初心

營業中

休息中

好耐未去過一間酒樓或餐廳有咁好嘅服務，食物又新鮮，價錢又合理 我覺得前菜同刺身其實可以唔食主打食火鍋， 佢啲鮑魚真係好好味 服務員會不停同你加湯同收碟， 今時今日咁好嘅服務態度真係好難搵㗎啦 地方光猛坐得舒適， 兩個半鐘嘅自助火鍋絕對夠時間食。

/海鮮控要注意⚠️～任食打邊爐食得多，但任食海鮮真係好少見🤩！喺將軍澳新開嘅火鍋店🍲朝早同午市都係飲茶食點心，但夜晚就變身成為雞煲海鮮火鍋放題，超吸引呀！/呢度嘅食法同普通放題火鍋店有啲分別，係會順序上食品，坐低首先會放低四款餐前小食，分別有炸魚皮、四季豆、麻辣小雲耳、黑松露蝦多士～/食到咁上下就會有一份刺身拼盤，有三文魚、甜蝦、八爪魚、帶子同埋海膽～但刺食就冇得任食，不過主角都係海鮮火鍋所以就當留肚啦🤭/第三樣上就係麻辣雞煲🐔，小至大辣都有得選擇，小辣係bb辣一定會食到，雞件都好惹味同分量好充足，記得記得留肚呀🙊/最後終於到主角出場啦，首先係選擇咗一款火鍋湯底先，湯底都有7款🍲特別嘅有花膠北菇菜膽鍋、蟲草花南瓜鍋、蕃茄美人鍋等等，但我就叫左四川麻辣鍋湯底微微麻辣，越食越上癮👅/海鮮船超級無敵豐富👀，分別有肥美膏蟹真係啖啖都係膏🤤，勁大隻鮑魚肉質彈牙煮熟咗都冇縮水🤭，白蜆重點冇沙、龍躉腩片、青口、蝦，海鮮真係最重要係新鮮生猛，回本位真係喪叫鮑魚😆，我兩個人都食左6隻😙除咗膏蟹其他海鮮一律都可以任食㗎！/極上肥牛同黑豚肉都係靚貨，唔會肥膏多過肉，油花分布平均，食食下都食左幾碟🤣其實重有其他

這間位於將軍澳的初心，早、午及下午茶時段會供應傳統手工點心、小食、炒粉麵、輕巧小菜等；晚市則主攻火鍋放題。我們在閒日的中午來到，叫了多款點心、小食及主食。點心價錢由小點$18.8 - 特點$28.8。平日星期一至五下午茶時段更特惠，大、中、小點一律以小點計。醬皇金錢肚（$26.8/大）👍👍👍👍👍蜂巢狀的金錢肚，每一個部份都索滿濃郁惹味的醬汁，牛肚入口爽彈並帶點煙靭，做到軟透不爛的口感。晶瑩蝦餃皇（$9/件）👍👍👍👍吃中式點心，又點可以沒有蝦餃呢？我們二人叫了兩隻蝦餃，每隻$9。蝦餃皮晶瑩通透，皮薄柔靭；粉嫩的蝦肉爽彈鮮甜。黃金流沙包（$23.8/中）👍👍👍👍👍熱辣辣的流沙包，流著金黃色的奶黃，十分誘人。記住要趁熱吃，才可以吃到流心的質感啊！鮑汁雞腳（$48）👍👍👍👍這煲鮑汁雞腳除了有主角-雞腳外，還有大量花生。雞腳炆至剛離骨，充滿骨膠原，花生炆得入味，入口軟稔。XO 醬炒蘿蔔糕（$38）👍👍👍👍切成小粒的蘿蔔糕，加入XO醬、芽菜、洋蔥等同炒。爽脆的配菜跟軟綿的蘿蔔糕，配合香辣的XO 醬，惹味又美味。瑤柱蛋白海皇炒飯（$88）👍👍👍👍吃了多款點心小食，叫了一個瑤柱蛋白炒飯, 材料有鮮蝦、

又嚟到打邊爐同食雞煲既季節，朋友話想一次過滿足兩個願望，竟然比佢搵到間餐廳有得打邊爐有得食雞煲，仲有刺身食tim，勁！一入到餐廳，職員已經好細心咁講解上菜既次序，值得一讚~餐前小食有蝦餅、雲耳、蛋黃魚皮、四季豆同雞腳。雞腳既汁好香濃，而且雞腳都好淋好入味~然後上刺身，有帶子、海膽、生蝦、三文魚、海螺、吞拿魚，唔止擺盤靚，有乾冰冒煙出嚟營造視覺效果，而且每樣食物都好新鮮！之後係雞煲，我地都唔食得辣，所以揀咗唔辣，雞煲既配料足，有冬菇，洋蔥，豬皮，腐竹，所以聞落香噴噴，食落又惹味。嚟到主角花膠北菇菜膽鍋，本身湯底清甜 我地一人飲咗一碗！火鍋配環球海鮮船（包括兩隻蟹、蝦、鮑魚、青口等等），除咗蟹之外其他海鮮仲可以添加，超滿足！極上肥牛每一片既油花都好平均，正！黑豚肉因為係黑毛豬，所以一d騷味都冇。野花盛放就係蔬菜，打邊爐一定要食菜，咁樣感覺好健康🤪其他配料包括響鈴、魚皮餃、丸類、雲吞等，真係數都數唔哂！最正既係仲有芝士蛋糕做甜品，成餐飯好圓滿！

今日去參觀朋友位於將軍澳嘅新居，之後就落咗去樓下呢間初心食晚飯。依度嘅晚市放題真係好精彩，用一個價錢就可以食到從相片可見嘅食物，只要你個肚裝得晒，大部份都可以任食添！呢度嘅非酒精飲品都係任飲，有汽水、解茶、仲有好多唔同款式嘅無汽飲品。自助調味區乾淨衛生，因為有火鍋同刺身，所以豉油都有兩款，另外仲有各式醬料俾食客慢慢混醬。店員首先會奉上餐前小食，總共有六款，包括有青豆、木耳、豬紅、日式黃瓜，仲有炸得酥脆嘅三文魚骨同埋黑松露蝦餅，全部都好好食！餐前小食仲每日都唔同款，所以再嚟光顧都會有驚喜。食過餐前小食之後，就輪到食刺身，包括有三文魚、帶子、墨魚、貝類、大蝦同海膽，非常豐富！然後就開始食雞煲，麻辣雞煲可以揀辣度，我就揀咗BB辣，再加上芫荽、洋蔥、蔥頭、少量紅椒去爆香，一開蓋已經聞到香味撲鼻，真係口水流🤤。雞煲入面除咗有雞件之外，仲有豬皮同枝竹，全部都入晒味，真係超好食，仲可以追加，不過我知好戲在後頭，所以我都冇要求追加了。火鍋個煲已經夠晒氣勢，仲好明顯係精心設計過，因為上面都印咗佢哋嘅店名「初心」。湯底有七款選擇，我哋就選擇咗花膠北菇菜膽鍋，鍋內有數件花膠同大北菇，湯嘅色水比較清澈但不失味

任食火鍋係香港已經好多，但真係高級有貴氣嘅就只此一家-《初心》！🍽餐前小食(可追加)由佢嘅前菜出現松露蝦多士就已經覺得唔野少🤩雲耳嘅汁都好特別，酸酸地全部都好開胃😗🍽尚盛刺身刺身實在太正喇！又鮮又大件😆有好大件海膽....係港女最愛嘅海膽！帶子好大粒超爽甜🤤🍽麻辣雞煲(可追加)—由於我唔太食辣，餐廳好好咁俾沙薑雞呢個choice我！平時多數都係沙茶醬，沙薑汁真係好少見🤔而且塊雞皮煎過先煮，睇得出大廚每一個細節位都落足心機💜🍽自選火鍋湯底—火鍋湯底選擇多，蕃茄美人鍋就酸酸尾尾咁😗但重點係最後💁🏻‍♀️留個少少嘅伏筆🖊🍽環球海鮮船最期待嘅海鮮船到左喇😍唔洗多講睇相就知有幾豐盛🦀超多膏蟹/🦐超鮮甜蝦/🐟龍躉球/新鮮生猛鮑魚/超肥青口/蜆/🦪蠔除左蟹，所有海鮮都可以追加💪🏻太幸福了吧😙🍽極上肥牛/黑豚肉/手打肉丸/野花盛放及多款火鍋配料打邊爐必有嘅牛肉同豚肉都唔hea🤞🏻極上牛肉唔係普通肥牛黎架💁🏻‍♀️豚肉都好好味，高質👍🏻魚腐、水餃🥟、魚皮餃、蟹肉釀油炸鬼...呢d小菜一d都唔hea!!!🍽甜品🍮甜品嘅芝士蛋糕好滑好幼細，唔會漏😍今餐真係好滿足😊由頭有驚喜到最尾！食物質素好高🆙🆙🆙份量超多！真

食完雞煲再打邊爐已經唔係新鮮事，之不過再加埋任食新鮮海鮮呢，又另一回事啦😎！佢地既火鍋放題有一種特別既食法，係先順序上食品，之後鐘意食啲咩就可以再追加咁🤗~首先會送上五小碟餐前小食，當日係黑松露蝦餅、鴨血、涼拌木耳、醃蘿蔔同涼拌四季豆，可以開一開胃先😉！之後就會上刺身船，有三文魚、甜蝦、八爪魚、海膽同帶子，啲刺身厚切又新鮮😍，不過呢款就無得再添既，但都唔緊要，因為絕對要留肚食佢地啲海鮮😍😍😍！ 麻辣雞煲揀左小辣，食落唔太辣，不過啲雞件嫩滑又入味，連啲配料都勁香👍~ 火鍋湯底揀左花膠北菇菜膽鍋，好滋補HAHA😂~個湯底仲好足料~果兩舊北菇勁大舊嫁🙋‍♂️~黎到K既重點任食海鮮，果隻海鮮船望落已經好吸引😆，有爆膏既膏蟹、鮑魚、蜆、青口、龍躉片同海蝦。呢啲海鮮除左蟹之外全部可以再添，而且啲海鮮勁新鮮，上到黎啲鮑魚、蝦呀都仲郁緊~啲鮑魚隻隻都有手掌咁大隻，一啲都唔HEA🤤~真係食鮑魚食飽咁豪吖💰。其他火鍋配料仲有極上肥牛、黑豚肉、餃子、手製肉丸、蔬菜盤、准山麵等等，全部可以添加，包保捧住個肚走😄 甜品同一般火鍋店既唔同，竟然係芝士蛋糕😆，仲要係K鐘意既重芝士蛋糕，好味唷 👍(如果有得再添就好啦~

趁著早二日放假，陪媽咪試佢屋企附近嘅新店「初心」，單看火鍋放題程序已十分吸引，先有宮廷小食同尚盛刺身，之後食秘製雞煲。雞煲之後就到火鍋時間，可以自選火鍋湯底，送上超吸引環球海鮮船，仲有火鍋配料。食完所有嘢還有驚喜甜品，真係未食先興奮。小食首先讚下熱騰騰嘅蝦餅同炸魚雲，十分香口和鬆化。鴨血也很惹味。接著上枱既刺身船，未食先影相打卡。三文魚腩，海膽和帶子刺身都極其鮮味，虎蝦刺身超大隻，屬高質素食物。再來雞煲調配味道不錯，雞肉入味又嫩滑，仲有竹枝豬皮等配料好好食，很合我和媽媽口味，不過我哋兩個女生食得唔算多，好彩份量只係兩人分量，所以食完仲有quota食其他嘢。最後火鍋選擇有7款，分別係：蟲草花南瓜鍋、澳門豬骨鍋、蕃茄美人鍋、香茜皮蛋鍋、四川麻辣鍋、香濃沙嗲鍋甘多，我地選了清淡香茜皮蛋鍋湯底。值得一提係火鍋爐好特別好靚，連加湯既器皿都係一套，忍唔住要拎上手影相。環球海鮮船相當吸引，有蜆，鮑魚，青口，膏蟹，龍躉片，蝦，蠔。全部都新鮮大隻。膏蟹爆晒膏，只可惜冇得添加。而其他全部都係仼食。鮑魚厚肉好大隻，上枱時仲三猛郁郁下，龍躉片厚切啖啖肉。只係食多二round呢個海鮮船都抵。仲有其他火鍋配料，極

今晚老公想外出打邊爐, 想近屋企但又不想去酒樓, 而TKO 其實Hot pot 選擇不多, 所以看過REVIEW 就決定試試.餐廳在The Parkside 後面, 現在天氣尚算涼爽, 由TKO MTR station 步行過去完全不辛苦.一入座, Waiters 就會介紹, 全部自動上菜. 嘗試完所有菜式後, 可以再追加, (飲品就基本放題任飲, 選擇不多但該有的都有, 汽水, 解茶等等).首先上刺身 (不能追加), 跟著就是小菜, 有黑松露蝦多士, 木耳, 炸三文魚骨, 蝦多士雖然不是即叫即炸, 但味道還不錯, 更何況很少前菜有蝦多士 (我們有追加蝦多士啊),  其他前菜就不過不失.吃過前菜, 就接著雞煲, 我們有追加一次, 第一次中辣, 第二次就大辣. 但對於本人來說, 其實盡其量只是惹味炒雞, 大辣都完全無感.火鍋湯底選擇了澳門豬骨湯, 本以為既然吃了雞煲, 就不要選辣湯底. 雖然雞煲不似預期, 但湯底其實選對了, 因為食材, 特別是海鮮非常出色, 食麻辣的話就浪費了食材!個人非常推薦魚, 鮑魚, 蠔, 非常鮮甜, 魚是非常肥美!蟹超多膏, 我對海鮮認識不多, 所以對我來說已經

今日同M佬入去將軍澳探朋友同佢哋個BB，佢哋知我哋鍾意打邊爐，所以今晚晚餐就去佢哋大力推介位於將軍澳The Parkside新開嘅初心啦！佢嘅賣點係好多款式，海鮮除咗蟹之外，都係無限encore，夠晒新鮮，任飲任食，估唔到價錢都係街坊價。問番自己嘅初心，最重要就梗係好食先推介！但想食嘅記住提早book枱，因為口碑好，好多人排隊呀！餐前小食小食有木耳、炸魚腩、蝦多士同豆角，份量唔多，炸魚腩外脆內嫩，作為餐前小食好開胃。尚盛剌身食完餐前小食，店員就送上刺身船。雖然剌身唔係任食，但更豐富嘅海鮮後面等緊你呀！講番剌身，有三文魚腩、帆立貝、赤海蝦、八爪魚，估唔到連海膽都有！我哋就最鍾意三文魚腩，油脂豐富。不過留意番，每日嘅剌身供應可能會略有不同。麻辣雞煲雞肉入味，夠晒嫩滑，好香麻辣味。食雞煲當然唔可以錯過啲配菜，紫洋蔥好香，而且索晒啲雞汁，好惹味。至hit火鍋食完雞煲就到打邊爐喇，識我嘅都知，我最憎就係直接加雞湯落雞煲再打邊爐，但呢度當然唔係啦！佢會另上湯底，而湯底選擇足足有7款，分別係：蟲草花南瓜鍋、澳門豬骨鍋、蕃茄美人鍋、香茜皮蛋鍋、四川麻辣鍋、香濃沙嗲鍋等，我哋就叫咗花膠北菇菜膽雞湯，一打

朋友推介將軍澳有好出色既放題火鍋店喎😊呢個天氣最啱打邊爐，鋪頭好闊落坐得好舒服，店員都好好禮貌🥰🥰一坐低店員好快就送上餐前小食喇，小食有麻辣木耳，黑松露鍋貼同麻辣四季豆，每一樣野都好開胃，而且用料好新鮮，辣度好足夠，係香既辣😊唔係一般既死辣🤪第二樣就係刺身船喇，每一種刺新都好新鮮，特別係海膽同大蝦，真心大推🤩黎緊就到招牌之一既麻辣雞煲，一打開個蓋即刻爆發出麻既香味，真係唔講得笑！雞既份量好多😊雞係炒過先落鍋，食落去好入味呀，而且肉質好嫩滑🌟食完之後麻辣既後勁慢慢咁滲出黎，勁呀！雞仲有得refill正呀😋再之後就自選湯底，今次我選擇左花膠北菇菜膽鍋，湯底好甘甜呀，先飲完湯再落打邊爐配料，每枱都有海鮮船，海鮮船有海蝦、青口、鮑魚同埋好鮮味嘅蟹，真係超級奢華😊唔夠食嘅朋友原來可以再叫，配料方面我鍾意佢嘅極上肥牛，每一片牛肉都肥瘦適中，而且牛肉味好香濃。黑豚肉豬味好濃肉，好有質素😍仲有手打蝦丸牛丸鯪魚丸🥰🥰🥰果然係手打，每粒都好彈牙好新鮮☺️龍躉肉真係夠晒霸氣❤️😊整體來講初心嘅每一款食物用了都十分之新鮮，好唔錯呀👍🏼👍🏼最後餐廳仲好貼心咁每一堂都會送上甜品，今晚我嘅甜品係芝士蛋糕，芝士味好香，而

.住左將軍澳咁耐 平時好少係將軍澳搵食😅 因為覺得黎黎去去都係大商場同連鎖店 無特別之餘又唔好食 今日係將軍澳群組見到有街坊介紹呢間新開既「初心」.餐廳位置係The Parkside 地下 (之後開左Donki會好旺個頭) 晚市放題每位$338 ，9時後入座有8折😍 大部分食物都任食任點（除刺身同蟹類）.▪️餐前小食 四小碟前菜 包括有蝦餅,鴨血,四季豆,小雲耳 冷盤整得幾好食 為左留肚 無乜點食 .▪️刺身拼盤跟每位既份量上碟 有三文魚 甜蝦 八爪魚 海膽 帶子 刺身新鮮又厚身 比一般放題質素好 .▪️麻辣雞煲叫左少少辣 乾蔥洋蔥辣椒爆得好香 重點係雞件唔會切太大件 好快熟 所以好滑身 .▪️湯底 擇左蕃茄美人鍋🍅🍅🍅 勁讚個湯底 超多蕃茄加上豬骨熬湯 蕃茄味道濃就不在話下 仲要後來加完水都仲好夠味 中間無咩點豉油都好好味 .▪️環球海鮮船海鮮真係好好好正 有現切龍躉腩片 鮑魚 青口 新鮮蝦 白蜆 頂角膏蟹 😍😍😍主要黎食海鮮都可以回本 海鮮好新鮮 因為佢間鋪有成個海鮮檔 好多海鮮都係新鮮既 即拎即煮 雖然頂角膏蟹唔係任食 但爆膏真係好正 真係成隻都係肥美既蟹膏 .▪️極上肥牛 and 黑豚

第二次來這家店吃飯。記得上一次來實在是大滿足，沒想到這一次來居然是一場噩夢。記得上一次來的時候因為是新開張。原價328買6送1平均價格290元。沒想到開張衹是一個月已將價格提昇到358元。另外特色湯底淮山杞子雞湯取消，只剩下一般普通湯底。小吃由6款變為祇有3款, 海鮮拼盤中的扇貝也取消了，膏蟹也不能任吃。刺身拼盤全部變得簡陋連三文魚吞拿魚都沒有，之前提供的折扣是85折，現在則只有9折。最恐怖的是服務超差。多次加單不願意送來。服務員全部扮忙扮傻聽不到加單。甚至騙客人說生蠔已經沽清，但其實我看到其他客人還可以點生蠔。最後加單等了15分鐘也不來。催單的時候才說已經到時。那我叫服務員給我送甜品吃完就走，服務員居然拒絕還說我們已經到時要立刻走。但其實當時根本沒有客人等位，而且還有數張空桌。如果有很多客人等位，我們離開絕對是應該的。但既然沒有客人等位，而且我衹是說吃完甜品就走都拒絕我就認為有點過了。說回食物質素，小吃和刺身拼盤已經完全沒有任何驚喜。雞煲還可以保持水準但衹是不過不失。湯底也變得很普通沒有特色湯底。貴價海鮮越來越少，但鮑魚生蠔還是可以保持水準。但現在這價格性價比太低加上服務太差絕對不會

新開當然要試下啦，之前同址也是晚上做火鍋，味道不錯，可能價錢同無什麼特色，結果結業了。經過見到開了這間新店，初心，早上茶市，晚上有任食火鍋，19：30前埋單，有75折，又有卓頭，今晚就去試下。諗住平日時間，又咁早，於是walk in 情況下17：30準時到攞位，嘩，起初好似講到爆曬咁，walk in 都無位。結果諗左幾分鍾，終於有張枱比我。所以提提大家最好book左位先，安全D。佢未上火鍋前，會有次身，每款2件，不討好，有D 腥臊，之後有6小碟，食飽你先，再來鷄煲，味道可以，但無乜麻味同有D鹹。之後重頭戲，海鮮，牛肉，湯底是松茸湯底，老闆話煲左多個鍾，可以試下個湯先再打邊爐，海鮮新鮮，特別隻蟹好食。除左次身，其它食物也可以再叫，我們再叫海鮮啦，回本貨。野飲除酒精類之外，其它都是任飲，不是太多種類，但可接受。總括來說餐廳不錯，服務也很好，姐姐換碟快，上菜快同有善。食物都算夠心思，每樣來1轉也差不多飽了。滿足滿足。

話說尋日4/10同媽咪姨's預祝媽咪生日一收工就去將軍澳試試佢由地鐵行去 傾下計行下大約八至十分鐘到好 講重點先 一到黎佐幾個前菜包括 涼拌木耳 魚子醬蝦餅 咸蛋黃魚皮 仲有啲唔記得係乜以上哩三個雖然好好食 但唔好食咁多 留胃呀！黎啦黎啦😍超大刺身船件件都又大又新鮮 （至少唔會有雪味囉）影相都影佐五分鐘😂😂食完刺身就到花膠雞煲🐔原來可以揀辣度 不過正常都好入味食到咁上下 當然冇食晒 同埋要留胃嘛主角到啦😍係打邊爐真係好鍾意打邊爐架我🤣今次揀佐個麻辣 辣度都係正常一黎個鍋已經好吸睛😳再上一碟期待佐成晚既海鮮拼盤🦐🦀🐠🦪頂！！！隻鮑魚郁郁貢！啲蝦跳晒出黎啦！雖然仲有安格斯肥牛 豚肉 同其他配菜但係淨係食啲海鮮都飽晒***所有火鍋既野食都係 無 限 追 加！***完全冇越追越差 點解我知？因為我地追加佐四次蟹🤣肥牛同豚肉都叫佐兩次😍到最後真心好嬲！甜品居然係芝士餅🙄啲咁好食既野 居然最後先到 好在女人有第二個胃😂講多個過分野！！！宜家每人308蚊打電話去book仲要有85折😒🙄大佬呀 試下唔好咁痴線呀 平到咁 叫人點減肥呀！？留意返 同間鋪冇關係的 只係純分享下好野你知