初心

營業中

休息中

新開當然要試下啦，之前同址也是晚上做火鍋，味道不錯，可能價錢同無什麼特色，結果結業了。經過見到開了這間新店，初心，早上茶市，晚上有任食火鍋，19：30前埋單，有75折，又有卓頭，今晚就去試下。諗住平日時間，又咁早，於是walk in 情況下17：30準時到攞位，嘩，起初好似講到爆曬咁，walk in 都無位。結果諗左幾分鍾，終於有張枱比我。所以提提大家最好book左位先，安全D。佢未上火鍋前，會有次身，每款2件，不討好，有D 腥臊，之後有6小碟，食飽你先，再來鷄煲，味道可以，但無乜麻味同有D鹹。之後重頭戲，海鮮，牛肉，湯底是松茸湯底，老闆話煲左多個鍾，可以試下個湯先再打邊爐，海鮮新鮮，特別隻蟹好食。除左次身，其它食物也可以再叫，我們再叫海鮮啦，回本貨。野飲除酒精類之外，其它都是任飲，不是太多種類，但可接受。總括來說餐廳不錯，服務也很好，姐姐換碟快，上菜快同有善。食物都算夠心思，每樣來1轉也差不多飽了。滿足滿足。