利星火鍋海鮮小炒

營業中

休息中

深水埗放工食咩好?最中意食小炒，呢間位於福華街，平日都幾多人行，但我又未試過，咁就同左朋友去試啦小食叫左滷味拼盤，樣樣都好入味，同埋好少地方有鴨舌食，都幾唔錯。FIRE!!!!估唔到蟶子可以咁樣食，派頭大，個個睇呢個都好激動，燒完仲好大味好香。個蟶子勁多肉勁大條，好有口咬又香口，唔錯。烤鮮魷，都好大碟，而且唔多炸粉，原隻大大條，非常新鱗又1D都唔粉!菜都煲上，最勁係佢上到黎先比你睇倒落個熱煲度，真係熱辣辣，仲有蝦同蝦乾，個味都幾濃，菜又嫩，我中意呢個炒飯勁啦，叫有錢佬粉飯呀!個份量完全勁多啦，我地3個女仔都只係食左一半，料又好足，飯又非常乾身，掂呀最後仲有個鯉魚貴花糕，個造型已經非常可愛，味道唔太甜，都唔錯~

利星小炒做得如此出色, 道道菜都新鮮精心烹調, 必定成為我與挈友談天說地的另一飯堂。值得推介! 黃金蝦上咸蛋黃極盡惹味, 如為鮮蝦披上黃金衣,炸得連殼都脆卜卜，佐飯一流。冰梅欖角骨甜酸度適中, 完全靠冰梅的酸甜味帶出豬肉鮮味, 豬肉用料上乘半肥瘦適中, 必食推介。蒜蓉粉絲蒸鮮尤看似平平無奇, 越簡單菜色越能試出利星誠意, 鮮尤好新鮮,蒸既火喉剛剛好, 尤魚幼嫩鮮甜，不消一會兒便清碟。脆炸大腸配甜酸汁, 送酒一流, 大腸清潔得好徹底, 外皮脆得像吃薯片一樣。胡椒大蜆煲, 胡椒蜆湯熬得像鮮奶一樣, 濃郁到不得了！喝完即時暖和身體, 用上如排山倒海般份量的大蜆, 真材實料!火焰鐵板蟶子, 只有在利星才吃到, 將半熟蟶子放在熱燙的鐵板上, 滋滋聲不斷, 再由伙記淋上美酒, “逢”一聲將蟶子燙得剛剛熟, 視覺味覺之終極享受, 現在仍回味當中!

經fd介紹黎左呢間食飯。一黎到門口見到貼晒d明星相係門口。都幾多明人黎食。個fd 同我講一定要食呢個火焰聖子。6個人一人叫左隻食。呢個餸拎黎影相呃like一流。夠晒浮誇。食落口。爽口又甜。真係唔錯。必食🖒🖒🖒 叫左我既至愛豬肺湯😙😙😙。冇得輸。個膏蟹蒸糯米飯估唔到咁正。又多膏又入味。服務個阿叔幾好服務又好笑。係落單個個哥哥仔唔係幾講得笑😂個日咁岩有10蚊一碟炒蜆。好足料。又夠鑊氣。正😍 埋單6個人每人都唔使300蚊。食到好飽。抵食😗個fd冇介紹錯。下次fds生日可以再去

星期日家庭日，一家人行完山反深水埗屋企附近食飯。呢間食過兩三次覺得唔錯。之前食過火焰蟶子王同海鮮籠仔飯都幾好。今次食左其他小菜。麻辣雞煲，睇落好似好辣咁食落又唔係，係好麻好香，味道好重，一定要送飯先得，雞件惹味香口，肉質滑。重口味既會中意食，唔錯呀。酸甜生炒骨，酸甜汁岩岩好做到掛汁效果，酸酸甜甜開胃，排骨外面脆，肉都好軟熟，有肉汁。一客8支黃金蝦，蝦外面炸到脆卜卜，蝦肉都幾爽，上面淋左咸蛋碎，咸香十足！西蘭花炒斑球，大大件啖啖肉，有彈性有魚香，只係西蘭花硬左啲。

剛過左的星期3️⃣晚我一家三口約左三位好友飯局，其中一位好友係住喺深水埗的並提議去位於他家附近的利星火鍋海鮮小炒晚膳(坦白說我平時并不發現這間店)，於是一個禮拜前由他負責book位，book左1830時，店鋪位於深水埗地鐵站附近，類近黃金商場，直到當日在門口等齊人後便進入店內，一入門口已見倒好多海鮮放在魚缸內，睇見都增加左食慾😋，鋪分2層，密密既檯佈置，我哋一行六人，係係等嘅事發生一些小插曲，不過好在當時幫我地安排解決了，我地獲分配樓上既位置，一來的時候發現原來不是我們所想的邊爐鍋，原來是小炒來的。而且係我們在坐落不久的時候，你會發現周圍嘅枱很快被很多一家大小坐滿，坐無虛席。一打開點菜簿的時候，覺得有別一般的小炒款式，令人驚喜感覺到是誠意設計的，而且這裏的職員亦很友善，會提供一些意見使到我們點餸，一共最後我們點的8份餸，我地點左涼伴小食、鐵板魚卜、陰公骨(小小辣)、菜、蟹糯米飯、賴尿蝦(很貼心同驚喜已去殼)、雞軟骨和蠔；全部都很有味道特色，有別於一般的，坦白說全部都很滿意，如果你要我揀一款最喜歡的菜式，我可以告訴你很難選擇。最後我們嘻嘻哈哈、開開心心地食完晒所有菜。這間酒家我一定會再回來食

放完假仲好有holiday mood. 放工走咗去行深水埗之後去咗附近呢間利星食飯. 就喺正高登斜對面, 超方便.唔知係行得太攰定門口啲海鮮太吸引, 去到門口已經好肚餓.頭盤係店員介紹, 齊齊撈起, 有海浙, 雞絲, 豬耳, 芫茜, 少少辣幾開胃.被門口大大隻膏蟹同瀨尿蝦吸引咗, 所以點咗呢兩樣海鮮.個黃金瀨尿蝦有驚喜, 原來係去咗殼既, 方便食之餘仲入味啲.個膏蟹糯米飯又係全餐一個亮點. 原隻大膏蟹, 啲膏多到每碗飯都分到.呢道好多菜式都鐵板上, 夠鑊氣. 推介鐵皮魚飄同焗蠔.店員推介咗呢個海皇一品菜, 有個蟹肉獻伴住啲菜, 一流呢個泰辣陰功骨都好好味, 但個人覺得可以再濃味少少.最後我地再叫咗個椒鹽雞軟骨送酒.總括黎講所有小菜都好有水準, 酒樓環境但有大排檔鑊氣.

親戚帶路黎到呢間深水埗人氣餐廳食粵菜，感覺就係搬上樓較高級既大排檔。我地呢晚比較早到，6pm就入座，之後慢慢開始爆場..目測全場都是熟客，因為聽到老闆大大聲話"全部自己人,除左呢枱(指住我地XD)"黃金棒棒蝦 $168平時食黃金蝦都係用咸蛋黃炒炸過既蝦碌，呢個比較特別，海蝦用竹籤串起炸至外殼脆身，再係上面淋上咸蛋黃醬。蝦肉鮮甜，加埋咸香十足既咸蛋黃碎，脆卜卜連殼都食得。招牌鐵板火焰蟶子皇 $68/1我地order左9隻，一上枱侍應就點火，大家都拎起電話係咁影，甚有啅頭~望落份量唔多，不過味道唔錯，以蒜泥豉椒炒，夠哂惹味！蟹糯米飯 $時價蟹肉鮮甜，惟糯米飯較為濕軟，鮮味搭夠，可以一試！一個鐘唔夠就食完離開，因為出菜極快，而且客人相當多，老闆吹速交枱，我地都不好意思久留，唯有下次再幫襯

朋友介紹一齊嚟食呢一間餐廳食小炒，一心以為好似大排檔咁，食餐飯聚一聚，唔會有咩特別。但呢間餐廳確實令人驚喜。首先睇個餐牌，好似遊客餐牌咁，好多相，仲以為會好貴，但睇真啲價錢樣樣都好商宜。我哋一行六個人叫左八款小炒，樣樣都好夠鑊氣，最值得推介嘅係招牌羔蟹糯米飯，份量夠大，蟹多羔又新鮮，夠4-6個人食飽飽。另外係黃金賴尿蝦，夠鮮味，賴尿蝦剝左殼，唔洗搞到成手都係汁。砵酒焗桶蠔就無咩驚喜，好大隻，但蠔味唔重，不過桶蠔本身味較淡，所以係意料之中，反而啲洋蔥入晒味，個個爭食洋蔥多過隻蠔。睇其他食評有提到服務欠佳，但我今次去就服務尚算良好，阿叔仲會黎講下笑，好有街坊既感覺，反而枱與枱之間比較逼。

朋友是深水埗地膽，今天他帶路去了利星晚飯。利星有晚飯亦有火鍋，當日天氣不太冷，我們選擇了吃小菜。我們只有三個人，款式不能叫太多。A先生喜歡吃蝦，就叫了個美極煎蝦碌。侍應說今日海蝦特價，美極煎蝦碌可轉用海蝦，只是貴30蚊。好，就試吓海蝦啦！另外叫了個金磚豆腐和雜菜煲。海蝦味道果然和普通蝦不同，大大隻，味道鮮味。蝦頭滿滿的是蝦膏，吃進口既鮮又香。A先生吃了一隻接一隻，整碟蝦他吃了一大半。金磚豆腐即叫即炸。豆腐外面炸得香脆，裏面軟軟滑滑的，好吃！雜菜煲份量也不少，蔬菜新鮮，味道也做得不錯。朋友的確好介紹，價錢不貴，而味道亦不錯，下次要再來

餐廳位於深水埗站aD出口轉右就係，相當方便。到門口後就見門口貼左好多明星黎幫襯嘅相。而且表哥極力推薦，火焰聖子皇所以就決定在此食做冬飯。黃金棒棒蝦，同一般黃金蝦略有不同，減少了炸粉，將蝦串成棒棒，再另外煮起黃金咸蛋王醬淋在串蝦上，賣相起眼，感覺較健康回味雞煲，味道唔錯就似麻辣雞煲，比較少辣，但我個人覺得缺乏芫荽，就少了一種清新嘅香石鍋三葱煮桶蠔，鑊氣十足，蠔也覺肥美主角出塲火焰聖子皇一定要襯熱，一熄火就食，如果唔係聖子肉就會過熟，變硬砵酒焗桶蠔，上桌時係錫紙包住蠔，待應一剪開錫紙，酒香進鼻，下面鋪滿炒香洋蔥絲荷葉龍蝦糯米飯，龍蝦汁滲透糯米飯中，但過多，所以有太濕嘅感覺。總括餐廳餸菜設計得有特色，所以吸引到很多人。餐廳都會在入坐前要求客人盡早交桌太爆場啦

大伙兒行完電腦商場來個麻甩佬飯局啤酒加小炒男人的浪漫68蚊一隻聖子皇火焰鐵板燒我地一人一隻 拆左殼 都幾大堆頭一上枱老闆就叫大家要影相既就準備舉機一點火好似放火咁 一個字勁極之有睇頭 大家狂影味道方面 聖子皇大隻 新鮮無鯹味 爽口惹味有火喉砵酒焗桶蠔188蚊 侍應話有3至6隻不等石鍋上熱力均勻 蠔數量唔多勝在大隻人多唔夠分要叫多碟至得加酒烹調特別香金銀蛋浸波菜60蚊波菜過熟太過腍 年紀大既就岩食啦 不過味道好好 菜青嫩 青青地唔太濃味但蒜味很香 個湯汁送飯一流附上部份MENU作參考是次人均消費200蚊食到特色小炒 味道幾好 算幾抵食下次會試其他招牌菜

好姐妹在大埔道上班，收工時常在附近四出揾食，這次她介紹我吃利星的小菜，她更說這裡隨便叫一味菜都好吃..於是我們預早幾天致電訂位。餐牌內容非常豐富，圖片很是吸引！每款都很想一試！首先清清地點了一份涼瓜炒蛋白，蛋白似是混了些什麼，比較黏口，但也很香滑，涼瓜味甘爽脆。碧綠炒球的龍萐肉嫩彈牙，鑊氣十足。招牌三蔥桶蠔煲，大概有五只蠔，肥美鮮味，三蔥加上醬汁惹味至極。姐妹果然無介紹錯

今晚一行6人去左深水埗食小炒，去到門口見到好多晚星合照相，好多明星幫趁過，應該信得過。可能係星期一唔算多人亦唔洗等位，坐低無耐老闆同靚哥仔侍應都好好招呼介紹左幾道招牌菜，服務不錯，上菜都好快，抵讚👍👍👍講返d野食先，一黎就先飲豬肺湯，足料唔洗講亦食唔到味精味，讚👍👍👍再來一碟燒鵝，靚哥仔話好味過中環X記喎！賣相唔差味道都不錯，但略嫌鵝肉老左少少。跟住就係重頭戲"火焰蟶子"，呢個真係必食！！呃LIKE唔在講，蟶子大條又爽夠鑊氣，回味無窮😋砵仔焗魚腸，時間剛好，外脆內軟！焗荷葉炒蟹糯米飯，糯米飯粒鮮明有咬口，好香荷葉味，蟹夠大又多蟹膏，一啖蟹膏一啖飯，正！！炸大腸同燒腩仔都好脆口，值得一提係依傢做緊大優惠"豉椒炒花甲"只係$10，你無睇錯我無寫錯，係$10呀！！！眼見每枱都有嗌返碟，雖然花甲唔算多亦唔係好肥美，但$10邊度搵？！7點入座去到8點已經開始坐滿人而且好多都食羊腩煲，應該都唔錯，下次可以試試！！

朋友邀約吃晚飯!原來係時常經過門口貼滿明星照的餐廳!第一次嚟食，地方比想像企理，6個人叫了火焰蟶子、焗魚腸、燒鵝、炸大腸、炒花蛤、羔蟹糯米飯、豆鼓鯪魚油墨菜及豬肺湯!湯係我最欣賞嘅!足料蟶子一剎那嘅火焰不只是噱頭,堅係爽甜焗魚腸都有水準而燒鵝,炸大腸,油墨菜味道就一般!每枱限叫一碟嘅$10特惠炒花蛤，沒因為特價而減份量最後，唔明點解話伙記無禮貌!招呼我們的侍應全程和我們有講有笑，亦殷勤換碟！本人覺得服務不是傳說中那樣差！

今晚放工約了幾個朋友飯聚， 有朋友提議去深水埗一間叫利星海鮮小炒火鍋店。未入去，已經在門口見到貼滿很多明星光顧的照片，相信水準應該不錯。我們點了海味什菜煲，涼瓜炒牛肉，鎮江骨，黃金豆腐，美極蝦，脆皮乳豬，杏汁燉豬肺湯，干炒牛河等。海味什菜煲材料很豐富，而且湯底是上湯，味道非常鲜味。吃過很多酒家的涼瓜炒牛肉，這店炒的涼瓜口感恰到好處，不硬也不過熟，牛肉也很鲜味。干炒牛河很特別，加添了花生醬炒，味道更加美味。飯後老闆送了一客不知什麼名堂的甜品，外脆內軟的小圓波，餡料像芋泥，不太甜，是一道不錯的甜品