八月茶室 (新港中心)

在尖沙咀購物後，到附近新港中心餐廳晚膳。茶室在商場內，大大個月球標誌特別顯眼，裝修雅緻，明亮整潔，座位寬敞。餐牌上有多款中西美食及川粵小菜可以選擇。很久沒有吃川菜了，於是便選了幾款川粵現炒小菜。「招牌酸菜魚」雖然只是點了「小」的份量，但大大鍋送上，足夠兩三個人食用。材料豐富，有魚片、鹹酸菜、萵筍、雞肶菇、芽菜、薯粉等。魚片鮮甜而不腥，入口軟滑；其他配菜則爽口，薯粉蔫靭滑溜，多重口感，衝擊味蕾。酸辣度適中，越食越想食，伴飯吃最佳。「芝麻黑糖醋骨」腩排切成粒狀，肉質爽口，由黑糖醋醬汁調味，酸酸甜甜，上面還灑上芝麻，添加香味，是開胃菜式。「蒜香蜜餞牛仔骨」牛仔骨大大件，肉質鮮嫩，鬆軟可口，加上蒜蓉的香和甜甜的醬汁，吃得好滋味。「黃金脆皮蝦球」鮮蝦沾上薄粉煎香，再跟鹹蛋黃及牛油煑成的醬汁兜匀，即叫即製，香味十足，外脆內軟，真是吃不停口。這餐廳地點方便，菜式選擇多，坐得舒適，下次再來嚐其他菜式。…查看更多

有時候會去尖沙嘴時，有時下午都會經過新港那邊，剛好朋友說有活動做，有折扣，那就看看，下午有時候比中午少人，中午是爆滿的，基本上沒有空位在，就算有就會被安排，如果不太想拼桌就不要中午的放飯時間去。水是自助，當然沒有加一的收費。點了炸雞髀咖哩飯飯，是即時炸，所以都等了一段時間，發現上面原來都有招財貓，那是什麼陣法？木架有貓，是陣眼嗎？OAO看完後過了一段時間就看到炸雞髀來了，咖哩汁算是濃稠一些，可是沒有香味，就一般。反而炸雞髀和煎蛋，和比較乾身的白飯很搭配的口感，脆，嫩，蛋液，白飯各種不同的口感在口腔中演奏，當然口感上的層次很豐富，只是調味和咖哩汁是失色的一點，當中的薯仔沒有炸好再煮就差一點，及飯不夠熱，整體算可以。店名：八月冰室。地址：新港中心附近。費用：中位。如想看更多食評，在個人主頁點擊選看，希望有金主課金支持，連優惠券也沒有QQ#漢淩萬墨 #漢淩萬墨美食 #漢淩萬墨探店 #漢淩萬墨出沒 #探店日常 #探店 #美食 #瓹窿瓹罅 …查看更多

同朋友一齊喺尖沙咀購物，因為趕時間，就緊系搵間好食嘅茶餐廳#八月茶室 ，同一般茶記裝修有大不同，十分之明亮，座位闊落舒適，仲有小炒與川菜的選擇多多，各式各樣都有。亦都無+1服務收費。招牌酸菜魚用一個圓形又大又深嘅碗裝住，用咗大量新鮮騰椒、紅椒、芝麻、香蔥等，湯底味道酸味濃郁，酸辣度平衡得很好！魚肉新鮮，肉質又嫩又滑，讓人回味無窮。非常開胃。蒜香蜜餞牛仔骨賣相靚仔，好有鑊氣！有好重蒜香味好惹味。牛肉有咬口。夠甜好啱伴飯食。四季豆一啲苦澀味都無，加上鹹鹹地肉碎，辣度適合香港大眾口味，味道一流。一杯凍水和一杯柚子蜜值得一讚店員有禮貌，地理位置Ok，可以再來一試。…查看更多

呢日收工想食酸菜魚, 就去咗之前聽同事介紹有間茶記localized咗酸菜魚, 唔係嗰啲一層厚厚嘅油/得個辣字嘅化學酸菜魚。坐低一睇menu, 發現佢都幾多小菜可以選擇，我哋就揀咗幾個餸， 加個飯同例湯set。例湯上先，我哋淨係叫咗一份飯，但都上咗兩碗例湯俾我哋，一碗係西式蕃茄湯，一碗係中式花生豬骨湯，蕃茄湯有點兒太濃，感覺淡返少少都得，中式湯調味比較適中，幾好味。之後係個招牌酸菜魚，上到黎表面有好多茜同辣椒，但我哋整走咗之後，飲啖湯唔會太辣，而且佢入邊魚片嘅份量好多, 仲有好多其他配料，有寛粉、芽菜、萵荀同菇。寛粉索晒啲湯好正，食落比啲魚片仲辣d。黃金脆皮蝦球好香口，入口濃濃嘅蛋黃好足料，而且上到枱仲熱辣辣真係新鮮整，每年食一次嘅quota咁就用晒蒜香蜜餞牛仔骨有驚喜,本身都驚佢話蒜香可能會好熱氣, 但turns out 偏甜嗰邊多啲，而且牛仔骨好淋，輕鬆咬得開，仲有好多洋蔥，煮到好甜唔會辣，襯埋一齊食一流乾煸四季豆，我中文差 第一次喺menu見到呢個字, 問咗AI 話原來係一道受歡迎的家常菜，尤其在川菜中很常見。 乾煸四季豆的特色是將四季豆用乾煸的方式，逼出水分，使其外皮呈現乾酥的狀態，再搭配調味料和肉末等食材一同拌炒，達到鹹香、爽脆的口感。 食個飯都學到嘢🤣…查看更多

my friend and I went to a restaurant called "Moon " (八月茶室) located in Shop G18, G/F, Silvercord, 30 Canton Road, Tsim Sha Tsui尖沙咀廣東道30號新港中心地下G18號舖Sichuan perserved veggie fish酸菜魚HKD$198.the fish is so flaky and tender .moist and soft.he flavour is dynmaine.."stir fried shrimp with cashew and broccoli "西蘭花腰果蝦仁HKD$90.the cashew is crispy and crucnhy adding nutty flavour to the dish.the shrimp is jambo sized.the broccoli is green and fresh..Stir beef with spaghetti 乾炒牛肉意粉HKD$61.the seasoning is complex and rich in flavour.the spaghetti is al dente."Stir fry beef seasoned with cummin"孜然牛肉$88.full of wok hei.generous amount of beef.beef is soft and tender.nice seasoning .highly recommended ....…查看更多

喺尖沙咀新港中心入面嘅"八月茶室"係一間典型港式茶記,光猛企理,卡位夠闊，地點方便而且以快餐嚟講水準都算吾錯穩而且價錢貼地，系附近好多打工仔嘅食飯好去處!今日我哋叫咗三個主食加兩杯飲品:🧆芝麻黑糖醋骨$90- 好正嘅港式茶餐廳小炒，深琥珀色醬汁包裹排骨,大量白芝麻灑面，而且份量仲夠曬足!🐟招牌酸菜魚$198- 魚肉無骨厚切，真係啖啖肉,而且配菜勁足份量，有酸菜、芽菜、薯粉、少量花椒!雖然我哋只叫細份，但已經足夠三至四個人食!🍜鐵板照燒雞扒炒烏冬$64- 鐵板上枱嘅時候，食辣辣出曬煙，而且雞扒同烏冬都炒得好入味，六十幾蚊真係好抵食!🍍菠蘿冰$28- 大玻璃杯裝,懷舊感十足，仲有好多菠蘿喺底!🫘紅豆冰$30- 紅豆煮到起沙但粒粒分明,甜度剛 好唔會膩。…查看更多

今次同大家衝去尖沙咀呢間「八月茶室」，試吓佢哋啲街坊價足料川菜小菜！話明八月熱辣辣，梗係要叫返碗「招牌酸菜魚」消暑啦～🐟 一上枱就聞到酸辣香，魚片嫩滑冇骨，酸菜夠晒爽脆，湯底仲有薯粉索盡精華！最驚喜係個辣度啱啱好，唔會搶喉，飲多兩啖湯都冇問題👌🏻必試呢味「芝麻黑糖醋排骨」！🍖 ，外皮脆加焦糖味，入面啖啖肉juicy到爆！黑糖同陳醋balance得超正，甜酸交織仲有芝麻香，食到停吾到🤤 「椒鹽豬扒」🐷 豬扒好厚～椒鹽粉鹹香惹味，炸到金黃鬆化但一啲都唔油膩，咬落仲有肉汁漏出嚟💦 嫌熱氣？叫返杯「菠蘿冰」中和吓啦🍍！真係有粒粒新鮮菠蘿肉，甜度天然唔假，飲完成個人fresh晒～「豉椒鮮魷炒河」鑊氣十足🔥！鮮魷爽口彈牙，河粉乾身唔黐埋一嚿嚿，豆豉同辣椒爆到香噴噴，夠晒地道大排檔風味～最後梗係要整件「奶油豬」完美收尾！🍞 烘到脆卜卜嘅豬仔包淋滿煉奶同牛油，邪惡到呢～但真係忍唔住食晒成件呀😭…查看更多

第二次幫襯八月茶室，試咗佢哋嘅小菜同埋晚市套餐。 招牌酸菜魚魚肉好嫩滑，去晒骨，完全唔腥，我哋叫咗份細Portion既，但份量都好足。湯底好濃鬱，夠酸夠濃味，酸辣度調得啱啱好，唔會太嗆喉，但又夠開胃。 除咗魚片，仲有秀珍菇、雞髀菇、萵筍、薯粉同大豆芽，樣樣都吸晒湯汁精華，而且各有唔同口感 - 薯粉煙韌；萵筍清甜；大豆芽爽脆；菇菌吸汁。  川辣辣子雞丁雞肉炸得香脆爆汁，辣椒同花椒炒得夠香，辣度適中，鍾意食辣食香口嘢嘅朋友可以一試。  黃金脆皮蝦球 蝦球外皮酥脆，鹹蛋黃醬香濃，蝦球唔算好大隻，但係蝦肉彈牙。  另外叫咗個晚市套餐。當日係晚市A餐，揀咗其中一個蝦乾瑤柱雜菜粉絲煲，套餐已經配埋白飯、例湯同熱飲，比起齋嗌小菜，會更加抵食。 蝦乾瑤柱粉絲煲蝦乾同瑤柱提鮮，雜菜爽甜，當日有菜心白菜仔生菜西蘭花四種雜菜，個湯底味道唔錯，粉絲吸盡湯汁，味道清淡得嚟夠鮮味。  服務方面，上菜速度快，員工態度OK，當日我哋坐到卡位，座位都舒適，餐廳仲有唔少月球嘅佈置。 …查看更多

今日去左尖沙咀新港中心嘅八月茶室食Dinner，同海港城一街之隔，但價錢相對相宜，有小菜亦有晚市套餐，平平地嘅叫個炒粉麵飯幾十蚊都可以埋到單。招牌酸菜魚（小）魚片去骨，肉質鮮嫩，湯底金黃濃郁，酸菜爽脆，仲有萵筍、雞髀菇秀珍菇、大豆芽同薯粉，吸晒湯汁精華，酸辣度啱啱好，開胃又滿足。 蜜椒薯仔牛柳粒 當日食嘅牛柳粒似係牛扒切粒，所以唔算厚切。汁比較多，蜜椒醬汁甜甜地。薯仔炸香咗，係我鍾意嘅口味。 幹鍋椰菜花 本身以為呢個係乾炒椰菜花，但上枱其實都偏向濕炒，而且仲有好多肉片，肉片同菜嘅份量可以話係平均。椰菜花爽脆，微辣惹味。 川辣辣子雞丁比起坊間食開嘅辣子雞丁，呢度嘅雞肉切得比較大件，但係就係因為咁，所以食落更加有肉汁，不過變相就冇咁吸到辣椒同花椒嘅麻香辣味，辣度適中帶麻香，而且仲有啲腰果。環境方面，茶餐廳裝修簡潔，座位舒適，地點就腳，近廣東道名店街，行街行到攰嚟食個晚飯啱晒。價錢喺尖沙咀算係經濟實惠之選。 …查看更多

尖沙咀嘅新港中心係我哋細個嘅蒲點，最鍾意去機舖鬥場賽車、打喪屍、玩籃球機，大個就最鍾意去新港中心搵食！新港中心嘅餐廳選擇好多，名字看似溫文爾雅嘅八月茶室，原來暗藏川辣嘅方程式！八月茶室嘅食物選擇非常多，而招牌嘅酸菜魚真係非常高質，一試難忘。招牌酸菜魚酸菜魚係八月茶室嘅招牌，又點可以唔叫呢！魚肉嘅肉質鮮嫩軟綿，魚肉鮮香肉甜；同為主角嘅酸菜，酸酸哋，醒胃又開胃。但講到酸菜魚嘅MVP，就一定係寬粉，Q彈嘅口感，加上寬粉吸收晒酸菜魚湯嘅精華，超入味呀！川辣辣子雞丁辣子雞丁係川菜嘅名物之一，麻同辣各司其職，而用辣椒炒過嘅雞件除咗色澤亮麗，非常惹味，而雞件切得大小適中，外層炸得乾身而唔會油淋淋，鎖住肉汁之餘內層雞肉肉質嫩滑。魚香茄子飯魚香茄子飯係我哋嘅comfort food！八月茶室嘅魚香茄子微辣，而炒到淋身嘅茄子吸收咗魚香，鹹鮮味道從後勁出現，請問可唔可以添飯呀！…查看更多

中午13:15，原本想叫鮑魚火腿撈出前一丁，問下餐廳職員撈汁係乜汁，佢哋居然話係冇汁，撈丁係冇汁，敷衍答覆，今日清明節，外面餐廳爆到七彩，唯獨呢間得10%入座率，餐廳職員可以優閒到互相講粗口調笑，真另人大開眼界!…查看更多

雖然我係兩點鐘嚟幫襯食下午茶餐，不過佢個蛋治都三十幾蚊㗎，連一杯熱飲，兩點幾嘅時間呢間茶餐廳都有幾多客人，不過又唔係Full曬，我都明白一塊麵包都係成本嚟嘅，不過話曬都裂開咗woo，廚房覺得冇問題，照出餐，樓面又覺得冇問題，照捧餐，搞到作為食客嘅我覺得有問題，搞到好似我好挑剔咁樣。我當然冇投訴啦，費事加料。我仲有叫其他嘢㗎，其實佢個熱狗都幾靚仔，仲有兩杯餐飲品，因為我哋要熱飲所以唔使加錢，夾埋我哋兩個人都食咗73蚊㗎。…查看更多

地點相當方便，近廣東道名店街， 一入商場大門就見到，旺中帶靜， 店內裝修環境舒適，餐牌嘅選擇亦多。我就叫咗個下午茶餐，葡汁雞扒焗飯加杯熱齋啡， 好快就上枱，熱辣辣食物份量充足，個樣好似幾靚，食嘅時候就覺得葡汁同芝士好濃味，相當惹味，加埋杯不錯咖啡，60蚊就埋到單，尖沙咀咁嘅價錢有咁嘅質素，我諗下次經過都會再嚟幫襯。…查看更多

星期六下午茶時間食我至愛咖哩焗飯，應該又平又愛。。。。。。。經過新港中心八月茶室，又未試食就去試試。仲點左杯BB鸳鸯。好立克加阿華田都幾有創意好飲。點知嚟左個咖哩焗飯，一食已經唔對路啦只有放棄。唔會再嚟。黑名單。…查看更多

尖沙咀是購物和吃喝玩樂好地方, 國際美食一應俱全, 來到新港中心, 這間港式茶餐廳食物選擇很多, 除了中西套餐和炒粉麵飯, 還有酸菜魚、川菜和小炒。招牌酸菜魚 （小）大大盤好有份量, 魚片肉質嫰滑, 鮮香味美, 酸菜好爽脆, 湯底甜酸度適中, 萵筍鮮甜清爽, 還有大豆芽菜和菇菌, 加上彈牙冬粉, 令這道酸菜魚口感更加豐富多樣。乾煽四季豆 炒得好有鑊氣, 四季豆翠綠鮮甜, 醬汁惹味甜香, 鹹度適中, 加上幼滑肉粒, 吃起來份外滋味。翠玉瓜雲耳炒鮮魷 賣相和口感都好清新, 翠玉瓜清甜爽脆, 鮮魷幼滑有嚼勁, 醬汁不會太濃郁。梅菜馬蹄蒸肉餅 即叫即蒸, 肉餅清香幼滑, 梅菜甜香又不會過鹹, 加上馬蹄粒肉餅更有口感。…查看更多