冒菜麻辣燙

營業中

休息中

呢間麻辣燙真心去幾多次就想投訴佢幾多次，唔係個女人想食我真心唔會去，落去買個鳥冬，去到拎得果時叫佢比醋呀辣油呀剩，態度不滿到一個點，大大聲話我做咩唔一早講，我心諗你收我錢果時唔問我要唔要？你收錢果時問埋我就唔會最後先問啦下化，d態度衰到suppose你係一定知架啦咁，我想講你係主我係客，我唔係1年365日都食你地間野，我唔會記你地餐牌，唔會記你地d流程，有客記得係bonus,無係道理，我真乜真係忍佢地都忍左好多次🙄麻辣燙間公司可唔可以正視下d 前線員工既服務態度問題

買左60蚊碗麵，都可以俾職員黑口黑面，很不滿足，跑唔夠數既態度好似冇生意咁！冇歧視你地，但你地自己真係沒禮貌，仲要眼啤啤都唔知邊個係客，唔會再幫襯受氣唔鍾意做，可以關門，或者貼張紙，只做"大客戶"既客。

完全失望🥺涼皮碎得細細塊口感又唔好食🤢得陣油味 唔香唔辣好失望配茶叫左手撕雞 蓮藕 同雞翼尖配料唔多 手撕雞比大塊皮連小小肉 雞翼尖乾爭爭成盤野食左冇一半就無再食 真系食落都無意思😪

系網上外賣平台叫左2碗麻辣燙。每碗都系6個餸，一碗我要小辣，就俾左清湯我，要粉絲，佢就俾左個香茹麵我。仲要俾小左個肥牛。另一碗就俾少左個飯我。上次叫已經俾錯餸。估你吾到，今次仲錯。未食見到已經嬲到爆

去这间店买了凉拌 想试试 結果店员态度真的让我很气 我說想要多一点鸡丝 因為她夾给我非常少 鸡絲的数量五个手指可以数完 我说完我想要之后 这一个女店员 就把鸡丝夾回去？还说了句「得未？够多啦」连青瓜絲也是给几条而已 我要中辣 她疯狂放醋 辣椒油就放一丁点 她以为自己是皇帝 笑死我 原来现在的人这样做生意可以发财？一盒涼拌三十八 份量也多不了哪里去 这明显是偏贵 味道普普通通 下一次也不去这家買了 看到这个店员就烦了 跟客人斗气 影衰曬間舖頭啦 这态度我还以为她是青春期呢

第一次試雞絲冷麵花生夠脆唔會好似湯麵咁浸淋晒又唔洗食湯麵嗰種滴滴香湯底推介蓮藕片 脆卜卜又索到味青瓜都唔錯有拍到乾身唔出水雞絲抵讚 保留雞皮味道超夾少少麻小小辣 啱晒！

剛才去買涼拌菜，服務態度極差，我問每一個問題都叫我等等，但我問可唔可以加醋又同我講 你出聲咪有咯！意思唔出聲就無！又唔比人問，又要人講？ok我唔再問，比足時間佢撈，撈第二份，我要揀送，再問可唔可以加嘢，點樣計，叫我唔好心急！貴店員工係咪某方面有問題啊？每一句話都挑人機，好心修煉下個心理再出來做嘢啦，乜我心急？問問題係心急，係咪我企係度慢慢唸一個鐘再話你知我要揀乜送，再唸多一個鐘揀第二個送先唔心急啊，得唔得啊？唔比人揀送既 你幫我安排曬啦～本身好地地，係要搞到人地火來

去到想夾餸 個中年阿嬸員工企係到玩電話 望住佢叫左4聲唔該 應都唔應聲 冇人服務 態度極差 不會再去 受氣都受飽 我話要豬紅 個阿姐夾金菇 我再講要豬紅 個阿姐講 咁金菇要唔要 我真係黑人問號R曬頭

初初開既時候，態度好好，又好食，而家態度極之差，問如果加野飲幾錢，勁無禮貌同大聲既語氣講你個無架！咁到野食方面，嗌3碗麵，2辣1唔辣，3碗麵既餸撈亂晒，牛栢葉仲要得兩舊細細舊，要原味台灣腸就比左黑椒台灣腸，生菜係唔辣個碗諗住比小朋友食，佢就放左係辣個碗到，問可唔可以比返生菜黎因為放錯左，佢話擺咗落去啦喎，我地話但小朋友食先好唔情願咁比返我地！點解搞到好似我地有問咁.......食水幾深越開得耐就越嚟越差！

偶爾走進頒富商場，發現裡面有個FOOD COURT，於是進去試一下看見這間冒菜麻辣燙，有個一人風味的麻辣燙($39)，送紙包飲品，由於我不易很能吃辣，所以只點了小辣麻辣燙裡面有娃娃菜，豆卜，肥牛，腸仔等，很多餸都實在很吸湯，而且小辣都好辣(對我來說)，辣多過麻，非常濃味，可惜吃到後面實在太辣只能放棄其實味道是不錯的，也許下次我試試BB辣座位很寛闊舒適

勁失望，半年前食已經冇落薯粉，得翻啲餤，又要計左錢。今日買又冇落薯粉，本身想打電話架啦，點知間鋪又冇電話，冇電話學咩人做生意？我都唔系第一個咁樣，我身邊朋友都系咁話間鋪，食物唔系差，但我覺得要檢討下

以前要去中國工作 啲同事介紹食麻辣燙麻麻辣辣 岀汗之選 次次都食到口腫鼻腫大陸重口味 是常識吧估唔到頌富街市翻新左之後 靚左咁多𥚃面仲有條食街入正題先第一次係香港食麻辣燙 同呀姨叫好餸 俾完錢之後 可以入去坐住先 等叫number 坐位都算好闊落叫左7個餸 + 個薯粉 埋單$60所有餸都係無技巧可言的 煮熟就食得麻辣燙 湯底是重點吧湯底不麻也不辣 無我係中國食既濃味我已經自己再加多少少辣 但都無辣到要流鼻水😂😂😂陳皮魚蛋 都係要係街邊檔 煮到入晒辣味 果啲先好食但食得岀 味精不重 因為無好口渴既感覺唔好當佢係麻辣燙 當佢係一碗較濃味既麵/餸 心𥚃會好過點

係天水圍附近完成工作，本來一班同事打算去食茶記，不過經過呢間麻辣燙，覺得幾平又想食辣，所以就入嚟試試，有菜有肉加埋飲品都唔使$40，真係幾平嘅，加上仲有專人送餐，幾好！至於味道就唔算差，如果食辣啲會重味啲。

樓下沒什麼好食，食得多譚仔M記，這間也是不錯的選擇。鋪位在街市內算擁有明亮舒服座位。首先先拿盤子夾想要的配菜包括麵類，通常$6-12。選擇算多，有不同菜類、如娃娃菜、芫荽等。另外有豬紅、豬腸、海帶、鵪鶉蛋、午餐肉、芋絲、魚腐、魚蛋、腸仔、豆卜等等，丸類多數是急凍的。特別的是有鴨血。另外則推薦豆腐串。面類方面有公仔麵、刀削麵、粉絲等。另外紅薯粉是要落單時講的才有喔。比錢拿了單後就等叫號，完成後可自己自由調料，有醋、麻油、辣油、蔥、蒜、 芫荽、花生、榨菜。湯底其實沒什麼特別，就只是可以在樓下隨便食的選擇而已。另外新出的撈麵就麻麻了，麵質很差而且冇味。不過這裏還有口水雞飯，吃過一次也是不錯的，都只是$39。

🤔諗左好耐晚餐食咩好睇到呢間決定去試下叫左一個酸辣粉🌶️ 一個冷麵🌶️一個麻辣燙🌶️我落單個陣好清楚咁同個哥哥仔講左堂食 佢可能聽唔到 都問左我一次係咪堂食 我答係但見到d食物用外賣兜裝住個陣我o曬嘴😲個姐姐仔話冇曬兜 我望左下餐廳入邊7張檯28個位得5個人用緊堂食碗❓❓❓🤬其實食酸辣粉 冷麵 咁細個兜我都唔知點樣撈勻🤬最後d油hi曬個外賣兜邊邊 🤬隻手時不時都會唔小心掂到👎🏻先講下個酸辣粉 個薯粉好似浸左好耐咁 唔係我誇張 唔洗用牙力就可以整斷d薯粉如果d牙唔係幾咬到野可以試下👎🏻個冷麵好過薯粉 但都一般般 同d小食店嘅冷麵差唔多 係多左小小麻辣👌🏼唯一覺得唔錯嘅係個麻辣燙 湯夠味同夠辣唔算特別食緊野個陣有好多蚊滋仔飛黎飛去🤧🤧應該都唔會有下次😴