劉森記麵家 (桂林街)

營業中

休息中

之前試過特登去搵,但搵唔到食唔成,昨日終於一試,叫左水餃雲吞麵,加一碟生菜!真係唔錯,我好鍾意水餃,蝦肉夠彈牙,d麵又爽,仲有d雲耳咁,食完好滿足呢!雖然有人覺得可能豬肉份量少唔正宗,不過個人口味,我反而鍾意大大隻蝦,一定會再去!

同男友係深水步買完料，尚未到12點開鋪時間，於是去黃金行左一個圈。叫左蝦籽撈麵﹑黑栢葉薑蔥撈麵和可樂。蝦籽撈麵可能太齋，好似食緊淨麵，建議叫多一樣餸。黑栢葉就非常爽口彈牙，原來黑色先係原色。

路經深水埗，為食的我忍不住買了個蝦籽撈麵行街。相隔一小時才吃，麵依然爽，沒有鹼水味。蝦籽很多，很香，但整個麵味道十分淡，可能因為今天我的舌頭出了問題?奇怪。

早幾晚忽然想食蝦籽撈麵，便決定來這裡。我們叫了雲吞冬菇麵和雲吞蝦籽撈麵。雲吞- 比較上大隻，唔得正宗，餡內只有蝦肉和豬肉，但總好過只得蝦肉的；蝦肉算新鮮，豬肉偏硬，皮唔會太厚，味道不過不失，唔算太出色。冬菇- 煮得幾腍，味道也幾好。雲吞蝦籽撈麵- 蝦籽很多，也很有蝦籽的香味，但蝦籽偏鹹，麵質幾好，彈牙爽口，又很有蛋香味；最可惜是鹼水味太重，食完後又非常口喝，相信係蝦籽影響了吧。

呢日珍妮絲與亞媽,細佬,同舅父去開呢頭,舅父帶我地去左呢間舖度食去到舖外面,都見到好多關於佢的報導,但我地都要等一陣先至入到去,入面得七張枱,所以都係快食快走個種推介手打竹昇面,未經漂染的牛栢葉,薑蔥牛栢葉米-- 牛栢葉唔似一般咁淋,好爽,最好的係佢切到剛好一口便可以食到,平時食那種都切到好闊,佢就只有1cm咁濶,所以特別容易入口,而同佢唔係白色個種經漂過的,而係黑色個種,湯底都好好味水餃面-- 水餃入面有蝦,筍同埋俾我發現有蝦子,都好大粒,d面質地好爽,而且d面係有些扭紋的,唔係我地平時見個種架薑蔥牛肉面-- 牛肉唔係太淋見到人地食黑椒牛丸,佢係手打架,,,服務態度都唔錯

(12/10)是夜想起了這店，便獨個兒再嘗那蝦子撈麵、淨水餃，是夜八時多，客人數目也不少，殷勤服務繼續提供。前菜的沙葛、青紅辣椒是少不了，沙角是潮州粉果裡的必要之選，記得曾在鄉間挖沙角，將新鮮的沙角於厚厚的泥土上拔起，原隻肥厚，是許多農民的糧食。吃一口醃製的沙角，爽口清甜，而青紅椒是頗美味，保留辣椒籽辛辣的味道，亦有醃製的甜味，濃厚味道的前菜。蝦籽撈麵分量十足，每吃一口的撈麵，整口也沾上了不少蝦籽，絕不吝嗇，蝦籽的鹹香味道是充滿，不過可能蝦籽是較多的關係，要絕對伴勻才可，否則有少許灼口。麵質是好，吃一口的麵是彈牙爽口非常，有適量的梘水味道，伴勻了過後，再加入少許美味的辣椒油，是一碟不錯的蝦籽撈麵。剩水餃湯上時，五隻水餃均飽滿結實，晶瑩剔透，看見每一隻裡面的餡料，有竹筍絲、木耳絲、豬肉碎、大約是一隻半的蝦肉，用料的比例剛好，沒有過多的豬肉。蝦肉是爽口鮮甜，其他配料是新鮮，並沒有酸、霉的味道，滲出鮮味，層次分明，水準依然，值得一試。層層遞進的美味層次，有辣味、甜味、鹹味、濃味、達致鮮味，似是五個樂章交響曲的協奏旋律，令人樂在其中。

其實我已經放棄找尋更好的水餃,因為這裡的水餃已經可以滿足我的要求,所以每次都叫.它的哂士夠大,料又足;虾有一隻或兩隻,通常有尾指般大,又新鮮,從來沒有霉或有沙,竹筍絲,木耳絲,豬肉碎(手切)和大地魚落到足,味道鮮和香,從無失手.品質來講,好過其他名店,在舖內食麵,常常見到老闆娘或少東親手包雲吞和水餃,永不假手他人.所以出品質素稳定.假如叫雙併,撈麵只加四元,有三隻,如叫生水餃,三十六元一打.你話邊樣抵?

二人行一日後,到最後,都係番回半個主場-深水步開餐,在新貴記,萬發兩者之間猶疑,到最後,一個屈尾十去劉森記.已有一段時間無去.忽然對她的水餃,甚為惦念.劉森記從來係水餃好過雲吞,沙葛好過油菜.大碌竹壓麵,全港無幾間,呢間尚是殘存之其中之一.友人要個蝦子撈麵,我簡單一點,薑荵撈麵,但要落重豬油.撈麵唔加豬油,等如太監一樣.此店的大碌竹麵,依然保持其爽勁彈牙少鹼水味的高水準,辛辣的薑荵,配上豬油,實在妙絕.可惜薑荵份量不多,此味我係可當前菜般吃.加點豉油已吃得不亦樂乎.招牌水餃大大隻,蝦肉既甜,餡料的豬肉,切碎的雲耳,加添爽脆口感,友人吃罷大叫好.經過下午企鵝式人流穿梭,機械式Window shopping後,周日尾聲,逼得剩下半條人命,吃罷此餐,突然醒晒,仲好過飲紅牛.送你一對翼也可能折翼.Girls & Boys - BlurStreet's like a jungle So call the police Following the herd Down to Greece On holiday .......

去左好多次深水步都冇試過，今次經過決定一試，去到先知蔡瀾都去過。今次食左個薑蔥黑柏葉撈麵同油菜，幾好味。黑柏葉夠爽，加埋辣椒豉油同薑蔥食就好好食。個麵底都幾好食，冇鹼水味，冇鹼水味既撈麵好食好多，平時我都唔太鐘意食麵，劉森記既麵就值得食多次。服務方面，d阿姐都幾好人。而價錢方面同其他麵店差唔多，一般黎講撈麵都要廿幾蚊。但好食得黎又唔係貴過其他鋪黎講，劉森記可以算叫做抵食啦。

昨晚陪男朋友到深水埗買料砌電腦,很久沒幫襯過了,所以順道在此享用晚餐。1. 水餃蝦子撈2. 雲吞水餃麵加菜水餃- 每一口都充滿木耳絲和蝦肉,調味剛好雲吞- 雲吞內全都是鮮蝦肉,鮮味十足,但個人還是喜歡多一點豬肉的傳統雲吞麵質爽口彈牙,沒有鹼水味,而蝦子撈麵加上老抽調味,配合香脆的蝦子,簡直是天作之合!

要去黃金買咪.開頭以為劉森記在街尾,但行去黃金時,卻經過見到,就想,'不如食完先入去行'...剛好六點鐘,唔多人.入到去叫左個蝦籽撈麵,蝦籽夠多,灑滿在麵上面,鹹香,麵冇鹼水味,爽口,都有咬口,麵上的油都帶出香味.蝦籽撈麵附上了一條菜心,菜心冇渣...上湯清甜...服務方面,呀姐好禮貌,走的時候,除左多謝之外,仲會同客人拜拜,有種親切感...個人認為,小店的店員唔係好似大集團咁有套規則規定,都對客人有禮貌,確實值得一讚...反而有好多大集團的店員卻做唔到有禮貌呢一點...

因為老公屋企無飯開我們相約去見見面醫醫肚因為我要shoping要佢等左好耐, 對吾住!!我提議食下劉森記we try1. 蝦子麵2. 鵝腸米粉3. 樽樽汽水老公可能太肚餓連我的麵都食埋佢飽到個肚子吾舒服了overall, 抵食, 又快又好

始終係九龍區數一數二嘅麵鋪...牛腩香且腍，不過份地濃；水餃依然係最好--- 木耳及筍絲份量足，蝦夠鮮；麵若果能夠更爽就更完美。滿足...

今日同朋友仔去左呢間食, 我點左水餃雲吞麵, 朋友點左雲呑炸醬撈麵, 叫埋油菜, 埋單$54, 都ok.我覺得麵質不錯, 很爽口, 沒有什麼鹼水味, 我覺得好味呀. 不過我覺得d雲呑就一般, 水餃好似有d怪怪地的味道, 撈麵唔會好大份量, size 中等, 朋友話炸醬係甜的.服務也不錯呀.值得再試.

見到咁多網友都讚好今日終於去試了~水餃蝦子撈麵水餃不錯~麵好彈牙,平時不吃幼麵的我都覺得好吃~不過$26 就略貴阿姐服務好好~今時今日要有咁既服務至得架嘛!!