利星火鍋海鮮小炒

營業中

休息中

每月一餐時間又到了,今次挑戰利星,原來都幾出名,book左4位8:00。睇下有咩野先。蜜汁爆鱔球,酸酸甜甜的味道,幾醒胃,口感香脆的,不過鱔球腥左點呀。豉椒炒花甲,好大件炒花甲,份量仲要好多,每粒都有肉咁制,而且都幾肥美,豉椒好香,幾好味呀。避風塘茄子,大大件的炸茄子,份量好多,外層酥脆,茄子夠腍,唔太油,味道少少辣,都幾香口,不過好熱氣呀。黃金棒棒蝦,賣相以好吸引,共有八件,一串串食得好方便,開左殼的蝦,面層主要是鹹蛋黃,味道鹹香可口,幾好味呀。瑤柱蛋白菜粒炒飯,聽落幾名貴,不過是普普通通的味道,材料不算太多呢。本身有甜品送,不過已食不下了,叫左一支啤酒,我地4人食,每人平均$170到,都算幾抵食,食物有水準,份量又多,服務態度幾好,唔錯既飯局之選呀。

去開深水埗買電腦, 好早就買完, 咁就揾間餐廳食野啦黎到呢間之前聽開都OK出名, 今次神早黎食晚飯位都唔洗等!正!間鋪ge裝修都ok ge正正常常唔太差, D staff ge態度好好, 仲介紹我地食好野!叫左一客雞煲..正正常常啦 冇咩特別, D雞係OK多ge,味道都濃, 唔太辣, D聰就好入味!另外叫左一味叫"鐵板火焰蟶子王", 超正!其實就係豉汁蟶子，上枱之後加D酒，因為本身塊鐵板夠熱, 跟住就會著火!睇到D食客都O左嘴哈哈, 味道黎講都OK, 唔會"lone"左 同埋蟶子都好鮮, 黎呢度一定要叫!!走個陣都食得OK飽, 價錢就中上啦!好多時食酒樓都係去美心稻香個D, 久唔久黎下呢d都唔錯ge

識飲識食既朋友K帶路搵食, 今次去左深水埗, 朋友K一早BOOK左位去到唔駛等不過見到好多人黎到都冇位...好彩有朋友K一去到...佢就已經熟晒咁叫左好多好野...好似鐵板蟶子皇, 芋頭卷, 炸大腸, 脆鱔....1. 鐵板蟶子皇 - 黎到既時候會係你面前加入酒, 令蟶子皇起火, 但係燒完之後蟶子皇依然咁鮮味, 仲好嫩, 每隻蟶子皇都有手咁長, 真係好正2. 芋頭卷 - 芋頭味超濃, 外皮炸得又好脆, 就皏放左一陣都仲係好好味3. 炸大腸 - 相比之下味道比較普通4. 脆鱔 - 外皮又脆, 而且甜甜地, 好問胃5. 避風塘茄子 - 有避風塘風味, 但配上茄子, 感覺特別最後老闆仲有甜品送, 薑汁糕, 雖然細細粒不過薑味好濃, 正款款都好好食...而且好快到...大家都食到停唔到口,只有炸大腸等左好耐先黎...黎到既時候又凍左...如果熱食應該會好味好多...

之前曾經光顧過兩次，今次一行12親友中秋做節食飯，雖然已訂位20:30，但要到21:00才能入座，可能是節日前後人多關系。利星共有兩層，樓下主要是四人細枱，大枱設於樓上，環境尚算雅緻。今次12人共點12道菜，需要部份打包帶走........。1.   冷盤 - (忘記名稱....=.=")有腎片、雞腳和鴨舌，用酒淹製，非常爽口。2.   冷盤 - 風生水起，即齊齊撈起，好意頭，內有芫茜、海蜇、雞肉，加上麻辣，醒胃。3.   鐵板火焰蟶子王 - 基本是豉汁蟶子，上枱後加酒，鐵板溫度令酒著火，除了更香外亦帶來視覺效果，蟶子肉火候掌握得好好，很好食。4.   炸鹹魚肉餅 - 鹹魚味重，外脆內軟，口感不錯。5.   盆仔椰菜花 - 光看賣相辣椒很多，但入口不算太辣。6.   蜜汁爆鱔球 - 炸鱔加上甜酸汁，外皮酥脆鱔肉香滑味濃，好食。7.   招牌燒鵝 - 鵝身不會過肥，皮脆肉嫩，果然是招牌菜。8.   鐵鍋通菜蝦 - 通菜當造，蝦亦爽甜，不錯。9.   石鍋南乳齋 - 南乳味重，不過不失。10. 薯仔牛柳粒 - 薯仔入味牛柳粒夠稔。11. 炸大腸 - 皮脆不肥，不油膩沒so味，好食。12.

一行8 人試下呢間未試過既中菜館, 食物方面其實係大排檔美食(亦有貴價海鮮手工菜之類, 不過今次食小菜試下佢先), 然而可能想行高檔路線, 裝修比較靚!不過我最著重都係味道炸子雞夠香脆半隻吾夠喉黑醋骨黑醋味濃夠開胃!小炒王, 好多人都吾知, 其實小炒王係傳統大排檔菜式, 係將雜崩LUN 野炒埋一碟, 所以D料間間都吾同, 最常見有九菜(一定有), 腰果蝦米, 魷魚絲等啫啫通菜煲夠鑊氣, 掂.!豉椒炒蜆, 蜆大隻新鮮, 醬汁不夠乾, 但係佢STYLE, 我個人LIKE 乾身D!炸大腸, 呢個好正, 腸夠肥味不乾身, 而且配埋菠蘿食一絕避風塘茄子, 邪惡之選, 好熱氣地好味麗芋卷 炸得香口, 芋頭蓉亦好鬆化, 好好味

地點十分就腳，深水埗地鐵站出口行幾步就到。環境又乾淨企理，就算12人枱坐到14個人都唔覺迫。食物分量好大碟，如果人數多，佢地會按人頭收費加大食物分量，所以唔使怕唔夠食。價錢亦都合理。

在深水埗活動好多年，近兩年更在深水埗工作，只係聽該區街坊提過燒味正，及知道老闆之一係電視藝員。最近先同老友大肥，去試第一次飲茶及食燒味飯。大肥中意食叉燒飯，兼加勁多蔥茸撈飯食。我就喜歡燻蹄飯，加佢跟果小碟酸辣汁好開胃。大肥人如其名真係越嚟越肥，皆因撇甩太座後，佢就唔會戒口，最無益但最好味道食物，佢都會特別叫嚟食!我就比較中意食呢道燻蹄飯啦! 撈埋佢跟果小碟類似浙醋辣汁，份外醒胃好味道。而且每日老火例湯，火喉真係好足，飲落唔覺有味精，送完即止，晏左去就未必會有得飲，所以真係早啲去。● 現場侍應招呼恰到好處，好多熟茶客都會幫襯，而且坐得好舒服，每個角落都有大電視欣賞。冷氣充足、枱凳乾淨企理、枱布亦非常新凈。想唔到深水埗區，都會有間咁企理酒家。燒味飯一碟 HK$40 元連茶芥，個人覺得十分之抵食，希望下次有機會試一下晚飯。

是晚是為了5月及6月之星的慶生會而來，由於有朋友幫忙，特地在2樓間了一個小房間給我們，讓我們可以肆無忌憚的談笑風生、大吃大喝 ，還可讓友人追看西遊記，在此先謝謝這個朋友。友好們到齊後，只顧談論大家的近况，點菜一事交由朋友話事，所以我也不清楚到底叫了怎麼。第1個先來的是"風生水起"，即"撈起"，這個菜是星加坡及馬來西亞等地的新年傳統菜式，每家每戶新年整家人聚在一起晚飯時，必定要吃這個菜，貪其好意頭"撈起 撈起 撈得風生水起"，一般會以魚翅來做的，這個經改良後的版本，材料變為芫茜(香菜)、海蜇絲，雞肉絲，混了帶微辣的自配醬汁，味道特別，是個很好的開胃前菜。第2道菜是"冬瓜盅"，大大的冬瓜能提供豐厚的冬瓜肉，湯料有瑤柱、蟹柳、草菇、豬肉粒等，瓜肉鮮甜，確是消暑的好湯水，只是其他配料份量不多，有點失色。第3道菜是"鐵板火焰聖旨王"，是整晚的高峰所在，店員先把鐵板聖子送上，再把酒倒上去，熊熊火光即時冒起，大家都為之驚嘆，火焰瞬間熄滅後，用上聖子王來做的這個菜，以黑椒及豆豉來炒香聖子王，炒得剛熟的聖子一點都不會過韌，肉厚多汁，各人都讚!!!第4道菜是"招牌麗香卷"，是用芋頭茸混合了蝦膠做成餅狀後

是為紅日所以早已訂了位, 我們五人點了:1. 冷盤 - 撈起, 應該有豬內臟, 雞絲海哲..帶點辣很惹味2. 服務員介紹o既黃金賽螃蟹, 賣相好靚, 不過我地覺得她的鮮奶蛋白吃起來好像太多粉, 不夠滑而且味道怪怪的跟我地平時吃的不同...3. 海皇菜, presentation 同樣精緻特別...味道ok..沒有太大驚喜 不過價錢就很非一般...($168)4. 燒鵝 - 服務員冇介紹錯, 皮燒得很香口, 肉汁肥美~~正5. 薑蔥生蠔煲 - d蠔好肥好大隻同埋d薑蔥爆香左食落好香..d薑蔥好好食~~6. 鐵板炒蟶子皇 - 上枱時好似睇show咁,服務員會攪到好似火焰燒蟶子咁..好壯觀...唔止好睇..d 蟶子都好好食. 肉質新鮮彈牙~7. 炸芋泥帶子 - 趁熱食時外脆內軟, 不錯..不過釀在入面的帶子就好似細左d同唔夠滑..要食到2/3先食到.8. 有錢佬炒飯 (蛋白瑤柱炒飯) - 炒的乾身, 又香..好味~9. 免費甜品 - 炸芋泥ball, 外皮烟韌, 不錯

同朋友仔食團年飯，揀左呢間位於深水埗既小炒中菜館。菜館位於福華街近地鐵站口，大大既招牌好易搵。由於時近農曆年，人客都唔少，為左唔好限時我地訂左八點半入座，等左一陣就有位了，不過安排座位時有點混亂哩！我地今次坐樓上，裝修比我想像中豪華，係深水埗呢啲舊區黎講算少有。最近睇報紙有介紹呢間食店，原來港視藝員羅貫峰有份投資，唔怪得有咁多明星幫襯，當晚仲見佢坐係我地隔離枱添。我地一行八人點左八個小菜，每款都水準之上，而且賣相精緻，令人食指大動。先黎糖醋排骨，肉質鬆化，酸甜適中，穩陣之選。再黎黃金蝦，一支支連殼中蝦舖滿甘香濃郁既鹹蛋黃，蝦肉彈呀鮮味，令人暫時忘卻高膽固醇既威脅。黃金醬汁送飯一流，可惜不慎俾阿姐收走了！至貴既豉椒炒蟶子皇係朋友指定菜式，待應上碟時再用火燒一燒，火光熊熊既震撼畫面實在為之驚嘆！比起炒蜆，蟶子更加肉厚多汁，所以雖然成五十蚊隻都覺得抵既！唔記得名既千層豆腐刀功一流，味道清淡正好消消滯。另一味大獲好評既菜就係炸鱔頭，蜜汁包住外脆內軟既鱔魚，遠睇似叉燒，食落比叉燒更多汁，大家都讚口不絶！食肉太多當然要飯返啲菜平衡返，推介既海王菜其實即係瑤柱扒豆苗既變靚版，食味同一般酒樓無異。薑葱

呢間野間唔中見報有次係請長者飲茶咁有心　就幫襯下炒蜆－合格芥末骨－好功鼻　辣辣地　幾得意花螺－入味芥蘭－清爽生蠔煲－大大隻蠔椰菜花－香口爽口　感覺ＯＫ　環境幾舒服不過深水步價錢比它平　質素比它好實在恆河沙數

少到九龍的我，今日陪男友到黃金買電腦用品，買完後揾地方食飯，電話搜尋緊時，望見對面有間飯店，招牌光光猛猛，咪過去睇下，去到門口即笑咗出嚟，嘩，"梁振英特首"，因為門口有好多名人，藝員食飯時影的相攞喺門口，所以好吸引，但對我嚟講乾淨緊要啲，由其是洗手間。係門口睇完餐牌，望望裝修，跟住攞位，入到去，望人地食啲咩，諗住叫嗰啲。叫咗，冰鎮骨，炒介蘭，魚頭湯，食完後加兩隻大閘蟹。個骨好好味，酸甜肉質真好食。介蘭真係驚喜，原來有石鍋後上，個伙記係你面前炒，蝦乾，鮮蝦料，好掂。個魚頭湯好甜，好有屋企味道。飯後我兩反應係，真係好好味，好好食，最攪笑係放上fb，好多朋友讚。呢一餐飯，真係好好味，好開心。

我個日睇左呢個雜誌~所以比佢吸引左我去試下~一去到見到好多人等位...幸好我一早BOOK左位...我個日一同8個人去食...服務員介紹左以下菜比我食....黃金賽螃蟹~好靚啊~味道不錯~燒鵝就外相~特別~但味道就不太好~利星炒飯~呢個飯佢有個煲仔上既.....夠特別...用料....味道我覺得好好味~海王菜~樣貌有驚喜~但要多人先可以食到...因為比較大~呢度新裝修所以地方都好清潔~特別係個洗手間....好清潔~呢一點最滿意....令外啤酒都唔太貴~16元一支~我地埋單個時仲送左一張美極蝦...佢話下次黎多個餸食咁話~