冒菜麻辣燙

營業中

休息中

員工態度勁差 俾錢受氣 成個openrice 都係投訴態度差 點解公司唔理 係咪唔等生意？ 好聲好氣問句野 唔答唔理 仲係背後壞客人壞話 話客冇質素 今時今日仲係咁嘅服務態度？真係差到一個點 唔會有下次 野食又唔好食 態度又差 點解仲可以生存到

10次有9次都比錯野，可唔可以認真d做野叫蕃茄湯成日比錯豬骨湯紫薯粉又變粉絲仲有辣椒油又話落單前講，次次落單前都有講，但你地次次都可以漏，究竟你哋有冇帶腦返工服務態度已經唔係好錢又唔見收少

口水雞份量十分之少，得嗰一兜仔飯，仲唔會裝滿。我叫多飯係唔會同我多飯，仲要大辣都唔能辣㗎。啲雞又勁細份，冇乜肉，俾啲邊角料你，成個餐根本就食唔飽。收人50蚊，想講呢個質素值30蚊囉。食左成肚油，劣食都不如。

不知所謂，態度非常惡劣的員工，去過幾次，幾次都係唔同人收錢煮野的，呀姐態度勁差，我叫堂食，佢比外賣連膠袋比我，我話我堂食，佢好大聲悔氣叫我拎埋個膠袋入去食咪得囉，咁浪費膠袋架咩？餐具又叫人加1蚊，膠袋就送既？同佢講唔夠辣加辣，態度極度嫌棄不耐煩，話已經加左架啦，冇得再加，之後都係唔比我加辣，仲有店員可以做緊野期間，講粗口，可以大大聲係客人背後說客人的不是！去食嘢唔係去受你氣，大把投訴都唔改善吓，呢間公司完全冇投訴渠道，員工又話公司冇電話架，社交平台專業又不理會，唔係開係食市都唔會去食佢，天慈分店員工和味道都好好多，頌富呢間真係不知所謂，又愈黎愈唔好食！

個招牌麻辣燙底好食，小辣都好辣，唔食得辣㗎建議bb辣初時以為隻做外買，問左店員話可以坐隔離，🈶地方比你坐低慢慢食，都幾寬落，係辣左d，我食香菇麵，滿45蚊送清瓜

今日晏晝去買碗麻辣燙堂食落單嘅時候寫左四餸一麵，俾錢嘅時候店員仲係咁俾說話我聽話叫咁少邊到夠我心諗四餸一麵都嫌少？當刻已經好反感俾完錢之後店員即刻擰轉面，又冇同我講要自己出嚟攞餐，鬼知咩咁入到去坐低，張張枱都超污糟，叫個姐姐幫手抹枱，即刻黑哂面又唔出聲好唔情願咁抹，冇出糧俾你咩😓跟住自己出去攞完餐，坐低食食下發現碗嘢有蟲我谷鬼氣拎埋出去俾啲店員睇，佢哋一個二個喺到扯貓尾，竟然好意思問我係唔係隻嘢自己飛落去我嬲到爆，話唔鬼食可唔可以俾返錢我，佢哋拒絕、話整過碗俾我，我接受左就咁算但係以後唔會再幫襯呢間垃圾，亦唔建議任何人去幫襯垃圾都咁，又冇心做，一個二個伙記就咁坐喺到，做少少嘢都黑哂面，好心執柒左佢啦

得三舊手撕雞碎 面得個2.3啖 ！會唔會太小 小到離晒大譜 又貴 ！食到成餐飯都嬲 完全唔會再佢 真係十分之唔推薦！海帶又得2.3條 蓮藕得兩舊 真係好嬲 ！無諗過會咁樣！！！以後唔會幫襯

本生都唔大期望佢會好食 份量少都算態度仲要咁差 唔想做生意汁左佢啦係街市賣依個價錢 依個份量 咁既性價比 真係唔會再幫襯 都勸大家食之前諗清楚 食唔飽仲要受個阿姐氣 真係第一次要打篇野投訴一間鋪

落單態度唔耐煩又差，當人人都係你熟客咩，知你咩規矩，講啲嘢模糊到咩咁，難理解過中文卷一。粉皮癡埋曬，冇咩味又得個辣字，貼錢買難受：) 個阿姐真係好串，真心唔推薦，忍到返屋企食埋兜嘢先評價，已經好俾面，本身諗住好食就算數，點知好難食。

用某熊貓外賣平台嗌咗個六餸嘅麻辣燙，其中包括牛柏葉同埋水魷魚。湯底都幾辣，算唔錯，但係最令人失望嘅係牛柏葉同水魷魚分別只係比得嗰兩塊定唔知三塊，我死心不息係咁狂撈個底都再撈唔到更多，真係盡晒力撈🙏🙏建議各位靚仔靚女千祈唔好用外賣平台嗌呢間嘢。我未試過自取所以唔知道份量係點樣，反正外賣送上門就唔建議，但係如果你真係好想食想食到黐線咁當我冇講過。不過個湯底又真係幾好食，同埋啲芽菜好似唔駛錢咁樣放俾我，係啲肉真係比我阿嫲啲頭髮仲少。

叫左近十個嘢，翻到屋企先發現得5、6樣，仲要果5、6嘅嘢有2樣係錯嘅添🙄️，當時有D攰想早d翻屋企就冇睇有冇計錯錢，比左一百三幾，又唔好食，以後都唔幫襯🙄️🙄️

比錢前我話要麻辣窩荀，點知佢收錯我錢，之後退番收多的比我，又再問我要咩，我答佢要麻辣窩荀，佢竟然同我講無………如果無，收錢又唔講，又照收錢。 咁唯有改蓮藕，但唔好食，又淋又唔爽，以後都唔幫襯

不斷回頭的小食店可外賣自取或堂食麻辣涼麵-雞絲-雞翼尖-豬耳最好食嘅雞腎賣晒😭麻辣涼皮-雞絲-蓮藕-豬耳幾個月冇食上次係咸度適中、夠晒麻、夠晒辣、夠晒酸！而且配料份量超多！仲有麻辣燙一樣夠惹味如下圖：今次就所有調味都咸左少少🤏 冇麻味得辣味又吾夠酸，配料份量少左好多。希望下次再嚟食有改善啦！📍冒菜麻辣燙 (天水圍)天水圍天華路33號T Town North地下街市1029號舖

買幾次外賣都比錯，唔係比漏薯粉就掉亂單。得個兩個客都可以掉轉，拎返去換唔好意思都無聲，做野就掛住吹水，D野就整錯晒。老闆請埋D廢員工真係好彩。公道講句，野食正常，老闆見到真係要培訓下員工

離曬譜，，以前都幫襯過唔小次，今次洛單時後生d個位阿姐個樣已經極度唔耐煩！！！！佢話叫多一樣餸有盒免費飲品，正常人都要唸下叫咩餸啦下話？？？唸左唔夠3秒佢個樣已經西到一個點，我心唸佢做咩事？？？仲有呀我寫張洛單紙已經無圈花生，仲問咩！？答完佢又要西面又要無禮貌？？？比完錢另轉背，仲聽到佢同其他阿姐笑住講多X謝喎！！！！！唔會再幫襯囉！！無禮貌到爆炸，認真請個咁既店員返黎趕客咩？？？其實野食唔差，改善態度係必需！！超失望！！