劉一手重慶火鍋 (又一城)

營業中

休息中

都好耐冇喺中午打邊爐，知道呢間係新開張嘅分店，原來之前係其他地方嘅分店都已經結業，聽講換咗背後嘅管理人員，所以裝修格調都提升左，喺又一城呢個咁高級嘅商場。午市套餐都有唔同嘅選擇，傳統重慶火鍋或者日式壽喜燒都係$228，唔打邊爐仲可以選擇一啲午市套餐。因為太太唔食得辣椒，所以嗌咗兩個唔辣嘅鴛鴦鍋。佢哋將所有醬料都放喺枱上，而佢哋嘅麻油係獨立密封罐封住，真係幾香。食物擺設得好精美，食在睇落都幾高級，牛小排脂肪分布平均，唔會太肥，主內少少亦都唔會老，好有牛肉味。鹿兒島黑毛豬五花腩，肥脂有陳陳甘香，肉質有少少彈牙，質素10分高。雞肉同豬頸肉都有水準。烏冬同紅薯粉高水平。蔬菜豆腐拼盤上面兩款蔬菜都好新鮮，食落爽甜。

我個午餐好豐富， lunch就已經去打邊爐啦😹😹•去左劉一手重慶火鍋食，全新裝修，座位寬闊，午市套餐兩人起就可以叫，叫完餐佢就會上頭盤，配有沙律🥗特色涼菜同埋迷你刺身丼🍣，轉眼間已經成枱都係野🤣•湯底揀咗鴛鴦鍋，當然要食招牌一手麻辣紅油湯底(少辣)同皮蛋芫荽湯底，係湯底煮緊嘅時候最啱就係調醬，一定要落佢哋嘅秘製麻油，超香😻😻•主菜方面呢我就揀咗 A4鹿兒島和牛🐄三角腩，同埋精選海鮮🦐，本身個餐入邊呢已經包左蔬菜🥬拼盤，另外仲有啲自選嘅配料加$20，套餐仲包左自選兩款麵，我就揀咗重慶小麵同埋稻庭烏冬～lunch set 仲包左兩杯飮品，竹蔗茅根同埋酸梅洛神花茶就最襯打邊爐😘•最後埋單大約300幾蚊一個人好食同埋就坐得好舒服

中秋翌日假期到到都人山人海等到腳軟，咁啱見到呢間新開無人等就試下，因最近都想食麻辣火鍋。一開始嘅時候門口個reception 態度已經好冷淡，同佢講兩位完全無理過仲走入去鋪裏面隔左5分鐘先出返黎問我地係咪兩位，我心諗原來係聽到嘅只係唔想招呼客人，都算數如果食物好嘅都係小事。入去坐低見啲野食都幾貴，只係湯底同超普通嘅麻辣牛肉都各200蚊，仲要叫左幾次先黎落單再叫左兩次先比啲湯勺我地，加上我怕怕地羊騷味但個麻辣湯底好大陣羊味，食咗幾啖愈食愈無癮，乾脆埋單走人，最後承惠900幾蚊，破壞左我成日嘅心情，唔會再有下次，垃圾。

重大嘅事情要宣布!! 就係九龍塘終於有麻辣火鍋啦! 望穿秋水終於等到了, 仲要係我最愛嘅四川麻辣, 劉一手嘅麻辣鍋係由牛油熬成,特別惹味. 我們點了麻辣牛肉, 係事先用辣嘅配料和香料醃製, 再放埋落麻辣鍋入面辣上加辣, 刺激味蕾. 黑松露餃建議放在清湯裏煮, 因為麻辣鍋太搶, 會蓋過松露味. 墨魚滑油炸鬼係我本日最喜愛嘅食材, 本身都好鐘意食依兩款食物, 估唔到兩樣一齊放入口係噤夾!! 墨魚滑嘅彈牙加上脆卜卜嘅油炸鬼, 食落口好煙un, 食唔停口. 另外一款必點食物,我會推介粟米, 真係激甜, 好好食, 直頭有衝動想問係邊到入貨, 買返屋企煲湯一流. 最後佢地杯黑糖珍奶好好飲, 飲得出係用鮮奶沖, 唔係奶精奶粉, 好有誠意!

Browsing through social media website, I got to know of a very popular Chongqing hotpot restaurant that just opened at Festival Walk recently. Liu's Chong Qing Hot Pot originated from Chongqing and over a short span of around 20 years, it has expanded to over 1000 outlets all over China and overseas. For their first outlet in Hong Kong, they partnered with Gaia, a F&B group. The entrance and interior layout of the restaurant looked grand, like a high end hotpot restaurant. They provided sauce an

講起重慶火鍋 ，大名鼎鼎嘅「#劉一手」相信大家未食過都聽過。近排佢喺九龍塘 Festival walk 重新開張，對於我呢個麻辣BB級嘅朋友嚟講，有幸一嚐真・重慶風味，就算辣到我變音樂噴泉都在所不計！／湯底／招牌一手辣方麻辣紅油湯底 配 芫茜皮蛋湯底叫咗個鴛鴦鍋，分別有必點嘅招牌 #麻辣紅油湯底，揀咗2隻辣椒嘅辣度，食得辣嘅朋友可以加錢再升級辣度。店員講解湯底有牛油脂肪、豆瓣醬、豆豉、貢椒、二荊條、漢源花椒以及十幾種中藥材香料，辣而不燥，同坊間食到嘅死辣唔同。我用湯匙盛起滿滿嘅「湯料」確係好豐富！而平䚘返個辣度，in case 自己GG，所以另一邊嘅湯底就揀咗最清最清嘅芫茜皮蛋湯，haha！不過食到最尾，我覺得2隻辣椒嘅辣度當算可接受，而辣同香亦相當平䚘。／主食／至尊和牛鮮牛拼盤一手醬油醃製豬肉片麻辣牛肉黑糖糍粑 #牛控 嘅我打邊爐絕對要點靚牛！呢個和牛鮮牛拼盤完全係驚嶬！包括有 #A4鹿兒島和牛三角、 #A4鹿兒島和牛肩及 #A5鹿兒島和牛西冷，唔需要多形容睇相都知味道有幾fit！份量唔算多但油花好重，所以齋食呢個set相信都幾滿足。而另外兩款都係餐廳嘅招牌菜，醬油醃豬肉片係用咗豬五

星期六晚7點20分右打算walk in 睇下有冇位，取票後同我地講，你地等十分鐘到唔好走開，7：30 d 人冇到，就會安排俾你地。之後都arrange左，坐低等，同情況有4,5group 2人枱都係咁安排。原本都覺得服務幾好，但玩咗一陣電話， 突然發覺已八點， 咁到八點嘅時候又有八點嘅預約，但接待我地既人已唔見左變左另一個。然後就從 等10幾分鐘變到呆等一個小時，8點半唔對路就問新嗰個前枱，到底仲有幾耐？ 佢望一望個number, 同我講仲有排未有枱， 我真係呆左？ 下？又話等一等，成個鐘都過左？ 佢仲叫緊no.17 同接緊booking客，但我地同其他客個籌 係29,30………當時前枱個態度已懶得理你……真係好嬲！你full book咪full book,點解又要留一班人去等你個full book? 留左後就冇人理， 其他同我差唔多時間入去坐底等嗰啲唔知仲有冇等，不過我同劉一手reconfirm個 籌 後, 都有大聲講話仲有十幾張，唔駛食啦， 嗰陣都快8：45。一嚟自己on nine, 冇不斷同佢recheck個籌，仲要俾間餐廳浪費埋我parking時間…… 最後就快快手走去 其他

今日放假同老婆去咗9龍塘行街。我地倆口子一向都係邊爐精嚟，之前已經知道劉一手係旺角成日想試，但成日好多人，今日中午見到有位，即刻排隊，以為係散叫，原來午餐係set，嘩，超正。符合我午餐需要。環境舒服，乾淨，服務員態度非常好，有禮貌喎👍🏻👍🏻👍🏻午餐有個一人set，有飲品，有肉，有迷你魚生飯，前菜，蔬菜，同麵食。如果唔夠配菜仲可以額外每款加20蚊配料調料基本有齊有沙律，同芽菜冷盤迷你魚生飯足料喎，細細碗填底先，很好我哋都點咗個五花腩，嫩口，唔鞋，唔肥，好好食追加咗雲吞，毛肚同魚腐，值得一提係雲吞，足吞，入面係蝦膠，好正！有2款菜同菇，套餐都好均衡結尾嚟多個烏冬，滿足到！食品唔洗加錢可以有3款飲品整體上係非常滿意既一次午餐，好夠飽滿足，質素好好，湯底麻辣夠香，係我哋既口味。必定要再回頭吃！

喺九龍塘返工，等呢間喺又一城開既劉一手等左幾個月，終於開張啦🤩🤩又一城多西餐日本菜，中菜都不外乎係飲茶廣東菜多，難得有一間麻辣火鍋進駐👹所以今日lunch 一於黎試試😛新開張既餐廳爆當然裝修得好靚好乾淨，座位都設計得唔迫好闊落。餐廳有好幾款午餐，我同同事就點左呢個特惠刺身丼午市套餐試下。果然先係3款小食都幾吸引，有沙律🥗、迷你丼同蓮藕開下胃。同時個湯底都到了，我地叫左鴛鴦湯底，要左少辣同皮蛋芫荽湯😜😋午餐仲包左主食，蔬菜🥬，仲有牛肉同豬肉🐂🐖我地叫左米線，二人份量都好大下，同事立馬試左碗麻辣米線，好正二人份既牛肉、豬肉都唔錯，份量剛好，菜籃🥗入面都有好多款式，加埋湯底本身入面都有菜，大滿足😍口痕加左返墨魚🦑丸，爽口彈牙套餐仲有飲品，我地揀左竹蔗茅根同埋洛神花查，配火鍋都一流。食左個開心lunch，如果唔駛返office就好😆

打邊爐相信係唔小人嘅至愛，我都成日同朋友打邊爐，諗唔到食乜好最好就係打邊爐😂今日同朋友去行下又一城，真係好耐無過去行下街。其實又一城都幾好行，可以行足一日！無意中發現左劉一手呢間重慶麻辣火鍋店。因為係離遠望到👍🏻呢個招牌，好得意所以過去望下。。。🤪估唔到佢都有午餐，反正未食lunch，所以就試下啦。佢set lunch都有3款選擇，我地相食麻辣火鍋，所以就食呢款特惠刺身丼火鍋午市套餐，佢個午餐係有迷你刺身丼頭盤，沙律，肉類，蔬菜拼盤，飲品同火鍋。火鍋湯底我地揀左鴛鴦麻辣湯同山珍雜菌湯。餐廳仲有一系列嘅追加配料。不過其實一個set lunch都夠飽，所以我地就無再加野食。如果唔食火鍋，仲可以揀重慶一人小鍋麵套餐，或者唔食辣的話可以揀劉一手壽喜燒鍋套餐。反正都一齊係咁豐富㗎，我見lunch time好多office嘅客人食。。之後餐廳裝修都好特別，融入左中國經典文化京劇臉譜，令到餐廳加入左多彩的顏色。一入門口已經見到好大個臉譜啦 。。我地點左個set lunch之後，食物都好快就送到，每樣食物送到，個侍應都有講一講，幾好😎記得要帶住圍裙食，咁就唔怕整污糟件衫啦。。。侍應仲會拎一樽麻油，原來

曾聽說食辣係會上癮，而且仲會愈踩愈深，愈食愈辣。所以，我決定要訓練我既另一半都要食到辣，今日開始帶佢黎展開呢個尋辣旅程。我既男友黎自英國，今次係佢第一次食打邊爐，佢話今次體驗及感覺都係完美！知道又一城開咗重慶麻辣火鍋嘅第一間係香港嘅直營店，咁確保夠正宗夠原味，佢都有一啲香港店限定嘅菜式。雖然話係要挑戰啦，但係亦都唔想太過冒險，於是加$98要一下鴛鴦湯底，亦都可以試吓唔同湯底嘅味道。招牌劉一手立方麻辣紅油湯底（中辣）$216一撈起個湯羹就見到滿滿嘅辣椒碎、花椒同其他香料等。而且佢用咗牛油脂肪同埋10幾種中藥香料炮製而成，食落真係辣而不燥，反有潤滑既感覺！滋潤椰子雞湯 $118唔好以為佢淨係辣嘅湯底先出色，椰子雞湯都可以做到好清甜架，而且雞件超多，好似多咗一個餸添慢慢喺湯入邊浸住，食落啲雞肉都唔會鞋。新鮮手切牛肉拼盤$498叫呢個牛肉拼盤先至係大滿足，可以一次過食到五個牛唔同既部位，包括牛頸脊、牛白肉、牛小排、封門柳同肉眼邊。牛白肉呢個軟骨位置，雖然你見佢成塊白色，但其實入口一啲都唔油膩，而且非常爽口。牛頸脊就係我嘅至愛，你見到佢雪花分布均勻，所以入口油脂香而且牛味濃。劉一手醬油醃製豬肉片

繼上年劉一手倒閉後，今年九月再現九龍塘又一城，店門口仲貼咗張野聲明係直營分店，同以往劉一手無關。鐘意食辣嘅我，以往經常光顧劉一手，見再重開，梗係要過嚟試下喇！想坐得闊落啲，加上16號前喺openrice訂位有無限鴨血，於是訂咗張卡座，到店之後，明明仲有三張卡位，偏偏話有人訂咗唔俾坐，一翻溝通之下先俾咗個角落卡位坐。因個FD唔食得辣，叫咗鴛鴦鍋，麻辣+菌湯，鍋底上到麻辣嗰邊係唔見有嗰舊油磚嘅，話就話已經放咗，上到黎就已經撈咗下，一啲油磚嘅痕跡都無，ok，算，湯底滾咗成十分鐘先開始上菜⋯慢都算，麻辣鍋底係點嘅2辣，湯底完全唔香唔麻唔辣，同以往嘅劉一手差太遠⋯以前麻油罐仲係每人一罐，依家係两個人一罐，仲由芝麻油變咗調和油，香味差一大截！至於菜品，268嘅牛肩夾心同198嘅牛小排，肉質都麻麻，無咩牛味其他牛肚牛丸牛柏葉豬腰等等，因為湯底差異，完全無味，极度失望⋯而且所謂嘅免費鴨血，成半個鐘先肯上，期間催咗兩三次！埋單仲計多百幾蚊！食完半個鐘仲肚痛，實屬無下次！

从开始装修就一直期待着吃终于等到开业，今天第一次去尝试，晚市6点基本没什么人。一开始4个人只给了两份油料，还得自己额外取，难道重庆火锅一罐油不是对应一满碗吗？点了一个招牌牛拼盘，特色就是竖着摆盘的，不动的时候的确不掉，但要夹肉难免会触碰到其他肉，然后就掉桌上了，这种设计真够ZZ的，还拿出来吹捧。一盘680，结果就很少一点点。点了羊肉，毛肚，鸭血，蔬菜拼盘分量都少得可怜。最后人均将近500，完全没吃饱，只能又去买麦当劳。再评价一句服务，本来就没几桌人吃，上菜还很慢，叫服务员也叫不到，加汤居然只加了一边，另一边呢？很是失望，这个价位我为什么不去吃海底捞？难怪其他店都倒闭了，这家我觉得也快了。味道不差，但远远不值这个价格。

打邊爐個湯底係好重要㗎，要有一個好嘅湯底，一定不能馬虎！劉一手嘅麻辣湯底真係令人忘不了麻味、辣味、香味都可以互相平衡到，唔會話特別一個味道更突出！知道原來九龍塘開左新店，即刻約埋辣友一齊嚟食店內嘅裝潢好有特色，非常有中國風，以面譜作主題午市火鍋套餐夠豐富！餐廳好細心地提供圍裙，以防整污糟件衫「一手辣方麻辣紅油湯底」湯底用左牛油脂肪，同埋十幾款嘅中藥材炮製而成的所以特別香！一黎到見到佈滿紅油，就好興奮呀鍾意食辣嘅，自然就知道我哋嘅心情！滾起第一時間放豚肉入鍋面頭嘅紅油好滑口，辣而不燥午市套餐有魚生飯&沙律菜！涼拌荳芽好好食呀麻辣夠突出，但又唔嗆喉～麻辣鍋端上後，就提供埋呢樽油！當太辣就可以點黎食，有助解辣及護胃蔬菜拼盤鹿我兒島黑毛豬五花腩啲食材好有質素食第一塊已經feel到好唔同，咬落係有彈性㗎脂肪比例岩岩好！肉質好軟滑海鮮拼盤都好有heart有蠔、珊瑚蚌、鮑魚、大蜆、海蝦個蠔好有驚喜好鮮味，而且入口滑身creamy淥嘅時間唔好太耐，淥1-2分鐘就得！爽口又有彈性，真係好好味海蝦亦非常鮮甜，個蝦頭味道好鮮，肉質又爽彈野生雞骨五花蜜+酸梅洛神花茶酸梅洛神花好好飲，烏梅味突出，有開胃嘅功效！

*首間香港直營店* 與Gaia Group合作，室內設計，食物配方及選擇亦全面升級，麻辣湯底新配方並重新命名為「一手辣方紅油麻辣紅油湯。推出香港獨家直立式鮮切牛肉盤 「劉一手招牌鮮切三拼」店內廚房亦設玻璃大魚缸，冇時令海鮮，包括龍蝦、象拔蚌、蜆貝等，全為鮮活，即叫即劏。午市火鍋套餐系列 迎合個人喜好 新推的午市火鍋套餐，是新分店的另一個重點特色。包括迷你刺 身丼頭盤、涼菜、肉類、蔬菜拼盤、養生飲品，以及主角火鍋。火鍋湯底選了鴛鴦(自選兩款:麻辣湯和山珍雜菌湯)。迷你刺身丼頭盤、涼菜及沙律。午市限定的川渝風刺身丼飯午市套餐，以川渝風配料搭各款日本魚生，另外更加附迷你烏冬。必點三大菜式包括為香港店專設的劉一手招牌，有A4鹿兒島和牛三角腩、美國牛小排套餐。質素高級，單是肉品已經對得住價錢，肉嫩入口即溶。烏冬是滑溜，湯底辣味足嗆喉不嗆鼻，麻香夠，但多吃也要小心肚子。另外配的菜品也不少，豆腐生菜還有金菇，健康。飲品也有多種選擇。