利星火鍋海鮮小炒

營業中

休息中

6人1行到深水埗酒家晚飯點了差不多十樣菜色吃了焗魚腸，唔腥可以，䥫板魚標都好味，呠酒焗蠔有水準，烧鹅一般，聖子有沙，椒鹽鮮魷最差，黃金蝦捧好味，花菜中有煙肉惹味，小炒皇合格奇味東風螺可以每人＄3XX。喝了啤酒，汽水。上菜很快滿意

今天約了一班退休的舊同事出來食飯，同事介紹這間食店開餐，其實我之前已經試過，還有不愉快經歷，不過我都尊重大家的。今次的菜式全是舊同事點的，因為搞手唔係我，我都樂意唔參予任何意見，我在這裡只介紹其中幾樣餸菜，因為其他都唔係太特別，首先要講的係撈起，這個菜式全名是什麼已經忘記，只知道佢有風生水起的意思，其實只是一般冷盤，都幾好食，幾開胃，不過我都係喜歡雞絲粉皮，用麻醬會更醒胃。這個里面好似係一些條狀的腸，很吸晴，沒有火水味，幾好食。這個菜有兩種骨，兩種都幾好食，軟骨很多，不過味道夠濃，很嘢味。下面這個是店裏的招牌菜-蔡螃蟹，做型很靚，口感很似蟹肉，黃色那些全是鹹蛋，很飽肚，必點。這個做型特別，下面那些菜做成羹，撈飯一流。這個飯是放蒸魚在上面蒸的飯，十多人都食唔完，其實魚就蒸的麻麻哋，新鮮度都唔太高，不過比普通炒飯健康很多，可以試一試。這個甜品是什麼，大家都食唔出，口感似麻薯。這餐飯都唔平，但好考功夫，所以其實大圍飯都可以選擇，因為樓上有雅座，舒適度很高。之前的不愉快經歷，其實係我上次食完回家，肚子唔舒服，所以經常覺得衛生度不足，今次其實都唔覺得有咩改善。所以如果一些有潔癖的人士，建議想一想

由於返工係深水埗，成日同老豆黎呢到食，但繁忙時段日日都咁多人，佢分上下層，聽聞樓上點心係即叫即蒸，下層就即叫即拎，有分別。食物質素：野食都有鍋氣，似大排檔，同埋都幾大碟，奉送例湯，不過野食就偏油，健康就一唔係架喇，同埋d茶就淡淡地，甜就唔會太甜，口感幾彈牙，油鹽醬醋都岩岩好，甜酸苦辣樣樣齊，夠？價錢方面，酒家黎講就算平，可能深水埗區，咁既價咁既份量，算抵食環境及服質素：由於中午繁忙一定唔好，但唔知係咪太多野做，果到有某幾個態度麻麻

一家人食生日飯，都唔係第一次嚟食，今晚真係要讚一讚，叫咗8餸一湯，由於係生日飯，所以預先訂哂位，點好哂菜單，咁有著選擇恐懼症嘅我就唔駛驚到時唔知點揀好嘞，今晚嘅菜單有<齊齊撈起>(麻辣)，作為頭盤，酸酸辣辣好醒胃，不過由於有小朋友，所以叫咗小辣，如果係正常辣嘅話，就一定會更加好食，跟住上嘅係燒乳豬，皮脆肉香，生日必選良食，再上嘅係冰鎮雙拼骨，原來冰係<冰梅骨>個冰，鎮係<鎮江骨>個鎮，真係比個餸名吹賬咗，不過係好笑，仲幾好味，<鎮江骨>啱哂老人家食，<冰梅骨>又啱哂小朋友口味，雙拼起嚟真係好細心，老少啱食，其他餸都係水準之上，鑊氣十足，食飽仲有飯後甜品，炸蛋同桂花榚，上埋個生日蛋榚，埋單除返開每人都係三佰幾蚊，出面食一定唔止，鑊氣夠味道好已經喺返度，真係超讚，開心到冇朋友 ( ^_^ )/~~讚。

老人家生日一家大小去吃飯，都不是第一次食，但今晚差到無朋友，首先是個 冬瓜盅湯加了史雲生雞湯， 火焰聖子好睇唔好食，一口沙用水洗後食有腥味， 椒鹽鮮魷鹽到苦，同肥老闆講：佢話鮮魷新鮮所以係咸我先生馬上說我釣開魚，肥仔馬上說：咁你想點（ 語氣好差想打人），我地咪話： 沒想點只是想再出的菜唔好咁咸，炸豬大腸硬到咬唔到（老人家說因翻炸）， 芋頭卷同一品菜正常外，其他又鹽味精又重

這是新近才再翻新裝修及改新店名的一家海鮮火鍋酒家, 在10月中試了一次午餐及在12月試了一次夜飯,18/Oct. 午市飲茶($6/位茶)由於自己進場已經是兩點九左右,阿姐已經講無腸粉, 點心有的已放晒在門口點心車上, 要就自己去揀啦! 即係同我們講請半自助, 明嘅, 自已攞吧! 蝦餃 (特)- 蝦肉ok嘅沒淋身蝦肉, 豉汁蒸排骨 (大)- 豬排骨肉多骨少, 义燒飽 (中)-义燒餡都算多嘅, 菜苗餃 (大) – 呢個比蝦餃好食, 煎堆仔係剛炸出來的, 有點燙咀但新鮮炸總比冷卻後的好,另一次在12月的一次行山旅程之後, 由於大家都是運動過後點的都是濃味菜式,咸魚豆腐煲 – 味道相當濃, 亦相當咸, 還好有豆腐食間開一下冰梅醬燒骨 – 呢個餸太過濃味(甜), 個冰梅醬用得過多, 其實個骨做得唔差椒絲腐乳唐生菜 – 同樣味道相當濃,燒鴨1/4 – 隻鴨都算皮脆肉嫩,值得一試嘅是晚每人消費約$130有機會再來試晚餐,

屋企人鐘意食中菜, 所以今晚黎左呢間好爆場既利星食小炒!炒通菜菜葉翠綠又脆口, 不過稍稍甜左一D呢個黃金墨魚芝心丸真係好好食! 外面一條條既黃金條咬落好脆, 裡面又有D流心既蛋黃漿, 咸香十足, 中間就係超彈牙既墨魚丸, 真係非常之好味道!砵酒焗桶蠔非常大隻, 不過蠔唔係好夠新鮮, 味道甜得黎蓋過左鮮味, 而且佢地用錫紙好似冇直接用鍋上咁熱辣辣

火焰蟶子，蟶子好大隻呀！而且相當新鮮！口感好爽好彈，好鮮甜！雜菜煲，普通，不過好大煲！竹筒牛腩，辣味欠奉，味道偏咸，沒層次，牛根多過牛腩⋯雞煲，大大煲，味道普通，沒驚喜。店內環境闊落，以大檯為主，適合一大班人柴娃娃，好熱鬧。每每個菜嘅份量偏多，一定要多人才可以叫多幾款小菜，否則好難消化。店員態度親切，用心服務，感覺不錯哦^_^

早聞利星是很出名的海鮮餐廳,所以約朋友來小敘一下,吃吃海鮮, 飲飲啤酒過左年咁耐先撈起,實在"過時"啊XD盤子用料十足,雞肉海蜇燻蹄爽口有嚼勁,邊位肥肉不太油, 還不錯鐵板火焰蟶子皇,看著蘇格蘭來的蟶子被燒到10層高的火焰點燃,每一位的動作也是馬上準備相機,場面震撼!蟶子皇沒有欺場,份量十足, 彈牙得來獻汁細膩不過咸,沒有搶過蟶子的鮮味1664比較甜, 好適合平日少飲啤酒既女仔~ASAHI很清醇而且爽口, 男女皆宜Erdinger則果味比較重, 較清新順滑蒜蓉粉絲扇貝,一隻扇貝竟然有2塊?咬下去非常稔身, 卻又鮮味十足,粉絲跟蒜蓉量好多,活像一個小型粉絲煲一樣

和朋友聚會，朋友介紹了這間食肆。訂了平日8:00pm枱，8:00pm準時去到，等了約兩三分鐘，職員便安排入座。餐牌內的餸菜很吸引，有照片提供，方便點菜。我們一共點了四個菜，一柱擎天、黃金蝦、椒鹽鮮魷及京都骨。 當中比較推薦一柱擎天同黃金蝦。一柱擎天賣相特別，外面少見，味道亦不俗，略帶一些鹹味，清得嚟又不會太清淡。黃金蝦很好吃，蛋黃味得濃，若喜歡吃蛋黃及蝦的話一定要選它，但這味餸比較膩同濟，人多吃比較好。餐牌上還有很多吸引的小菜，下次會再來品嘗。

朋友不時在facebook上載到利星食飯相片，今晚一行三人決定試吓，電話訂枱準時6點到達，環境尚算企理，第一次食冇乜心水，點了頭抽雞半隻、頭椒炒蟶子6隻、飛天芥蘭煲、海斑蒸飯四款食物。頭抽雞先上枱，造得幾出色，無論係雞皮色澤，味道以至肉質都好好，平時食油雞我習慣沾薑蔥蓉，不過今次只沾碟上豉油已經足夠接住係蟶子，鐵板上枱後加酒搶火，係幾過癮，唔知落酒係唔係重手咗，食落覺得豉汁味唔夠香，蟶子肉質唔算好爽，我覺得呢味餸只係一般飛天芥蘭，先將燒熱嘅沙煲上枱，再將炒好的芥蘭放落沙煲內兜兩兜，夠晒鑊氣，廚師用上芥蘭苗，細細條好易入口，配小蝦米、大蝦乾、三隻大蝦、汁料炒香，廚師好聰明，炒熟啲菜至落沙煲，沙煲熱力將菜滲出來的水份抽乾，結果食到尾，煲底唔會水汪汪，味道比較濃郁惹味海斑蒸飯，大蒸籠內用一幅荷葉墊底，白飯加蛋炒底，再將斑頭腩舖在飯面上，還有金針、雲耳、蜜棗、蒜頭、蔥、芫茜等配料，啲汁滲晒入飯底，幾好食，石斑肉足料，不過配料好乾身，而金針太長，切短少少口感會更好埋單$895，可以接受，值得再來

電台節目介紹就黎試下，訂左位唔使等，坐2樓環境舒服~~ 因為要等朋友，侍應無話催催供or白眼~~預留左火焰聖子同杏汁豬肺湯，再叫埋芋頭卷，一品菜同龍蝦籠仔糯米飯.杏汁豬肺湯 - 個人覺得偏咸,但真材實料, 都唔會口渴.火焰聖子 - 最適合影相同VIDEO, 其實係豉椒炒聖子但上檯時用酒贊一贊又成為名菜, 好諗頭, 食飯都求開心~~芋頭卷 - 炸得乾身, 而食到中間食左粒帶子, 味道亦幾夾~~一品菜 - 賣相一流, 亦幾大碟下, 豆苗撈埋個獻都幾好味~~龍蝦籠仔糯米飯 - 糯米飯唔算乾身, 但吸哂龍蝦d汁, 好惹味, 份量亦頗大, 要多人食先得~~服務非常好, 其中一位伙記非常風趣, 有熱誠, 一定會再黎食~~

約舊同事聚一聚, 之前食過一次同事farewell飯都不錯所以提議食呢間。今次坐樓下, 冇樓上D咁熱鬧可能係中細檯為主。點左燒鵝, 招牌菜鐵板蟶子, 辣酒煮花螺, 飛天芥蘭同埋籠仔荷葉蟹糯米飯。點菜時店員會話你知個蟹飯要幾錢, 以免埋單時爭拗。傾左5分鐘, 就上左燒鵝同鐵板蟶子, 好快手燒鵝 - 皮唔算好脆, 肥肥地有鵝油(我個人鐘意), 肉都幾入味, OK啦鐵板蟶子 - 由店員淋上已點火0既酒, 好有視覺效果 (差唔多檯檯都叫), 食落仲有淡淡酒味。蟶子彈牙, 新鮮, 豉椒汁唔算多, 冇搶哂D味。呢個飛天芥蘭又有少少GIMMICK, 先上燒紅左0既鐵鍋, 之後將煮好7,8成0既蝦醬蝦乾芥蘭倒落去快手兜勻, 咁就唔會過老/ ?菜, 呢個菜好惹味, 送酒送飯一流。籠仔荷葉蟹糯米飯, 好明顯係炒完個蟹, 再放上飯度。有一隻中肉蟹,走油後用左薑蔥乾蔥炒, 肉質實淨冇泥味, 重點係- 好多膏! 糯米飯就有蝦米, 應該用上湯煮過下, 都好夠味, 阿老公係咁食D膏同飯,哈哈。最後仲有辣酒煮花螺。個面好多辣椒呀!!食落都幾辣, D花螺有3-4CM左右, 細細隻所以唔韌, 冇沙, 不過可能辣, 食唔到

今次一行4人去除左鐵板蟶子，仲叫左蜜汁爆鱔球、芋頭卷、炒蛋白仲有一個菜鐵板蟶子，今次唔係燒左好耐，感覺冇上一次咁惹味咁火熱蜜汁爆鱔球，外脆內嫩，而且外層既蜜糖好香好甜，正呀~芋頭卷，我食左2件，第一件芋頭卷著一D好似大蔥既野，第二件芋頭卷著一粒帶子，好好味呀~~一D都唔油，炸得好乾身炒蛋白，唔係普通既炒蛋白，底層有炒香左既咸蛋黃，中層有炒白蛋加上蟹子，最頂頂有D黃色脆脆，層次好豐富。不過今次食飯7點入座，8:15就要交枱，成件事好趕

深水埗真是好地方；劉森記牛腩麵，維記豬膶麵，生龍咖喱，榮記金獅糖漿，文記海味...利星龍蝦籠仔蒸飯屬必食之選；龍中放米，龍蝦用洋蔥、蒜子、豆豉爆香後放上飯面蒸熟。汁料滲入米飯中，忍不住不斷添飯！避風塘茄子表面炸得脆口，內裏鬆軟，料頭炸得夠乾身，蒜茸也下得夠多，夠惹味。每晚七時後有燒鵝，質素不錯，皮下脂肪少，醃得入味；食完才發覺忘記拍照！