冬蔭牛牛

錦田向來美食多羅羅，今次想試吓泰國菜醃酸辣鳳爪無骨鳳爪非常爽脆，而且十分惹味！因為辣度十分足夠，食唔到嘅朋友需要稍為注意下但作為開胃菜絕對係不二之選～黃咖喱（雞）黃咖喱creamy但完全唔覺得辣，雞髀肉嫩滑，而且仲有啲蔬菜、薯仔🥔作配菜～馬拉盞通菜 通菜新鮮翠綠，前面食得比較重口味，當然要食返啲蔬菜🥬中和一下配上蝦醬一起炒，非常惹味燒雞全翼雞全翼好大隻，燒得好入味，咬落去啖啖肉，基本上不用蘸任何醬汁都已經好滿足啦！冬陰功湯 放上原隻開邊蝦+草菇，湯底好濃郁嘅椰香味，而且不會太辣，飲落去尤其舒暢！新鮮椰青 椰青好清甜，不會有任何酸酸的怪味，而且仲可以食入面啲椰肉，都好清甜椰青奶冰落左煉奶，飲落去絕對透心涼，在這個炎炎夏日尤其喝一口尤其解渴！…查看更多

第一次黎錦田呢個天空之城，原來入面都好多野食！今次黎試泰國菜～每次食泰國菜都必食蒜蓉包，係厚多士切條整成嘅蒜蓉包，外皮香脆，內裡軟熟，好味～椰汁雞湯，湯底係奶白色，好香椰汁味，同時有泰式嗰種酸味，入面有雞同菇等食材，好惹味！燒豬頸肉，呢個都好正！點特制嘅醬汁食味道更加好味，肉質肥瘦適中，唔錯！西蘭花炒鮮魷，鮮味十足，唔會太濃味，食嘅菜可以消下滯～泰式炒飯，呢個就味道偏淡，較為健康，可以一試！餐廳外面都有提供泊車位，都算方便！…查看更多

咁岩同朋友入左元朗附近. online search到呢間.  2個人叫左4個餸, 啲分量多到食完要散步XD冬蔭海鮮湯 :  我估可能就返香港人口味? 辣就唔辣, 但夠酸, 配飯一齊食一流.馬拉盞炒通菜(呢個真係好好食唔講笑) :  好 大 碟, 食到我同個frd都話點解唔完咁XD 只能話證明分量非常足, 因為好好食所以都清得晒.泰式芒果蟹肉炒飯 呢個我幾鍾意食, 事關個蟹味係幾足. 而但我frd就一般般因為佢有三色豆落去炒. 三色豆唔係個個都岩食, 所以都算扣分位0.0金柚子沙律 最值得一提係佢個金柚子沙律真係一舊舊柚子上.  好開胃, 食完其他餸覺得有啲咸, 食返個沙律就岩岩好.野飲就少甜, 可能因為我飲開都無糖, 所以下次都係飲茶算.兩個食咁多都係539, 下次車河入黎再試過.like…查看更多

講起元朗「冬陰牛牛」，唔使諗，第一時間必點佢哋個冬陰海鮮湯！真係試一次就返唔到轉頭！湯底係嗰種好靚嘅橙紅色，面頭鋪滿咗蝦、青口、魷魚同菇菌，仲有陣陣檸檬葉同香茅嘅清香撲鼻而來，未飲已經流口水！一啖飲落去，個味真係不得了！個湯底飲得出係落足料去熬，入口先係一股醒神嘅酸辣，跟住香茅同南薑嘅香氣慢慢湧出嚟，唔會死鹹或者得個辣字。最正係佢個辣度調得啱啱好，夠刺激之餘，又唔會搶走海鮮嘅鮮甜。啲料仲要超足料！ 大蝦爽口彈牙，青口同魷魚都夠晒鮮味，索盡咗個湯底精華。每啖湯都充滿住海鮮嘅甜味同香料嘅複雜層次，酸酸辣辣，非常開胃，令人一啖接一啖，飲到成個人暖笠笠，好滿足！如果你同我一樣，係冬陰功嘅忠實粉絲，嚟到「冬陰牛牛」真係唔可以錯過呢個冬陰海鮮湯。湯底香濃惹味，海鮮又新鮮，絕對係全場最高質之選，保證你飲完會心思思想再encore！…查看更多

放假前夕同朋友入左錦上路附近食泰菜個晚都好滿場下。我地首先叫左個腌酸辣鳳爪，一上枱就聞到陣陣香料味，酸辣味道好開胃，鳳爪爽口彈牙，唔會過鹹，辣度適中，配埋啤酒一流。燒鮮魷魚則係炭香十足，魷魚切得厚薄適中，燒得啱啱好，外脆內嫩，加埋少少辣椒粉同檸檬汁，味道更突出。紅咖喱牛肉配烤薄餅係今晚嘅焦點之一，咖喱香濃但唔膩，牛肉炆得夠腍，入口即化，薄餅微脆，吸晒咖喱汁後更惹味，食完一塊又一塊停唔到口。至於泰式金邊粉，炒得乾身唔油膩，蛋香、豆芽、大蝦同花生碎混合得好好，每啖都食到唔同口感，仲有少少甜甜地，好有泰國街頭風味。最後配埋一支冰凍嘅泰象啤酒，清爽解膩，啱晒配搭重口味菜式。…查看更多