初遇

營業中

休息中

呢間台灣餐廳有唔少卡座位，會播一些台灣流行嘅歌曲。台中手工雞卷便當肉燥飯唔會太鹹，加埋甜甜哋嘅肉鬆一齊食，好好味。手工雞啖啖肉，鹹鹹地有些酒香味。初遇紅燒牛肉麵牛肉麵的牛肉有少少牛筋，麵質爽口，湯底濃郁。蔥油手撕雞腿肉雞腿肉肉質嫩滑，蔥油味好香，可按自己喜好加蔥油的份量。初遇地瓜酥地瓜酥甜甜地，煙煙韌韌，好有口感。炭培鳥龍起司奶蓋芝士奶蓋有香滑芝士味，烏龍茶茶味十足。大甲芋頭芋圓鮮奶呢款飲品好重鮮奶味，芋頭切得細細粒，加埋鮮奶一齊飲，好似食緊另一款甜品。古早仙草三色芋圓呢款甜品好足料，有奶香味，唔會太甜。芋圓彈牙又唔會太硬。

西灣河太安樓惠康附近有一間叫初遇嘅台灣食店，午餐和下午茶時間都坐滿晒人，我覺得食物同價錢都合理。今日下午三個人去食咗三個套餐，人均消費$80 ，都幾豐富。最喜歡佢嘅起司肉鬆蛋餅配冷泡阿里山烏龍茶。蛋餅嘅皮好煙靭同埋卷有超多嘅肉鬆、芝士，即做即食，肉鬆甜甜的又鬆脆，芝士又夠多，十分好吃，物有所值。朋友叫咗一品臭臭鍋配寬條薯粉套餐，包飲品才72元。加16元可以升級鮮奶芋泥手工芋圓。臭臭鍋嘅材料都幾豐富，有豬肉片、魚蛋、蜆、冬菇、金菇、黃芽白、豆腐、豬大腸、腐竹、鴨血等食材，吃得辣的會覺得好過癮，小辣對我哋講剛剛好，加埋薯粉絕對夠飽肚，湯底酸酸辣辣，很合我們嘅口味。古早滷蜜汁排骨配手工麵也很好吃，手工麵煙煙韌韌大大碗，適合不喜歡辣的朋友，湯麵裡有青菜酸菜，排骨好鬆脆可口，睇落去好似黑黑咁樣，其實滷水蜜汁嘅效果，味道都唔錯。飲品喜歡鮮奶紅豆芋圓冰，奶味好濃郁，紅豆又甜又淋。烏龍茶嘅茶味也很正宗解渴呢！初遇的食物很台灣地道啊！

今日出開去西灣河附近做，本身諗住去太安樓掃街， 但因天氣太熱， 所以最後都係想搵間餐廳坐低慢慢， 舒服d .慢烤雞腿旦吐司:即整，上枱熱辣辣， 雞腿幾厚切， 旦煎得剛剛好， 有少少流心， 吐司脆口， 夾埋一齊食， 同埋都幾大份，正，扺食，推介冷泡亞里山烏龍： 唔會太濃味， 茶味香，天氣熱最啱飲冷泡茶古早肉鬆榨菜旦餅： d 個配搭幾𠕇創意得黎又幾夾， 旦餅即煎， 唔會好厚，口感豐富， 下次試吓其他味先麻辣鴨血： 少少麻辣得黎又唔會蓋過d 鴨血

這間店改名前是幸福鍋，其實前後冇大分別，食物一樣只係名稱改變首次來到食下午茶餐慢煮豬軟骨滷肉飯這碗慢煮豬軟骨滷肉飯絕對是一道值得品嚐的台灣美食。豬軟骨經過慢煮，口感軟嫩多汁，充滿膠質，讓人一口接一口。滷肉的味道入味，配上白飯，非常滿足。麻辣鴨血臭豆腐拌面 這道拌面的亮點絕對是鴨血和臭豆腐。鴨血的口感像果凍一樣，超咕溜Q彈，一點腥味都沒有。湯頭清爽，不會過鹹，即使加了辣醬，依舊能嘗到清爽又鮮甜的滋味。臭豆腐則是超大一塊，吸滿了湯汁的精華，每一口都美味誘人。冬瓜茶冬瓜茶是台灣的經典飲品之一。清爽、微甜，而且有助於消暑。在幸福鍋享用冬瓜茶，一定讓你感到涼爽愉快。珍珠奶茶珍珠鮮奶都超怕會爆甜的，但幸福窩的黑糖珍珠鮮奶剛喝第一口竟然不會很甜膩，反而很順口，還有淡淡的黑糖味道。珍珠的份量也夠多，咬起來有嚼勁，並不會感覺硬硬難咬

今次黎到初遇西灣河分店，呢度裝修和其他分店差不多都係一致，簡潔，光亮，有卡位，一到晚飯時間就好多人，用qr code落單好方便宜蘭蝦多士蝦多士好脆口，成個蝦多士都鋪滿曬芝麻好香，快蝦肉好厚 起司肉鬆捲餅肉鬆好多，咬落去芝士拉絲，捲餅亦都整得好薄身，成個口感都好突出台中脆皮雞卷拌麵脆皮雞卷外面好香脆，裏面還keep到啲雞肉juicy，拌麵係手工麵，比較麻辣可能係台中嘅關係 😄 食落好惹味古早滷蜜汁排骨手工麵蜜汁排骨外脆內軟，外面有浸蜜糖所以好香， 同埋快豬排骨都好大塊，手工麵軟硬適中，湯底一啲都唔肥膩，非常正宗紅豆仙草三色芋圓紅豆加埋芋圓一齊食甜度適中，仙草做底好軟滑鮮奶芋泥手工芋圓 & 鮮奶紅豆手工芋圓兩杯嘢飲都甜度適中又重料，好香甜

今日西灣河放飯食晏，熱鬼辣辣唔入太安樓了，記得惠康側邊有三間裝修四正嘅食店，同事話食台灣嘢，就入咗“初遇”，裏面座位/卡位寬闊，冷氣好足，坐低就掃code點餐，樣樣都好似好好食咁。。。😊*蜜汁排骨滷肉飯 - $66*→ 👍 蜜汁排骨入味，非常有驚喜，調味帶一點黑醋式甜酸而不搶過肉味，帶極微酒香，肉質鬆化兼有少少彈牙質感，豬扒近乎無骨，外表帶煎/炸微脆，分量十足，十分推介😋👍→拼配的肉燥味道好，扣分位係分量太少唔得體，喜歡吃可以獨立叫肉燥飯$59，或省$4叫只叫蜜汁排骨飯算了（$62）😂→半隻鹵水蛋黃8成熟，味道方面只能當配角。有酸菜配菜，拌飯開胃，珍珠米略嫌細粒，飯質正常。*古法慢煮焢肉麻辣拌麵-$72*→上枱所見就係3嚿方形扣肉+拌麵。麵條拌上麻辣汁及肉燥，惹味好食。冇同排骨比較下，扣肉烹調恰到好處，調味正常，肥瘦相間扣肉帶有豬油香，而不會感油膩。每個餐均配上紫菜湯，但紫菜湯落太多鹽喇，希望店家可以考慮淡口啲，或俾食客自己加鹽😊台式熱奶茶只能少甜，又但係少咗都好鬼甜+好鬼甜，希望店家將來有多個走甜選擇俾食客。整體感覺體驗良好，上菜速度極快，食物也夠熱，可列為食堂之選。😊

【西灣河免加一地道台式小店】「幸福，就是一堆小確幸累積而成，每一口新鮮美味，形成一滿滿一鍋幸福。」 呢句就係餐廳slogan，位於太安樓嘅初遇除咗提供臭臭火鍋、台灣火鍋之外，仲有多種台灣地道小食，務求讓每位顧客食得幸福，真係好似返咗台灣咁！✨環境亦好乾淨企理🫶🏻❤️🔷台中脆皮雞捲滷肉飯 $63首推雞皮捲，雞皮經過特殊處理和烹調後，香脆可口。而與之搭配的滷肉則是使用傳統滷製方法，肉質軟嫩入味。既有咸香滑嫩的肉類，又有酥脆爽口的雞皮，口感層次豐富。🤤🤤🔶薑蔥鹽酥雞飯 $60🍗雞肉炸得酥脆多汁，撒上薑末和蔥花，帶有微辣微鹹的風味，配上一碗白飯🍚口味濃郁而不油膩。😻🔷古早起司芋泥肉鬆餅 $46將芋頭製成綿密香甜的芋泥，再加入肉鬆和起司等材料，芋泥和肉鬆搭配，加上芝士🧀的奶香，口感豐富，好滋味🤤🔶古烤台灣香腸 $38口感結實彈牙，帶有淡淡的煙燻香，搭配上現切的切片蒜頭，簡單美味。♥️🔷淡水鹵肉刈包 $26刈包的外皮Q彈有嚼勁，內餡的鹵肉則是軟嫩多汁，醬料調配得恰到好處，不會過於鹹膩。😻🔶（芋香）珍珠奶茶🧋（加配$12）🔷夜市鳳梨水果茶(加配$12）📍：初遇 (西灣河)西灣河筲箕灣道57-87號太安樓

今日唔知點解突然想食肥肉,又諗起台灣野有,所以就上網search 下,比我搵到哩間餐廳~古法慢煮焢肉滷肉飯+ 紅棗桂圓茶 $66飯跟左個紫菜貢丸粒湯,味道ok 紅棗桂圓茶無加糖,非常天然 good~焢肉好食,入口唔會感覺油膩~士林咸蛋芋泥酥 $36芋泥甜既,咸蛋得好好好少, 味道一般!~古早起司芋泥肉鬆蛋餅 $46哩個好食!!起司,芋泥,肉鬆放埋一齊好夾

同朋友去左西灣河食台式一人一鍋🤭🤭一品臭臭鍋: 個一人鍋都幾豐富，入面有鮮甜既沙白、黑白兩色既臭豆腐、貢丸、米血糕、大腸、鵪鶉蛋、白豚肉、炸枝竹、鳴門卷，另外亦都幾多蔬菜，娃娃菜、番茄、韭菜、金菇。因為佢個臭臭鍋麻辣味好香濃，所以D食材索曬D汁，同埋好滿意佢鍋入面有粉絲，好入味好惹味! 另外，可以我揀左要寬粉，索埋個湯底，無得輸! 其實一個人食，都真係已經好夠飽!台式香濃沙茶鍋: 個沙茶鍋既鹹香好濃郁，又係D惹味既湯底! 呢個鍋入面同樣沙白、娃娃菜、番茄、韭菜、金菇、鵪鶉蛋、炸枝竹、鳴門卷，而唔同既就係轉左牛丸、牛肉片、花枝丸! 唔鍾意食辣既人揀呢個鍋都係唔錯既選擇!古早烤台灣香腸: 香腸切得好薄，連埋蒜片食好夾! 腸入面有肥瘦肉，令佢更加有口感!黑珍珠奶茶: 茶味幾出，珍珠食落都幾有爽口自家薏米水: 個人覺得呢杯偏淡，如果有檸檬口味，應該會更加好飲!

太安樓內好多嘢食就人人皆知，而太安樓地下向海的一列街鋪，也有不錯的選擇。今日就在其中一間吃了台式料理下午茶，價錢實惠，食物和服務都不錯呢。🏅古法慢煮焢肉麻辣拌麵 + 冷泡亞里山烏龍（$65）🏅麻辣鬼椒雞腿蛋吐司 + 台灣奶茶（$40）🏅紅燒半筋半肉麵 + 紅棗桂圓茶（$69）🏅古早肉鬆榨菜蛋餅（$42）🏅古早芋泥三色芋圓（$45）🏅滷肉A菜（$28）焢肉麻辣拌麵超好食。焢肉即是滷五花腩，滷得香嫩入味不油膩，肥肉一咬即溶，瘦肉有咬勁不鬆散。醬汁中有滷肉和酸菜，每條麵條都掛滿醬汁，麵條口感滑溜。每碗麵還附送紫菜肉丸湯和飲品，六十多元吃得飽飽。雞腿蛋吐司有厚肉雞排和雞蛋，味道好好可惜不夠辣。連飲品只是四十，超抵。半筋半肉麵有牛𦟌和牛筋各兩件，入味軟腍，麵條滑溜，湯底清甜，而且夠熱，都不錯。榨菜蛋餅和滷肉A菜不過不失，有台灣味道。三色芋圓中有仙草和一大球芋泥，材料豐富，芋泥綿密，有好香的芋頭味道。

經朋友推薦之下，試咗呢間台式餐廳嘅午餐，午餐選擇種類幾多，有唔同嘅拌面，手工麵，小鍋等等嘅選擇，而今次就率先選擇咗兩個唔同嘅初遇小窩 ，即係迷你嘅火鍋。臭臭鍋帶有陣陣臭豆腐味，但味道唔算好強烈，唔係好臭，麻辣湯底就相對濃味，唔算太食得辣嘅話小辣都已經好足夠，麻味越食越突出。整體嚟講鍋既食材份量唔算少，食晒成個鍋都幾飽，鍋底本身已經包咗粉絲，另外選擇嘅粉麵可以考慮選擇粉絲或者其他，我就幾推介粉絲，因為真係好索汁，加埋辣湯一齊食好過癮😚▪️一品臭臭鍋（小辣）$98▫️ 娃娃菜.白豚肉.臭豆腐.新竹貢丸.米血糕.大腸.鸭血，沙白，鵪鶉蛋，番茄.榨菜絲.韭菜.金菇.鸣門卷.炸枝竹.自選粉麵 (粉絲)▪️ 麻辣什錦牛肉鍋（小辣） $98▫️ 娃娃菜.牛肉片、豬肉水餃.花枝丸.鸭血.沙白.米血糕.大腸，韭菜.金菇，炸枝竹.鳴門卷.青豆角. 自選粉麵 (粉絲)

最近唔知點解咁啱食嘅都係打邊爐🤣不過今次食嘅呢間就係台式嘅火鍋，性價比好高了已經食過幾次～呢間西灣河台式火鍋店真係好吸引！❤️泡菜豚肉豆腐鍋今次試咗佢哋嘅泡菜豚肉豆腐鍋，鮮甜嘅豆腐同埋香辣嘅泡菜🙋🏻‍♀️令到豚肉食落去都係酸酸辣辣，非常好食😋味道真係超級搭！🥰大腸麵線大腸麵線又軟又Q彈，細細碗 一齊分享非常唔錯😁古早仙草三色芋圓食完熱辣辣嘅火鍋，就適合食仙草三色芋圓，清新涼爽，真係解膩又開胃😍😍仲要芋圓份量都好多！士林蟹蓋餐廳推薦佢哋嘅士林蟹蓋，好彈牙嘅蟹肉餡加埋脆脆嘅外皮，好過癮！😋最後，唔少人都係食咗大餐之後，飲夜市鳳梨水果茶慢慢消化，再試下佢哋嘅冰糖紅棗燉雪耳，甜而不膩，係完美嘅結束☺️總括黎講，呢間店嘅菜式多元化，味道鮮美，價錢又親民，值得一試！😙

無嚟一排，原來轉咗名，都係台式餐廳，餐牌有少少唔同初遇小食拼盤 $88鹽酥雞丶醉雞卷丶脆魚塊丶麻辣豬大腸丶滷蛋丶麻辣鴨血丶台式香腸丶麻辣牛肚丶地瓜酥，每款約有兩件，最啱二人share宜蘭蝦吐司 $42同港式蝦多士唔同，方包上面係偏甜味嘅台式蝦滑，吐司香脆但比較油紅燒牛三寶手工麵 $84牛鍵丶牛肚丶牛根，三樣都煮得軟腍入味，湯底味夠，而不過鹹，手工麵口感亦算煙韌，唔錯喎夜市鳯梨水果茶 +$12點咗少甜少冰，主調係鳯梨味，幾好飲冰糖紅棗燉雪耳 +$12點咗少甜少冰，味道比預期淡古早芋泥三色芋圓 $45

太安樓入面除咗小食店之外，出面仲有多間餐廳選擇今日食晏我就揀咗呢間幾爆場嘅《初遇 》平日兩點時段已經有下午茶，價錢相當親民ღ台式香濃沙茶鍋 $98鍋底嘅沙茶醬香濃好味🤤配料份量十足！有娃娃菜、牛肉片、鳴門卷、花枝丸、牛丸、韭菜、蕃茄，米血糕、沙白、粟米、金菇、炸支竹同青豆角自選粉麵揀咗寬條薯粉，掛晒湯汁好正😋ღ大腸麵線拼淡水滷肉刈包 $42刈包好軟熟，淡水滷肉入味大腸麵線香噴噴！麵線軟綿滑順，搭配嫩滑香口嘅大腸，好滿足！ღ初遇小食拼盤 $88小食拼盤用咗木9宮格木架上，有9款唔同嘅小食😍豐富又吸引🤩飲品芋香珍珠奶茶 +$8黑糖珍珠奶茶 +$12冷泡亞里山烏龍茶

麻辣什錦牛肉鍋(小辣)哩個小鍋好好，咩都有 D：娃娃菜、牛肉片、水餃、蜆、花技丸、菇、技竹、鴨血、大腸、青豆角，其中最難忘係米血糕，好特別，好好食，出面未食過，另外仲可以配 方便麵 / 薯粉 / 粉絲 / 飯，我地揀左薯粉，快熟又入味，正！🥰古早花雕雞卷配手工麵好入味既花雕雞，酒味適中，雞件軟滑，手工麵彈牙有口感，好食！☺️麻辣鴨血好鐘意佢個辣度岩岩好，欣賞佢上枱時係熱辣辣，必食之選！😍古早起司芋泥肉鬆餅蛋餅皮夠薄＋少少脆身，好欣賞哩個口感，真係估唔到可以係香港食到哩種台灣既口味，有驚喜，入面包住芋泥、芝士、肉鬆，好好味，好味到要 encore 食多一碟。😋古早仙草三色芋圓甜度適中，唔會好甜，讚！芋頭圓、番薯圓、紫薯圓都係煙煙韌韌，配仙草，整個組合都係恰到好處。(芋香)珍珠奶茶(少甜)彈牙的珍珠， 香濃芋香味， 唔算好甜紅棗桂圓荼紅棗夠多，除左桂圓之外，仲有杞子同花，飲落好暖心。❤️期待下次再去。