足，食落才發現下面有白灼菜心墊底，幸好我喜歡食菜，不然應該會很失望？非常欣賞蝦籽俾得非常大方，鹹香蝦籽味重，雖未到頂級但已合格有餘。鴨蛋麵冇鹼水味，夠爽口，但略欠蛋香，以撈麵來講醬油和油調味不足以至太乾，吞嚥上來有點困難，幸好有雲吞湯可以濕下口。雲吞細細粒，味道普普通通，我覺得東東的蝦子鮮蝦雲吞皇更好食…枱面有醃蘿蔔粒可以任意取用，蘿蔔粒爽脆，酸味夠但略甜，如果可以減一點甜度就是更出色的開胃菜。總的來講可以一試但未必會encore，但都是好食過澳門。

劉森記開了分店, 但我一直還是喜愛去舊舖食~晚上人多, 一人食是必要搭枱, 點了個蝦子炸醬撈麵, 因為覺得蝦子配上湯會溝淡了蝦子味道~這配搭不錯, 酸甜炸醬配上咸香的蝦子, 開胃又惹味蝦子份量多, 足以食住每口都有滿滿的香氣 (唔係腥氣~)炸醬則不過不失, 就是一般麵店的風味。講到麵, 就是一絕, 沒有其他麵店的梘水味, 又唔會過稔,彈牙爽口真係好正!!!配以枱上長年放着的酸蘿蔔, 吃着就是一種享受~~~

香港所說的水餃，不是台灣的水餃🥟皮薄透，比雲吞大，是很像雲吞的食物🤔劉森記位於深水埗，小小懷舊的港式店面，坐下點完餐後有開胃菜，罐裝醃蘿蔔！酸酸甜甜，吃了就餓了呀！這次點了：🦐鮮蝦雲吞水餃雙拼湯麵🥟水餃撈麵雲吞用料很足，是整隻蝦子！🦐滿滿的蝦味在口中擴散🤤再試試水餃，除了有兩隻蝦子🦐🦐！多加了筍絲跟黑木耳爽脆口感😍吃起來很爽口、非常好吃😋而且麵是竹昇麵，口感很特別，而且很香！吃完有齒頰留香的感覺！湯頭也很香甜濃郁🤤不小心喝完整碗湯了！#劉森記 #雲吞麵 #水餃 #港式水餃 #深水埗 #深水埗美食

以前每次去深水埗高登或黃金，總會忍不住口幫襯「劉森記」。隨着年紀大了，對電腦的興趣逐漸減退，亦已經由遊戲工具變成工作上的工具。去深水埗的誘因少了，幫襯「劉森記」的機會相對也少了；難得今晚約了朋友在深水埗食飯，雖然已經是下午六點，也忍不住來一個下午茶小食。由於個人的執迷不悔，鍾情老店多于分店（總是認為所有餐廳食肆的老店質素較有保證），今晚同樣揀了老店。甫在店內坐下，才驚醒原來從沒有記下一篇「劉森記」食評，就趁今晚完成這一個任務。「劉森記」開業已有60年，這間老店是否真是發蹟老舗筆者無知、也沒有求證；不過就肯定最少有20多年沒有重新裝修。非常街坊、地踎港式粉麵店格局：鋪頭面積細小、只有五六張小圓枱，甚至沒有多餘空間將淥麵檔口安排在面向大街的當眼位置以招徠客人，小小的淥麵廚房只瑟縮在小店一角，完全唔起眼，未能達到港式粥麵店（入了地鋪）的標準設計要求。雖然如此，小店仍然受到蔡瀾先生及美國知名美食家/飲食節目達人 Anthony Michael Bourdain 青睐。據說，在1950、60年代，港式粉麵店仍然是街邊大牌檔的那些年，部份麵檔會自家醃漬泡菜作為佐口小吃，直到今時今日，只有少數老店能

係OpenRice見到呢間野好評如潮，放工就去買左碗雲吞麵返屋企食。湯底冇味（唔識落鹽）麵嘅質地 （好L難食，勁淋，15蚊一碗個d雲吞麵都好食過佢n倍雲吞 （細細隻都係冇咩味架la)建議大家如果太多錢都係捐左佢，唔好買呢間雲吞麵，因為你會好後悔用33蚊買左碗垃圾。完

絕對唔係誇張，每次只要去深水埗，就一定會特登去食佢哋嘅蝦子撈麵。佢哋最出名嘅竹升麵真係會食上癮。如果係選擇薑蔥撈麵，佢哋啲薑蔥真係多到成座小山咁！分量又多大大碟。分量對我來講會係比較多，不過實在太好食，每次都可以食晒 😂同埋啲湯好鮮甜，好香蝦嘅鮮味。

平日去開深水埗，唔係食豬潤米就係咖央西多😋。琴日响黃金等友人時無野做，即管睇下有咩其他野揀啦。睇睇下有間劉森記，一抬頭就見到就响面前。一click入去睇，有醃蘿白! 姐係逼我入去姐😂認真，要撈勻真係唔容易，落湯又怕啲蝦子痴唔住🌚，黑百頁一般，叫做好少有黑百頁食。叫完撈麵係時候食正餐…唔係，係配菜😂酸酸辣辣勁正👍好入味，唔食辣既我都refill左一次😋😋可惜食果時未有鵝腸，下次有機會再試。唔知係咪附近有分店，人多但都唔洗等。

一個麻甩佬行深水埗,當然要食下呢度的地道小店啦,體驗一下地區的人情味今次幫襯劉森記,見好多人都推介招牌雲吞撈麵醃蘿蔔, 唔洗錢的, 作為前菜無咩期待,點知有驚喜!! 酸酸甜甜真係好開胃簡直食到停唔到口雲吞粒粒都好足料又夠晒大粒,而且足足有五粒, 真係好抵食湯底配上韭黃, 香噴噴撈麵好爽口好彈牙好煙韌, 夠晒入味,掛住食, 唔記得影相添見到隔離幾檯, 有幾個食客都係講英文/普通話,應該係遊客, 應該係專程來食吧一支公食唔到太多野, 下次再黎幫襯吧

今晚出開深水埗買harddisk,買完就緊係去搵食。其實深水埗都有好多好好味餐廳，但係懶得搵ge情況下，就走左去一定唔會中伏ge劉森記。由於係平日夜晚，所以唔駛等位就可以直入。本身想食牛腩牛筋，不過店員表示已經沽清左，咁今次就嗌左蝦子黑柏葉撈麵。第一次試黑栢葉，好爽口，份量都算多，同蝦子麵好夾，下次可以再食招牌雲吞撈麵每次黎都會揀雲吞撈麵，由於今次想食蠔油撈所以就放棄左蝦子。雲吞大大粒，蠔油撈麵好入味，好滿足。

喺附近上堂,落堂後見有時間就去試試,由於第一次幫襯,所以叫左蝦子雲吞牛腩牛筋撈麵,可以一次過試3樣招牌嘢，蝦子份量都幾多,不過蝦子香味普通,麵好彈好爽好煙韌,雲吞餡係蝦肉加豬肉,但比例均勻,皮薄,唔錯,牛腩牛筋炆得好冧,好入味,牛筋有入口溶化的感覺,好膠質,正,腩汁味道不錯,與撈麵非常合配,整體上食品都是不錯,下次有機會的話,等我試下南乳豬手,黑栢葉,炆冬菇先因為得一個人食,始於都叫唔到太多嘢食，唯有分幾次去試

夜晚同朋友心血來潮去深水埗搵食，本想去食車仔麵，但路經見到劉森記，同行友人又話此麵店頗有名氣，所以即時轉陣去試下蝦子撈麵傳統麵店，舖頭細細但勝在乾淨企理，坐得舒服。醃蘿蔔有驚喜！每枱都有一大瓶給客人免費任意添食～ 醃蘿蔔爽口，酸酸甜甜令人好開胃，簡直食到停不了口食緊醃蘿蔔之際，主角蝦子撈麵好快就出場。老闆一啲都唔吝嗇，好多蝦子呀～ 麵條煙韌彈牙又不會太難咬鵝腸爽口加埋薑蔥同辣椒豉油，超正！略嫌黑柏葉較硬較難咬。接著雲吞炸醬撈麵都上枱，雖然炸醬賣相一般，但好好味！最最最出色係碗雲吞湯底夠味配上韭黃，超香～ 雲吞足料，每粒都有兩三隻蝦要再去encore

假期回來，到深水埗辦事，經過這間老字號麵店，當然要懷舊下啦！平民化店舖，無特別裝潢，十年如一日沒有改變。餐牌簡簡單單冇花巧， 一目了然+7元有飲品每枱都有自家醃製酸蘿蔔，味道不會太酸，啱我口味招牌雲吞竹昇麵，口感跟普通麵餅分別不大，沒有特別爽滑感覺，而且湯底好淡， 跟以前食過的味道完全不同。雲吞 size 縮了水，幸好仍然皮薄蝦新鮮今次食完，恐怕日後都唔會再來，水準每況愈下，可惜！！