影片
更多
2023-10-11
39 瀏覽
割烹喺一種圍住開放廚房，欣賞師傅將一份份材料，製作成為一道道嘅菜式。除咗欣賞師傅的手藝，亦都足以令到客人充分咁見證食材既新鮮程度，同埋喺烹調過程之中所產生的變化。賞心樂事。哩度有八道菜式，單單食已經需要兩個小時。但食既時候完全唔覺得時間原來覺得咁快。🍖 創作割烹，我自己理解就係，用割烹嘅手法處理食材，但係食材本身就作出革命性嘅改動同配合。前菜嘅三樣食物，都有傳統日本食物嘅影子，但係又用西式既烹調方法。凡立貝同埋海老仲有甜瓜都係傳統日式食物，配合左西式既凍湯，水牛芝士同火腿，味道又天衣無縫。🍖蟹肉三文魚籽沙律，又係非常傳統嘅食材，但個沙律原來係牛油果做底，再加青瓜凍湯，清新得黎，蟹肉同埋三文魚子本身嘅鮮味又完全冇被覆蓋。🍖鮑魚Risotto 又係西日合璧。今次就九成材料都係日本野。最印象深刻就係個米飯原來都係用富山米造。但係出奇地可以做到Al dente既口感。而且呢種口感，又令上面既鮑魚顯得特別冧滑。🍖全晚我最鍾意就係哩個烤穴子魚。師傅唔知點做，可以做到個皮中間脹起，兩邊唔離肉，所以就好似台式胡椒餅，因為中空所以皮脆肉嫩。個底係西式醬汁加左啲山椒。師傅初頭同我講麻麻地，我仲以為佢冇乜信
🍖 創作割烹，我自己理解就係，用割烹嘅手法處理食材，但係食材本身就作出革命性嘅改動同配合。前菜嘅三樣食物，都有傳統日本食物嘅影子，但係又用西式既烹調方法。凡立貝同埋海老仲有甜瓜都係傳統日式食物，配合左西式既凍湯，水牛芝士同火腿，味道又天衣無縫。
🍖蟹肉三文魚籽沙律，又係非常傳統嘅食材，但個沙律原來係牛油果做底，再加青瓜凍湯，清新得黎，蟹肉同埋三文魚子本身嘅鮮味又完全冇被覆蓋。
🍖鮑魚Risotto 又係西日合璧。今次就九成材料都係日本野。最印象深刻就係個米飯原來都係用富山米造。但係出奇地可以做到Al dente既口感。而且呢種口感，又令上面既鮑魚顯得特別冧滑。
🍖全晚我最鍾意就係哩個烤穴子魚。師傅唔知點做，可以做到個皮中間脹起，兩邊唔離肉，所以就好似台式胡椒餅，因為中空所以皮脆肉嫩。個底係西式醬汁加左啲山椒。師傅初頭同我講麻麻地，我仲以為佢冇乜信心，原來黎種令口唇產生麻麻地既味道，特別可以帶出魚既鮮味！
🍖和牛肉同牛舌都非常出色，而我反而更加鍾意黎兩道菜嘅配菜，酢漬姬菇同味噌大根，兩樣都需要好有心機同時間嘅前處理。
🍺由於大部份嘅餸菜都係海鮮為主，而且醬汁唔喺太濃味，配合埋白酒，一啖食物一啖酒，樂趣無窮。
✨️食物，手法，擺盤不停咁遊走於西式同日式之間。創作力果然係將食物昇華到另一個層次嘅最好方法。
張貼
