利苑酒家 (北海中心)

營業中

休息中

聽到利苑呢間酒樓，個個都話好好食，特別係佢嘅盆菜呢個炸魷魚鬚 個粉炸得好脆亦都唔油膩腸粉牛肉腸味道還可以最後梗係要叫個甜品試下啦 ，呢個龜苓膏 好好味好重藥材味比 海天堂龜苓膏更有味道💡 衛生方面非常做得好 ，碗碟杯亦都唔需要自己再沖洗，因為佢係有一盆熱水喺度滾杯碗碟所以非常之衛生。

出关后的第一顿饭在这里和合作伙伴吃午餐。整个餐厅的环境中规中矩。餐具搞得很干净，都是用旁边的热水清洗过。疫情期间是套餐分到每个人的盘子。印象最深的菜式是乳鸽，整只上到每个人那里。外酥里嫩热气腾腾的时候非常好吃。

好耐無去利苑，帶着好高期望去飲茶，但感覺一般。天氣轉涼，叫左个砂鍋雲吞雞湯。雞湯唔算好油膩，好似清湯咁，菜肉雲吞剛好一口size，但談不上有菜肉汁鮮味。另外又叫左口水雞，呢个簡直係當日最最最失敗之選！！口水雞好似油雞加豉油，完全無口水雞風味。一睇到就已經失望，諗住當油雞食應該都ok，但只食到鼓油味。另外叫咗幾個點心。排骨蒸陳村粉- 其實如果叫排骨蒸粉皮會貼切啲，一睇就唔係陳村粉，只係涼拌粉皮的粉皮。又一失敗之選。蝦餃-普通，中規中矩炸魷魚鬚- 呢个食得出有誠意嘅係用新鮮魷魚，魷魚鬚煮得剛剛好。芋角-呢個係我覺最好食嘅點心！有香濃芋頭蓉，內餡帶有肉汁。整體來講，非常一般。價錢又唔係經濟，性價比低！

因為之前疫情既關係,酒樓有很多都停業了一段時間,直到現在放緩後重開.很懷念喝一口茶,夾一件點心既味道以前想飲茶食點心是一件非常簡單容易既事,現在因為疫情既關係. 到那都可能有機會感染,所以人人自危.自然就減少了外出及到酒樓飲茶不過最近稍稍有放緩趁機外出品嚐一下點心既可貴今日到了灣仔利苑, 之前一直光顧北角或銅鑼灣 這是首次到灣仔.感覺這裡服務好像比之前2區既店好一點,不知道是否因為剛剛重開,所有伙計們都比較落力畢竟在這樣艱難既環境下高失業率而且飲食業危機大既情況底下,有工作是非常幸福既事.所以感覺他們都很落力工作.是日點了一舍套餐,就$398 2人份這個燒賣是額外叫,一如利苑既水準.芋角很好吃.叉燒沒有特別驚喜倒是這個炒飯不錯,夠乾身又香此套餐整體表現不錯,我覺得還可以,因為有點心,有小菜,而且有燉湯.不過如對小菜有期望既話我覺得不用叫套餐好了.

本人 寫食評 主要目的是為了 讚揚 (好餐廳), 以及 分享畀大家 該餐廳 的 優點。(不好的餐廳)他們生意會 自然下跌。所以無需要用食評去唱衰別人。利苑是一個好例子😄本人於6月30号 和爸媽一起去 用膳。我非常記得以前利苑很喜歡叫我們點很多餸（ 不貴的不介紹）， 基本上 一定會吃唔曬。 今次去完之後我完全改觀。我們點了他們的 推介片皮鴨 精選組合。 因為我們只有六個人。他們竟然建議我們, 豉油王煎大蝦開邊， 片皮鴨吃完 皮之後(不收額外費用建議我們)將燒鴨斬件吃。片皮鴨香脆好味， 皮甜好薄。將鴨 原隻斬件果然啖啖肉好味道。豉油王煎大蝦開邊 對我們六個人嚟講完全夠食。我們也點了香煎龍躉片, 煎龍躉片 厚肉非常夠鑊氣.雜菜煲 黃金蛋炆豆腐鹹蛋味啱啱好和豆腐吃非常惹味糖醋牛柳粒我覺得牛柳粒比較小但味道尚可。總括嚟講佢哋改進咗好多， 不會為咗銷售去催谷食家 ， 已感覺到佢哋真心介紹餸菜。希望佢哋繼續努力， 有改進是好大進步。

到利苑茗茶，剛好四人一枱。食肆逆市求生，不管四三二一人，不論一點五或三米，也得遵奉。先來一煲椰子雪耳煲雞老火湯，份量夠每人兩小碗，味道清甜香滑，那碟湯渣自然少不得，不過雞肉瘦肉已經有點乾柴。蔥花班片粥，粥底很綿，班片一兩片，算是點綴粥的清寡。潤香盬燒乳鴿，肉質嫰口，沒有過火，但欠缺少少味道，若然咸道調高一分多，會更惹味。爽脆生腸，肥嘟嘟白皚皚如小手指公，確是爽口，到這裡必食。其餘如燒賣、煎蘿蔔粒、峰巢芋角，水準也不差。不過陳皮牛肉球，似乎多了梳打粉，表面像臉上掃上煲托士般，很平滑，沒有那種新鮮牛味之感，一籠三個的小籠包，也不過爾爾。

呢個係利苑嘅雪嶺包，其他酒樓都係用叉燒做餡，佢就係用奶黃做餡。外表個個包都又圓又可愛。佢嘅表面係脆脆咸咸嘅白色雪嶺外皮，食落外脆內軟。入面奶黃軟滑，甜度剛剛好，餡嘅分量充足，唔會太多，都唔會太少。成個包都要趁熱食先好食嘅，來到利苑不妨試吓呢個包。

同媽媽級的朋友食飯，不論平日普通飲茶，還是生日喜慶，總是會選利苑。初初對這酒樓不以為然，而且覺得食物貴，不過去多了，嘗多了酒樓的不同食物，真是會讚口不絕。或者用讚口不絕會有點誇張，不過食物的質素同服務的確令人滿意。是日是普通中午飲茶，一行六人。因為整年的香港局勢加上肺炎肆虐，出外用餐的人少得可憐。我們叫了不少點心，有些忘了拍照🙈。令我覺得較為特別的是雪嶺包、叉燒、燒雞和煲仔飯。雪嶺包內並不是叉燒做餡，而是傳統非流心的奶皇，整體口感不錯，包做得鬆軟，奶皇不會太甜，皮也不易剝落，好好食。叉燒保持水準，半肥瘦質感，有入口即化的感覺，可惜是當日的叉燒有點燒焦，把太焦部分咬去還是可以的。燒雞只要了半隻。食得出是新鮮燒製，而且皮脆雞滑，正呀。叫了個2人份量的臘味煲仔飯，都足以分成6小碗。我們將煲仔飯兩食：一是直接食已吸收臘味香及油香的飯；二是把飯焦跟上湯一併煮成湯飯。我就較愛吃前者，後者飯焦令上湯帶點燶味，味道不太合自己。最後我們都叫了蛋白杏仁茶作甜品。廚房可因應客人要求調味。有位就加甜加蛋白，我就要了正常的味道。正常版本已有不少蛋白，好滿足。

講真百行以孝為先阿媽又唔知點解，好似中咗魔法咁好喜歡呢間野次次中午飯兩個人，$500先落到樓，但唔緊要因為百行以孝為先。今次照舊叫三個點心，一個飯類。叫咗一個羅白絲卷，叫咗碟海蜇，另外叫咗個點心唔記得咗，最後整咗喎龍躉米線。羅白絲卷好好食，海蜇夠凍，一食落口食到師傅功夫，而我最鍾意龍躉米線，因為佢差唔多冇油，好健康。其實啲嘢食平啲，食到你病，你再俾錢睇醫生咪同一條數。所以健康先係無價寶。阿媽開心亦都係「此刻無價！」啊仲有係免費泊車，銅鑼灣，灣仔。都頂返100幾十啦！我OK！

其實差唔多每個星期都會嚟利苑飲茶，點心真係好好食成日都去唔同地區嘅利苑飲茶，因為喺香港區返工所以成日都會嚟呢間灣仔利苑，地牢有得免費泊車，係灣仔區附近有得免費泊車嘅餐廳真係唔係好多。講返嘢食先，以前未食過之前一直都以為好貴，但其實價錢真係好合理又唔貴，飲茶平均一個人都係$100多啲啲。叉燒同埋蛋撻仔真係必食其他美食包括乳鴿，煎堆仔，生腸，蘿蔔牛腩，叉燒包... 都好鬼正 嘢食一嚟到個個都掛住食，所以唔記得影相下次再補番啲相先

老老實實利宛出品必屬佳品你畀咁多錢都係想買個保險但係原來 呢個神話已經慢慢地破滅中雖然係座無虛席但係我真係覺得佢唔夠以前好味燒味嗰啲同一個地方出品應該ok但係佢個沙溪米鴨真係好鬼咸呢度 個女仔服務真係好差唔係淨係得一個女仔另外一個中年女人都係咁樣叫佢攞 十次嘢有八次都唔記得又落錯單如果同個男人講你一次過講 你要嘅嘢佢全部一次過同你攞過曬嚟不過 由始至終啲服務差其實都係眾所周知只要你唔係熟客佢都唔會點樣理你而家懶係畀張紙你剔有半版嘅餸佢都冇上到

其實今天好想吃水佬榮火鍋🍲但大佬已經約咗利苑一向不是利苑的粉絲但竟然絕無期待反而有驚喜首先前菜炸豆腐粒超好吃😋埋尾的臘味糯米飯 10粒星如果唔係減緊肥一定狂吃臘腸潤腸臘肉也非常有水準㗎

今次黎係想食荷葉飯， 因為上次食唔到，侍應話荷葉飯轉咗原個菠蘿焗飯 ，有啲失望😯 唯有淨係嗌點心食啦! 蠔皇叉燒包$33叉燒包個皮唔夠鬆軟，其中一個個面重濕濕地添，入面嘅叉燒都唔係好夠蜜汁。 蘿蔔絲酥餅$39蘿蔔絲酥退步咗， 外層乾爭爭， 入面嘅蘿蔔絲都好少，而且整件都細嚿咗。 蜜汁叉燒腸 $44腸粉皮唔夠薄， 叉燒嘅料都算足啦! 點啲豉油食，覺得好夠味。 海山脆雞翼 $38比上一次炸得燶咗啲， 我依然佩服佢做到入面夠熱冇血水。 濃湯泡腐皮卷 $42上枱嘅時候嚇死我，賣相令我以為係分咗之後一人一碗。我印像中呢一道點心應該有個兜裝住，再用蒸籠裝住， 咁樣上枱法真係有啲接受唔到。 蒜香排骨蒸陳村粉 $42陳村粉幾彈牙爽口，排骨就韌咗啲。 荷香珍珠雞 $42珍珠雞細細隻幾滋味，啲米呈白色，入面嘅料同埋味道都好香 北菇滑燒賣 $42有懷舊燒賣味道，幾好食， 有冬菇都唔會覺得有異味。

利苑曾經是我和家人的 "飯堂" ，周末飲茶、家人飯局、宴客首選，利苑的新年糕點也曾是送禮佳品... 大約6、7年前感到利苑逐漸退步中所以也近乎沒有去過了。最近有些緬懷這裡的幾款名菜，縱然眼見近日食評一般仍想給予機會品嚐一下，結果後悔不堪!  難道大部份獲了米芝好評後的餐館都 "自我陶醉，失去自我" ?!環境仍是不錯的，服務雖不及從前，但與現在普遍的餐廳服務比較也還可以的。至於食物：首先，湯已是比前遜色不少。昆明長頸鴨，上枱的是一隻燒到像乾柴般似的，曾經皮脆肉嫩帶肉汁都沒有了!醬烤肉.... 瘦肉一塊...  見到這樣也不敢叫海山骨了，怕連這個美好印象也沒了!粉絲煲來了，一打開藎總算香噴噴但食落冇嚟味道!最後希望是西施泡飯來了.... 唉! 令我更失望，原來的湯底有濃濃的龍蝦味不見了，脆米本來炸得恰到好處現在是過了火啦!  食到這樣... 都不願拍照了。陳校長，希望你能回憶當初把食物品質、味道好好控制好!

星期六有嘢做要返公司一陣，咁諗定放工有咩節目先，就約亞媽一齊飲茶啦。好彩11:30就走得，叫亞媽過嚟灣仔嘆茶。灣仔區好多食肆酒樓，諗住舒服啲同近近地就去利苑啦。我地叫咗飲茶3寶蝦餃、燒賣、叉燒包😆，燒賣豬肉有甜味，蝦餃啲蝦爽口，係偏細隻啲，精緻囉。　叉燒包多叉燒唔會好多芡汁，甜度適中，好味！另外仲叫咗鮑汁鳳爪，燜得夠淋但唔會爛，用咗好多鮮汁燜，花生都入曬味👍，最後叫咗個班片兩面煎，班片好大塊、似魚扒多啲，有6塊咁多，待應姐姐都話我地識食😂😂佢話淨叫班塊就得3件都$128，我地叫呢個又多3塊魚，又有麵都係$188😂底食！講番魚啦，唔腥味道調得幾好，麵煎得好脆，連伴碟條菜芯都好甜👍👍。食飽飽跟住仲去睇戲添，過咗充實嘅一日😁