劉森記麵家 (桂林街)

營業中

休息中

無乜胃口下只想食一碗湯粉.試了黑椒牛丸河.只有三粒黑椒牛丸, 每粒中間了一下, 幾大粒, 彈牙爽口, 但牛味和黑椒味唔算重.河粉嫩滑, 有韮黃和葱粒伴吃增清爽.

到黃金買Mouse, 順便試試劉森記.下午2時多, 要等位.點了煆子撈麵. 麵質一流, 非常彈力乾身. 煆子也不少. 十個正!跟的湯, 唔知關唔關天氣事, 飲幾啖己經好口乾.下次要再試下其他, 服務不錯.

兩人叫了淨雲吞及蝦子撈麵, 雲吞爽香, 正! 必試! 蝦子撈麵都唔係禁好食遮, 麵無香味, 可以不試.

是日端午節, 唔去睇龍舟, 去食劉森記. 大約2 pm 去到, 鋪內坐滿客人, 剛好有一枱客結賬, 我們兩口子便坐下來. 來到劉森記, 必吃蝦子撈麵, 而我也欣賞這裡的鵝腸夠爽, 便叫了蝦子撈麵加鵝腸, 另加油菜一蝶. 麵質仍是一樣有咬口, 加上蝦子, 實在太好吃了.圖中蝦子撈麵加鵝腸$28, 油菜$9

十分同意samurai,食過幾次劉森記嘅蝦籽撈麵,豬手,牛筋,水餃,又推介比家人及朋友去試,個個都有讚冇彈,你自己都話"麪彈牙；豬手有咬口，雲吞內鮮蝦爽口大隻，牛筋、牛腩、黑栢葉都標準地得，但實無個人出色之處。其實整體質素都好高，怪不得其門如市，但論環境與價錢，欲不會吸引我和女朋友再去",真係好矛盾喎!

當你見到年紀老邁的東主劉森伯伯汗流浹背的在每天四時至五時把他用心血打出來的麵推來鋪面時的一臉驕傲,你便會覺得所付出的金錢是物有所值的了.再有老闆娘堅持要自己包雲吞,水餃,從不容許別人代勞,本人更無意中發現她的工作枱邊一片雲吞皮上有一些黑色的污物,細心觀察,原來她要看清楚饀料中的蝦,如有黑腸未清,便把它挑出,如此小心,難怪她要親力親為,保証產品的質素.慢工出細貨,你說是不是物有所值?客人便可以放心,不怕吃到鯹臭的蝦腸了.

有晚星期六無團契，同女朋友企係商場諗去邊，結果女朋友想起這間好多好評，於是兩口子出了深水埔。我們貪婪的叫了一碗雲吞麪、一個豬手撈和一個牛筋牛腩黑栢葉凈食。先講它的招牌麪，還是有食得出的鹼水味，但都算是彈牙；豬手有咬口，雲吞內鮮蝦爽口大隻，牛筋、牛腩、黑栢葉都標準地得，但實無個人出色之處。其實整體質素都好高，怪不得其門如市，但論環境與價錢，欲不會吸引我和女朋友再去，女朋友亦笑言後悔出來，因我那晚到黃金買了個新mon。

蝦籽撈麵好正，估唔到咁多蝦籽~最估唔到係碟芥蘭都正到爆！係勁粗勁大棵，但係唔單止一d都唔苦，仲要係好甜！又唔會好似其他舖咁落一大pat好咸的蠔油俾你~ 正！

一客蝦籽撈扣底，要有咁多扣咁多，志不在飽。看著阿姐在爐旁，煮麵、過冷河、篩水、上色、加油、淋蝦籽，動作repeat又repeat，第一次看得過癮、第二次才發現是先加油後上色、第三次．．．望著阿姐重覆著的動作，又上了半堂撈麵課。極級「頂胃」的竹昇麵，又乾又爽，撈時手感極佳，豉油不太鹹，蝦籽量與味俱豐，口感粗獷吃得過癮，結果又如佳記的竹昇麵般，扣了底的半客亦吃不完．．．

日常幫襯時叫至愛的雙拼撈麵；水餃牛腩撈都有三隻水餃，習以為常，但撞啱太子爺阿昌手痕落手煮麵時水餃便只有兩隻，本來加一樣餸要加四蚊，平常有三隻水餃甚抵食，因為買一打生水餃要三十多元，但無端少一隻便覺得唔抵了，因為老板娘和其他阿姐都不是這樣的．昨天不慎沒看清楚，不然便會向後轉，改天再來．

5.19 (sat) late lunch黎到ssp, 朋友點都要黎呢間, 因為佢話d麵好得, 兩點幾等左一陣叫左牛腩牛筋炸醬撈麵, 炸醬有d辣, 但唔食得辣都可以接受到o既, 味道ok! 牛腩牛筋幾好味, 但比較細舊, 太散. 麵冇"挸"水味, 好少地方可以做到咁啦試左朋友個鵝腸, 脆脆地, 口感ok食完先記得自己暫時係唔可以食牛e_e見好多人order水餃, 又超大隻, 好返都想試下!service幾好, 雖然坐得唔太舒服, 但老闆娘幾細心, 見我睇menu睇得咁辛苦就主動俾另外一個我睇, 同埋都幾老實兩"送"撈麵$28有d貴囉

呢日同同事去明愛醫院做o野, 我指定要去呢度食蝦子撈麵, 見到人o地d雲吞好似好正, 於是叫咗雲吞蝦子撈麵. 果然無叫錯, 雲吞好好味, 成隻蝦o係入面之餘仲有濃濃o既大地魚香, 正! 講番主角蝦子撈麵, 個麵真係好爽同有蛋香喎, 加埋d炒咗o既蝦子... I will be back!

叫了黑栢葉河, 附送豉油一碗(如加些辣椒更惹味).黑栢葉爽口但份量唔算多, 河粉幼滑.

去到深水涉,一眼就見到劉森記,咁出名,梗要去食0下啦雲吞鵝腸撈麵--雲吞入面d蝦好爽,不過我最欣賞都係個鵝腸,好脆口呀,麵都唔錯牛腩牛柏葉撈麵--牛腩好入味,牛柏葉我就覺得硬身d d,不過都唔錯,男友仔都讚好不過呢度真係好迫,同埋上菜時間都頗慢

同女友食晏，來來去去都係果幾間，於是特登走出深水步同佢睇下有咩餐廳未試過。行行下去到劉森記附近，見佢出面貼晒O的雜誌介紹，就入去試下。入去到，細細間麵店坐到爆晒，我地都要搭檯坐，不過黎得呢o的地方食唔要求得咁多。我地叫左三樣野，包括豬手撈、薑荵牛肉麵同淨雲吞。先係我既豬手撈，豬手入味，有咬口，good！麵質亦都好好，爽口彈牙冇咩鹼水味，加埋豬手汁，絕對係美味。女友既牛肉麵亦唔錯，牛肉軟滑，麵質唔駛講。至於雲吞，中規中矩，好味，但唔係好突出。食飽飽，都係幾十蚊找數，平有平食貴有貴食，有時周圍搵下o的又平又抵既野食，都係種生活情趣。我諗我會再幫趁呢間野，試下佢既蝦子麵係唔係真係咁正。