冒菜麻辣燙

營業中

休息中

最近知道系天水圍頌富商場裹面,開左一條小食街,普遍系街頭都見到既小食,而我見到有間寫住食冒菜就試試,拎個夾同個兜,就可以自選自己想食既餸,最便既就六蚊,而貴既都系十幾蚊左右,也有套餐可供選擇,最後我簡左個蕃茄湯底加七樣餸,埋單總計六十三蚊,份量同味道都算可以,而個蕃茄湯底味濃又甜.

去咗幾次買嚟食味道都覺得唔錯喺唔知點解點親加薯粉都成日唔見咗得返淨餸今次第3次係咪因為個薯粉唔係自己夾係佢哋夾番所以咁呢～然後每次叫佢哋少辣都係大辣咁返去要加水食

麻辣燙呢樣野係香港其實唔算陌生，已經唔係台灣或中國內地先有得食。例如葵涌廣場呢類小食雲集嘅地方早已引入麻辣燙。可惜自己一直未有機會試， 一來怕逼，二來唔想揀餸時阻住人。而呢間係天水圍T Market嘅麻辣燙，有位坐，又唔多人逼住一齊揀餸，都幾好。配菜隔離有一堆醬料比你自己調配，例如豉油、麻油、辣椒油、蔥、芫茜、花生等。因為想留少少肚食甜品/小食，所以揀6樣餸個個set。分別揀咗魚皮餃、肥牛、冬菇、油面筋、年糕魚餅、寬麵。湯底揀咗蕃茄湯，因為近排太熱氣，喉嚨唔太舒服。魚皮餃超多粒，好似有6粒左右，食極仲有。肥牛有2－3塊，幾欣賞係幾大塊，唔係碎哂又好薄個種，比吉野家個啲厚身。冬菇無乜特別，唔夠香。油面筋煙韌，尚算唔錯。年糕魚餅都係普通，無咩特別。麵算有咬口，都滑身。

前排見到頌富市場新開一直都未有機會到嗰度試食 ，星期日晏晝一家四口 揸車到天水圍頌富市場，湊住两個小朋友周圍走走， 出發前都有search過小食街嘅資料， 見到 冒菜麻辣燙 都有少少伏味， 不過到場小朋友見到可以自己揀餸表示興奮， 就決定咗食佢。自己同老公都鐘意食辣野，我地一人嗌左一碗，2碗中麻辣，2個小朋友就食蕃茄湯。我地覺得味道係唔錯，我地仲加左尖淑皮蛋同蒜泥白肉，都唔錯小朋友食到最尾飽，諗住出去加多個烏冬 ，不 過職員話最少3個送先煮不過後尾都有個類似老闆娘嘅姐姐走出嚟話煮埋俾小朋友食整體黎講都值得回頭另外我地都買左椰子媽嘅芒果pancake好食

第一次去食，簡左10個菜，煮個陣落漏左個肥牛，同佢講番，廚房呀姨講到好似我呃佢咁，又話係咪我拎左人個碗，搞左一大輪，有個似係老闆既人話補番俾我，先拎番個$15既肥牛！第二次去食，簡左6-7個菜，又係漏左碟肥牛，今次醒目，一拎即場睇清楚齊未，又係冇肥牛，同佢講，又係話冇理由呢樣個樣，之後有個似係老闆娘既人搵番碟未煮既肥牛補番俾我。建議大家拎個陣check清楚，唔知係有心定無意，但碟碟都少$15既話，間野都幾好賺！

頌富街市小食街最後一站就是冒菜麻辣燙，麻辣燙可是近年最火熱的街頭小食之一，我亦深深愛上這風味小食。我本想選75元10個淨餸，不過媽媽說說晚上要吃晚飯，不要吃太多，所以我轉了55元6個淨餸。這裡配菜隨自己挑，然後挑好放入籃子，再去收銀機那邊結帳，說出要甚麼口味的湯底，而我就選了麻辣湯，蕃茄湯留待下次不想吃辣時才點吧。我夾了蒿荀，風琴炸豆腐，黑毛豬片，豬大腸，台式腸和墨汁墨魚丸，店員燙煮完畢後便叫我領取，並按自己口味自行添加調味料提味。個人覺得湯頭不麻不辣，吃來不夠過癮，萵荀蠻爽脆，豬腸挺彈牙，油脂處理乾淨。風琴炸豆腐吸附湯汁十分入味，媽媽覺得台式腸很普通，黑毛豬片豬羶味過重，幸好一人吃一片，墨汁墨魚丸欠缺彈性，過於軟腍，與剛才所吃的燒賣口感差天共地。

天水圍新開張，諗住一試，餸款價錢逐件計，都有點頗貴，諗住一試無妨，點知味道真係一般，偏淡，冇咩味，都算，都係一餐，但d員工服務超差，一見到你岩岩食完，就即刻收左你個盤，叫你快d起身走，話好多人等緊。心諗，應該唔會再有下一次

麻辣燙都進入左香港一段時間，但係都未有緣會一會佢。因為真係好想食酸辣粉，屋企附近又無，咁不如試下食呢間新開既冒菜麻辣燙啦事前已經做好曬功課，上黎睇食評，知道有食客曾被漏單。加上因爲我係想外賣，所以要更小心。呢到有好多餸選擇，最平係蔬菜類，$6 一款，之後仲有$9同$12，最低消費要買三款餸。湯底有辣同唔辣，可以選麻辣或者蕃茄湯。因為成日食肉，間唔時都會想食返菜，所以我今日揀左鮮冬菇、芋絲同豬皮，紅薯粉麻辣湯尋日係電視睇節目訪問老闆娘話可以揀辣，但係我買既時候唔似佢所講，有得揀bb辣、小辣、中辣咁，似係得一個辣度。買完之後就企係度等，原來呢度既柯打係落完單之後，廚房煮好就自己落配料。配料分別係d花生、葱、芫荽、麻辣汁、甜豉油blablabla所以堂食同外賣都建議企返係度等，如果唔係d粉就會塞曬係度阻住左pack唔度。同埋外賣就金晴火眼望下有無漏單，陣間漏左個薯粉就唔係幾開心了。好快就買完返屋企了，自選配料我落左葱、芫荽同埋一匙麻辣汁呢碗野睇落水汪汪，但係個份量我已經食到捧住肚子，不過係我細食啫。如果係其他人我建議一係加麵底，一係叫多d餸黎多個Close up睇下d餸既樣先個麻辣湯好夠味，

價錢合理 個湯都好味 佢d料係自助夾，我問佢薯粉係邊果陣，佢話同收銀講聲就得，點知 返到屋企睇 成碗野咩送都齊剩係冇左個薯粉！唉！竟然冇左主食，搞到我返到屋企要自己加個麵 唉要食既話食堂食好啦 至少有得追究

元朗天水圍一直都無乜麻辣燙 見呢間新開就特登去試下 結果食得一肚氣 首先選擇不多 價錢不太合理 好多配料都無 湯無味 職員態度也不好 重點係比漏送 拎到番家先知道無得追究 不會再有下次 大家不要中伏了