冬蔭牛牛

營業中

休息中

假日天氣涼涼地同朋友自駕遊，遊到去錦田啱啱好傍晚時間，決定去出名既天空之城食飯，呢度有得泊車好方便。今次揀左食泰國菜，我哋到達時尚早，不用等位，坐低點菜後就開始越來越多人入座。泰式咖喱炒蟹 $348 –肉蟹新鮮、肉質彈牙，配料多咖喱汁味道一流，無國界蒜蓉包$55 – 個咖喱汁太正，所以忍唔住叫個蒜蓉包點咖喱汁食冬陰功湯 $148 – 酸辣度啱啱好，好啱我口味原個椰青海鮮焗飯 $118 – 成個飯充滿椰青味，蝦、魷魚同青口都特別鮮甜。燒牛仔骨$98 – 牛仔骨有少少肥，但味道唔錯!馬拉盞炒通菜 $78 – 味道唔錯! 總括食物質素味道幾好，同行朋友都覺得滿意。

經典嘅泰國餐廳，太多元朗必試的天空之城搵餐廳，同朋友敘舊，揀咗呢間。有生菜包，冬陰功湯！豬頸肉，泰國都有嘅芒果冰，生蝦！樣樣都係泰國一定會試嘅菜式，其實味道好地道，一定會再嚟，元朗市中心過嚟都好方便！

無堂食抗疫外賣dinner之選! 聽話個頭好多人專登去食~係寵物友善餐廳原個南瓜海鮮焗飯 $118有賣相又有內涵呀! 氹下自己開心又睇得又食得既正野!喜歡食南瓜肉既朋友仔一定喜歡! 又暖笠笠又厚南瓜肉加上滿滿既炒飯😋好足料重要超多份量, 有埋腰果&魷魚~我就算幾食得, 都要搵多個人share先得!芒果糯米飯 $55芒果鮮甜, 微暖&軟身的糯米飯淋上椰汁, 夾埋一齊食, 味道又唔錯wo! 下次可以再食過😁

朋友介紹話食過呢間唔錯，所以今次專登揸車入去食。佢的位置係錦田天空之城，天空之城仲有其他的特式食店，有機會可以一試。本身諗住錦田咁偏遠一定好少人去，點知原來好多人都係專登揸車入去食，所以有揸車的朋友要留意車位問題喇，有𝒹人會嘗試泊出面，但唔好太博，因為連個度都會俾人抄牌架🤭.坐低左拿拿聲叫野食先，朋友發板，就叫左以下呢幾款🤩1️⃣泰式炸蝦餅 $92蝦餅好脆身，仲好多蝦肉係入面，好食👍🏻2️⃣生蝦刺身 $128生蝦大大塊和厚身，感覺幾新鮮3️⃣馳名咖喱蟹 $348咖喱汁並唔係用辣咖喱，係用左甜咖喱，岩哂一𝒹食唔到辣的朋友，可以用黎點薄餅或送飯一流😋而蟹就相對一般，比較細隻和無咩蟹肉4️⃣無國界蒜蓉包 $55蒜蓉包好大舊，咬落去脆卜卜，用左咖喱蟹的咖喱汁點黎食，好好食，食完一舊會想再食第二舊🥰5️⃣冬陰功湯 $148份量多可以倒到好多碗，好足料，酸酸甜甜幾好飲6️⃣菠蘿海鮮炒飯 $115好多餸好足料，炒飯份量多，好野味🥰7️⃣肉碎生菜包 $88肉碎份量多，唔會乾唔會濕岩岩好，有些少微辣，味道豐富。生菜都幾乾淨又大塊8️⃣馬拉盞炒道菜 $78雖然份量多，但味道淡左少少9️⃣新鮮椰青 $38椰青清甜，幾好飲，但椰肉就好難整出黎食

自從養咗狗狗之後，會周圍搵一啲寵物友善餐廳食飯，今日就嚟到天空之城搵食，揸車入嚟嘅朋友要留意一下，有啲難搵車位，唔係車位少，係太多人揸車入嚟。因為帶住狗狗只可以坐室外，宜家嘅天氣坐室外，狗狗同我哋都坐得舒服嘅。室內嘅唔知，室外嘅所有枱面上，除咗紙巾、餐具之外，仲有一支酒精搓手液。其實係好貼心嘅。另外，值得一讚嘅係員工嘅服務態度，好有禮貌，見我影相，會主動幫我開多盞燈，其實我要求唔高，一句「慢慢食啦」或者一句「小心熱呀」真係會令食客食得開心啲。而呢間舖頭係做到嘅，抵讚👍🏻👍🏻

今日突燈黎元朗天空之城呢邊午餐，叫咗一個泰式金邊粉，金邊粉食落去有少少甜味，材料相當足夠，同一個泰式辣肉碎金邊炒河，呢個河粉相當夠辣而且河粉每條都分明，唔會痴埋一齊，入邊除咗肉碎仲有3-4舊秀珍菇，如果秀珍菇可以多番少少就好啦咁因為都覺得啲嘢食幾好食啦，所以另外叫咗兩個午餐外賣比屋企人食，但冇諗過原來外賣係要加咁多錢，兩個餐足足加咗$6，你每個外賣盒計兩蚊一個，餐嘅熱飲外賣杯要加一蚊一個，真心覺得外賣係比較唔值所以會建議大家堂食比較好。

母親節訂枱～早上11点confirm 咗2次～當日下午2点幾先打嚟話同事搞錯～冇檯比我～全家特登從港島入元朗玩準備夜晚食飯～一句冇檯要大家東奔西跑。冇檯唔好confirm 我～已經係母親節下午～經已好難在外面book 8人檯！一句同事搞錯就特責任推得一乾二淨～完全冇諗過点去解決～態度差到不得了～意思就係大佬，而家係冇檯俾你～個confirmation 係廢嘅！！冇得食呢間唔係特別出色嘅絕對唔係一個損失，損失嘅只係時間。

今日去元朗花農場玩去之前成班話去依肚先😋😍朋友話去錦田食冬陰牛牛喎朋友話必食推介，海南雞飯，重要油飯喎好，成枱叫一人一碟海南雞飯啦嘩…個冬瓜湯，一飲，味道似去左泰國禁個油飯食得出有香茅+黃薑，嘩堅到呢…好味呀雞呢…厚肉堅滑又有肉汁，正朋友佢地加$5就轉雞肶，嘩大隻到呢…大食朋友話加飯，嘩…堅係比一碗大大碗白飯佢，最正係無加佢錢喎。結脹時，重有折比我地，折左等於無加一費用。正呀！下次會再來，要試下佢地嘅，招牌《冬陰牛牛湯粉》

平日會特登揸車過嚟呢度附近的大超市買餸, 見到對面街有不同嘅食店, 一於搵間試試佢見到燈火明亮的泰菜便直接入去了, 店內座無虛席, 看來不少人也專程開車慕名而來點了二人餐, 有冬陰公湯, 馬拉盞炒通菜, 炸蝦餅, 串燒, 蒜蓉包, 這些都是常點的泰國菜冬陰公湯: 味道偏淡, 有蝦有菇, 細size都幾大碗馬拉盞炒通菜: 有鑊氣, 味道偏淡, 分量多炸蝦餅: 這個最好味, 大大件很滿足串燒: 一般, 沒有熱辣辣燒出來的感覺蒜蓉包: 包的質地很鬆軟, 蒜蓉味偏淡二人餐的價格收費合理, 還點了啤酒和椰青加一後共$460溫馨提示: 小店只收現金, 記得準備足夠現金付款

今日同我隻大狗出完街諗dinner去食咩第一時間就諗到可以帶狗既天空之城今日同行人士想食泰國野所以黎到呢間冬陰牛牛佢無室外環境，本身驚唔比狗入，問一問職員佢話無問題仲即時有位張四人台既兩個食客唔介意有狗仔搭枱😍😍佢地兩個仲係咁搵隻狗玩叫左黃咖哩雞，蒜蓉包，椰汗雞湯，泰式金邊粉，沙爹豬串燒黃咖哩雞：其實個人最鍾意食青咖哩》黃咖哩〉紅咖哩但係覺得蒜蓉包點黃咖哩會好食d所以叫左黃咖哩黃咖哩味道正常有椰香，黃咖哩味好濃。不過。。。d雞好（鞋）佢唔係用雞絲係用原隻雞切件個人比較鍾意雞絲蒜蓉包：外脆內軟好軟熟不過。。。。蒜蓉味唔夠重椰汁雞湯好重椰奶味，佢有落冬陰公夾埋一齊都幾好不過。。。d原隻雞件又好（鞋）唉。。。。泰式金邊粉反而係全部菜最好食既炒得好入味有蛋有蝦有蔥雖然d蝦都彈牙唔（霉）不過唔知點解明明一齊炒埋一碟都可以蝦完全無味不過麵好入味😢😢😢😢😢😢我有懷疑蝦係驚炒得過熟會唔彈牙所以分開加🤔🤔🤔至於串燒：點解兩串我都會叫豬呢因為我落單前同台既個兩個客人話我知雞串d雞好（鞋） 其實串燒我好鍾意食雞，嫩既泰式串燒雞好好食不過。。對面咁講我緊係唔試至於豬就。。不過不失。串燒醬幾好食偏甜，有花生粒，

平日經過都見好多人，吾想排隊。反而今日落雨，有位，所以今次第一次黎食個晏。環境舒適，地方乾淨。另外，吾知點左咩香呢，一入餐廳聞到清香味，服務殷勤有禮。點左海南雞飯同黄咖哩雞扒飯。好味道！以後會約朋友同屋企人試試😋😋

帶埋對小朋友第一次食呢間泰國菜,一坐低叫左個椰皇,好清甜👍小朋友都好鍾意飲👍之後叫左菠蘿海鮮炒飯。 好足料!用新鮮大菠蘿盛著滿滿嘅海鮮+炒飯! 海鮮有青口,魷魚,蜆肉, 仲有腰果,肉鬆,提子乾 配炒飯!正!再叫左個可選擇辣度嘅生菜肉碎包, 生菜好乾淨新鮮,肉碎炒得不油不膩, 啱晒十人小朋友健康之選!再食左兩串食叫食烤嘅雞肉同豬肉串配satay 醬! 好美味豐富嘅一餐👍連小朋友都話要再encore!

記得上年因工作關係來過天空之城午飯，試過幾間餐廳。今日又有機會黎當然不會錯過的，去了冬蔭牛牛再試精選午餐先。今日本想試泰式炒麵配雞，但麵給人吃光了～都好可以改為炒出前一丁⋯⋯正。話送到枱上大大碟而且加了蔬菜，炒蛋，紅蘿蔔條同雞柳上去足料夠份量如想食起來香一點可以同我一樣加醬汁一起吃，小小酸小小辣的。今日再來水準都不變服務好滿意。可惜係交通的問題可能麻煩了點，但食物做得出色多遠過來係值得的，有機會在附近工作會再來的～

諗咗好耐去邊度食，友人介紹嚟天空之城，呢度有唔少食肆。真係唔講唔知，原來呢個偏僻地方隱藏住好幾間餐廳，食評仲唔錯㖭，特別似呢間泰國菜嘅，第一次嚟，就試下。呢度雖然係村屋範圍內，但原來都有兩層，呢晚都幾旺場，樓下滿座，我吔坐樓上，要落單相對麻煩，要抓緊每次有夥計上嚟嘅機會。食泰國菜我吔必叫生蝦刺身，份量唔少，夠新鮮同爽口，個汁仲好似係自家製咁，好特別，下面有包冰保溫，不過就好似唔太夠凍，要快啲食完。冬陰公湯亦都好足料，酸同辣嘅程度啱剛剛好，唔會好似好多其他泰國菜館咁只似辣。仲有秀珍菇同兩隻蝦。飲到最後見到有唔少辣椒同香料，真似好足料。呢度啲海鮮都算抵食，我吔就揀個炒蜆試下佢嘅手勢先，一睇就覺得好惹味，食落又真係好好味，蜆又夠大隻，咁多隻都係有肉嘅，唔係得啲殼。雖然有啲大辣椒，但實際上只似少許辣。讚!!!!我吔冇叫炒菜，但就揀咗個海鮮粉絲沙律，呢個可以話係唯一一個有啲失望嘅，海鮮嘅份量同味道都適中，但粉絲就太多，佔咗全碟嘅大比數，菜亦只得墊底嘅兩條，似係食粉絲為主，唔似沙律，本來諗住係食點菜嘅我就真係唔太Like喇。最後再叫咗兩串沙嗲雞串，伴有沙嗲醬，但我吔就覺得唔加醬都已經好夠味同夠辣。

之前來過食，我鍾意呢度覺得份量十足，野又好食。所以特登帶遠方嘅朋友嚟食生日飯。我哋點咗二人套餐， 再加兩個小食。點咗金不換炒蜆 仲有 鮮魷沙律。今日飲品做特價買一送一 點了龍眼冰x2， 仲有 青檸梳打x2個蝦餅同春捲好好食，仲有最鍾意嘅冬陰功湯，大家都好期待。 朋友好鍾意食嗰雞串。 今次碟菜點咗蝦醬炒， 食完覺得馬拉盞炒好似香啲好食啲，不過蝦醬都有個好處 因為佢唔辣 ，個味幾特別，甜甜地。 至於鮮魷沙律呢， 佢個醬汁同白雲鳳爪類似，不過食落去，我覺得白雲鳳爪 可能始終係泰國特色呀， 印像中 比較好食 （不過今次嘅食唔曬，所以冇點）今日有好多小動物一齊黎食飯。原來呢間餐廳狗狗都可以一齊來。今日嚟咗八哥 哥基犬 秋田 曲奇， 大家玩得好開心下次再嚟食過